Neytendablaðið - jún. 2017, Blaðsíða 19
Sigrún Stefánsdóttir er flestum lands
mönnum að góðu kunn. Hún starfaði
um áratuga skeið hjá Ríkisútvarpinu
við fréttamennsku og dagskrárgerð,
og síðast sem dagskrárstjóri sjón
varps og útvarps. Sigrún lét af stöðu
sviðsforseta hug og félagsvísinda
sviðs Háskólans á Akureyri um síðustu
áramót en hún hef ur þó í nógu að
snú ast. Sigrún er for maður afmælis
nefndar Háskólans á Akureyri, sem
fagnar 30 ára afmæli í ár, auk þess sem
hún er nýútskrifuð sem leiðsögumaður.
Danir lítið fyrir bruðl
Þrátt fyrir annir gaf Sigrún sér tíma til
að svara nokkrum spurningum fyrir
Neyt endablaðið. Sigrún hefur búið víða
erlend is og því liggur beinast við að
spyrja hvort hún merki mun á erlend
um og íslenskum neytendum. Sigrún
svarar því játandi. „Ég finn mikinn mun,
ekki síst á Dönum og Íslendingum.
Danir eru mjög praktískir og passa mun
betur upp á peningana sína. Margt
af því sem okkur finnst sjálfsagt að
kaupa finnst Dönum algert bruðl. Ég
man líka eftir því þegar ég var fátækur
námsmaður í Noregi fyrir mörgum
árum hvað mér fannst merkilegt að sjá
fólk borga krónu ef það fékk að hringja
úr síma hjá vinum sín um. Svona hefur
einhvern veginn aldr ei tíðkast hér.“
Innkaupalistinn mikilvægur
Skyldi Sigrún vera hagsýn? „Ég reyni
að fara vel með peninga og fer ekki
út í neinar fjárfestingar ef ég á ekki
fyrir þeim. Ég hef aldrei fengið neitt
upp í hendurnar og vil ekki þurfa að
lenda í einhverjum „reddingum“ um
mánaðamót. Ég nota ekki yfirdrátt
og vil heldur eiga svo lítinn afgang á
reikningnum mínum í lok mánaðar.
Hvað varðar matarinnkaupin þá eru
þau einföld á okkar bæ. Ég fer sjaldan
í matvöruverslun og kaupi þá inn til
lengri tíma. Mér finnst líka mikilvægt
að vera með innkaupalista og vera búin
að fara yfir hvað okkur vantar. Besta
sparnaðarráðið mitt er að senda ekki
manninn einan og eftirlitslausan í mat
arinnkaupin.“
Horfir í gæðin
Sigrún lumar á fleiri góðum sparnaðar
ráðum. „Eitt besta ráðið hef ég frá
ritstjóra Neytendablaðsins sem sagði
einu sinni í útvarpi að það borgaði sig
ekki að fara á útsölu nema mann vant
aði eitthvað. Ég hef fylgt þessu ráði og
fer aldrei til þess að gera „góð kaup“ á
útsölu. Hins vegar fer ég oft á útsölur
í þeim verslunum sem ég veit að eru
með vandaðar vörur og kaupi þá með
vitað það sem mig vantar. Ég kaupi
fáar flíkur og vandaðar og fer vel með
fötin mín.“ Sigrún segir að þetta hugar
far gildi ekki bara um föt. „Húsgögnin
mín eiga líka langan lífaldur. Sófinn í
stofunni okk ar er keyptur í Noregi árið
1974 og mér finnst hann alltaf jafn
flottur og borðstofu borðið og stólarnir
eru frá árinu 1978. En auðvitað getur
það líka verið veikleiki að vilja kaupa
vandaða vöru. Ég keypti ný lega bleik
an Smeg ísskáp sem kost aði tvisvar
sinnum meira en venju legur ísskápur
og kælir ekkert betur. Ég veit að þetta
eru ekki skynsamleg kaup en ég klappa
skápnum alltaf með bros á vör áður en
ég opna hann. Mér finnst það æðislegt
þegar stelpurnar í fjöl skyld unni taka
selfie af sér við ísskáp inn. Sú elsta er
búin að biðja ömmu sína um að fá að
erfa þann bleika.“
Gangan besta líkamsræktin
Sigrún sést gjarnan arka um Akureyri
og má þá einu gilda hvernig veðrið er.
Það er þó ákveðin ástæða fyrir þessum
lífsstíl. „Fyrir rúmlega 20 árum starfaði
ég sem rektor Norræna blaðamanna
háskólans í Árósum. Ég var farin að
finna til í bakinu og fór fram á að fá
upp hækkanlegt skrifborð. Eftir það má
segja að ég hafi varla sest. Ég stend í
vinnunni, ég tek fundi gjarnan stand
andi og flestar mínar ferðir innanbæjar
fer ég fótgangandi. Ég á reyndar bíl en
ég nota hann sparlega,“ segir Sigrún og
bætir við að gangan hafi ekki síður góð
áhrif á andlega líðan. „Ég kemst í sam
band við fólk og náttúruna með því að
ganga og ég fæ tíma með sjálfri mér til
þess að hugsa.“
VIÐTAL VIÐ SIGRÚNU STEFÁNSDÓTTUR
Gerir innkaupalista
og horfir í gæðin
NEYTENDABLAÐIÐ // JÚNÍ 2017 19