Neytendablaðið - jun 2017, Qupperneq 3

NEYTENDABLAÐIÐ // JÚNÍ 2017
Það hefur vart farið fram hjá félagsmönnum Neytendasam­
takanna að nokkur styr hefur staðið um starfsemina undan­
farnar vikur. Upp kom ágreiningur milli meirihluta stjórnar og
formanns Neytendasamtakanna vegna ýmissa mála og á
stjórn arfundi þann 6. maí sl. lýsti stjórn yfir vantrausti á formann.
Samkvæmt lögum Neytendasamtakanna er formaður kosinn
á þingi samtakanna sem haldið er annað hvert ár. Ólafur Arn­
arson var kjörinn formaður á þingi Neytendasamtakanna í
október á síðasta ári og þá var einnig kjörin 12 manna stjórn.
Bæði formaður og stjórn sækja því umboð sitt til þingsins.
Á síðasta ári var umtalsvert tap af rekstri Neytendasamtak­
anna. Meginskýringin eru einskiptis gjaldaliðir, en ekki reglu­
bund in útgjöld. Ekki má muna miklu því svigrúmið er lítið sem
ekkert. Útlit er fyrir rekstrartap á yfirstandandi ári, en það mun
verða mun minna en á horfðist og af viðráðanlegri stærð. Í
upphafi næsta árs ætti jafnvægi að nást.
Það er gagnkvæmur vilji hjá stjórn og formanni að ná sáttum
og er unnið að því. Bæði formaður og stjórnarmenn leggja
áherslu á að hagur samtakanna og neytenda verði að vera í
fyrirrúmi. Nánari fréttir af stöðu mála verða settar á heima­
síðu samtakanna ns.is.
Neytendasamtökin hafa tekið þátt í lýðræðishátíðinni Fund­
ur fólksins undanfarin tvö ár og á því verður engin breyting í
ár. Að þessu sinni fer hátíðin fram í menningarhúsinu Hofi á
Akureyri en það verður það í fyrsta sinn sem Fundur fólksins
er haldinn utan höfuðborgarsvæðisins.
Markmið hátíðarinnar er að efla rödd almennings, koma skoð­
unum á framfæri og ræða málefni samfélagsins. Félaga sam­
tök um allt land taka þátt í dagskránni sem samanstendur
af óformlegum og formlegum fundum, uppákomum, tónlist,
gleði og glaumi.
Starfsmenn Neytendasamtakanna hlakka til að taka þátt og
hitta áhugasama neytendur, að ekki sé talað um félagsmenn,
og eiga við þá gott spjall.
Unnið að lausn
ECC stöðvarnar eiga í mjög góðu samstarfi sín á milli og hitt­
ast reglulega. Saman mynda stöðvarnar það sem kallað er
ECC­Netið sem starfrækt er í 30 löndum, eða í öllum löndum
innan Evrópusambandsins, auk Íslands og Noregs. Á hverju
ári hittast norrænu ECC stöðvarnar og í ár var fundurinn hald­
inn hér á Íslandi. Á myndinni má sjá fulltrúa frá ECC stöðv­
unum í Danmörku, Finnlandi, Íslandi, Noregi og Svíþjóð.
Evrópska
neytenda aðstoðin
fundar á Íslandi
Akureyri 8. og 9. september 2017, taktu dagana frá!
3