Neytendablaðið - jun 2017, Page 15

NEYTENDABLAÐIÐ // JÚNÍ 2017
Karen Kjartansdóttir starfar hjá Aton sem ráðgjafi í
almannatengslum.
Geturðu nefnt góð kaup sem þú hefur nýlega gert?
Ég keypti gönguskíði í Everest í byrjun árs án þess að kunna
á skíði. Straujaði kortið, dauðhrædd um að þau myndu daga
uppi inni í bílskúr sem vandræðaleg áminning um hvað hægt
er að gera vond kaup þegar væntingar til manns sjálfs fara á
flug. Skemmst er frá því að segja að þessi skíði færðu mér
einhverjar skemmtilegustu stundir sem ég hef átt í útivist.

Hvenær keyptirðu síðast köttinn í sekknum?
Líkast til hafa verstu kaup mín oftast verið einhverjar
áskriftir á internetinu sem endurnýja sig sjálfar fram í hið
óendanlega ef maður gætir ekki að sér, já, og líka alls kyns
tímaritaáskriftir. Ég tek samt fram að mér þykir afar vænt
um fjölmiðla og vil helst vera áskrifandi að öllu sem í boði er
til að reyna styðja við sjálfstæða fjölmiðlun.
Hvar fékkst þú síðast frábæra þjónustu?
Ég fór á KFC í Hafnarfirði í vetur. Við skulum hafa það á
hreinu að það var til þess að gleðja manninn minn og átti ég
takmarkaðan þátt í ákvörðuninni. Ansi margir virtust hafa
fengið sömu hugmynd þetta kvöld. Þar sem ég stóð í röðinni
hálffúl og lúin komst ég í gott skap því þótt röðin væri löng
var afgreiðslufólkið svo einstaklega kurteist og vel skipulagt
að mér þótti aðdáunarvert á að hofa. Þá vil ég nefna að í
Eve rest hef ég fengið frábæra þjónustu og móttökur þann­
ig að ég lít svo á að það hafi verið vel þess virði að kaupa
göngu skíðabúnaðinn hér á landi en ekki á netinu. Annars
virðist ég vera fremur hamingjusamur neytandi og auðvelt
að gera mér til geðs.
Hvar liggja veikleikar þínir sem neytandi?
Mér finnst svo gaman að kaupa bækur en les þær alltof
sjald an. Horfi svo í bókahilluna sakbitin yfir allri þessari
þekk ingu sem ég er ekki að drekka í mig.
Hvar liggur sérfræðiþekking þín sem neytanda?
Í fasteignum, ég hef skannað fasteignavefina í áratugi og
þykist afar klár þegar kemur að því að veita góð ráð um
góðar fjárfestingar sem eru líklegar til að ávaxta sig á næstu
árum. Þessi meinta þekking nýtist þó mun meira í orði en á
borði enda er fólk ekki að kaupa fasteignir alla daga.
Húsvíkingurinn Kristján Þór Magnússon er sveitar­
stjóri í Norðurþingi.
Hvenær keyptirðu síðast köttinn í sekknum?
Það er alltof stutt síðan. Ég fór í sjoppu í gær og keypti tvær
pylsur í gegnum lúgu, og keyrði í burtu hratt og örugglega
eftir að hafa fengið þær afhentar, enda í tímaþröng. Kemur
í ljós við fyrsta bita að starfsmenn sjoppunnar höfðu því
miður smellt þeim beint úr ísskápnum í brauðið, án viðkomu
í heitum potti, eins og venjan er. Skandall.
Hvar fékkstu síðast frábæra þjónustu?
Um síðustu helgi á Fosshótel Húsavík. Góður matur og ein­
staklega lipur þjónusta við okkur gestina. Vel gert!
Áttu gott neytendaráð sem þú vilt deila
Við hjónin höfum í gegnum tíðina af og til notað peninga­
seðla í stað korta við matarinnkaup mánaðarins og sett
okkur markmið um hversu miklu við erum tilbúin til að verja
af fjármunum til innkaupanna. Það hefur reynst okkur mun
auðveldara að ná þeim markmiðum ef við höldum fysískt á
peningunum samanborið við kortanotkunina. Svo er nátt­
úru lega alveg vonlaust að fara svangur í matvörubúð. Það
kostar 30% óþarfa.
Hvað lætur þú fara í taugarnar á þér sem neyt-
andi?
Okur fer óskaplega mikið í taugarnar á mér. Það er vegna
þess að manni finnst svo auðvelt að sjá það og bregðast við
því í grunninn með því að beina viðskiptum sínum eitthvert
annað, verði maður fyrir barðinu á slíku. Það er aðeins eitt
sem fer meira í taugarnar á mér en okrið og það er ef það
kemur frá aðila í ráðandi stöðu á markaði. Það gerir mann
auðvitað illan.
Hvar liggja veikleikar þínir sem neytanda?
Þeir liggja kannski aðallega í því að verja ekki aðeins meiri
tíma í að velta fyrir mér gæðum og/eða vöruinnihaldi þess
varnings sem maður kaupir. Það er mjög auðvelt að festast í
viðjum vanans við innkaupin og erfitt er að brjótast út úr ein­
hverju munstri sem maður kemur sér og sínum í. Ég held að
ef maður veitti því sem keypt er til heimilisins meiri athygli
yrði nokkrum af núverandi vörutegundum í innkaupakörf­
unni kastað út en aðrar betri fylltu skarðið. Það er markmið
til framtíðar að rýna betur í það sem maður er að kaupa,
borða eða nota dags daglega.
15