Neytendablaðið - jún. 2017, Blaðsíða 2
Neytendur fagna
aukinni samkeppni
EFNI
NEYTENDABLAÐIÐ
2. tbl. 63.árg. júní 2017
Útgefandi: Neytendasamtökin,
Hverfisgötu 105, 101 Reykjavík
Sími: 545 1200
Veffang: www.ns.is
Netfang: ns@ns.is
Ritstjóri: Brynhildur Pétursdóttir
Ábyrgðamaður: Ólafur Arnarson
Ritnefnd: Ólafur Arnarson, Ívar Halldórsson
Umbrot og hönnun: Lýðveldið
Prentun: Ísafoldarprentsmiðja
Forsíðumynd: Istockphoto
Ljósmynd af BP: Bent Marinósson
Upplag: 8.250 eintök, blaðið er sent öllum félags
mönnum í Neytendasamtökunum.
Árgjald Neytendasamtakanna árið 2017 er 5.500
krónur og innifalið í því er m.a. Neytendablaðið,
4 tölublöð á ári.
Upplýsingar úr Neytendablaðinu er óheimilt að nota í
auglýsingum og við sölu nema skriflegt leyfi
Neytendasamtakanna liggi fyrir.
Lykilorð á heimasíðunni:
Notendanafn: félagi
Lykilorð: kaffi2017
Leiðari 2
Fréttir af NS 3
Íslenskt grænmeti 4
Mýkingarefni 5
Leigufélög 6
Ráðherra svarar 8
Goji ber 9
Ósanngjarnir flugskilmálar 10
Lýsi 12
Frá formanni 13
Spurt og svarað 14
Kaffivélar gæðakönnun 16
Ferðamál eru framtíðin 18
Neytendur á ferð og flugi 19
Viðtal við Sigrúnu Stefánsdóttur 20
Tilboð og afslættir 21
Vafasamar fullyrðingar 22
Dýravelferð 23
Það ekki lengur frétt að biðraðir myndist við opn
un nýrra verslana í eigu erlendra verslanakeðja.
Ég man ekki betur en færri hafi komist að en vildu
þegar Bauhaus var opnað á sínum tíma og gott ef
það varð ekki vöruskortur þegar Lindex var opn
að. Nú síðast hefur athyglin beinst að Costco en
aðsóknin hefur á köflum verið svo mikil að fólk
hef ur jafnvel þurft frá að hverfa. Sögur af framandi
vörumerkjum, hagstæðum kjörum og girnilegum
ávöxtum og grænmeti berast frá manni til manns
og það fer ekki hjá því að það örli á öfund hjá okkur sem búum fjarri
suðvesturhorninu að hafa ekki greiðan aðgang að herlegheitunum.
Það er ekki að undra að íslenskir neytendur fagni nýjum seljendum sem
hasla sér völl á okkar litla markaði. Vöruverð er í mörgum tilfellum allt of
hátt hér á landi og stundum hreinlega óskiljanlega hátt. Samkeppni er
eina leiðin til að halda niðri vöruverði, það hafa dæmin sýnt. Það er þó
kannski ekki sanngjarnt að bera verð hjá stórum alþjóðlegum verslana
keðjum eins og Costco og H&M saman við það verð sem umsvifalitlir
innlendir seljendur geta boðið. Stórar keðjur geta keypt, eða látið fram
leiða fyrir sig, mikið magn í einu og þar af leiðandi fengið betri kjör. Þá
fjármagna þær keðjur sem hér hafa numið land sig alveg örugglega ekki
á þeim háu vöxtum sem innlendum seljendum bjóðast.
Það er vissulega kominn tími til að íslenskum neytendum bjóðist bet
r a lægra verð en vonandi þarf það ekki að leiða til meiri neyslu. Oft og
tíðum óþarfrar neyslu. Sú umhverfisógn sem við stöndum frammi fyrir;
loftslagsbreytingar, skógareyðing, mengun, súrnun sjávar og ágang
ur í takmarkaðar náttúruauðlindir, er að mestu leyti til komin vegna
framleiðslu og flutnings á neysluvörum. Um það er ekki deilt. Til að
bregðast við vandanum verðum við að draga úr neyslu – draga úr sóun.
Það er því ánægjulegt af heyra að fólk sameinist um að gera hagstæð
magninnkaup í Costco. Lægra verð og minni sóun eiga að geta verið
samrýmanleg markmið.
Brynhildur Pétursdóttir
NEYTENDABLAÐIÐ // JÚNÍ 2017
LEIÐARINN
2