Eimreiðin - 01.05.1904, Qupperneq 51

131
nálega um alla hluti. Og sálu þína þar næst, sem mest er um
vert, mun ég prýða með mörgu ágætu skarti: með stillingu, rétt-
læti guðrækni, mildi, sanngirni, hyggindum, eljusemi, ást til hins
fagra og ástundun eftir hinu háleitasta, því alt þetta er sálarinnar
sannasta og hreinasta skart. Ekkert frá fornöldinni skal vera þér
ókunnugt, né heldur neitt af því, sem nú skeður, og meira að
segja, ásamt mér muntu einnig sjá hið ókomna fyrir, og yfirhöfuð
skaltu bráðum fyrir mína tilsögn fróðari um alla hluti, bæði guð-
lega og mannlega.
11. Og þú fátæki alþýðumanns sonur! sem nú ert á báðum
áttum, hvort þú eigir að taka fyrir þig svo ógöfuga íþrótt, þú
munt bráðum verða prísaður sæll og öfundaður af öllum, af því
þú ert heiðraður og lofaður og orðlagður fyrir þína ágætu atgjörfi,
svo þeir jafnvel, sem eru þér fremri að ætt og auðlegð, munu
horfa á þig með aðdáun, og af því þú ennfremur ert búinn við-
líka klæðum og þessum«, sagði hún og benti á búning sinn, sem
var skínandi fagur, — »og ert talinn maklegur stórembætta og
sæmdarsætis á mannfundum. Og ef þú fer utan þá muntu ekkí
heldur í öðrum löndum vera óþektur eða dvelja þar svo, að ekki
sé eftir þér tekið. Með slíkum einkennum mun ég merkja þig, að
hver maður, þegar hann sér þig, mun hnippa í þann, sem næstur
er, og segja: »Petta er hann«.
12. Og komi eitthvert vandamál fyrir vini þína eða alla borg-
ina, þá munu allir líta til þín, og þegar þú tekur til máls, mun
fólkið hlusta á þig með áfergju og dást að þér og prísa þig sælan
fyrir kraft orða þinna, en föður þinn fyrir það, að hann hefur átt
slíkan son. Svo er ennfremur sagt, að sumir enda verði úr mensk-
um mönnum ódauðlegar verur; þetta mun ég láta rætast á þér.
Því enda þó þú sjálfur skiljir við heiminn, þá skaltu samt aldrei
hætta að hafa samneyti við mentuðu mennina eða umgengni við
hina beztu. Þú sér Demosþenes1 og veizt, hvað faðir hans var,
og hvílíkan mann ég gerði úr honum; þú sér Eskínes; hann var
1 Demosþenes (384—322 f. Kr.), frægastur mælskumaður á Grikklandi og
ef til vill mestur allra mælskumanna fornaldarinnar; hann var hinn harðskeyttasti
mótstöðumaður Filipposar Makedoníu konungs; en Eskínes í 389—314 f. Kr.), mælsku-
maður, keppinautur og andstæðingur Demosþenesar, fylgdi Filipposi að málum.
Spekingurinn Sókrates fékst í æsku við myndasmíði, enda var hann sonur mynda-
smiðs, er Sófróniskos hét. fað er mælt að Sókrates hafi búið til mynd af hinum
þremur þokkagyðjum (hópmynd).
9'