Eimreiðin - 01.05.1904, Blaðsíða 40

120
hamingja óg gleði?« sagði hann. »Skilur þú ekki, að það var þess
vegna, að ég fór niður til mannanna barna og kendi þeim, að
þeir ættu að elska náungann eins og sjálfan sig? Pví meðan þeir
ekki gera það, er enginn sá griðastaður til, hvorki á himni né
jörðu, þar er sorgin og ólánið geti ekki elt þá uppi«.
þýtt hefur
BJÖRG þORLÁKSDÓTTIR BLÖNDAL.
þjóðarfrömuður.
Eftir síra FR. J. BERGMANN.
Eimreiðin flytur í þetta sinn mynd af einum hinum allra-merk-
asta manni þjóðar vorrar, þar sem hún hefur mynd Björns Jóns-
sonar, ritstjóra ísafoldar, meðferðis. Mun mörgum íslendingi vera
forvitni á að sjá, hvernig sá maður kemur fyrir sjónir, sem svo
atkvæðamikinn þátt hefur átt í siðmenningarbaráttu þjóðar vorrar
þenna síðasta mannsaldur nærri allan. Mönnum er því fremur for-
vitni á að sjá hann, sem það hefur verið á allra vitund, að heilsa
hans hefur um alllangan tíma undanfarinn verið biluð mjög, og
svo ramt að því kveðið, að hann varð síðastliðið sumar að hverfa
til Kaupmannahafnar og leita sér þar læknishjálpar. Var þar
hættulegur holdskurður á honum gjör, svo vinir hans allir hafa
verið milli ótta og vonar með, hver úrslit veikindi hans mundu
hafa. En öllum þeim, er nokkurn veginn rétt kunna að meta
sanna mannkosti og ágæta forustuhæfileika, hefur þótt sem þá
mundi skarð fyrir skildi, sem seint fyltist, ef hans misti nú við.
fví sjaldan eða aldrei hefur þjóð vorri eins riðið lífið á að fá að
njóta allra ágætismanna sinna og nú. Enda er nú mikil og góð von
um bata, eftir öllum fregnum, og líkur til að hann nái fullri heilsu
og kröftum, svo að hann eigi mörg starfsár fyrir hendi. Hann er
enn í Kaupmannahöfn, þegar þetta er ritað, að svo miklu leyti sem
kunnugt er, en búist við, að hann muni ferðafær áður langt líður1.
1 Sem betur fer hefur þessi spádómur ræzt og B. J. nú kominn heim til
íslands og genginn aftur að sínu þýðingarmikla starfi í þarfir hins íslenzka þjóðfé-
lags með vanalegum skörungsskap. Má óhætt telja það einhvern hinn gleðiríkasta
viðburð ársins 1904, að hann er nú aftur heimtur úr heljar greipum. RITSTJ.