Morgunblaðið - 16.06.1998, Qupperneq 20

20 ÞRIÐJUDAGUR 16. JÚNÍ 1998
MORGUNBLAÐIÐ
LANDIÐ
Morgunblaðið/Sigurður Sigmundsson
Snyrt fyrir þjóð-
hátíðardaginn
Hrunamannahreppi - Víða á
landinu er nú verið að snyrta til
og fegra enda þjóðhátíðardagur-
inn í nánd og mun unga kynslóð-
in ekki láta sitt eftir liggja í þeim
efnum.
Þessir unglingar á Flúðum
voru að setja niður blóm og
snyrta til við listaverkið Alda
aldanna eftir Einar Jónssonar
þegar smellt var af þeim mynd í
blíðviðrinu nýlega.
Stykkishólmi - Á síðustu árum
hefur St. Fransiskusspítali í
Stykkishólmi verið að sérhæfa
sig í meðferð bakvandamála sem
fleiri og fleiri Islendingar þjást
af. Það er sjúkrahúslæknirinn
Jósef Blöndal sem hefur sérhæft
sig í lækningu bakveikra. Undan-
farin ár hefur hann og sjúkrahús-
ið staðið fyrir námskeiðum um
bakveiki og meðferð fyrir lækna
og sjúkraþjálfara.
Nýlega var haldið í Stykkis-
hólmi þriggja daga námskeið um
greiningu og meðferð bakvanda-
mála. Námskeiðið er það sjöunda
sem St. Fransiskusspítali og Jósef
Blöndal sjúkrahúslæknir standa
fyrir. Námskeiðið sóttu 22 þátt-
takendur, læknar, sjúkraþjálfar-
ar og sjúkranuddarar. Þá hafa
Námskeið í
greiningu og
meðferð bak-
vandamála
vel á annað hundrað manns sótt
þessi námskeið. Þessa daga var
farið yfír hvernig á að greina
bakvandamál og einkum lögð
áhersla á sjúkrasögu og skoðun.
Þá voru lagðar línur um hvernig
á að meðhöndla bakverki og
kenndar nokkrar grundvallarað-
ferðir, einkum hnikaðferð og
McKenzie aðferð sem felst í því
að kenna sjúklingum að æfa og
hjálpa sér sjálfír.
Á námskeiðinu kenndu Jósef
Blöndal og Bretarnir Dr. Henry
A. Sanford og Nigel Hanchard.
Þeir eru sérfræðingar á þessu
sviði og mjög virtir í sínu heima-
landi. Þeir hafa verið tilbúnir að
koma hingað árlega til að kenna
á námskeiðunum í Stykkishólmi,
þrátt fyrir miklar annir í Bret-
landi.
Að sögn Jósefs Blöndal læknast
90% bakvandamála af sjálfu sér
hægt og bítandi. Á námskeiðinu
var kennt hvernig má stytta þenn-
an tíma og flýta fyrir náttúruleg-
um gangi. Þátttakendur komu
víða að og voru þeir ánægðir með
námskeiðið og töldu sig hafa lært
mikið þessa þrjá daga.
Morgunblaðið/Gunnlaugur Árnason
ÞÁTTTAKENDUR á námskeiði sem haldið var í Stykkishólmi um greiningu og meðferð bakvandamála.
Á myndinni eru einnig kennarar og framkvæmdastjóri St. Fransiskusspítalans í Stykkishólmi.
NÝSTÚDENTAR Menntaskólans að Laugarvatni ásamt Kristni Kristmundssyni skólameistara.
Menntaskólanum að
Laugarvatni slitið
MENNTASKÓLANUM að Laug-
arvatni var slitið í 45. sinn 30. maí
síðastliðinn og brautskráðir 35
stúdentar. Hæstu einkunn á stúd-
entsprófí hlaut Guðbjörg Helga
Hjartardóttir frá Stíflu í Vestur-
Landeyjum en hún útskrifaðist
með 8,86 í lokaeinkunn.
Guðni Olgeirsson, tuttugu ára
stúdent, talaði fyrir hönd afmælis-
stúdenta og afhenti sameiginlega
gjöf þeirra, 420 þúsund, sem verja
á til að ljúka við sögu skólans.
Fyrir hönd nýstúdenta talaði Guð-
jón Ármannson, stallari. Hann
þakkaði skólanum, kennurum
hans og öðru starfsfólki þjónustu
ogleiðsögn.
I ræðu Kristins Kristmundsson-
ar skólameistara kom m.a. fram
að í vetur hefur verið unnið að
sérstöku þróunarverkefni í skól-
anum. Verkefnið er kallað Dögun
af annarri öld og er m.a. unnið í
samstarfí við sveitarsljórnir í
uppsveitum Árnessýslu og með
styrk frá þeim, auk þess sem þró-
unarsjóður framhaldsskóla styrk-
ir verkefnið. Samstarfsverkefnið
við sveitirnar er nefnt Is-eldur og
er ætlað að kynna hið aðlaðandi
og sögufræga umhverfi þeirra.
Kynningin birtist á vefsíðu skól-
ans undir þessu heiti.
Athöfnin var mjög fjölmenn, en
um 400 manns voru á staðnum.
Kammerkór nemenda undir
stjórn Hilmars Arnar Agnarsson-
ar í Skálholti setti svip á athöfn-
ina, m.a. með frumflutningi lags
Karls Orvarssonar við Ijóð eftir
Karl Kristensen, föður eins ný-
stúdentanna, hvort tveggja til-
einkað skólanum. Kórinn flutti
einnig Lindina, lag eftir Hreiðar
Inga Þorsteinsson nýstúdent.
HALLGRÍMUR Guðmundsson,
formaður Reynis, tilnefndi Jón
Odd Halldórsson íþróttamann
ársins.
Viðurkenningar
á sjómannadegi
Hellissandi - Hátíðahöld sjómanna-
dagsins fóru fram með hefðbundnu
sniði þetta árið. Á laugardeginum 6.
júní hófust hátíðahöldin við Rifs-
höfn með kappróðri og koddaslag
að venju. Daginn eftir hófust hátíða-
höldin síðan með sjómannamessu í
Ingjaldshólskirkju þar sem kirkju-
kórinn söng en í honum er mikill
fjöldi sjómanna úr byggðinni. Sjó-
mennirnir Reynir Axelsson stýri-
maður og Hlynur Sigurbergsson
háseti lásu ritningarlestra. Sóknar-
presturinn prédikaði.
í sjómannagarðinum á Hell-
issandi var aldraður sjómaður síðan
heiðraður, en það er fastur liður í
hátíðahöldum dagsins. Það var Sig-
urður Kristjónsson skipstjóri sem
annaðist þann dagskrárlið og kynnti
sjómanninn og rakti sjóferðasögu
hans. Að þessu sinni var heiðraður
Almar Jónsson, brottfluttur Sand-
ari, en hann var einmitt áratugum
saman með Sigurði Kristjónssyni á
Skarðsvíkinni SH meðan hún var
eitt mesta aflaskip í landinu. Stóð
það því Sigurði nærri að gera grein
fyrir Almari.
Að lokinni heiðrun bað Sigurður
Kristjónsson alla þá sjómenn sem
heiðraðir hafa verið áður og við-
staddir voru hátíðahöldin að stíga á
svið ásamt mökum og var það fríður
hópur. Mátti þar sjá margar gamlar
kempur úr glímunni við Ægi. Að
lokum fór fram verðlaunaafhending
fyrir sigur í kappróðri og koddaslag.
Þá tilnefndi Hallgrímur Guðmunds-
son formaður Ungmennafélagsins
Reynis fyrir hönd stjómar félagsins
íþróttamann ársins og var það að
þessu sinni Jón Oddur Halldórsson
íþróttagarpur, sem þrátt fyrir fötlun
sína hefur náð ótrúlegum árangri á
ýmsum sviðum og stefnir hátt. Er
hann nú á förum á Evrópuleika í
sumar og stefnir enn hærra.
Morgunblaðið/ÓJS
ALMAR Jónsson heiðraður. Hjá honum standa sambýliskona hans og
Sigurður Kristjánsson skipstjóri.