Morgunblaðið - 27.01.1996, Blaðsíða 40
40 LAUGARDAGUR 27. JANÚAR 1996
MORGUNBLAÐIÐ
Ljóska
BREF
TIL BLAÐSINS
Kringlan 1103 Reylgavík • Sími 5691100 • Símbréf 569 1329
Lyfjatæknafélag
Islands 20 ára
Frá Krístínu Dagbjartsdóttur:
LYFJATÆKNAFÉLAG íslands
verður 20 ára 31. janúar nk. Af
því tilefni viljum við vekja athygli
á störfum og námi lyfjatækna með
því að segja aðeins frá því.
Lyfjatæknir er sérhæfður starfs-
kraftur og er helsti starfsvettvang-
urinn apótek, sjúkrahúsapótek, elli-
o g hjúkrunarheimili, lyfjafram-
leiðslufyrirtæki, og lyfjaheildsölur.
Apótek eru aðalstarfsvettvangur
lyfjatækna. Þar starfa auk apótek-
arans lyfjafræðingar, lyfjatæknar,
defektrísur og almennt afgreiðslu-
fólk. Lyfjatæknar vinna í samvinnu
við lyfjafræðinga.
Störf lyfjatækna í apótekum eru
fyrst og fremst fólgin í afgreiðslu
og meðferð lyfseðla, afgreiðslu og
leiðbeiningum um notkun lausa-
sölulyfja og vítamína, afgreiðslu á
hjúkrunarvörum og vörum til
umönnunar ungbarna, móttöku og
frágangi á lyfjum og vörum frá
heildsölum. Þessi þjónusta öll er
mjög sérhæfð og henni fylgir mikil
ábyrgð og er krafa um faglega
þekkingu þeirra sem hana annast
því sjálfsögð.
Störf lyfjatækna í sjúkrahúsapó-
tekum og hjúkrunarheimilum eru
nokkuð mismunandi eftir stærð
þeirra og starfsemi. Aðallega felast
þau í afgreiðslu lyfja samkvæmt
beiðnum eða pöntunum frá deildum;
í sumum tilvikum lyljaskömmtun
fyrir sjúklinga í þar til gerð lyfjabox,
pöntunum á lyfjum til apóteksins
(lyfjabúrsins) frá lyfjaheildsölum,
móttöku þeirra og frágangi.
Lyfjatæknar vinna einnig í sam-
vinnu við lyfjafræðinga að blöndun
næringarvökva til gjafar í æð.
Allmargir lyfjatæknar starfa í
lyfjaheildsölum við sölu og kynn-
ingu lyfja og hjúkrunargagna.
Lyfjatæknar starfa við fram-
leiðslu og pökkun lyfja hjá fram-
leiðslufyrirtækjum og við gæðaeft-
irlit.
Lyfjatæknanámið hefur verið
fært frá heilbrigðisráðuneyti til
menntamálaráðuneytis og er nú
undir yfirstjórn Ármúlaskóla. Sam-
kvæmt reglugerð um lyfjatækna-
nám er starfandi fagráð við lyfja-
tæknabraut þar sem bæði nemar
og Lyfjatæknafélag íslands eiga
fulltrúa.
Nám í lyfjatækni er sérhæft
framhaldsskólanám með skil-
greindu aðfaranámi. Aðfaranámið
er almennt nám sem hægt er að
taka við flesta fjölbrauta- og
menntaskóla og telst vera um 67
einingar eða 4 annir.
Sérnám lyfjatækna á lyfjatækna-
braut er tveggja ára nám auk
starfsnáms í apóteki. Kennslugrein-
ar eru m.a. afgreiðslutækni, almenn
lyfjafræði, eiturefnafræði, félags-
lyfjafræði, hjúkrunarvörur, lyf-
hrifafræði, lyfjahvarfafræði, lyfja-
gerð, lyfjalöggjöf, lyflýsingafræði,
næringarfræði, sjúkdómafræði,
sýklafræði (örverufræði).
Lyfjatæknar tilheyra þeim stétt-
arfélögum sem vinnustaðir þeirra
falla undir, þ.e. lyfjatæknar í apó-
tekum og lyfjaheildsölum tilheyra
verslunarmannafélögunum, á
sjúkrahúsum tilheyra þeir BSRB.
Starfsheiti lyljatækna er Iög-
verndað og rétt til að öðlast starfs-
leyfi hefur sá einn sem lokið hefur
prófi sem metið er gilt af heilbrigð-
isyfirvöldum, samkv. 15. gr. laga
nr. 76/1982 um lyfjadreifingu og
reglugerð nr. 199/1983 um starfs-
heiti og starfsréttindi lyfjatækna.
Lyfjatæknar eru heilbrigðisstétt
með faglega þekkingu og eru aðilar
að Samtökum heilbrigðisstétta.
Lyfjatæknar hafa með sér félag,
Lyfjatæknafélag íslands, sem
stofnað var 31. janúar 1976 og er
því 20 ára um þessar mundir. I til-
efni þess er afmælishátíð 31. janúar
nk. kl. 20.30 í Akoges salnum, Sig-
túni 3, Reykjavík.
Skrifstofa félagsins er á Suður-
landsbraut 6, II. hæð, sími
581 1360.
F.h. stjórnar Lyfjatæknafélags
íslands,
KRISTÍN DAGBJARTSDÓTTIR,
formaður Lyfjatæknafélags íslands.
Þjóðkirkja á villigötum
Frá Óðni Pálssyni:
SENDUM alla biskupa og presta til
páfa í Róm því að þeir hafa allir
framið embættisafglöp og kennt
kenningar páfadómsins, en svarið
að kenna boðskap Jesú einan.
Kenningar frá páfadómi
1. Spíritismi sem segir að menn
séu ódauðlegir og séu hjá Guði eftir
dauðann og verður því grundvöllur
að sjálfsvígum og glæpum og
mannaboðum.
2. Sunnudagshelgi.
3. Barnaskírn.
4. Ferming.
5. Altarisganga, sakramenti af-
bakað.
6. Falið dauðum að vernda þjóðir.
Samkvæmt þessu ættu allir bisk-
upar og prestar að vera á framfæri
páfa nema þeir gjöri iðrun og sátt-
mála við Guð að hætti postulanna.
Það munar um tvo milljarða, sem
þjóðkirkjan kostar, í heilbrigðiskerf-
ið.
Biblían boðar skýrt: Til einskis
dýrka þeir mig (Jesú), er þeir kenna
lærdóma, sem eru mannaboðorð.
(Mark. 7:7)
Svo þessir menn eru þjóðinni
stórskaðlegir eins og farísear og
saddúkear voru mestu skaðsemdar-
menn ísraels og kenndu mannaboð,
sem varð til þess að lsrael var eytt
árið 70 e.Kr. eins og Jesús hafði
sagt, eins eru þeir menn sem kenna
ekki sannleikann á hverjum tíma
mestu skaðsemdarmenn þjóðanna,
það ber saga þjóðanna vitni um. Þjóð-
kirkjan er á villigötum og epli Sódómu
eru sæt í munni þjóna hennar.
ÓÐINN PÁLSSON,
Stóru-Völlum, Holta- og Landsveit.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.
Jafntefli! Þrjár sekúndur til Hann snýr sér um hæl! Skýtur! Nokkurn veginn ... meira eða
leiksloka! minna...