Morgunblaðið - 27.01.1996, Blaðsíða 2
2 LAUGARDAGUR 27. JANÚAR 1996
MORGUNBLAÐIÐ
FRÉTTIR
RLR upplýsir 24
innbrot sjö manna
Átök um forystu í Starfsmannafélagi Reykjavíkurborgar
Sjöfn ekki stillt
upp sem formanni
UPPSTILLINGARNEFND í
Starfsmannafélagi Reykjavíkur-
borgar stillir upp Grétari Jóni
Magnússyni í stöðu formanns fé-
lagsins. Nefndin hafnaði Sjöfn
Ingólfsdóttur, sem verið hefur
formaður félagsins undanfarin
fimm ár.
Á fundi uppstillingamefndar í
fyrradag kom fram tillaga um
Grétar í stöðu formanns, en hann
er jafnframt formaður uppstill-
ingarnefndar. Atkvæðagreiðsla
innan nefndarinnar fór þannig að
hann hlaut fleiri atkvæði en Sjöfn.
Sjöfn sagðist engar skýringar
hafa á þessari ákvörðun uppstill-
ingarnefndar. Hún sagði óvíst hver
sín viðbrögð yrðu. Hún myndi
ræða við sitt fólk um helgina.
Grétar sagðist ekki vilja tjá sig
um hvort einhver óánægja innan
félagsins lægi að baki ákvörðun
uppstillingamefndar. Hann sagði
að stungið hefði verið upp á sér
og hann hefði ákveðið að taka
kosningu. Grétar er starfsmaður
Rafmagnsveitu Reykjavíkur.
Ef fram koma fleiri en einn listi
í félaginu fer fram kosning í febr-
úar. Ný stjórn á að taka við völd-
um í félaginu á aðalfundi sem
halda á eigi síðar en 10. mars.
í Starfsmannafélagi Reykjavík-
urborgar em um 3.000 félags-
menn.
RANNSÓKNARLÖGREGLA
ríkisins hefur upplýst 24 innbrot,
sem framin hafa verið á undan-
förnum mánuðum. Framkomnar
skaðabótakröfur vegna innbrot-
anna nema 3,6 milljónum króna.
Sjö ungir menn á aldrinum 17
til 21 árs vom handteknir og yfir-
heyrðir í byijun ársins, gmnaðir
um að hafa framið 24 innbrot
undanfama sex mánuði. Um er
að ræða 13 innbrot í bíla; 7 í íbúð-
arhús og 4 í fyrirtæki. Tjón vegna
innbrotanna er mismikið, allt frá
að nema 10 þúsund krónum upp
í 800 þúsund í einu innbroti. Fram-
komnar skaðabótakröfur nema 3,6
milljónum króna.
Samkvæmt upplýsingum RLR
var þýfið selt á innanlandsmarkaði
fýrir fíkniefni. Verðmæti fíkniefn-
anna er talið nema um 200 þúsund
krónum.
Sá afkastamesti í afplánun
Sá sem var afkastamestur í
hópnum, piltur á 21. aldursári, var
úrskurðaður í gæsluvarðhald um
miðjan janúar. Því hefur nú verið
aflétt vegna þess að hann átti dóm
fyrir eldra afbrot og er kominn i
afplánun.
Rannsókn málsins er á lokastigi
og verður það sent ríkissaksókn-
ara. Þar bíður piltanna ákæra og
dómur fyrir þessi mál.
Fyrrverandi framkvæmdastjóri
Hagvirkis-Kletts ákærður
Sakaður um van-
skil á 34 millj-
ónum kr. í skatta
RÍKISSAKSÓKNARI hefur gefið
út ákæru á hendur Jóhanni G.
Bergþórssyni, fyrrum fram-
kvæmdastjóra Hagvirkis-Kletts
hf., fyrir að hafa ekki staðið skil
til ríkissjóðs á um 34 milljónum
króna í virðisaukaskatt og stað-
greiðslu opinberra gjalda.
Jóhann er ákærður annars veg-
ar fyrir brot á lögum um virðis-
aukaskatt með því að hafa ekki
staðið skil á 22.552.538 króna
virðisaukaskatti á tímabilinu júní
til september 1994. Fjárhæðin er
byggð á virðisaukaskattsskýrslum
sem afhentar voru innheimtu-
manni ríkissjóðs án greiðslu.
Þá er honum gefíð að sök brot
á lögum um staðgreiðslu opinberra
gjalda með því að hafa ekki skilað
til ríkissjóðs 12.651.793 krónum,
sem dregnar höfðu verið af starfs-
mönnum í staðgreiðslu opinberra
gjalda á tímabilinu júní til ágúst
1994.
Málið var tekið fyrir í Héraðs-
dómi Reykjaness í gærmorgun og
var sakflytjendum veittur frestur
til gagnaöflunar og ákvörðun um
frekari meðferð málsins frestað.
Ákæran byggist á lögum um
virðisaukaskatt og um stað-
greiðslu opinberra gjalda. Lögin
voru endurskoðuð og viðurlög hert
á liðnu ári en málið er dæmt sam-
kvæmt þeim lögum sem í gildi
voru þegar meint brot voru framin.
Samkvæmt þeim má, auk sekta,
sem numið geta tífaldri þeirri upp-
hæð sem dregin er undan, beita
varðhaldi eða fangelsi í allt að 6
ár sé brot ítrekað eða sakir miklar.
Bridslið í boltaleik
VALINN hefur verið sjö manna landsliðshópur í
brids og eru æfingar hafnar fyrir Norðurlandamót
í júní og ólympíumót í október. Hópinn skipa Aðal-
steinn Jörgensen, Guðmundur Páll Arnarson, Jón
Baldursson, Matthías Þorvaldsson, Sævar Þor-
björnsson og Þorlákur Jónsson og Sverrir Ár-
mannsson er varamaður. Björn Eysteinsson er
fyrirliði og þjálfari en Ragnar Hermannsson að-
stoðarþjálfari. Hópurinn æfir nú í húsnæði Vegg-
sports við Gullinbrú. Björn þjálfari sagði að ágætt
væri að hefja æfingar sem næst Gullinbrú til að
fá rétta glampann í augun. Hann sagði erfitt að
segja um möguleika liðsins á mótunum. Það réðist
af andlegu og líkamiegu ástandi spilaranna.
Alþýðubandalagið vinnur að stefnumörkun í sjávarútvegsmálum
Flokksforustan ræðir
um veiðileyfaleigu
Eftirlýstur í
Vatnsberamáli
Handtek-
inn í Dan-
mörku
ÞÓRHALLUR Ölver Gunn-
laugsson, kenndur við Vatns-
berann, var í gærmorgun
handtekinn í Kaupmannahöfn.
Hann á óafplánaðan 2'h árs
fangelsisdóm hér á landi fýrir
stórfelld skattalaga- og fjár-
svikabrot en hann var dæmdur
í Hæstarétti í nóvember sl.
Þegar Þórhallur mætti ekki
til afplánunar nú í janúar ósk-
aði Fangelsismálastofnun eftir
því við lögregluna að hann
yrði handtekinn og færður til
afplánunar. Þegar ljóst var að
hann hefði farið af landi brott
var gefin út handtökuskipun
og Interpol gert viðvart. Eftir-
grennslan Interpol-skrifstof-
unnar á íslandi hjá RLR leiddi
til þess að hann var handtek-
inn í Kaupmannahöfn.
Hann var í gær úrskurðaður
í 10 daga gæsluvarðhald með-
an á framsalsmáli stendur.
Vinna við það hófst í dóms-
málaráðuneytinu í gær og
verður formleg beiðni um
framsal send utan á mánudag.
HUGMYNDIR um veiðileyfaleigu
innan kvótakerfisins voru ræddar á
fundi framkvæmdastjómar Alþýðu-
bandalagsins á fímmtudagskvöld í
tengslum við stefnumörkun flokks-
ins í sjávarútvegsmálum.
Þetta er ein þeirra leiða sem
Margrét Frímannsdóttir formaður
Alþýðubandalagsins, Svavar Gests-
son formaður þingflokksins og Jó-
hann Ársælsson formaður fram-
kvæmdastjómarinnar telja að komi
til greina.
Jóhann segir að í þessari hug-
mynd geti falist málamiðlun. Með
henni væri komið í veg fyrir að auð-
lind hafsins verði séreign útgerðar-
manna en jafnframt gefíst áfram
færi fyrir andstæðinga kvótakerfís-
ins að beijast fyrir öðru kerfí.
Þrjár Ieiðir 1
Alþýðubandalagið samþykkti á
landsfundi í haust að vinna að nýrri
stefnumörkun í sjávarútvegsmálum
og fól framkvæmdastjóm flokksins
Margréti, Svavari og Jóhanni að
meta hvaða aðferðir og hugmyndir
kæmu til greina svo hægt væri að
skilgreina þær og velja á milli.
A framkvæmdastjórnarfundinum
á fímmtudag lögðu þau fram þijár
mögulegar leiðir. Sú fyrsta var að
kvótakerfið verði óbreytt í aðal-
atriðum en ríkið leigi út aflaheimild-
ir á markaðsverði til útgerðar-
manna. Önnur að kvótakerfið verði
óbreytt en fijálst framsal aflaheim-
ilda afnumið og sú þriðja að breytt
verði yfir í sóknarkerfí.
„Hugmyndin um leigu á veiði-
heimildum er sú, að gert er ráð
fyrir að kvótakerfið verði áfram í
gildi sem stjórnkerfi en kvótaúthiut-
anir til skipa verði aflagðar og veiði-
heimildirnar leigðar út á fijálsum
markaði," sagði Jóhann Ársælsson.
Hann sagði að hægt væri að út-
færa þetta á ýmsan hátt. Til dæm-
is mætti hugsa sér að setja á stofn
sjávarútvegssjóð sem leigði út veiði-
heimildirnar. Sjóðurinn gæti gegnt
einskonar sveiflujöfnunarhlutverki
fyrir útgerðina og tekið jafnframt
yfir hlutverk annarra sjóða sem nú
væru til, svo sem Þróunarsjóðs sjáv-
arútvegsins.
„Það er svo önnur saga og
ákvörðun hvort tekið verði út úr
þessum sjóði eitthvað sem kalla
mætti auðlindaskatt. Menn mega
ekki rugla því saman hvort menn
ætla sér að taka upp auðlindaskatt
eða hvort menn ætla að breyta
stjórnkerfinu," sagði Jóhann.
Sáttaleið
Jóhann sagði að munurinn á
þessum hugmyndum og núgildandi
fiskveiðistjómunarkerfi væri í sín-
um huga aðeins sá að veiðiheimild-
irnar hefðu eigendaskipti fviðskipt-
um frá fyrstu hendi en ekki annarr-
ar eins og nú.
„Ég er löngu sannfærður um að
við eigum að stjórna fiskveiðum
með aðferðum sóknarstýringar en
ekki kvótakerfis. En ég tel að það
eigi að skoða þessa hugmynd alvar-
lega af þeirri ástæðu, að ég hef
áttað mig á að það er ekki líklegt
að við komumst út úr kvótakerfinu
á næstunni. Og hefðin í sambandi
við eignarrétt og ráðstöfun afla-
heiinilda er að verða okkur býsna
erfíður hjalli. Því gæti þetta verið
hugsanleg sáttaleið í málinu þar
sem við björgum annars vegar auð-
lindinni frá því að verða í raun sér-
eign útgerðarmanna og hins vegar
getum við haldið þeirri hagkvæmni
sem felst í viðskiptum með afla-
heimildir með því að leigja þær út.
Og á meðan þetta kerfi er í gildi,
þar sem menn kaupa og selja sam-
eiginlega auðlind okkar, er ekki
hægt að sætta sig við neitt annað
en að eigandinn taki þátt í viðskipt-
unum en sé ekki sá eini sem er þar
fyrir utan,“ sagði Jóhann.