Morgunblaðið - 27.01.1996, Blaðsíða 6

6 LAUGARDAGUR 27. JANÚAR 1996
MORGUNBLAÐIÐ
FRÉTTIR
514 þúsund í bætur vegna
meiðsla við handtöku
HÆSTIRÉTTUR hefur dæmt fyrr-
verandi lögreglumann og íslenska
ríkið sameiginlega til að greiða
manni 514 þúsund krónur í skaða-
og miskabætur vegna áverka sem
hann hlaut við handtöku. Lögreglu-
maðurinn sem í hlut á hefur áður
verið dæmdur í þriggja mánaða
skilorðsbundið varðhald og verið
sviptur starfi vegna málsins.
Maðurinn var handtekinn að
næturlagi milli jóla og nýárs 1990
eftir að hafa ekki sinnt fyrirmælum
lögreglumanna sem kvaddir höfðu
verið að húsi við Bergþórugötu þar
sem samkvæmi stóð yfir.
Sannað þótti að lögreglumaður-
inn sem dæmdur er í málinu hefði
tekið manninn tökum og drégið
hann rænulausan eða rænulítinn í
Fjarlægja á 125 hús
af Keflavíkurflugvelli
Verðmætið
áætlað um
380 millj.
Á NÆSTU árum á að fjarlægja
125 einingahús sem staðsett eru á
Keflavíkurflugvelli og hefur Runólf-
ur Guðjónsson í Vogum á Vatns-
leysuströnd falast eftir sex húsanna
sem auglýst voru til sölu i sumar í
því skyni að flytja þau til Voga á
næstunni. Runólfur segir að mikið
verðmæti sé fólgið í húsunum 125
og timbrið í þeim séu sennilega um
380 milljóna króna virði.
Bygginganefnd Vatnsleysu-
strandahrepps tók umsókn um upp-
setningu húsanna fyrir nýverið og
hafnaði erindinu. Síðan hefur Run-
ólfur látið gera teikningar af húsun-
um samkvæmt íslenskum staðli og
að hans sögn hefur Þórður Guð-
mundsson, formaður bygginga-
nefndarinnar, ákveðið að taka mál-
ið fyrir á nýjan leik á fundi bygg-
inganefndar n.k. þriðjudag.
Húsin sem um ræðir eru um 250
fermetrar að stærð á tveimur hæð-
um og í hverju þeirra eru tvær íbúð-
ir. Þau eru klædd að utan með asb-
est en Runólfur segir að verði af
flutningi húsanna til Voga verði
klæðningin tekin af þeim.
átt að lögreglubíl en sleppt svo tak-
inu þannig að andlit mannsins skall
í götuna. Við þetta brotnuðu 7 tenn-
ur í manninum, auk þess sem hann
hlaut ýmiss konar bólgur, mar og
skrámur í andliti. í sakamáli sem
höfðað var gegn lögreglumanninum
þótti sannað að aðgerðir hans hefðu
verið miklu harkalegri en tilefni var
til og hann var því dæmdur til fyrr-
greindrar refsingar.
Harðneskjulegar
aðgerðir
í sérstöku bótamáli sem höfðað
var vegna þeirra áverka sem mað-
urinn hlaut og þess tjóns og miska
sem hann hefði orðið fyrir af þeim
sökum var lögreglumaðurinn jafn-
framt dæmdur til að greiða honum
bætur í héraðsdómi en þar var rík-
ið sýknað af kröfum.
í dómi Hæstaréttar í gær er vi's-
að til fyrri niðurstöðu um að aðgerð-
ir lögreglumannsins hafi verið
miklu harðneskjulegri en aðstæður
gáfu tilefni til. Hins vegar sé óum-
deilt að hann hafi þá tekið þátt í
lögregluaðgerðum og hafi verið að
vinna starf sitt. Þó hann hafi farið
út fyrir starfsskyldur sínar með
harkalegum og óvenjulegum hætti,
þyki atferli hans vera í nægilegum
tengslum við löggæslustarf til þess
að felld verði bótaskylda á ríkið
eftir reglunni um vinnuveitanda-
ábyrgð.
Því voru ríkið og lögreglumaður-
inn fyrrverandi sameiginlega dæmd
til að standa skil á 514 þúsund
króna bótum til mannsins og ber
sú íjárhæð vexti frá í febrúar 1992.
Við málflútning fyrir Hæstarétti
hafði lögmaður lögreglumannsins
vísað til þess að vitnisburður tann-
læknis fyrir héraðsdómi bendi til
þess að áverkar á tönnum mannsins
hafi ekki orðið af völdum lögreglu-
mannsins heldur vegna óvarlegrar
meðferðar annarra lögreglumanna
síðar um nóttina.
Hæstiréttur segir þessi gögn
hafa legið fyrir í refsimálinu og því
verði ekki fallist á mótbárurnar nú.
Leggja beri til grundvallar að þau
meiðsli sem um var fjallað í refsi-
málinu verði að öllu leyti rakin til
háttsemi lögreglumannsins og beri
hann því ábyrgð á tjóni mannsins.
Ráðherrar
á fundi um
fíkniefna-
vandann
FÍKNIEFNAVANDINN verður til
umræðu á opnum fundi sem hald-
inn er í tengslum við kjördæmis-
þing reykvískra sjálfstæðismanna
í dag. Fundurinn verður í Súlnasal
Hótel Sögu.
Yfirskrift fundarins er Fíkni-
efnavandinn - hvað er til ráða.
Hann hefst kl. 15, að Ioknum aðal-
fundi fulltrúaráðs sjálfstæðisfélag-
anna, og er öllum opinn.
Framsögumenn eru Þorsteinn
Pálsson dómsmálaráðherra, sem
íjallar um fíkniefnavandann og
réttarfarið, Björn Bjarnason
menntamálaráðherra fjallar um
forvarnir í skólakerfmu, Gunnar
Jóhann Birgisson borgarfulltrúi
fjallar um hvernig löggjafinn og
stjórnvöld geti brugðist við, Árni
Einarsson, framkvæmdastjóri
Fræðslumiðstöðvar í fíkniefnavörn-
um, fjallar um hvað heimili, skóli
og almenningur geti gert, Björn
Halldórsson, lögreglufulltrúi, ræðir
umfang fíkniefnavandans og lög-
gæslu og Einar Gylfi Jónsson, sál-
fræðingur íjallar um neyslu ungl-
inga, áhættu- _og áhrifaþætti.
Þá greina Ólöf Helga Þór, for-
stöðumaður RKÍ-hússins Sigrún
Hv. Magnúsdóttir, forstöðumaður
Tinda og ónafngreindur aðstand-
andi fórnarlambs fíkniefna um
kynni sín af vandanum.
Að loknum framsöguræðum
verða pallborðsumræður undir
stjórn Ingu Jónu Þórðardóttur
borgarfulltrúa. Árni Sigfússon
borgarfulltrúi er þingforseti.
Aðalfundur fulltrúaráðs sjálf-
stæðisfélaganna er í dag, fyrir opna
fundinn og hefst kl. 13.30.
---------------
Jón Baldvin og
Svanfríður ræða
framtíðina
FRAMTÍÐ jafnaðarstefnunnar
vefður til umræðu á fundi í húsi
Alþýðuflokksins í Keflavík, Hafnar-
götu 31, 3. hæð, í dag, laugardag-
inn 27. janúar, kl. 16.
Framsögumenn verða Svanfríður
Jónasdótti varaformaður Þjóðvaka
og Jón Baldvin Hannibalsson, for-
maður Alþýðuflokksins. Það eru
ungir jafnaðarmenn sem standa
fyrir fundinum.
Morgunblaðið/Jón Svavarsson
Sýning á bestu blaðaljósmyndunum
SÝNING á bestu ljósmyndum lið-
ins árs verður opnuð í Gerð-
arsafni í Kópavogi í dag, laugar-
dag, en Blaðamannafélag íslands
og Blaðaljósmyndarafélag ís-
lands standa I sameiningu að
sýningunni, sem nú er haldin í
sjötta sinn. Alls eiga 16 blaða-
og fréttaljósmyndarar myndir á
sýningunni, sem eru samtals 120
talsins, en í gær unnu ljósmynd-
arar af kappi við að setja upp
sýninguna, þar á meðal Júlíus
Siguijónsson, Kristinn Ingvars-
son, Arni Sæberg, Þorkell Þor-
kelsson og Ásdís Ásgeirsdóttir,
ljósmyndarar á Morgunblaðinu.
Sýningin verður opnuð almenn-
ingi klukkan 15 í dag og verður
síðan opin alla daga nema mánu-
daga fram til 11. febrúar.
Fjárhagsáætlun Seltjarnarness gerir ráð fyrir 82,5 milljónum króna til eignabreytinga
Aætlaðar tekjur
501 milljón króna
BÆJARSTJÓRN Seltjarnarness
hefur samþykkt fjárhagsáætlun
fyrir árið 1996. Tekjureru áætlaðar
501 milljón króna, áætluð gjöld eru
rúmar 418,4 milljónir króna og til
eignabreytinga er áætlað að veija
82,5 milljónum. Samkvæmt áætlun-
inni er gert ráð fyrir að útsvar verði
8,4%.
Tillaga um frestun
Fjárhagsáætlunin var samþykkt
með fjórum atkvæðum meirihlutans
en minnihlutinn sat hjá. Í upphafi
fundar lögðu fulltrúar Bæjarmála-
félagsins fram tillögu um að síðari
umræðu yrði frestað til næsta fund-
ar en tillagan var felld. í greinar-
gerð með tillögunni segir að bæjar-
fulltrúum hafí verið send ófullnægj-
andi gögn og að fjárhags- og launa-
nefnd hafí ekki fengið tíma til að
ræða við forstöðumenn stofnana og
formenn nefnda.
Ellf- og örorkulífeyris-
þegar fá afslátt
í frétt frá bæjarstjórn kemur
fram að forsendur fjárhagsáætlun-
ar séu 8,4% útsvar, 0,375% fast-
eignagjald af fasteignamati og
1,12% fasteignagjald af atvinnu-
húsnæði og óbyggðu landi. Vatns-
skattur er 0,15% af fasteignamati,
urðunargjald fyrir sorp er 4.000
krónur á hveija íbúð og sorphreins-
unargjald er 2.800 krónur. Elli- og
örorkulífeyrisþegar fá afslátt af
fasteignagjöldum íbúðarhúsnæðis
til eigin nota.
Sameiginlegar tekjur skiptast
þannig að útsvar er 415 millj. eða
82,83% og fasteignaskattur 66,5
millj. eða 13,27%. Aðrar tekjur eru
500 þús. eða 0,10%, arður af hita-
veitu 12 millj. eða 2,40% og arður
af vatnsveitu er 7 millj. eða 1,40%.
Mest til fræðslumála
í rekstraryfírliti kemur fram að
til fræðslumála verði varið rúmum
133,6 millj. eða 26,68% af tekjum.
Næststærsti liðurinn er götur, hol-
ræsi og umferðarmál en til þeirra
verður varið rúmum 46,7 millj. eða
9,33% af tekjum. Þá koma al-
mannatryggingar og félagshjálp en
til þeirra verður varið rúmum 41,9
millj. eða 8,37% af tekjum og til
yfirstjórnar bæjarins verður varið
rúmum 34,2 millj. eða 6,83% af
tekjum.
Til eignabreytinga verður varið
rúmurn 82,5 millj. eða 16,48% af
tekjum. Þar vegur þyngst bygging
leikskóla en til þeirra framkvæmda
er áætlað að veija 40 millj. Þá koma
afborganir langtímaskulda sem eru
um 31,1 millj.
Hærri arðgreiðslur
af veitufyrirtækjum
Bæjarfulltrúar bæjarmálafélags-
ins lögðu fram bókun á fundinum
þar sem segir að í fjárhagsáætlun
fyrir árið 1996 sé gert ráð fyrir 501
millj. í tekjur, sem sé tæplega 7%
aukning milli ára. Athygli veki að
gert sé ráð fyrir hærri arðgreiðslum
af veitufyrirtækjunum miðað við
síðastliðið ár. Fulltrúarnir telji því
eðlilegt að lækka þjónustugjald
veitnanna í stað þess hækka arð-
inn. Fram kemur að til eignabreyt-
inga séu áætlaðar 88 millj. Þar af
fari 31 millj. til afborgana lána en
40 millj. til byggingar nýs leik-
skóla. Fulltrúar Bæjarmálafélags-
ins leggi áherslu á byggingu nýs
leikskóla. Hann þurfi að geta tekið
til starfa í haust og því sé líklega
um vanáætlun að ræða ef það ætti
að takast.
70 þús. til forvarna
í fíkniefnamálum
Dregið sé úr verklegum fram-
kvæmdum og viðhaldsverkefni sett
í salt. Bent er á að þær 6 millj. sem
áætlaðar séu til skólalóðarinnar við
Mýrarhúsaskóla séu vanáætlaðar
én brýn þörf sé fyrir vandaða skóla-
lóð. Loks segir, „Fjárhagsáætlun
sem hér er lögð fram hefði mátt
vanda betur og vera raunsærri.
Benda má á að til forvarna í fíkni-
efnamálum undir liðnum áfengi-
svarnarráð er einungis áætlaðar 70
þúsund krónur. Gera verður stór-
átak í þessum rnálurn."