Morgunblaðið - 27.01.1996, Blaðsíða 18

18 LAUGARDAGUR 27. JANÚAR 1996
MORGUNBLAÐIÐ
ERLEIMT
Stjórnarmyndunarviðræður í Póllandi
Litlar líkur
á sérfræð-
ingastjóm
Varsjá. Reuter.
ALEKSANDER Kwasniewski, for-
seti Póllands, féllst í gær á afsagn-
arbeiðni Jozefs Oleksys forsætis-
ráðherra, sem ákvað að láta af
embætti vegna ásakana um að
hann hefði verið á mála hjá leyni-
þjónustu Sovétríkjanna og síðar
Rússlands. Forsetinn tók tiilögu
um sérfræðingastjórn fremur fá-
lega og hefur tvær vikur til að til-
nefna næsta forsætisráðherra.
Hann fól Oleksy að gegna embætt-
inu til bráðabirgða þar til ný stjórn
verður mynduð.
Forystumenn stjórnarflokkanna
tveggja - Lýðræðislega vinstra-
bandalagsins, flokks fyrrverandi
kommúnista, og Bændaflokksins -
hafa deilt um hver eigi að taka
við embættinu en ólíklegt þykir að
þeir slíti stjómarsamstarfinu
vegna deilunnar og boði til kosn-
inga.
Leiðtogar miðflokksins Frelsis-
sambandsins ræddu við Kwasn-
iewski í gær og lögðu til að mynd-
uð yrði stjóm sérfræðinga undir
forystu Wladyslaws Bartoszewsk-
is, fyrrverandi utanríkisráðherra,
sem er ekki flokksbundinn. Rök
þeirra voru þau að slík stjórn gæti
öðlast traust þjóðarinnar eftir allt
uppnámið sem ásakanirnar á hend-
ur Oleksy ollu.
Leszek Balcerowicz, leiðtogi
Frelsissambandsins, sagði að for-
setinn hefði lofað að kanna þennan
möguleika en Kwasniewski kvaðst
JOZEF Oleksy, fráfarandi forsætisráðherra Póllands, eftir að hafa lagt fram
formlega afsagnarbeiðni í gær.
efast um að slík stjórn fengi næg-
an stuðning á þingi. Leiðtogar
stjórnarflokkanna höfnuðu tillög-
unni.
Varasamt embætti
Jozef Lochowski, einn af for-
ystumönnum Bændaflokksins,
sagði að betra kynni að vera fyrir
flokkinn að falla frá kröfu um að
fá forsætisráðherraembættið.
„Með því að taka við forsætisráð-
herraembættinu myndi flokkurinn
setja sig í hættu og lenda í fremstu
víglínu á mjög erfiðu skeiði í pólsk-
um stjórnmálum," sagði hann.
„Það er ekki gott fyrir flokkinn
að vera í fremstu víglínu og taka
á sig öil höggin í átján mánuði
fyrir kosningar.“ Aðrir forystu-
menn Bændaflokksins vilja halda
til streitu þeirri kröfu að Miroslaw
Pietrowicz áætlanaráðherra verði
næsti forsætisráðherra.
Bænastund í Jerúsalem
MÚSLIMSKAR konur Iiggja á bæn við al-Aqsa-moskuna í Jerúsal-
em sem er með helstu helgistöðum íslamskrar trúar. í gær var
fyrsti föstudagur föstumánaðarins Ramadan og komu um 110
þúsund múslimar til Jerúsalem af því tilefni þó svo að mörgum
Palestínumönnum frá Gaza-svæðinu og Vesturbakkanum hafi
verið meinað af ísraelskum öryggissveitum að koma inn í borgina.
Fjárlög vestra
Ásáttir um niðurskurð
New York. Reuter.
ALICE Rivlin, íjárlagastjóri
Hvíta hússins, tilkynnti í fyrra-
kvöld, að Bill Clinton, forseti
Bandaríkjanna, og leiðtogar
repúblikana hefðu náð sam-
komulagi um 700 milljarða doll-
ara niðurskurð á fjárlögum.
Kvað hún það nóg til að ná
markinu um hallalaus fjárlög
ásamt. hóflegri skattalækkun.
Rivlin sagði, að nú ættu forset-
inn og þingið að koma sér sam-
an um að afgreiða fjárlögin og
deila síðan um það í komandi
kosningabaráttu hvort rétt væri
að skera fjárlögin enn frekar
niður til að unnt væri að lækka
skattana meira.
I deilunni um fjárlögin hafa
repúblikanar verið því andvígir
að auka svigrúm ríkisins til auk-
inna lántakna en Rivlin sagði,
að þeir væru farnir að átta sig
á, að.það væri nauðsynlegt. Að
öðrum kosti væri hætta á, að
Bandaríkjastjórn gæti ekki
greitt af lánum sínum. Til þess
mætti aldrei koma. Lánaþakið
yrði að hækka fyrir 1. mars og
Rivlin kvaðst viss um, að skyn-
semin yrði ofan á fyrir þann
tíma.
John A. Taylor tekinn af lífi í Utah
Brast í grát
fyrir aftökuna
Draper. Reuter.
FIMM manna aftöku-
sveit batt í gær enda
á líf Johns Alberts
Taylors í fangelsi í
Utah í Bandaríkjunum
en hann hafði verið
dæmdur til dauða fyr-
ir barnsmorð. Var
þetta fyrsta aftakan
sinnar tegundar í
Bandaríkjunum frá
1977.
Taylor, sem var
dæmdur til dauða
1989 fyrir að nauðga
og myrða 11 ára
gamla stúlku, Charla
King að nafni, brast í
grát nokkru fyrir aftökuna en
áður hafði hann farið með bænir
og sálma með kaþólskum presti.
Það var síðast 1977, að dauða-
dæmdur fangi, Gary Gilmore, var
leiddur fyrir aftökusveit en í henni
eru fimm menn og er
riffill eins þeirra með
púðurskoti. Þeir geta
því allir talið sér trú
um að hafa ekki skot-
ið manninn.
Síðustu orðin
Fréttamaðurinn
Paul Murphy, sem var
vitni að aftökunni,
segir, að lesa hafi
mátt óttann úr augum
Taylors en snælda
með síðustu orðum
hans var leikin fyrir
fréttamenn að aftök-
unni lokinni. „Ég vil
að síðustu minna fjölskyldu mína
og vini á það, sem segir í ljóðinu,
„minnist mín en leyfið mér að
fara“,“ sagði Taylor.
Síðasta máltíðin hjá Taylor var
pizza, sem hann snæddi með
frænda sínum, Gordon Lee, en
hann átti erfitt með að halda henni
niðri. Fyrir aftökuna var hann
bundinn niður í sérstakan stól og
einnig var bundið fyrir augun. Lög-
fræðingar hans höfðu reynt að fá
hann til að samþykkja, að máli
hans yrði áfrýjað til alríkisdómstóls
en á það vildi hann ekki fallast.
Lítil andstaða við
dauðarefsingu
I Utah geta dauðadæmdir menn
valið á milli banvænnar sprautu
og aftökusveitar og efndu andstæð-
ingar dauðarefsinga til mótmæla
fyrir utan fangelsið og víðar. Lítil
þátttaka var þó í þeim og Joe Bak-
er, einn af frammámönnum Am-
nesty Intemational í Bandaríkjun-
um, segir, að opinberar aftökur séu
orðnar viðtekin venja þar í landi
og láti almenningur sig þær litlu
skipta.
John A. Taylor
Hungursneyðin í Norður-Kóreu
Rauði kross S-Kóreu til hjálpar
Talið að um 130.000 manns eigi á hættu að deyja úr sulti
Seoul. Reuter.
RAUÐI krossinn í Suður-Kóreu
sendi í gær hjálpargögn áleiðis til
Norður-Kóreu þar sem embættis-
menn Alþjóða Rauða krossins telja
að um 130.000 eigi á hættu að
deyja úr sulti. Sendir voru 100.000
pakkar af núðlum, 20.000 sokkapör
og 2.000 teppi.
Búist var við að skipið, sem lagði
upp frá borginni Inchon, kæmi í
höfn í Norður-Kóreu snemma í
dag, laugardag. Suður-Kóreustjórn
hefur neitað að grípa til umfangs-
mikilla aðgerða vegna vandans
nema kommúnistastjórn grann-
landsins í norðri taki upp vinsam-
legri samskipti. í fyrra sendi S-
Kórea skip með korn tíl norðurhlut-
ans en það var kyrrsett um hríð
og neytt til að draga upp fána
kommúnistaríkisins.
Hjálpargögn fyrir hermenn
Stjórnvöld í Seoul ségja að ekk-
ert sé hægt að fullyrða um það
hvar neyðargögn hafni, þau geti
lent hjá n-kóreska hernum sem
hefur mikinn viðbúnað á landa-
mærum ríkjanna tveggja.
Fundur fulltrúa S-Kóreu, Japans
og Bandaríkjanna um ástandið og
aðstoð við N-Kóreu, sem haldin var
á Hawaii á föstudag, fór út um
þúfur. Ekki tókst að ná samkomu-
lagi um það hvernig meta ætti
matvælavandann. Nær engar
áreiðanlegar upplýsingar er að fá
hjá stjómvöldum í höfuðborg N-
Kóreu, Pyong-yang.