Lögfræðingur - 01.01.1899, Side 95

Yfirlit yfir löggjöf í útlöndum.
95
lög, er bönnuðu okur, og var miðað við ákveðna vaxta-
hæð. pessi lög voru að miklu leyti afnumin eptir miðja
þessa öld. þ>að reyndist illa, og því hafa þessi iög verið
sett. Lögin eru lík lögum Norðmanna 29. júní 18881).
47) Með lögum 12. mars 1894 er ákveðið, að sá mað-
ur skuli sæta fangelsi eða sektum allt að 150 mörkum
(133 kr. 33 a.), sem vanrækir að fullnægja framfærslu-
skyldu sinni þrátt fvrir áskorun yfirvalds, svo að leita þarf
styrks annara að tilhlutun yfirvalds.
48) Lög 1. maí 1894 um útrýmingu á kvikfjársýki.
49) Prússnesk lög 30. júrií 1894 um landbúnaðarþing.
Með þessum lögum er ákveðið, að stofna megi með kgl.
tilskipun landbúnaðarþing fyrir livert fylki, eptir að leitað
liefur verið álits fylkisráðsins. Landbúnaðarþingið á að
sjá um hag fylkisins í landbúnaðarmálum, láta yfirvöldun-
um í tje álit sitt og upplýsingar í þessum málum og efla
verklegar framfarir landbúnaðarins með haganlegum stofn-
unum. Arlega (fyrir 1. maí) skal landbúnaðarþingið senda
ráðgjafa skýrslu um hag landbúnaðarins í fylkinu. Á
hjeraðsþingum eru búnaðarþingsmenn kosnir til 6 ára.
Kostnaður við þingið er að miklu leyti greiddur úr ríkis-
sjóði, svo og með niðurjöfnun á bændur og jarðeigendur.
50) Prússnesk lög 31. júlí 1895 ákveða, að setja skuli
á fót lánstofnun í Berlín fyrir allt ríkið. Ríkið veitir stofn-
uninni 5 miljón krónur sem stofnfje. Lánstofnunin á að
veita kaupfjelögum, framleiðslufjelögum, sjóðum, sem stofn-
aðir hafa verið til að auka persónulegt lánstraust, og þess
konar stofnunum lán með sem vægustum kjörum, svo og
að ávaXta fje þeirra.
1) Sjá Lögfræð. I. bls. 147.