Morgunblaðið - 25.09.1998, Síða 54

*54 FÖSTUDAGUR 25. SEPTEMBER 1998
MORGUNBLAÐIÐ
Ferdinand
Smáfólk
MEV, MANA6ER.. NEXT YEAK I THiNK lU PLAY FOR A PIFFERENT TEAM.. —.— - — /i'm tirep of\ { L05IN6 ALL I VTHE TIME^/ I 5UFP05E YOU'RE GOIN6 TO PLAY FOR SOMEONE EL5EJOO..
m
Hæ, stjóri... ég held að ég Ég er orðin
leiki með öðru liði næsta ár ... þreytt á því að
tapa alltaf...
Ég geri ráð fyrir að þú ætl- Ég spila fyrir hvern
ir líka að skipta um lið ... þann sem á matar-
dallinn.
BRÉF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Er verið
fólk að
Frá Kristni Björnssyni:
JÁ, í umræðum um gagnagrunn
virðist mér að fólk sé oft hrætt að
óþörfu, þegar talið er varasamt að
leyfa notkun heilsufarsupplýsinga.
Ég tel að við öll ættum að stuðla að
rannsóknum og bendi á þrjú atriði
sem mér finnst skipta máli.
Fyrsta: Upplýsingar úr sjúkra-
skýrslum sem nota þarf verða
áfram varðveittar sem trúnaðar-
mál með því að gefa þeim sérnúm-
er, en nafn mannsins fylgir þeim
ekki í gagnagrunninn. Þeir sem
upplýsingar nota vita því ekki
hvem um er að ræða. Trúnaðarmál
virðast því eins vel varðveitt þarna
og á heilsugæslustöðvum þótt fleiri
noti upplýsingarnar nafnlausar.
Annað: Flest það sem í sjúkra-
skýrslum stendur, t.d. sjúkdóms-
greiningar og meðferð sem veitt
var, finnst mér í flestum tilvikum
lítið leyndarmál. Flestir ættingjar,
vinir og vinnufélagar vita t.d. um
veikindi mín, sem einhver hafa
verið um ævina eins og hjá flestum
öðrum. Þessu er venjulega ekki
ástæða til að leyna og fæstir gera
það. Nefni ég þetta ef við samt
sem áður höldum að fleiri komist
að hræða
óþörfu?
yfir upplýsingar um okkur í
gagnagrunni en við teljum æski-
legt.
Þriðja: Vísindalegar rannsóknir
eru mjög mikilvægar. Sjálfur
mundi ég einhverju vilja hætta og
á mig leggja til að vinna að fram-
gangi þeirra þegar með þarf. Það
að leyfa notkun upplýsinga um
heilsufar er það allra minnsta fyrir
hvern og einn að leggja af mörk-
um, jafnvel þótt fleiri en áður
fengju að vita um heilsufar okkar
og ýmsa eiginleika, en á því virðist
þó ekki hætta eins og fyrr er sagt.
Að síðustu: Minnumst þess að öll
nútímaheilbrigðisþjónusta og
lækningar eru þekkingu að þakka
og hennar var aflað með rannsókn-
um. Án þeirra væri nú ekki um að
ræða teljandi möguleika til að
lækna sjúkdóma eða koma í veg
fyrir þá. Við værum þá á svipuðu
stigi og á miðöldum þegar svart-
nætti fáfræði ríkti og fárra úrræða
var völ til að líkna hinum sjúku.
Þess vegna skulum við gera okk-
ar til að stuðla að vísindalegum
rannsóknum.
KRISTINN BJÖRNSSON,
sálfræðingur.
Þakkir fyrir stuðning
Frá Birnu Baldursdóttur, Kareni
Björgu Gunnarsdóttur, Hildigunni
Magnúsdóttur og Jóhönnu Hreins-
dóttur:
DAGANA 11. til 17. ágúst síðastlið-
inn fóru fjórar stúlkur úr KA með
unglingalandsliði íslands í blaki til
Noregs. Þær voru í riðli með Sví-
þjóð og Danmörku og höfnuðu í 5.
sæti eftir að hafa unnið tvo leiki á
móti Færeyjum.
Þær vOja þakka eftirtöldum fyr-
irtækjum frábæran stuðning: Sjó-
vá-Almennar, Bláfell, Kaupfélag
Eyfirðinga, Samherji, Bílasalan
Stórholt, Kjamafæði, Bílvirki,
Skíðaþjónustan, Dekkjahöllin, VIS,
Búnaðarbankinn, Sparisjóður
Norðlendinga, Fatahreinsun, Gler-
augnaþjónustan, Gullsmiðir Sig-
tryggur og Pétur, ísbúðin, Pedro-
myndir, Form, Prentstofan Stell,
Contact, Sjálfsbjörg Akureyri,
Antikbúðin, Viðar, Sjallinn, Tísku-
verslun Steinunnar, Christa, Bygg-
ingavörudeild KEA, Möppudýiið,
Setrið, Línhúsið, Vaggan, Blóma-
barinn, TM-tryggingar, Þ. Björg-
úlfsson, Brauðgerð Kristjáns og
Læknaþjónustan.
Einnig vilja þær koma á fram-
færi þakklæti til atvinnurekenda
sem þær unnu hjá í sumar fyrir að
fá frí til fararinnar.
BIRNA BALDURSDÓTTIR,
KAREN BJÖRG
GUNNARSDÓTTIR,
HILDIGUNNUR MAGNÚSDÓTTIR
JÓHANNA HREINSDÓTTIR,
blakdeild KA, Akureyri.
Krakkarnir og Korp-
úlfsstaðavöllurinn
Frá Árn a Brynjólfssyni:
ÞAÐ olli okkur golffólki nokkrum
vangaveltum hver áhrif það muni
hafa að koma fyrir heilu bæjar-
hverfi innan níu holu golívallar
norðan við gamla Korpúlfsstaða-
húsið. Fjarlægðin frá golfbrautun-
um kann að verða það mikil að
ekki sé hætta á að skaði hljótist af
ef golfhögg geigar, það hljóta
hönnuðir hvei'fisins að hafa reikn-
að út.
Hitt er svo annað mál að nýrri
byggð fylgja börn sem komast auð-
veldlega í skotfæri við völlinn og þá
er hætta á ferðum. - Það hefur
væntanlega ekki tekist að reikna.
Þessu verður varla breytt héðan
af, en sú uppástunga að koma upp
barnaskóla í syðsta húsi Korpúlfs-
staða er einum of langt gengið, þar
verða börnin varla hamin innan
hættusvæðis, einfaldlega vegna
þess að verið er að slá golfkúlur
rétt neðan við húsið og æfingavöll-
ur er sunnan við sama hús.
Væri ekki nær að kenna til
bráðabirgða í færanlegum kennslu-
stofum, eins og komið mun hafa til
álita, þær má setja niður fjær þess-
ari hættu og e.t.v. nær heimilum
barnanna.
ÁRNI BRYNJÓLFSSON,
Rauðalæk 16, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.