Morgunblaðið - 16.06.1998, Page 16

16 ÞRIÐJUDAGUR 16. JÚNÍ 1998
MORGUNBLAÐIÐ
LANDIÐ
UNGA fólkið skemmti sér vel í leiktækjunum.
Glæsileg afmælis-
hátíð 1 Garðinum
Garði - Glæsileg 90 ára afmælis-
hátíð var haldin í Garðinum um
helgina. Aðalveizlan var haldin í
íþróttahúsinu á laugardag og
meðal gesta voru Davíð Oddsson
forsætisráðherra og Astríður
Thorarensen kona hans auk
þingmanna og sveitarsljórnar-
manna úr nágrannabyggðarlög-
unum.
Hátíðin hófst formlega á föstu-
dag, en þá voru sett upp leiktæki
fyrir yngri borgarana á túninu
hjá hreppsskrifstofunni. Auk
þess kom trúður á svæðið og um
kvöldið var haldinn unglinga-
dansleikur í Samkomuhúsinu.
Mikið fjölmenni var á hátíðinni
á laugardag, eða 5-600 manns.
Nýkjörinn prestur byggðarlags-
ins, Björn Sveinn Björnsson, hélt
stutta hugvekju í upphafí sam-
komunnar og mæltist lionum vel.
Þá rakti Sigurður Ingvarsson
oddviti sögu hreppsins, en tilvist
hans var staðfest 15. júní 1908.
Davíð Oddsson hélt stutta tölu
og kom hann m.a. inná þá stað-
reynd að þegar einn gerðarleg-
asti hreppur landsins, eins og
hann orðaði það, varð til var Is-
land fátækt bændasamfélag en
nú, þegar við erum að fara inn í
nýja öld, erum við ein ríkasta
þjóð í heimi.
Margir listamenn úr heima-
byggð stigu á svið og skemmtu
veizlugestum með söng og hljóð-
Morgunblaðið/Sigurður Sigmundsson
IJNNIÐ er að byggingu nýs húss í Hólaskógi.
Gnúpveijahreppur
Nýr gistiskáli
byggður
í Hólaskógi
Hrunamannahreppi - Nú er
verið að byggja nýjan gisti-
skála í Hólaskógi í Gnúpverja-
hreppi. Síðastliðið haust voru
steyptir sökklar undir húsið en
tekið til við að byggja nú seint í
maí.
Þetta veglega hús er um 150
fm, hæð og ris. í nýja húsinu
geta gist um 70 manns í tveim-
ur aðskildum hópum. Auk þess
verður aðstaða fyrir skálavörð.
Eins og allir vita hefur umferð
hestamanna um hálendið aukist
gífurlega á síðustu árum. Geysi-
mikil umferð hestamanna er um
þetta svæði og mikil eftirspum
eftir gistingu á þessum stað,
enda eru þama krossgötur.
Hólaskógur er nokkru innan
við Þjórsárdal, við afréttargirð-
ingu þeirra Gnúpverja. Þar var
sett upp leitarmannahús árið
1970. Það var notað hús frá
Landsvirkjun sem annar nú
hvergi eftirspurn eftir gistingu
auk þess sem það er verulega
farið að láta á sjá. Þá kemur
mikill fjöldi fólks á hverju
sumri til að berja augum hinn
tignarlega Háafoss, sem þarna
er skammt frá.
Akveðið er að fyrstu hópar
hestamanna komi til gistingar
15. júlí, en þá á húsið að vera
frágengið. Byggingarmeistari
er Halldór Einarsson frá Set-
bergi í Hafnarfirði.
Morgunblaðið/Arnór
VEIZLUGESTUM var boðið upp á afmælistertu og fengu
forsætisráðherrahjónin fyrstu sneiðarnar.
færaleik. Magnús Gíslason flutti
stutt erindi um skagann og nafn-
gift hreppsins. f veizlulok var svo
Davíð og Astríði gefíð fyrsta ein-
tak af bókinni Saga Gerðahrepps
sem kom út sl. Iaugardag, en rit-
sljóri hennar var Jón Þ. Þór, en
auk þess var þeim gefinn skreytt-
ur steinn úr fjörunni.
Þá voru margs konar sýningar
vítt og breitt um bæinn og um
kvöldið mætti Geirmundur
gleðipinni úr Skagafírðinum og
skemmti bæjarbúum á einum
stærsta dansleik, sem haldinn
hefir verið í bænum.
Fyrsti
fundur bæj-
arstjórnar
Snæfells-
bæjar
Á FYRSTA fundi bæjarstjórn-
ar í Snæfellsbæ sem haldinn
var 11. júní sl. var Ásbjörn Ótt-
arsson af D-lista kjörinn for-
seti bæjarstjórnar. 1. varafor-
seti var kjörinn Ólína Björk
Kristinsdóttir af D-lista og 2.
varaforseti Sveinn Þór Elín-
bergsson af S-lista.
í þriggja manna bæjarráð
voru kjörnir Jón Þór Lúðvíks-
son af D-lista, Ólafur Rögn-
valdsson af D-lista og Sveinn
Þór Elínbergsson af S-lista.
Verður Jón Þór Lúðvíksson
formaður bæjarráðs. Einnig
var samþykkt samhljóða til-
laga um að bæjarfulltrúi B-
lista Framsóknai-flokks, Pétur
Jóhannsson, verði áheyrnar-
fulltrúi í bæjarráði með mál-
frelsi og tillögurétt. Kosið var í
allar nefndir og ráð bæjar-
stjórnar.
Nýr bæjarstjóri
Bæjarstjóri var ráðinn Guð-
jón Petersen þar til nýr bæjar-
stjóri Kristinn Jónasson tekur
við störfum en Guðjón hefur
óskað eftir að láta af störfum
við fyrsta hentugleika.
Morgunblaðið/Ágúst Blöndal
ÚTSKRIFTARHÓPUR skólans ásamt skólameistara sem stendur lengst til vinstri.
Verkmenntaskóla Austurlands í Neskaupstað slitið
Nítján nemendur útskrifuðust
Neskaupstað - Verkmenntaskóla
Austurlands var slitið föstudaginn
22. maí sl. Að þessu sinni útskrifuð-
ust 19 nemendur þar af 8 af bók-
námsbraut, 6 sjúkraliðar og 5 af iðn-
brautum.
227 nemendur stunduðu nám við
skólann í vetur og starfsmenn voru
um 30. Tvær nýjar námsbrautir
voru í boði í vetur, sjávarútvegs-
braut sem er undirbúningur fyrir
frekara nám við Sjómannaskólann,
lítil aðsókn var að henni, og hár-
snyrtibraut í samvinnu við Iðnskól-
ann í Hafnarfírði og var aðsókn góð
að henni. Þá var iðnmeistaranám við
skólann í vetur. Næsta vetur verður
hafíð fyrsta stigs vélstjóranám við
skólann og hugmyndin er uppi um
„bræðslunám" og er þar átt við sér-
hæft starfsnám fyrir starfsmenn í
fiskimj ölsverksmiðjum.
Heimsóknir voru nokkrar í vetur
og voru áberandi heimsóknir frá
Norsk Hydro en tilgangur þeirra
var að athuga möguleika hjá skólan-
um í að undirbúa fólk til starfa í
hugsanlegri álverksmiðju. Skóla-
meistari Verkmenntaskólans er
Helga M. Steinsson.
Skulda-
staða
batnar
„ Morgiinblaðið/Anna Ingólfs
FRÁ vinstri: Þuríður Backman og Sveinn Jónsson,
bæjarstjórnarfulltrúar, og Stefán Bragason, bæjarritari.
Egilsstaðir - Borgarafundur var ný-
lega haldinn í Valaskjálf á Egils-
stöðum. Lagðir voru fram reikning-
ar bæjarins og farið yfír fjárhagsá-
ætlun. Stærstu framkvæmdaliðimir
eru stækkun grunnskólans sem nú
er hafín og endurbygging eða við-
bygging við eldhús leikskólans.
Kom fram að um 40 milljónir eru
eftir til fjárfestinga eða um 15%
þegar búið er að draga rekstrar-
gjöld frá. Áætluð lántaka vegna
stækkunar grunnskólans er um 37
milljónir. Fjárhagsstaða bæjarfé-
lagsins batnaði á s.I. ári þannig að
skuldir lækkuðu úr 86 þús. á íbúa
niður í 80 þús. Bæjarstjórn Egils-
staða sat fyrir svörum á fundinum
og svaraði fyrirspurnum gesta úr
sal.