Morgunblaðið - 19.04.1995, Blaðsíða 25

MORGUNBLAÐIÐ
MIÐVIKUDAGUR 19. APRÍL 1995 25
LISTIR
Birta og ylur
MYNDLIST
Norræna húsiö
MÁLVERK, HÖGGMYNDIR
OG BLÖNDUÐ TÆKNI
Samsýning.
Opið alla daga kl. 14-19 til 23. apríl.
Aðgangur kr. 300.
SAMSÝNINGAR listamanna eru
af ýmsu tagi, og ekki síður erfiður
vettvangur myndlistar en önnur
form. Á stórum samsýningum þarf
að marka rammann vel, því annars
er hætt við að þar ægi saman afar
ólikum hlutum, og gæðamunur
reynist hinum veikari erfiður hjalli
að yfirstíga; þeir hverfa í skugg-
ann. Á smærri samsýningum þarf
einnig að gæta jafnvægis sýnenda,
þannig að allir njóti sín sem skyldi,
hvort sem efniviður og efnistök eru
skyld eða ólík.
Þetta hefur tekist með sóma á
sýningunni hér. Allir eru þátttak-
endurnir — þau Bjöm Birnir, Haf-
steinn Austmann, Helgi Gíslason
og Valgerður Hauksdóttir — þekkt
listafólk með gifturíkan feril að
baki; Hafsteinn hélt 'sína fyrstu
einkasýningu 1956, Bjöm og Helgi
1977 og Valgerður 1985. Auk
einkasýninga hafa þau öll tekið
þátt í fjölda samsýninga hér á landi
og erlendis, og verið áberandi á í
myndlistarlífinu, hvert í sinni grein.
Það er gott jafnvægi milli verka
þeirra á sýningunni, þrátt fyrir
misjafnan fjölda, sem orsakast að
nokkru af eðli þeirra miðla sem þau
vinna í. Þannig sýnir Helgi aðeins
fjögur verk, allt höggmyndir frá
þessu ári, en myndir Valgerðar em
á annan tug, flest unnin með bland-
aðri tækni á pappír á síðustu þrem-
ur árum.
Björn Birnir vinnur sem fyrr með
stóra, miðlæga litfleti í sínum verk-
um, sem virka líkt og samanbrotin
form eða klettar sem svífa um verk-
ið. Við nánari skoðun reynast ýmis
Iitbrigði leynast undir yfírborðinu,
og í myndaflokknum „Á sandinum"
er það einkum birta litanna sem
heillar. Þar kemur verk nr. 6 sterk-
ast út. í málverkinu „Minning" (nr.
4) vinnur Björn með allt aðra liti,
og er ekki ólíklegt að hann sé þar
að vísa til verka Lyonel Feininger,
sem var vissulega í fararbroddi af-
straktlistarinnar á sinni tíð.
Hafsteinn Austmann sýnir hér
einnig hluta úr myndaflokki þar
sem hann_ er á svipuðum slóðum
og fyrr. Á síðastliðnu hausti var
haldin athyglisverð sýning á svart-
hvítum verkum bandaríska lista-
mannsins Franz Kline (1910-62),
og er skyldleiki myndbyggingarinn-
30 ára
söngafmæli
Selfoss. Morgunblaðið.
Vortónleikar Karlakórs Selfoss
verða haldnir í sal Fjölbrautaskóla
Suðurlands á Selfossi á morgun
sumardaginn fyrsta klukkan
21.00. Fjölbreytt efnisskrá verður
á tónleikunum sem eru liður í tón-
leikaröð kórsins í apríl. Stjórnandi
kórsins er Ólafur Sigurjónsson og
undirleikari Stefán Jónsson.
Karlakór Selfoss heldur upp á
30 ára starfsafmæli á þessu ári
og eru tónleikarnir liður í afmælis-
haldinu. Kórinn var stofnaður 2.
mars 1965, en upphaf hans var
að 16 starfsmenn Mjólkurbús
Flóamanna tóku að sér að syngja
á starfsmannaskemmtun undir
stjórn Guðmundar Gilssonar.
Karlakór Selfoss heldur uppi
öflugu félagslífí og er styrkur
hornsteinn menningarlífs á Sel-
fossi. Næstu tónleikar eftir sumar-
daginn fyrsta verða í Þjórsárveri
23. apríl og á Flúðum 29. apríl.
ar hér við þau verk augljós; Haf-
steinn vinnur hins vegar dýpra með
litina, sem ólga undir hinum hvítu
yfirborðinu og magna grósku alls
flatarins. Mynd eins og „Tactus 11“
(nr. 9) sameinar þessa kosti einkar
vel.
Helgi Gíslason hefur nú horfið
um stund frá því að vinna í brons
og gler, og sýnir hér höggmyndir
úr tré og járni. Formgildin eru svip-
uð og fyrr — hið spennta jafnvægi
styrks og fínleika — og njóta sín
vel í þessum efnum, m.a. vegna lit-
unar trésins; hér koma verkin
„Sjóndeild" (nr. 14) og „Súla“ (nr.
16) einna best út.
Valgerður Hauksdóttir á flestar
myndirnar á sýningunni, en þær
LISTAFÓLKIÐ við uppsetningu sýningarinnar.
flokkast einnig að nokkru niður.
Hér ber myndaflokkinn „Sjö skref“
(nr. 19—25) hæst; þessi verk eru
unnin með blandaðri tækni á papp-
ír, þar sem öflug teiknun er ríkj-
andi þáttur. Af þessum heillaðist
undirritaður mest af „Utanaðkom-
andi“ og „Norður" (nr. 21-22), þar
sem hrynjandi lita og teikningar
nær mjög góðu jafnvægi.
Uppsetning sýningarinnar er
þannig að verk þeirra Björns og
Valgerðar dreifast nokkuð og geng-
ur það þokkalega upp, þar sem um
ákveðna myndflokka er að ræða.
Sýningarskrá hefur að geyma al-
mennar upplýsingar um listafólkið
og feril þess, en ljósmyndir af verk-
um þeirra njóta sín engan veginn
í svart-hvítu. Inngangur skrárinnar
er almenns eðlis, og bryddar þrátt
fyrir allt ekki upp á nýjum hug-
myndum um listsköpun þessa
ágæta listafólks.
Á heildina litið er hér á ferðinni
góð samsýning, þar sem unnið er
á kunnuglegum slóðum rannsókna
í formum og litum, birtu og yl. Þó
hugurinn leiti um síðir meiri átaka
og ertingar í myndlistinni, getur
slíkt einnig verið ánægjulegt á
stundum.
Eiríkur Þorláksson
Verkiastillandi
og hitalækkandi