Morgunblaðið - 19.04.1995, Blaðsíða 4
4 MIÐVIKUDAGUR 19. APRÍL 1995
MORGUNBLAÐIÐ
FRETTIR
Gengu frá
Eyj afirði til
Þórsmerkur
TVEIR menn, Hörður V. Haralds-
son, 25 ára, og Norðmaðurinn
Peter Istad, 27 ára, fóru á göngu-
skíðum úr Eyjafirði til Þórsmerk-
ur á þrettán dögum. Göngukapp-
arnir lögðu af stað 5. apríl úr
Þórmóðsstaðadal og voru komnir
17. apríl til Þórsmerkur.
Fyrsti áfangastaður var
Landakot og leiðin lá síðan um
Fjórðungsöldu, Nýjadal, Há-
gönguhraun, Jökulheima, Lang-
asjó, Eldgjá, Strútslög og
Hvanngil til Þórsmerkur.
Félagarnir gengu samtals í ell-
efu daga en stóðu af sér veður í
tvo daga. Hörður sagði að einu
leiðsagnartækin sem þeir félagar
hefðu haft meðferðis hefði verið
áttaviti. Að öðru leyti voru þeir
vel búnir, m.a. með talstöð og
neyðarsendi.
Tveir sólardagar
„Þetta gekk vel í alla staði og
var ákaflega skemmtileg ferð.
Við lentum reyndar í alls kyns
erfiðleikum og hrepptum öll veð-
ur, en þó ekki nema tvo sólar-
daga. Það var mest þoka, snjó-
koma eða rigning,“ sagði Hörður.
Verkfall undirmanna á kaupskipum hófst á annan dag páska
Fjögur skip
hafa stöðvast
í verkfallinu
VIKULANGT verkfall undirmanna á kaupskipaflotanum, sem
hófst á annan páskadag, hefur þegar stöðvað siglingu fjögurra
skipa. Jónas Garðarson, formaður Sjómannasambands Reykjavík-
ur, segir að fíeiri skip komi til hafnar í dag. Hann segir allsheijar-
verkfall inni í myndinni, þokist ekkert í viðræðum. Verkfallinu
lýkur aðfaranótt næstkomandi sunnudags.
Jónas sagði að 160 til 170
manna hópur tilheyrði hópi undir-
manna á kaupskipaflotanum.
Verkfallið næði hins vegar aðeins
til um éins þriðja hluta hópsins,
því mörg skip væru annað hvort
í erlendum höfnum eða á siglingu.
Verkfallið hefur áhrif á siglingu
skipa eftir að þau hafa verið af-
fermd hér á landi og hafa fjögur
skip, Laxfoss, Lagarfoss, Hofsjök-
ull og Lómur, þegar stöðvast með
þessum hætti. Von er á fleiri skip-
um til hafnar í dag.
Fundað að loknu verkfalli
Jónas sagði að vinnuveitendur
hefðu boðið svokallað ASÍ sam-
komulag en hann nefndi að farið
væri fram á 12.000 kr. hækkun á
tæplega 50.000 kr. byijunarlaun.
Hann sagði að viðræður hefðu stað-
ið yfir í um mánuð og næsti fund-
ur væri boðaður hjá ríkissáttasemj-
ara að loknu verkfalli á mánudag.
Þegar spurst var fyrir um af hveiju
ekki hefði verið boðað fyrr til fund-
arins sagði Jónas að sáttasemjari
LAXFOSS er eitt þeirra skipa sem stöðvast hefur vegna verk-
falls undirmanna á kaupskipaflotanum.
réði ferðinni og hann styddi mat
hans. Hann sagði að ekki yrði boð-
að til formlegs félagafundar en
mennirnir kæmu við á skrifstofunni
þegar þeir kæmu í land.
Jónas sagði að allsheijarverkfall
væri inn í myndinni ef ekkert gengi
í samningaviðræðum. Enn hefði
hins vegar ekki verið tekin ákvörð-
un um það.
Morgunblaðið/Peter Istad
HÖRÐUR við tjald þeirra félaga í Jökulheimum þar sem þeir gistu yfir nótt.
Táragasi sprautað
á lögreglumenn
FLYTJA varð fjóra menn á slysa-
deild, þar af tvo lögreglumenn,
eftir að sprautað hafði verið í and-
lit þeirra úr táragasbrúsa snemma
á laugardagsmorgunn. Atburður-
inn varð þegar lögreglan var kvödd
að húsi á Langholtsvegi vegna ít-
rekaðs ónæðis.
Lögreglukona bar táragasbrús-
ann utan á sér í belti en þegar
verið var að rýma húsið náði ungl-
ingsstúlka brúsanum af henni og
sprautaði úr honum í kringum sig.
Nágrannar hringdu þrívegis í
lögreglu vegna ónæðis og slags-
mála en alls munu hafa verið um
25 unglingar í húsinu þegar lög-
regla kom á staðinn og var þar
almenn ölvun.
Húsráðandi hringdi einnig í lög-
reglu þegar hún réði ekki lengur
við ástandið. Foreldrar stúlkunnar
voru í sumarbústað úti á landi og
ætlaði hún að halda samkvæmi
fyrir nokkra vini en boðið spurðist
út með fyrrgreindum afleiðingum.
Starfsmannafélag ríkisstofnana samdi fyrir 4.700 félaga sína
Kj arasamningrir í sam-
ræmi við ASI samninginn
STARFSMANNAFELAG ríkis-
stofnana skrifaði undir kjarasamn-
ing við fjármálaráðherra, með fyrir-
vara um samþykki félagsmanna,
þann 12. apríl. Sigríður Kristins-
dóttir, formaður félagsins, segir
samninginn í samræmi við kjara-
samning ASÍ. Samningurinn gildir
til 31. desember árið 1996 og gerir
ráð fyrir 2.700 kr. launahækkun
1. apríl sl. og aftur 1. janúar 1996.
Lægstu laun hækka um 1.000 kr.
til viðbótar í fyrra skiptið og deyr
hækkunin smám saman út frá
50.000 kr. mánaðalaunum og verð-
ur að engu við 84.000 kr. mánaða-
laun. Starfsmannafélag ríkisstofn-
ana er stærsta félag ríkisstarfs-
manna með samtals 4.700 félaga.
Sigríður lagði áherslu á að SFR-
félagar væru lágt launaðir og
auðvitað væri markmiðið að
breyta því og bæta. „En lengra
komumst við ekki núna og við
munum leggja samningin í dóm
félagsmanna í allsheijaratkvæða-
greiðslu næstu daga. Þeirra er
auðvitað að velja eða hafna,“ sagði
Sigríður.
Eins og í tveimur síðustu samn-
ingum gerir samningurinn ráð
fyrir sérstökum láglaunabótum.
Hann gerir ráð fyrir að starfsmað-
ur í fullu starfi, sem vinnur á
reglubundnum vöktum og skilar
til jafnaðar 40 klst. vinnu á viku
allt árið, geti í stað greiðslna feng-
ið frí á óskertum föstum launum
í 88 vinnuskyldustundir á ári mið-
að við heils árs starf.
Önnur grein gerir ráð fyrir að
sérmenntað starfsfólk á heil-
brígðissviði, sem með samþykki
stjórnar viðkomandi stofnunar
stundi viðurkennt sérnám varð-
andi starf sitt eða sæki fram-
halds- eða endurmenntunamá-
mskeið sem njóti viðurkenningar
heilbrigðisvalda, haldi föstum
launum með fullu vaktaálagi með-
an slíkt nám vari, allt að þremur
mánuðum á hveijum 5 starfsá-
rum.
Forsenda samningsins er að
verðlagsþróun á samningstíman-
um í heild verði áþekk því sem
gerist í helstu samkeppnislöndum
svo stöðugleiki í efnahagslífinu
verði tryggður.
Menntamál og launajafnrétti
Bókanir með samningnum gera
m.a. ráð fyrir að haldin verði nám-
skeið fyrir sérmenntaða starfs-
menn og ófaglærða. Skulu í því
efni m.a. höfð hliðsjón af þeim regl-
um sem gilda um námskeið fyrir
starfsmenn annarra félaga í sam-
bærilegum störfum. Tryggt verður
sérstakt viðbótarframlag í starfs-
menntunarsjóð þannig að unnt
verði að halda allt að 14 námskeið
(60-80 stunda) á samningstíman-
um og eftir það samkvæmt frekari
ákvörðun námskeiðsnefndar samn-
ingsaðila.
Félagsmálaráðherra hefur skipað
vinnuhóp á grundvelli þingsálykt-
unarum aðgerðir til að ná fram jafn-
rétti kynjanna. Samningsaðilar
munu að því er segir í samningnum
fylgjast með framvindu þessa verk-
efnis og taka niðurstöður starfs-
hópsins til umfjöllunar þegar þær
liggja fyrir og leggja mat á að
hveiju leyti þær kunna að geta
haft áhrif á kjarasamninga SFR og
gerð þeirra.
»•♦ ♦
Sleginn í
höfuðið
með byssu
TIL ryskinga kom í samkvæmi á
sveitabæ vestan við Borgarnes að-
faranótt laugardags sem enduðu
með því að maður var sleginn í
'höfuðið með byssu. í fyrstu var
talið að hleypt hefði verið af byss-
unni en nú þykir það ósennilegt.
Ungmenni höfðu safnast saman
á sveitabænum til gleðskapar og
kom til átaka milli húsráðanda og
manns sem átti að vísa út úr hús-
inu. Lauk þeim með því að húsráð-
andi barði gestkomandi með byssu
í höfuðið. Hann var fluttur til lækn-
is en ekki talinn alvarlega sár.
Byssan var upphaflega riffill en
búið er að breyta henni. Ekki er
ljóst hvort byssan hafi verið að fullu
samansett svo hægt væri að hleypa
úr henni skoti.
-♦.♦ ♦
Húsgögnum
stolið úr
gámum
STOLIÐ var leðurhúsgögnum úr
þremur gámum á lóð húsgagna-
verslunarinnar Valhúsgagna í Ár-
múla. Talið er að brotist hafi verið
inn í gámana á tímanum frá laugar-
degi til þriðjudags. Verðmæti þýfís-
ins^ er hátt á aðra milljón króna.
I gámunum voru ítölsk leðurhús-
gögn. Úr þeim var stolið þremur
þriggja sæta sófum og sjö stólum.
Andvirði þess sem stolið var er
hátt á aðra milljón króna og tjónið
er talið meira þar sem húsgögnin
eru tekin út úr settum.
RLR biður þá sem hafa orðið
varir mannaferða á þessum stað á
umræddu tíma að hafa samband.