Morgunblaðið - 19.04.1995, Blaðsíða 33

MORGUNBLAÐIÐ
MIÐVIKUDAGUR 19. APRÍL 1995 33
AÐSENDAR GREINAR
Iþróttaháskóli Islands á Akureyri
FYRIR skemmstu
var opinberuð sú hug-
mynd nefndar á vegum
menntamálaráðuneyt-
isins að sameina skyldi
nokkra uppeldislega
skóla á háskólastigi í
Reykjavík. Meðal
þeirra sem ætlað er að
lendi í þeirri samein-
ingu er íþróttakenn-
araskóli Islands að
Laugarvatni. Vándséð
er hvers vegna sá
gamli og gróni skóli,
sem áratugum saman
hefur skilað dijúgu
starfi og menntað
framúrskarandi
Sverrir Páll
Erlendsson
íþróttakennara þrátt fyrir einangr-
un austur í Árnessýslu, á frekar
samleið með uppeldislegum stofn-
unum á Reykjavíkursvæðinu en
annars staðar.
Háskólinn á Akureyri setti fyrir
tæpum tveimur árum á stofn kenn-
aradeild, sem einkum er ætlað að
mennta grunnskólakennara, sem
vonir standa til að stefna muni til
starfa í dreifbýli landsins ekki síður
en á höfuðborgarsvæðinu. Nauðsyn
er á að kennaradeildin, eins og aðr-
ar deildir Háskólans á Akureyri,
vaxi og dafni og víkki út svið við-
fangsefna sinna og fyrsti vísir að
því er nám í uppeldis- og kennslu-
fræðum til kennsluréttinda, sem
þegar er hafið. í framhaldi af því
er einkar ákjósanlegt að yfirvöld
Háskólans á Akureyri, stjórn Akur-
eyrarbæjar og aðrir hagsmunaaðil-
ar, meðal annars á sviði íþrótta og
líkamsræktar, taki til verulega al-
varlegrar athugunar hvort semja
skuli við yfirvöld menntamála að
íþróttakennaraskóli íslands verði
fluttur til Akureyrar og gerður að
námsbraut við kennaradeild Há-
skólans á Akureyri. Annar kostur
væri að íþróttaháskóli íslands yrði
sérstök háskólastofnun í samvinnu,
með samnýtingu gagnasafna og
fleira, við Háskólann á Akureyri.
Auk kennaradeildar er þar heil-
brigðisdeild, þannig að kennsla í
uppeldis-, kennslu- og heilbrigðis-
fræðum er þegar fyrir hendi.
Aðstæður aðrar til að hafa
íþróttakennaraháskóla á Akureyri
eru mjög góðar og að mörgu leyti
miklu betri, fjölbreyttari og full-
komnari en annars staðar á Islandi:
I fyrsta lagi væri íþóttakennara-
skólinn góð, kærkomin og eðlileg
viðbót við þá myndarlegu skólaflóru
sem fyrir er í skólabænum Akur-
eyri.
I öðru lagi má nefna að á Akur-
eyri eru tvö, og verða ef til vill
bráðlega þijú stór og myndarleg,
ný og fullkomin íþróttahús með
fullgildri keppnisaðstöðu fyrir mik-
inn hluta inniíþrótta þar sem jöfnum
höndum eru stundaðar allar helstu
boltaíþróttir og fijálsar íþróttir
einnig að nokkru.
í þriðja lagi má nefna að íþrótta-
starf á Akureyri er óvenjufjölbreytt
og aðstaða fyrir nemendur íþrótta-
háskóla framúrskarandi góð til að
læra, kynna sér og
taka þátt í marvísleg-
ustu íþróttum.
í íjórða lagi er nær-
tæk og góð aðstaða til
að kynna sér vetrar-
íþróttir og taka þátt í
þeim á Akureyri og í
nágrannabæjum, bæði
fimi á ís og í snjó. Mið-
stöð íslenskra vetrar-
iþrótta er í Hlíðarfj alli,
örfárra mínútna akstur
frá byggð á Akureyri
og ekki ósennilegt að
hið myndarlega
skautasvell Skautafé-
lags Akureyrar,
fremsta skautafélags
landsins um árabil, verði komið
undir þak innan skamms.
í fimmta lagi er fyrirsjáanlegt
að á Akureyri verði innan skamms
einhver fullkomnasta og glæsileg-
asta sundaðstaða á landinu, hvort
heldur er til keppni, innan- jafnt
sem utanhúss, eða afþreyingar al-
mennings.
I sjötta lagi er á Akureyri ein-
hver eftirtektarverðasta vagga og
helsti vaxtarbroddur judoíþróttar-
innar á íslandi.
í sjöunda lagi eru á Akureyri
stórar og mjög vel búnar líkams-
ræktarstöðvar, þar sem stundaðar
eru nútímalegar líkamsíþróttir við
bestu aðstæður.
í áttunda lagi eru á Akureyri
góðar endurhæfingarstöðvar og
fjöldi vel menntaðra sjúkraþjálfara
með mikla reynslu í meðferð
íþróttameina, meðferð lamaðra og
fatlaðra, meðferð hjartasjúklinga
o.s.frv.
í níunda lagi er á Pollinum við
Akureyri verið að byggja upp að-
stöðu til vatnaíþrótta, meðal annars
bretta-, sjóskíða- og siglingaað-
stöðu.
í tíunda lagi er á Akureyri mikið
hestaíþróttastarf og aðstaða verður
sífellt betri til þess, auk þess sem
örstutt er að fara til að kynna sér
hrossarækt og tamningar að Hólum
í Hjaltadal.
I ellefta lagi er á Jaðri við Akur-
eyri besti golfvöllur íslands og þar
er unnið mikið og merkilegt starf
á sviði golfíþróttarinnar.
I tólfta lagi er á Akureyri unnið
dijúgt og markvert starf í íþróttum
fatlaðra og íþróttum aldraðra, sem
íþróttakennaranemum hlýtur að
vera nauðsynlegt að kynnast.
í þrettánda lagi er sífellt verið
að bæta aðstöðu til einstaklings-
íþrótta og hópíþrótta að eigin vali,
ganga, hlaup, skokk, hjólreiðar á
sumrum auk skíðagöngu og fleira
á vetrum, meðal annars á útiíþrótta-
svæðum við Kjarna og á bökkum
Eyjaijarðarár.
I fjórtánda lagi eru Akureyringar
þegar mjög framarlega í ýmsum
flugíþróttum, til d'æmis fallhlífa-
stökki og svifflugi, og hafa góða
aðstöðu til þess við Flugstöð Þór-
unnar hyrnu á Melgerðismelum.
Þótt hér sé talið aðeins fátt af
því mikla íþróttastarfi sem fram fer
íþróttakennaraskóli ís-
lands verði fluttur til
Akureyrar, segir Sverr-
ir Páll Erlendsson, og
gerður að námsbraut
við kennaradeild Há-
skólans á Akureyri,
á Akureyri má vera ljóst að Akur-
eyri er mikill íþróttabær og því til-
valinn staður fyrir íþróttaháskóla
íslands, með allri þeirri aðstöðu og
kjölfestu sem nauðsynleg er. Ekki
væri auk heldur að efa að ef til
þess kæmi að þessi skóli yrði á
Akureyri fylgdu því töluverðar
framkvæmdir, sem gerðu staðinn
enn fullkomnari til þessa en hann
er nú þegar. Til dæmis þyrfti nokk-
urt átak til að koma uppVaranlegri
aðstöðu til þjálfunar og keppni í
fijálsum íþróttum utanhúss og að-
stöðu til að iðka megi knattspyunu
á upphituðum eða yfirbyggðum velli
að vetrarlagi.
Spurt hefur verið hvar íþróttahá-
skóli íslands á Akureyri ætti að
vera. Svarið við því er sáraeinfalt.
Fyrirsjáanlegt er að á allranæstu
árum verði starfsemi Háskólans á
Akureyri að mestu komin að Sól-
borg, ýmist í þau hús sem þar eru
fyrir eða nýbyggingar sem þar
munu rísa. Þá stendur eftir autt,
einmitt í hjarta íþróttanna á Akur-
eyri, núverandi hús Háskólans á
Akureyri, gamli Iðnskólinn. Sund-
laugin handan götunnar og íþrótta-
höliin sömuleiðis. KA-höllin í ör-
skotsfjarlægð. Skokkfæri að hesta-
svæðunum og golfvellinum svo og
í Kjarnaskóg, skákhúsið handan
gatnamótanna, menntaskólarnir
innan seilingar auk grunnskólanna
á Brekkunni, Fjórðungssjúkrahúsið
sömuleiðis. Þetta gæti ekki verið
ákjósanlegra.
Það er ekki að efa að íþróttahá-
skóli íslands á Akureyri yrði ómet-
anleg lyftistöng fyrir allt íþróttalíf
á íslandi, ekki síst hinar dreifðu
byggðir landsins. Reynslan hefur
sýnt að nemendur brautskráðir frá
Háskólanum á Akureyri fara frekar
til starfa utan Reykjavíkur en þeir
sem brautskrást frá skólum í
Reykjavík. Með því að tryggja að
íþróttaháskóli íslands verði á Akur-
eyri mætti jafnframt tryggja
íþróttafélögum vítt og breitt um
landið hæfa og vel menntaða þjálf-
ara og skólunum þar vel menntaða
íþróttakennara. Æska landsins á
þetta skilið.
Tekið skal rækilega fram að
þessar hugmyndir um að íþróttahá-
skóli íslands skuli vera á Akureyri
eru ekki fram komnar til að varpa
minnstu rýrð á starf íþróttakenn-
araskóla Islands að Laugarvatni.
Þar hefur verið unnið ómetanlegt
starf, oft við erfiðar aðstæður. En
kröfur tímans eru þær að íþrótta-
kennsla verði á háskólastigi og
nútímalegir íþróttaháskólar krefj-
ast mikils samneytis við sambæri-
legar stofnanir og mikilla tengsla
við fjölbreytilegt og ríkt íþrótta-
starf. Af ofanséðu má vera Ijóst að
Akureyri er einkar heppilegur stað-
ur fyrir skóla af þessu tagi.
Spurt hefur verið hvað gera skuli
við þau mannvirki sem af myndar-
brag hafa verið gerð við íþrótta-
kennaraskólann að Laugarvatni ef
skólinn flyst þaðan. Full þörf er
fyrir þá aðstöðu alla fyrir íþrótta-
starf landsmanna: Þar yrði áfram
íþróttaskóli, meðal annars með
námskeiðahald af ýmsu tagi vetur,
sumar, vor og haust, æfingabúðir
ólíkra íþróttagreina allt árið um
kring, aðstaða fyrir landslið íslend-
inga í ýmsum íþróttum til undirbún-
ings keppni heima og erlendis á
hvaða tíma árs sem er, svo eitthvað
sé talið.
Nú má vera ljóst að íþróttahá-
skóli íslands á Akureyri verður ekki
til fyrirhafnarlaust. Framundan
hljóta að vera rannsóknir, kannanir
og samningar af ýmsu tagi til að
undirbúa þetta merka mál. Þess
vegna er afskaplega nauðsynlegt
að yfirvöld Akureyrarbæjar og Há-
skólans á Akureyri grípi ásamt öðr-
um hagsmunaaðilum tafarlaust til
allra þeirra krafta sem tryggja
mega að skólanum verði búinn stað-
ur á Akureyri, þar sem aðstæður
eru bestar.
Höfundur er menntaskólnkennari
á Akureyri
Alúðarþakkir til ykkar allra, sem glöddu mig
með gjöfum og heimsóknum á 80 ára afmœli
mínu 4. apríl sl.
Guð blessi ykkur öll.
Elin Konráðsdóttir,
Öldugranda 9.
GULLSMIÐJAN «
PYRIT-G15 mSb
Laugavegur- Veitingahús
Til sölu mjög þekkt veitingahús á besta stað,
við Laugaveg - þar sem fólkið er. Góð rekstrar-
eining - sæti fyrir 50 manns - vel tækjum búinn,
- besti tíminn framundan.
Gott verð - einstök kjör - laus strax.
Nafn, kennitala og símanúmer sendist til
afgreiðslu Morgunblaðsins, merkt: „C - 2304.“
Vortiiboö
Vegna stöðugleika og hagstæðrar
gengisþróunar bjóðum við 15%
afslátt af öllum flísum út apríl
ALFABORG ?
KNARRARVOGI 4
wleft-Packard prentara
|ik
Liturinn er galdurinn. Hewlett-Packard er trygging fyrir gæðum, endingu
og endalausri ánægju í litaútprentun.
Hátækni til framfara

HP LaserJet 4L geislaprentarinn.
Tilvalinn prentari fyrir
einstaklinga og smærri fyrirtæki.
Tilboðsverð:
HP ScanJet llcx litaskanninn.
Glæsilegur hágæða borðskanni.
Hérá stórlækkuðu verði.
Tilboðsverð:
kr. 59.900 stgr. kr. 99.900 stgr.
ffl Tæknival

Skeifunni 17 • Sími 568-1665 • Fax 568-0664