Morgunblaðið - 19.04.1995, Blaðsíða 27
MORGUNBLAÐIÐ
MIÐVIKUDAGUR 19. APRÍL 1995 27
LISTIR
Páska-
barokk
TÓNLIST
Gcrðarsafni
BAROKK
Marta G. Halldórsdóttir sópran;
Martial Nardeau og Guðrún Birgis-
dóttir, barokkflautur; Örnólfur
Kristjánsson barokkselló; Christine
Lecoin, semball. Föstudagur 14.
apríl.
•ssssssssssss^
mm
■
SsssssssssssA
ENGlABÖRNiN
Bankastrœtl 10 • sími 552-2201
Forsíða
SEMBALLINN, sem dagaði
uppi nokkru fyrir 1800, var fyrst
„upphaflegra“ hljóðfæra til að
koma aftur inn úr kuldanum. End-
urkoma barokk-þverflautunnar úr
tré er öllu nýrri af nálinni og mun
enn tiltölulega sjaldgæfur viðburð-
ur á okkar breiddargráðum að fá
að heyra þessa fornu blístru, eins
og kostur gafst á sl. föstudag
þegar heilar tvær barokkflautur
birtust í höndum þeirra hjóna
Guðrúnar Birgisdóttur og Martials
Nardeau.
Þetta tiltölulega fáheyrða hljóð-
færi líkist engu öðru í hljómi, nema
ef vera skyldi tenór-blokkflautu;
við liggur, að nútímamálmflauta
Böhms frá fyrri hluta 19. aldar
sé jafnfjarlæg lit tréþverflautunn-
ar og óbó og klarinett. í þokkabót
er hin klappakerfislausa tréflauta
harla óþæg í inntónum og fingra-
setningu og á hún þá agnúa sam-
eiginlega með blokkflautunni, sem
drukknar í fingraflækjandi gaffal-
gripum, um leið og leikur fer áð
fjarlægjast grunntóntegund. Þó
mátti merkilegt heita, hvað flautu-
leikurunum á föstudaginn tókst
að jafna þessa annmarka er komu
Mozart (sem hataði þverflautuna)
til að svara spurningunni: „Hvað
getur verið falskara en flauta?"
með „Tvær flautur!“, því inntónun
þeirra hjóna var víðast hvar prýði-
lega góð, þrátt fyrir „klukkudýn-
amík“ á iöngum tónum hér og þar.
Hinn megingalli tréflautunnar,
sem knúði Böhm til endurbóta —
nefnilega kraftleysi neðsta tón-
sviðsins — komst þó ekki hjá því
að gera vart við sig, því þar báru
einsöngvari og selló bassafylgi-
raddar einfaldlega blásturinn of-
urliði. Þegar þetta er sagt verður
þó að taka fram, að í heild voru
fífumjúkir tónar tréflautnanna
hreinasta eyrnaangan í nábýli við
gómsætar griplur sembals og silki-
sléttan söng barokksellósins og
Mörtu Guðrúnar Halldórsdóttur
og sýndu fram á réttmæti þess
að rifja upp ómhverfi hárkolluald-
ar. Sem betur fór reyndist hljóm-
burður Gerðarsafnsins nýja í
Kópavogi hliðhollur hinni við-
kvæmu hljóðfæraskipan.
Verkin á tónleikunum voru eftir
þá jafnaldra Hándel og J.S. Bach,
höfuðjöfra barokktímans. Söngur
kom við sögu í tveim þýzkum ar-
íum eftir Hándel, tveim aríum úr
Mattheusar- og Jóhannesarpass-
íum Bachs og í fjórum sálmum
úr söngbók G. C. Schemellis, sem
Bach útsetti eða frumsamdi, og
kom þar glöggt fram, að Marta
Guðrún Halldórsdóttir er orðin ein-
hver frambærilegasti túlkandi
okkar á eldri sönglist. Þó að enn
megi auka nokkuð fyllingu botn-
sviðsins og liðka flúrsöngstæknina
er Marta Guðrún greinilega farin
að ná góðum tökum á sléttum
söngmáta fyrri tíma. Hún hefur
sem fyrr heillandi framkomu og
allskýran textaframburð (þó að
lengi megi gott bæta) og gljáfægð
sópranröddin féll að kyrrlátum nið
sembals, sellós og tréflautu sem
glófi að fingrum.
I einleikssvítu Bachs fyrir semb-
al í e-moll BWV 996 sýndi franski
semballeikarinn frá Marseille,
Christine Lecoin, góð stílræn til-
\
þrif, þrátt fyrir nokkur sérkennileg
innantakts-rubati, sem hljóta að
skrifast á sláttarhefð gallískra
clavecinista, og samleikari hennar
á selló í hinum verkunum, Örnólf-
ur Kristjánsson, var stöðugleikinn
uppmálaður.
A tónleikunum bar hæst hina
bráðskemmtilegu Tríósónötu
Bachs í D-dúr BWV 1028, betur
þekkt sem gömbusónatan í G-dúr
BWV 1039, sem hér mátti heyra
í upphaflegri gerð fyrir tvær flaut-
ur og fylgibassa (sembal og selló).
Hafi blásturinn ekki verið með
öllu hnökralaus var því meira leik-
ið af smitandi tilfinningu fyrir
þeirri dansgleði sem geislar af
guðspjallamanninum frá Eisenach
á góðri stund og er óskandi að þau
Guðrún og Martial haldi áfram að
leggja rækt við hið skemmtilega
en erfiða hljóðfæri, barokkflaut-
una, því þessi flutningur Iofaði
góðu um framtíðina.
Ríkarður Ö. Pálsson
Ef þú smellir
á forsíðu
færðu allar
fréttir sem birtast
áforsíðu
Morgunblaðsins
í dag.
http://www.strengur.is
Norræna húsið
Málverk, litógrafíur
og útskornar myndir
SÝNING á verkum danska
listamannssins Niels Macholms
hefur verið sett upp í anddyri
Norræna hússins. A sýningunni
eru málverk, litógrafíur og út-
skornar myndir.
Niels fæddist 1915 og verður
því áttræður á þessu ári. Hann
rak Macholms Kunsthandel í
Rolighedsvej í Kaupmannahöfn
1943-1952 og hélt sína fyrstu
sýningu hjá Kunstnernes Eft-
erársudstilling 1944.
Niels missti sjónina 1979 og
þar með lauk ferli hans sem
listmálara. Hann hefur hlotið
margs konar viðurkenningar
og styrki um ævina, m.a. Henry
Heerups-styrkinn og Hessel-
lunds-styrkinn. Þá hefur hon-
um verið veitt Eckerbergs-
verðlaunin.
Sýningin stendur til 1. maí.
Grænlandsferðir 1995
Úrval Grænlandsferða, ýmsir möguleikar.
Meðal annars bjóðum við:
6 daaa veiðiferðir til Narsaa frá krónum 57.616,-
Innifalið er flug, gisting, morgunverður, veiðileyfi, fararstjórn, allar ferðir á Grænlandi, nesti í veiðiferðum og
flugvallarskattur.
3ia daaa ferð á slóðir Eiríks rauða frá krónum 63.500,-
Innifalið er flug, gisting, morgunverður, kvöldverður, fararstjórn, sigling milli Narsarsuaq og Narsaq,
skoðunarferðir um Narsaq og Bröttuhlíð og flugvallarskattur.
Ferðaskrifstofa
GUOMUNDAR JÓNASSONAR HF.
Borgartúni 34, sími 683222
Leitið upplýsinga
HASKOLIISLANDS
ENDURMENNTUNARSTOFNUN
Útflutningur:
Markaðssetnim 02 fiármö^nun
Tvö sjálfstæð námskeið sem
mynda þó ein heild.
Námskeiðin eru ætluð l'ólki sem er að hefja
útflutning eða hefur stundað hann í smáum
stfl. Því er áhersla lögð á hagnýt atriði en"
ekkifræðileg. Jafnframt eru þau kjörin fyrir
ráðgjafasem vilja öðlast innsýn í ýmis hagnýt
atriði varðandi útflutning.
I Að hefja útflutning:
Markaðssetning
Tími: 24. og 26. apríl kl. 8.20-12.30.
Athyglinni fyrst og fremst beint að markaðs-
málum. Hvernig er markaðsstefna mótuð og
markaðsáætlun samin? Hvar geta íslenskir
útflytjendur leitað aðstoðar hér á landi?
Leiðbeinandi: Haukur Björnsson,
verkefnastjóri hjá Útflutningsráði Islands.
Upplýsingar og skráning: Sími: 569 4923,
fax: 569 4080, netfang: endurm(g)rhi.hi.is
II Útflutningur:
Fjármögnun og trygging fyrir greiðslum
Tími: 4. maí kl. 13.00-17.00 og 5. maí kl. 8:30-12:30
Algengustu afhendingar- og greiðsluskilmálar í milli-
ríkjaviðskiptum, leiðir til að fjármagna útflutning,
útflutningstryggingar og leiðir til að draga úr gengisáhættu.
Hvemig geta íslenskir aðilar aflað upplýsinga um væntan-
lega viðskiptavini erlendis í því skyni að draga úr áhættu?
Umsjón: Finnur Sveinbjömsson, skrifstofustjóri í
viðskiptaráðuneytinu.
Leiðbeincndur: Halldór S. Magnússon, forstöðumaður
erlendra viðskipta íslandsbanka hf., ívar Guðjónsson,
lánasérfræðingur lslandsbanka hf„ Eggert Agúst Sverrisson
forstöðumaður fjárstýringar íslandsbanka hf. og Agnar
Kofoed-Hansen, forstöðumaður upplýsingaskrifstofu
Verslunarráðs íslands.