Morgunblaðið - 14.12.1985, Side 84

o o
<§tlll & ^ilfur l)/f
I-.\l'(i.WTXil :*ft KKYK.IAYIK- S L»(Hi2n
tfgtmliljifrifr
EVTT KDRT AUS SIADAR
LAUGARDAGUR 14. DESEMBER 1985
VERÐ í LAUSASÖLU 40 KR.
Samningur Eimskips
og hafnarstjóman
Uppsegjan-
—legur eft-
ir fimm ár
HAFNARSTJÓRN Reykjavíkur
samþykkti samhljóða í gær sam-
komulag sem hafnarstjóri gerði við
Eimskipafélag íslands vegna rétt-
inda Hafskips í Austurhöfninni,
sem Eimskip mun yfírtaka ef af
kaupum þess á eignum þrotabúsins
verður.
Það felst í samkomulaginu að
Eimskip yfirtekur hafnaraðstöðu
Hafskips i Austurhöfninni með
_ ákveðnum skilyrðum. Samningur-
‘ ^inn er uppsegjanlegur eftir 5 ár,
með eins árs fyrirvara, en samn-
ingur Hafskips gilti til aldamóta.
Ákvæði er um heimild til ákveð-
innar skerðingar svæðisins af
skipulagsástæðum. Þá er ákvæði
um nýtingu svæðisins, þar sem
Eimskip lofar að leitast við að nýta
vöruafgreiðsluna sem mest, þann-
ig að tekjur hafnarinnar skerðist
sem minnst.
Danska uppboðshúsið:
20—30%
lækkun
minkaskinna
20-30% verðlækkun hefur orðið á
minkaskinnum á uppboði i uppboðs-
húsi danska loðdýraræktarsam-
bandsins í Kaupmannahöfn sem
staðið hefur yfír undanfarna daga.
Sigurjón Bláfeld loðdýraræktarráðu-
nautur sagði að endanlegar upplýs-
ingar hefðu ekki borist, en sér sýnd-
ist að meðalverðið væri rúmar 200
danskar krónur (900 íslenskar) en í
fyrra hefði meðalverðið verið 276
krónur danskar (1.250 íslenskar).
Salan var fremur dræm, eða
70-80% framboðinna skinna. Eng-
in eða mjög fá íslensk skinn fóru
á uppboðið, þau eru aðallega seld
á febrúaruppboðinu í Kaupmanna-
höfn. Sigurjón sagði að menn
hefðu reiknað með lækkun vegna
aukins framboös minkaskinna á
heimsmarkaði í ár og þeir spádóm-
ar hefðu nú komið fram. Hann
taldi að menn gætu þó við verðið
unað, ef það lækkaði ekki meira.
„Sjáiði hvað kórónan er flott“
MorRunblaöiö/Arni Sœberj?
Hólmfríði Karlsdóttur, fegurðardrottningu heimsins, var vel fagnað þegar
hún kom til landsins í gær. Fyrsta verk Hólmfríðar var að heimsækja
krakkana á barnaheimili Vífílsstaða, þar sem hún vann sem fóstra áður
en hún fór í „Miss World“ keppnina. Og eins og sjá má voru þau ánægð
með að sjá „Hófí sína“ aftur.
Þrotabú Hafskips:
Danskur skipamiðlari
spyrst fyrir um skipin
Eimskip framlengdi gildistíma tilboðs til þriðjudags
DANSKUR skipamiðlari spurðist í
gær fyrir um skip Hafskips hjá ein-
um bússtjóra þrotabúsins. Var hon-
um sagt að skipin væru til sölu en
í svarinu var jafnframt tilgreint að
fyrir lægi tilboð í eignirnar sem
skiptaráðendur þyrftu að taka af-
stöðu til á þriðjudag. í gær bauðst
Eimskipafélagið til að framlengja
gildistíma tilboðs síns í eignirnar og
varð það að samkomulagi á millí
Eimskip og skiptaráðenda að fram-
lengja tilboðið til klukkan 17 á
þriðjudag.
í bréfi Eimskipafélagsins til
skiptaráðanda segir að vegna
gagnrýni í fjölmiðlum og á Alþingi
á vinnubrögð við sölu á eignum
þrotabúsins sé Eimskip reiðubúið
til að gefa eðlilegan frest á tilboði
sínu, til að láta á það reyna hvort
aðrir kostir séu betri fyrir Útvegs-
bankann eða skattgreiðendur.
Markús Sigurbjörnsson skiptaráð-
andi þrotabúsins sagði í gær að
rétt hefði þótt að taka þessu boði
þannig að aðrir eigi kost á að gera
tilboð í eignirnar, en það hefði
alltaf verið opið. Hann tók fram
að ekkert tilboð hefði enn borist
en fyrirspurnir frá danska skipa-
miðlaranum og Stefáni Árnasyni
Öryggisbúnaður að Bessastöðum:
„Eindregið þeirrar skoðunar
að það þurfí öryggisbúnað“
■— segir Steingrímur Hermannsson forsætisráðherra
„VITANLEGA er þaö algjörlega óviöunandi að hver sem er geti gengiö inn
og út hjá forseta íslands, að eigin vild. Þess vegna er það mjög nauðsynlegt
að einhvers konar öryggiskerfí verði komið upp aó Bessastöðum,“ sagði
Steingrímur Hermannsson forsætisráðherra í samtali við Morgunblaðið, um
þann öryggisbúnað sem fyrirhugað er að setja upp á Bessastöðum.
Forsætisráðherra sagði að það
hefði einu sinni gerst í forsetatíð
tKristjáns heitins Eldjárns, að
ókunnur maður hefði verið kominn
ínn að rúmstokk eins barna hans,
áður en uppgótvaðist um ferðir
hans. Slíkt væri með öllu óviðun-
andi. nÉg er mjög eindregið þeirrar
skoðunar að það verði að setja upp
öryggiskerfi á Bessastöðum. Það
er hægt að setja upp alls konar
öryggiskerfi, t.d. sem hringja
bjöllu á lögreglustöð, ef eitthvað
kemur upp á,“ sagði Steingrimur.
Steingrímur sagðist ekki vita
nákvæmlega hvers konar öryggis-
útbúnaði yrði komið upp á Bessa-
stöðum. Fyrrverandi lögreglu-
stjóri Reykjavíkur hefði verið
fenginn til þess að gera tillögur í
þessu efni, en sú fjárveiting sem
hér um ræddi, 2,4 milljónir króna,
nægði engan veginn til þess að
framkvæma allar hans tillögur.
Hann hefði m.a. gert tillögu um
sérstakt sjónvarpsauga, þannig að
það sæist á lögreglustöðinni í
Hafnarfirði, hvaða umferð færi
iim Rpssast.afti.
sem áður hefur verið greint frá.
Drög að samningi Eimskips og
skiptaráðanda eru að mestu til-
búin og bíða ákvörðunar skipta-
ráðanda á þriðjudag. Samnings-
upphæð er um 9,3 milljónir Banda-
ríkjadollarar, sem samsvarar rúm-
um 390 milljónum kr. Samkvæmt
upplýsingum Morgunblaðsins er
gert ráð fyrir að Éimskipafélagið
taki við eignunum kvaðalausum
og greiði samningsupphæðina með
skuldabréfum, um 55% með láni
til 10 ára í erlendri mynt með
markaðsvöxtum og um 45% með
láni til 15 ára, verðtryggðu en
vaxtalausu. Ákvæði er um að
Skaftá, sem er föst í Antwerpen
vegna kyrrsetningar, verði afhent
15. janúar, en kaupin á henni gangi
að öðrum kosti til baka og samn-
ingsupphæðin lækki sem því nem-
ur. Markús Sigurbjörnsson sagði
að erfitt væri að losa skipið og
taldi ekki ólíklegt að það yrði selt
á nauðungaruppboði ytra.
DAGAR
TILJÓLA