Morgunblaðið - 14.12.1985, Blaðsíða 78

78
MORGUNBLAÐIÐ, LAUGARDAGUR14. DESEMBER1985
r> F^rirgeP^u fyrirgetn^inn/en þaS er
veirið cxb máia. /ofii6 hja o/ckur-"
*
Ast er...
... að halda upp
á daginn.
TM Rag. U.S. Pat. Off.-all rlghts reserved
®1985 Los Angeles Times Syndicate
HÖGNI HREKKVlSI
,,./4llTaf SAMi gamli kransinm, 'AR eftir 'ar!"
Úr sýningu Leikfélags Reykjavíkur.
§ 1 r-
. 9 4 KI iH #, >
Þessir hringdu ...
Borgin slétti
hrúgurnar fyrir
áramótabrennu
Kristjána hringdi:
„Þannig er að ár hvert hafa
íbúar í Litla Skerjafirði haldið
áramótabrennu á flötinni sunn-
an við Norræna húsið. Þar hefur
oft verið glatt á hjalla og mein-
ingin var að halda fagnaöinn
einnig um þessi áramót. En upp
á síðkastið hafa vörubílar full-
hlaðnir mold og ýmsu járnarusli
sturtað farminum á brennuflöt-
ina svo að vonlaust virðist að
halda brennuna í ár vegna þess
hve óslétt svæðið er orðið. Af
þessu tilefni mælist ég til þess
að borgaryfirvöld láti slétta
hrúgurnar sem fyrst svo að við
getum, líkt og aðrir borgarbúar,
farið að safna í áramótabrennu.
Myndin um
Karenu Blixen
Anna Stefánsdóttir hringdi og
óskaði eftir því að myndin um
skáldkonuna Karenu Blixen yrði
endursýnd. „Fólk af eldri kyn-
slóðinni sem þekkti vel til Karen-
ar og verka hennar missti af
myndinni vegna þess að hún var
seint á dagskránni. þess vegna
væri þjóðráð að endursýna hana
og jafnvel síðdegis á helgidegi."
Land míns föður
góð sýning
Leikhúsgestur hringdi og hrós-
aði mjög sýningu Kjartans Ragn-
arssonar „Land míns föður“, sem
nú er á fjölum Iðnó.
„Stríðsárin og ástandið var
ljóslifandi á sviðinu og stemmn-
ing þessa tímabils rifjaðist upp
fyrir manni. Einnig var það mjög
vel til fundið að láta aðal sögu-
hetjurnar vinna við þvotta því
að á stríðsárunum þöktu grænu
hermannafötin þvottasnúrurnar
í heilu byggðarlögunum.“
Meira af bfla-
íþróttum
Bjössi hringdi og var óánægður
með íþróttaþættina. „Á sumrin
fjallar hann um fótbolta og á
vetrum um handknattleik. Það
þarf að sýna frá fleiri greinum
t.d. bílaíþróttum og slíku.“
Víkverji skrifar
*
Avegum Verðlagsstofnunar
hafa reglulega verið gerðar
verðkannanir á undanförnum
árum. Víða hefur verið borið niður
og hefur stofnunin verið í takt við
hugleiðingar neytenda á hverjum
tíma. Sem dæmi má nefna að ný-
lega var verð á leikföngum kannað,
á vorin eru það gjarnan bygginga-
vörur einhvers konar, kjötvörur
að hausti að svo framvegis. Vel
upplýstir neytendur eru bezta
aðhaldið, sem hægt er að veita í
verðlagsmálum. Ekki svifaseint og
þungt kerfi boða og banna.
XXX
Reykvíkingar og nágrannar
kvarta á stundum yfir reikn-
ingum Hitaveitunnar. En hvað
segðu íbúar á höfuðborgarsvæð-
inu, ef þeir þyrftu að greiða svip-
aða reikninga og fólk víða úti á
landi, til dæmis á Akureyri. Þar
er ekki óalgengt að heita vatnið
kosti á ári fimm sinnum meira
heldur en í höfuðborginni. í
Reykjavík og næstu sveitarfélög-
um hagnast íbúarnir á framsýni
og dugnaði fyrri kynslóða, meðan
Akureyringar t.d. eru að greiða
niður nýlega veitu með tilheyrandi
erlendum lánum og vaxtafargi.
XXX
Tíðarfarið var lítillega til um-
ræðu í þessum dálkum í föstu-
dagsblaðinu. Veðurblíðan var róm-
uð, en jafnframt bent á hættuna
í umferðinni í hálkunni sem oft
hefur verið undanfarið. Á loðnu-
miðunum hefur ekki verið slíkt
koppalogn sem á Tjörninni í
Reykjavík síðustu daga. Eigi að
síður hefur tíðin verið góð og
loðnusjómennirnir fært á land
þúsundir tonna af loðnunni. Má
það með ólíkindum telja að slíkt
hafi verið hægt í þessum dimmasta
mánuði ársins og tekjurnar fyrir
þjóðarbúið kom sér örugglega vel
á þessum „síðustu og verstu". Allra
veðra er von á þessum árstíma og
er vonandi að engin óhöpp verði.
XXX
að er greinilega verið að reyna
að gera andlitslyftingu á sjón-
varpsfréttunum um þessar mund-
ir, enda þótt nokkuð séu skiptar
skoðanir á því hvernig til hafi
tekist.
Hins vegar er ástæða til að
kvarta yfir tæknilegum frágangi
sjónvarpsfréttanna. Það er raunar
mál, sem á sér lengri sögu en aftur
til fréttastjóraskiptanna, en mi-
stök í útsendingum frétta eru tíð-
ari en eðlilegt getur talist. Þulur
er iðulega enn að flytja inngang
að einhverri frétt þegar frétta-
maðurinn kemur á skjáinn og svo
byrjar hann að tala, áður en frétta-
þulur hefur lokið sér af. Líka gerist
það að það gleymist að skrúfa upp
í hljóðinu, þegar fréttainnskot með
fréttamanni í mynd birtist. Að
ógleymdum þeim atvikum, þegar
klippt er á viðmælendur sjón-
varpsins, sem hverfa af skjánum,
bærandi varirnar í þöglu ákalli til
áhorfenda.
En hvimleiðast er þó, að í mörg-
um fréttainnskotum sem tekin
hafa verið á myndbönd út um
hvippinn og hvappinn eru hvers
kyns myndtruflanir alltof tíðar.
Þetta bendir til þess að tæknideild
sjónvarpsins noti myndbönd þau,
sem notuð eru í fréttirnar of oft
því að það er slík ofnotkun, sem
veldur myndtruflunum. Vel má
vera að verulegur sparnaður sé því
samfara að geta notað sömu
myndböndin aftur og aftur, en slík
sparnaðarsjónarmið mega ekki
ganga of langt, sem verður þegar
tæknilegt yfirbragð sjónvarpsút-
sendingar er eyðilagt.