Morgunblaðið - 14.12.1985, Blaðsíða 17

MORGUNBLAÐIÐ, LAUGARDAGUR14. DESEMBER1985
17
geysimikil áhrif á Kanada frá öll-
um hliðum, meriningarlegum, fjár-
hagslegum, stjórnmálalegum og
hernaðarlegum. Það er ekki ein-
asta þátttaka Kanada í NATO og
hernaðarlegt framlag landsins,
sem kaupir Kanadamönnum sæti
við borð Atlantshafsbandalagsins,
heldur auðveldar það þeim öll
samskipti við Bandaríkin. Því
meira sem Kanada leggur af mörk-
um innan NATO þeim mun auð-
veldara er fyrir þá að koma ár
sinni vel fyrir borð í Washington.
Ég held, að hér sé ekki um að
ræða minnimáttarkennd Kanada-
manna gagnvart Bandaríkjamönn-
um. En staðan er viðkvæm. Vanda-
málið er það, að Bandaríkin eru
stórþjóð, sem býr við hliðina á
smáþjóð, þar sem Kanada er. En
smáþjóð getur einnig sýnt styrk
þó á öðrum sviðum sé, og þar hefur
Kanada upp á ótal margt að bjóða,
sé rétt á málum haldið.
Svart á hvítu:
Jónas í viðtali
Bókaútgáfan Svart á hvítu hefur sent frá sér viðtalsbók við Jónas Árnason
rithöfund og fyrrum alþingismann. í viðtalsbókinni, sem Rúnar Ármann Arth-
úrsson blaðamaður skráði, lítur Jónas yfir æviferil sinn allt frá barnæsku og
staldrar við það sem öðru fremur hefur mótað þroska hans eða af ýmsum
orsökum orðið honum eftirminnilegt. Margir koma við sögu og er Jónas
ófeiminn við að tjá sig af hreinskilni um sjálfan sig og samferðamenn sína.
„Karakternef hans hefur aldrei látið stjórnast af flokkspólitík**, segir i frétta-
tilkynningu frá Svörtu á hvítu, „Jónas er að vanda glettinn þó á milli sé
slegið á alvarlega strengi".
Viðtalsbókin er 250 bls. að stærð,
ásamt 24 myndasíðum og nafnaskrá
— prentuð og bundin í Hólum. Jónas
Árnason þarf vart að kynna fyrir
íslenskum lesendum. í fréttatil-
kynningu frá forlaginu segir m.a.:
Börn opnuðu í sakleysi sínu hjarta
sitt fyrir hinum langa, nefstóra
manni. Konur og karlar, mitt í
amstri hversdagsins, urðu í þáttum
Jónasar merkilegustu persónur á
líðandi stund.
Þegar bræðurnir Jónas og Jón
Múli settu saman söngleikinn Del-
eríum búbónis fyrir liðlega þrjátíu
árum hlaut það mikiar vinsældir.
Leikrit Jónasar, s.s. Þið munið hann
Jörund og Skjaldhamrar, hafa einn-
Morgunblaðið/Öl.K.Mag.
Frá vinstri: Björn Jónasson, útgefandi, Jónas Árnason og Rúnar Ármann
Arthúrsson, sem skráði viðtalsbókina við Jónas.
ig náð miklum vinsældum og hafa
sum auk þess verið sýnd erlendis.
Hálfþrítugur varð Jónas alþingis-
maður Seyðfirðinga eitt kjörtímabil
og seinna alþingismaður Alþýðu-
bandalagsins fyrir Vesturland í 12
ár. í bókinni greinir Jónas frá ýmsu
sem ekki var flíkað á sínum tíma
og hlífir hvorki skoðanabræðrum
né andstæðingum ef því er að skipta.
ísland og Kanada
ísland og staða þess innan
NATO er umræðuefni út af fyrir
sig, sem ég hef skrifað um á öðrum
vettvangi. ísland er eins og við
vitum fyrst og fremst mikilvægt
vegna landfræðiiegrar legu sinnar
í Norður-Atlantshafi.
Við getum sagt, að Kanadamenn
verði að gjalda þess, hvað þeir
hafa yfir að ráða miklum land-
svæðum. Svipað má segja um ís-
land. Landsmenn verða að gera sér
grein fyrir mikilvægi legu landsins
og á sama hátt og Kanada hegða
sér eftir því á alþjóðavettvangi.
mynd.
Fullnaðar-
greiðsla
fyrir sauð-
fjárafurðir
15. des.
100%greiðsla fyrir fram-
leiðslu innan búmarks,
en 75%vegna fram-
leiðslu umfram það.
SLÁTURLEYFISHAFAR eiga að
greióa sauðfjárbændum fullnaðar-
greióslu haustgrundvallarverðs eigi
síðar en 15. desember, samkvæmt
staðgreiðsluákvæði búvörulaganna.
Framlciðsluráð hefur nú samþykkt
reglur vegna þessa uppgjörs.
Sláturleyfishafar áttu að greiða
25% af innlegginu 15. október
samkvæmt fyrri samþykkt Fram-
leiðsluráðs og er því í flestum tilvik-
um 75% innleggsins eftir. Sam-
kvæmt reglum Framleiðsluráðs á
að skipta því fé sem ríkisstjórnin
ákvað að lána, sem fyrirfram-
greiðslu á útflutningsbótafé til að
greiða fyrir greiðslunni (450 millj-
ónir kr.), hlutfailslega jafnt á milli
sláturleyfishafa miðað við verð-
mæti afurða. Sláturleyfishafar éiga
að greiða fullt haustgrundvallar-
verð fyrir kjöt, gærur og slátur til
framleiðenda á lögbýlum, sé fram-
leiðslan innan sauðfjárbúmarks, en
aðeins 75% fyrir framleiðslu sem
er umfram búmarkið. Framleiðend-
um utan lögbýla verði greitt 90%
af haustgrundvallarverði fyrir
framleiðslu innan búmarks, en 75%
sé hún umfram búmarkið, eða sé
ekkert búmark til hjá viðkomandi
framleiðanda.
Vegna skiptingar framleiðslu
kjöts og mjólkur í búvörusamning-
unum fellur niður réttur manna til
að færa 15% á milli mjólkur og
kjöts, svo sem verið hefur í upp-
gjörsreglum undanfarin ár. Vegna
þessa ákvað Framleiðsluráð að
augiýsa eftir umsóknum um til-
færslur á milli búgreina á blönduð-
um búum, svo framleiðendur geti
óskað leiðréttingar á hlutföllum
þessum. Umsóknarfrestur er til 15.
desember.
Sérverslun með listræna húsmuni
Borgartúni 29 Sími 20640
Úrval af ítölskum Ijósum í loft
á veggi - á borð - á gólf - hvar sem
þörf er fyrir mjúka lifandi lýsingu.
íbúðin fær hlýja birtu og blæ
með Ijósi frá okkur.
Þú gengur að gæðunum vísum.

-

§
FLOS