Morgunblaðið - 14.12.1985, Side 79

MORGUNBLAÐIÐ, LAUGARDAGUR14. DESEMBER1985
79
VELVAKANDI
SVARAR í SÍMA
10100 KL. 10—11.30
FRÁ MÁNUDEGI
TIL FÖSTUDAGS
Um Foss-
YOgS-
dalinn
Fossvogsdalur
Ágæti Velvakandi.
Ég má til með að senda þér til
birtingar nokkrar linur um mál
nokkuð sem dregið hefur verið
fram í dagsljósið aftur eftir langt
hlé, en það er nefnilega, margum-
töluð hraðbraut í gegnum Foss-
vogsdalinn.
Nú hefur verið sett fram hug-
mynd af hálfu Kópavogsbæjar
varðandi útivistarsvæði í Foss-
vogsdalnum og ber þar hæst hug-
myndina um golfvöll, sem mætti
nýta á fleiri vegu, m.a. sem skíða-
göngusvæði á veturna.
Þegar ég sá þessa tillögu fyrst
birta í Morgunblaðinu fyrr í haust
þá létti mér sem snöggvast og ég
hugsaði sem svo að e.t.v. gæti farið
svo eftir allt saman að maður
fengið að sjá grænan blett ein-
hversstaðar í friði, jafnvel skipu-
lagðan á þann hátt að sem flestir
gætu notið hans, ekki eingöngu
þeir sem eiga bíla og geta keyrt
eitthvað út fyrir borgina í leit að
öðru umhverfi en malbiki og stein-
steypu. Að maður tali nú- ekki um
að fá að sjá e.t.v. örlítið meira af
trjám í sjálfri höfuðborginni.
En Adam var ekki lengi í para-
dís, „stóri bróðir" í Reykjavík lýsti
því yfir að Kópavogsbær fengi ekki
að komast upp með svona nokkuð
án samþykkis borgarstjórnar og
það var greinilegt að slíkt sam-
þykki stóð ekki til að gefa.
Útivistarsvæði og golfvöllur,
ekki nema það þó! — Nei takk, hér
í Reykjavíkinni hefur nefnilega
„skipulaginu" á gatnakerfinu verið
klúðrað svo rækilega, að þegar
byggðin hafði þanist upp um fjöll
og firnindi í Breiðholtinu, kom í
ljós, að gleymst hafði að gera ráð
fyrir umferðinni. Eða öllu heldur
skipulagði einn þetta og annar
hitt.
En draumur draumanna er nú
að eyðileggja Fossvogsdalinn með
dýrindis hraðbraut í gegnum hann
endilangan nánast ofan í húsa-
garðana þar, gegnum a.m.k. eina
af ekki tvær gróðrastöðvar. Gott
og vel, látum vera að möguleikinn
á útivistarsvæði á einum veðursæl-
asta stað á landinu sé eyðilagður.
En þá er bara að hefjast handa
við jarðvegsskiptin miklu. Það er
alkunna að í Fossvogsdalnum er
einn albesti jarðvegur sem til er á
landinu fyrir gróður og trjárækt
og mun vera ansi djúpt niður á
fast þar. Þessum jarðvegi þurfti
að byrja á að ryðja öllum í burtu
og síðan að bera ofan í ómælt
magn af vegaundirlagi. Hvað
skyldi sú framkvæmd kosta? Fyrir
nú utan það að á meðan barist er
hörðum höndum við að rækta upp
landið við erfiðar aðstæður, því í
ósköpunum þá ekki að nýta þá fáu
staði á landinu sem eru eins og
skapaðir fyrir gróður og trjárækt?
En slíkur er einmitt Fossvogs-
dalurinn. t honum búa verðmæti
sem aldrei verða metin til fjár í
landi sem okkar, ekki síst vegna
veðursældar. Þess vegna ættu
reykvískir ráðamenn að sjá sig um
hönd í þessum efnum og rækta upp
Fossvogsdalinn, t.d. í samvinnu við
Skógræktarfélag Reykjavíkur.
Skógræktarstöð félagsins ber þess
rækilega vitni hvað dalurinn hefur
upp á að bjóða í þessum efnum
umfram aðra staði landsins. í stað
þess að ryðja niður meir en orðið
er af stöðinni og þeim trjám þar
sem tekið hefur áratugi að ná upp
í þá hæð sem á þeim nú er. Nóg
hefur nú fengið að víkja fyrir
malbikinu samt . i ...
Skógræktarstöðin er einmitt
mjög vinsæll staður til gönguferða
og fegurðin þar jafnt sumar sem
vetur er hreint ótrúleg. En þar sem
þar fer fram uppeldi og ræktun á
viðkvæmum plöntum og mikil
vinna liggur þar að baki, þá er
ekki hægt að hafa stöðina alveg
opna fyrir almenningi, en því þá
ekki að skapa svipuð skilyrði til
gönguferða og útivistar fyrir utan
uppeldisstöðina sjálfa, þar sem
Kópavogsbúar og Reykvíkingar og
reyndar fleiri geta notið þar veður-
blíðunnar í fallegu umhverfi rétt
við bæjardyrnar? Nú þegar í öllu
skipulagsleysinu og óræktinni sem
er í Fossvogsdalnum, þá er dalur-
inn mjög vinsæll til útivistar. Þar
má sjá unga sem aldna á ferð jafnt
vetur, sumar, vor og haust. Á
meðan skipulögð leiksvæði barna
i Fossvogsdalnum standa auð árið
um kring, má sjá krakkahópana
leika sér neðar í dalnum sjálfum.
Þar eru þau m.a. í fótbolta, á
skautum á pollum á veturna og
ótal margt fleira. Þar má daglega
sjá margan manninn á gangi eftir
malarstígnum sem þar er, sumir
jafnvel skokka þar sér til heilsu-
bótar. Á veturna, þegar nægur
snjór er, er Fossvogsdalurinn
hreinasta paradís fyrir skíða-
göngufólk. Þar má sjá æ fleira fólk
sem nýtur þess að skella sér á
gönguskíðin við dyrnar heima hjá
sér og fá sér hressandi göngu-
sprett. Þarna mætti gera samfellt
gróður- og útivistarsvæði eftir
endilöngum Fossvogsdalnum upp
með Elliðaánum, Breiðholti og
Árbæjarhverfi. Það má þegar sjá
heilu fjölskyldurnar sem nú þegar
notfæra sér þetta.
Heyrt hef ég að einn núverandi
fulltrúi Sjálfstæðisflokksins í
borgarstjórn, Katrín Fjeldsted
yfirlæknir á Heilsugæslustöðinni
í Fossvogi, sé ásamt fleirum mjög
hlynnt hraðbrautinni í gegnum
Fossvogsdalinn. Sé svo finnst mér
það skjóta skökku við að aðalfor-
svarsmaður umferðarvikunnar i
Reykjavík skuli vera á þessari
skoðun ekki síst þar sem viðkom-
andi er heimilislæknir fjölda fólks
í Fossvognum. Vill hún virkilega
fá hraðbraut ofan í Fossvogsskóla
sem er barnaskóli alveg við lóða-
mörk bæjanna? Þar er einnig
Snælandsskóli Kópavogsmegin,
fvrir nú utan allt íbúðarhúsnæðið.
Á sama tíma berst þessi kona fyrir
því að hámarkshraði í gamla vest-
urbæ Reykjavíkur sé 30 km/klst.
Mér er spurn, gera menn sér
almennt grein fyrir þvf hvað auða
svæðið í Fossvoginum er í raun og
vqru Iítið? Katrin. hlýtur aun.k.iað
gera það, því frá Heilsugæslustöð-
inni er ágætis útsýni yfir dalinn
og auk þess hlýtur hún margoft
að eiga erindi heim til sjúklinga
sinna í hverfinu.
Það er nefnilega ekki nema rétt
steinsnar þarna á milli Kópavogs
og Reykjavíkur og það þyrfti því
að leggja hraðbrautina ofan í skól-
ana og húsagarðana í bókstaflegri
merkingu. Menn geta rétt ímyndað
sé afleiðingarnar af því, og það er
fáráð að setja börnin í þessa hættu.
Það hafa einnig heyrst raddir
um það að byggja yfir þessa hrað-
braut að hluta og grafa hana niður.
Það yrðu aldeilis milljónir sem þar
fykju, og nóg hefur þegar verið
sóað peningum í fáránleg „glæsi-
mannvirki".
Ég er hrædd um að áform um
útivistarsvæði ofan á göngunum
yrðu litið aðlaðandi. Og varla er
hægt að rækta tré ofan á þeim.
Fyrir nú utan allt raskið sem yrði
á meðan á framkvæmdum stæði,
sem sennilega tæki nokkur ár. Það
er ég hrædd um að vinnuvélarnar
gæfu lítinn frið fyrir nágranna
sína beggja vegna við. Enda brjál-
æði að fara svona með landið
þarna.
Fossvogsbúar, stöndum nú einu
sinni saman og verndum dalinn
okkar fyrir þessum ósköpum.
Styðjum nágranna okkar í Kópa-
voginum og ráðamenn þar sem
greinilega hafa skynsemina í lagi
og geta séð hinn mannlega þátt í
þessu máli, þótt ekki sé nú minnst
á annað. Það er ekki þar með sagt
að golfvöllur sé eina lausnin, en
sú hugmynd er svo sem ekki vit-
lausari en hver önnur, að undan-
skildri hraðbrautinni.
Og þar sem borgarstjórnarkosn-
ingar eru framundan á næsta ári,
þá væri gaman og í raun nauðsyn-
legt að fá að vita afstöðu frambjóð-
enda.
Kristrún Þ. Egilsdóttir
Söngur Jó-
hönnu Möller
8487-3936 hringdi:
Um leið og ég vil þakka Jóhönnu
G. Möller fyrir frábæran söng sem
var I ríkisútvarpinu fimmtudaginn
5. desember vildi ég fara þess á
leit við útvarpið að endurtaka
dagskrána, vegna þeirra mörgu
sem misstu af henni og einnig
hinna sem langar til að heyra hana
aftur. Það er vel þess virði. i,,
Ritið
Hvolfþak himins
eftir Einar Pálsson er komiö út. Þetta er
rit allra þeirra sem áhuga hafa á listum,
þjóöfélagsfræöi og uppruna íslenskrar
menningar.
Bókaútgáfan Mímir, Sólvallagötu 28, sími 25149.
Skíða-
kynning
Einar Úlfsson og Halldór Matthíasson
leiðbeina viðskiptavinum okkar um
val á skíðabúnaði í versluninni
í DAG FRÁ
KL. 14—18
TYROLIA
DACHSTEIN
adidas
TOPPmerkin
í íkíðavörum
öpíð d Cau/pxridöaiML
ÞEKKING - REYNSLA - ÞJÓNUSTA
FALKINN 105 REYKJAVÍK
SUÐURLANDSBRAUT 8 - SÍMI 91-84670