Morgunblaðið - 06.12.1985, Blaðsíða 26
26
MORGUNBLAÐIÐ, FÖSTUDAGUR 6. DESEMBER1985
*
Verkamannabústaðir á Isafírði
íbúðirnar þykja of dýrar
— og seljast ekki á almennum markaði
Morgunblaöiö/JG
Magnús E. Finnsson framkvæmdastjóri Kaupmannasamtaka íslands í
rædustól á fundinum á Akranesi.
Vesturland:
Kaupmenn stofna
með sér félag
„Það hafa verið nokkur vandræði
með að koma út íbúðum okkar í
Hnífsdal og er það bæði vegna þess
að það er ekki mikil eftirspurn eftir
íbúðum þar og eins vegna þess að
íbúðirnar eru tölvert yfir markaðs-
verði,“ sagði Guðmundur Helgason
í stjórn verkamannabústaða á
ísafirði. í fyrri viku var frétt um það
í Vestfirska fréttablaðinu að 9 íbúð-
ir í verkamannabústaðakerfinu á
ísafirði stæðu auðar og illa gengi að
selja íbúðirnar á almennum mark-
aði.
„Lögum samkvæmt ber verka-
mannabústöðum að innleysa íbúð-
ir ef eigendur óska eftir því. Þegar
það er gert reynum við að selja
íbúðirnar aftur, en það gengur illa
núna þar eð mönnum þykja þær
of dýrar," sagði Gumundur. Verð
íbúðanna er framreiknað eftir
vísitölu og mun vera nokkuð hærra
en íbúðaverð á frjálsum markaði.
„Við megum ekki leigja þessar
íbúðir eða selja á frjálsum mark-
aði, svo það gæti reynst erfitt að
koma þeim út,“ sagði Guðmundur.
Á sama tíma og þetta gerist eru
Verkamannabústaðir að byggja 9
íbúða blokk í Fjarðarstræti á
ísafirði. Þær hafa flestar selst.
Ríkarður Steinbergsson, fram-
kvæmdastjóri Verkamannabú-
staða í Reykjavík, sagði að eftir-
spurn eftir íbúðum á vegum kerfis-
ins væri mjög mikil á höfuðborgar-
svæðinu, og væru fjórar umsóknir
um hverja íbúð sem byggð væri.
„Þessir söluerfiðleikar á ísafirði
koma mér nokkuð á óvart, en þeir
hljóta að stafa af því að markaður-
inn er mettaður eða vegna þess
að leiga er lág,“ sagði Ríkarður.
„Það er rétt að framreiknað mark-
aðsverð íbúða verkamannabústaða
er hærra en markaðsverð, ein-
faldlega vegna þessa að markaðs-
verð er nokkuð undir byggingar-
verði, en ég myndi halda að hag-
stæðir greiðsluskilmálar ættu að
vega þar á móti. Það þarf einungis
að greiða 20% út, en eftirstöðvarn-
ar eru lánaðar til 43 ára með 1%
vöxtum. Mánaðargreiðslur eru á
við hálfa leigu," sagi Ríkarður
Steinbergsson.
Akranesi, 3. desember.
KAUPMENN á Vesturlandi hafa
stofnað með sér kaupmannafélag
sem kemur í stað Kaupmannafélags
Akraness sem nú hefur verið lagt
niður. Svæði félagsins nær frá Hval-
fjarðarbotni að sunnan og að Gils-
firði að vestan.
{ fundarboði sem kaupmenn á
svæðinu fengu var tillaga um að
stækka félagssvæði Kaupmanna-
félags Akraness yfir fyrrnefnt
svæði og nafni félagsins yrði
breytt í Kaupmannafélag Vestur-
lands með heimili og varnarþingi
á Akranesi.
Stofnfundurinn var haldinn á
Akranesi fimmtudaginn 21. nóv-
ember sl. og á hann voru mættir
um 40 kaupmenn víðsvegar af
Vesturlandi. Magnús E. Finnsson
framkvæmdastjóri Kaupmanna-
samtaka íslands og stjórnaði fund-
inum og skýrði frá uppbyggingu
samtakanna og upplýsti um störf
og stefnu þeirra. Sigurður Har-
aldsson formaður samtakanna
flutti ávarp og óskaði hinu nýja
félagi velfarnaðar. Hreinn Sumar-
liðason erindreki lýsti starfi sínu
og hvað unnist hefur í starfi kaup-
manna.
Eftir að lög hins nýja félags
höfðu verið samþykkt fór fram
stjórnarkjör og var ólafur Theo-
dórsson, Ákranesi kjörinn formað-
ur og með honum í stjórn Jón
Haraldsson, Borgarnesi, Hrafnkell
Alexandersson, Ólafsvík, Alfreð
Gunnarsson, Akranesi, og Viðar
Magnússon, Akranesi. Að loknu
kjöri stjórnar og annarra trúnað-
armanna fóru fram umræður um
hin ýmsu hagsmunamál kaup-
manna. Þar kom m.a. fram mikill
áhugi kaupmanna á Vesturlandi
fyrir hinni nýju félagsstofnun.
JG
' _ , MorgunblaðiÖ/Júlíus
VSI gegn Dagsbrun:
Beðið gagna úr samskonar máli í Kaupmannahöfn
Fljótlega eftir helgina verður á ný tekið fyrir í Félagsdómi mál það, er Vinnuveitendasamband íslands
hefur höfðað gegn verkamannafélaginu Dagsbrún í Reykjavík vegna uppskipunar- og afgreiðslubanns,
sem félagið hefur sett á vörur frá Suður-Afríku. VSÍ telur bann Dagsbrúnar, sem nýtur m.a. stuðnings
Alþýðusambands íslands, ólöglegt
Málið var þingfest í fyrri viku og tekið fyrir á ný sl. mánudag, þegar meðfylgjandi mynd var tekin.
Þá var því írestað þar til í næstu viku á meðan lögmenn afla sér frekari gagna í málinu. Helst er beðið
eftir greinargerðum úr samskonar máli, sem rekið er fyrir vinnudómstólnum í Kaupmannahöfn. Mál-
flutningur í því máli á að fara fram á morgun, að sögn Bjarna K. Bjarnasonar borgardómara, sem er
formaður Félagsdóms.
Almenningur aftur farinn
að sýna bókinni áhuga
Verð bóka hlutfallslega lægra í ár en í fyrra
ALMENN ánægja ríkir meðal bókaútgefenda með upphaf bókavertíðarinn-
ar nú fyrir jólin, segja þeir að úrvalið sé gott, þótt titlar séu ekki eins
margir og oft áður, og almenningur sé nú aftur farinn að sýna bókinni
áhuga. Verð bóka er hlutfallslega lægra í ár en var í fyrra, þótt enn vanti
nokkuð á að bókakaup séu jafn viðráðanleg og var árið 1980. Það eina sem
skyggir á bókavertíðina nú, að mati útgefenda, er hversu seint gengur víða
hjá prentsmiðjum að skila af sér bókum. En bókin er á uppleið, segja þeir,
og hugmyndir eru uppi um að fylgja þeirri þróun eftir með stofnun bóka-
sambands, sem hefði það hlutverk að vinna að eflingu bókarinnar með
öllum ráðum og dáðum. Þá stendur til að hefja reglulega útgáfu lista yfir
metsölubækur, vikulega nú fyrir jólin en síðan mánaðarlega í framtíðinni.
siðustu árin, en á hinn bóginn er
það rangt að bækur hafi hækkað
umfram aðrar vörur. Það hafa þær
ekki gert,“ sagði Kristján.
Bókasamband Islands
Á bókaþingi í Borgarnesi í haust
var reifuð sú hugmynd að stofna
bókasamband allra þeirra aðila
sem tengdust útgáfu og miðlun
bóka. Hið almenna hlutverk sliks
sambands væri að vinna að eflingu
bókarinnar, en þessa dagana er
verið að ræða það með hvaða hætti
slíkt yrði gert og hvert yrði ná-
kvæmlega verksvið bókasam-
bandsins. Ólafur Ragnarsson hjá
bókaforlaginu Vöku, sagði að mikil
þörf væri því á samstilltu átaki
þeirra aðila sem að framleiðslu
bóka stæðu til að kynna bókina,
finna nýjar leiðir til að koma henni
á framfæri og auka skipulagningu.
„Það hafa komið fram hug-
myndir um að stuðla að því að
lengja jólabókavertíðina, reyna að
teygja hana út janúarmánuð, en
fram til þessa hefur henni lokið
um áramótin. Þá eru menn stað-
ráðnir í að reyna að skapa nýja
bókavertíð, á vorin, og bjóða þá
einkum upp á ódýrari bækur í
kiljuformi. Ennfremur er áhugi
mikill á því að fjölga mjög alls
konar viðurkenningum og verð-
launum fyrir vel unnin störf
tengdum bókaútgáfu," sagði ólaf-
ur.
Listi yfir metsölubækur
Að sögn Eyjólfs Sigurðssonar
verður tekinn upp sá siður að birta
reglulega lista yfir metsölubækur
á Islandi.
Fyrir jólin verður listinn birtur
vikulega, en síðan er meiningin að
halda áfram birtingu slíks lista
mánaðarlega í framtíðinni. Helst
það í hendur við þá viðleitni bóka-
útgefenda að dreifa sölu bóka
meira yfir árið. Það er Kaupþing
sem annast útgáfu metsölulistans.
Góður hugur
til bókarinnar
„Vertíðin fer vel af stað núna
og maður verður greinilega var við
að það er góður hugur til bókarinn-
ar,“ sagði Eyjólfur Sigurðsson
eigandi Bókhlöðunnar. „Það kemur
mikið af góðum bókum fram á
sjónarsviðið núna, bæði tölvert
eftir íslenska höfunda og eins
vandaðar þýðingar á þekktum er-
lendum höfundum. Fólk er ekki
farið að kaupa mikið ennþá, en það
skoðar tölvert og það er góðs viti.
Eyjólfur sagði að það væri eng-
inn vafi á því að lægðin sem var
í bókaútgáfunni á árunum 1982—
’83 væri gengin yfir og bókin stæði
nú mun betur en þá. „Því má þakka
meðal annars hinu óformlega
„kvótakerfi" sem bókaútgefendur
hafa komið sér saman um. Við
höfum áttað okkur á að markaður-
inn þolir ekki meira en rúmlega
300 titla, og höfum leitast við að
halda okkur innan þeirra marka.
Fjöldi titla í ár verður á bilinu
320—50, en var um 500 árið 1983.
Þá er ljóst að samkeppnin við
myndböndin og tímaritin er geng-
in yfir, og síðast en ekki síst hefur
þeim átökum linnt sem voru milli
aðila á bókamarkaðinum fyrir
tveimur árum,“ sagði Eyjólfur.
Bókaverð
Verð bóka er hlutfallslega lægra
í ár miðað við laun en í fyrra, en
nokkuð hærra en það var árið 1980.
Samkvæmt upplýsingum Krist-
jáns Jóhannssonar, framkvæmda-
stjóra Almenna bókafélagsins,
voru bækur 29% dýrari árið 1984
en 1980, en eru 11% dýrari nú en
1980. Áð sögn Kristjáns hefur
hækkun á bókaverði undanfarin
fimm ár haldist í hendur við
hækkun framfærsluvísitölu:
„Það er mikið rætt um það þessa
dagana að bækur séu dýrar. Það
er rétt að því leyti að þær hafa
hækkað nokkuð miðað við laun