Morgunblaðið - 06.12.1985, Blaðsíða 2
2
MORGUNBLAÐIÐ, FÖSTUDAGUR 6. DESEMBER1985
Arnarflug hefur end
urnýjað tryggingar
- segir Agnar Fríðriksson framkvæmdastjóri
AGNAR Friðriksson framkvæmda-
stjóri Arnarflugs segir að félagið
hafi endurnýjað tryggingar sínar 1.
desember sl., en þá hófst nýtt trygg-
ingaár, og standi í skilum við trygg-
ingafélagið miðað við skilmála þess.
Sagði Agnar að orðrómur um að
stöðvun fyrirtækisins vegna
ógreiddra iðgjalda væri alrangur.
Aðspurður um stöðu fyrirtækis-
ins eftir taprekstur undanfarinna
ára sagði Agnar að tapið gerði
reksturinn sífellt erfiðari. Arnar-
flug hefði þó til skamms tíma verið
í góðri stöðu gagnvart öllum
stærstu lánadrottnum sínum. Hins
vegar væri í gangi skipuleg rógs-
herferð gegn fyrirtækinu, bæði hér
heima og erlendis, sem sjónvarpið
ýtti undir með fréttaflutningi sín-
um, og hefði það gert róðurinn
erfiðari. Hann sagðist hafa stað-
fest dæmi um hvaðan þessi óhróð-
ur væri kominn, meðal annars
erlendis frá, og gæti nefnt nöfn,
Kjötiö
en vildi ekki skýra frá þeim upp-
lýsingum á þessari stundu.
Reykjavíkurborg:
Aðild að ísfílm
endurskoðuð ef
SÍS fer annað
DAVÍÐ Oddsson borgarstjóri sagði á
fundi borgarstjórnar Reykjavíkur í
gærkvöldi aö óhjákvæmilegt væri
fyrir borgina annað en að endur-
skoða veru sína í fjölmiðlunarfyrir-
tækinu ísfilm hf. ef Samband ís-
lenskra samvinnufélaga haslaði sér
völl annars staðar í fjölmiðlun af
þessu tagi.
Á fundinum kom það fram að
samkvæmt samþykkt borgarstjórn-
ar frá 1. mars 1984 á að taka þátt-
töku borgarinnar í ísfilm „til end-
urmats ekki síðar en fyrir árslok
1985“. Sigurður E. Guðmundsson
(Afl.) lagði fram fyrirspurn til
borgarstjóra í tveimur liðum.
'"iKMini
Morgunblaöið/Bjarni
Enn slys á Skólabrú
ÓVENJU mikið var um árekstra í umferðinni í
Reykjavík í gær og er greinilegt að jólaumferðin er
hafin. Frá hádegi til kl. 17 urðu alls sautján árekstrar
í borginni, flestir smávægilegir.
Eitt slys varð — ekið var á unga stúlku á göngu-
braut í Lækjargötu, framan við Menntaskólann,
skammt þar frá sem fullorðinn maður lét lífið í
fyrradag. Stúlkan meiddist lítið og fékk að fara
heim eftir rannsókn á slysadeild. Meðfylgjandi
mynd var tekin af slyssaðnum í gær.
„Þetta er slysahorn og þar hafa orðið allt of
mörg slys og árekstrar á undanförnum mánuðum,"
sagði lögreglumaður í samtali við blaðið í gær.
„Það vantar sárlega gönguljós á þessi gatnamót,
ekki síst vegna þeirrar miklu umferðar skólafólks
og annarra gangandi vegfarenda sem fara þarna
um á hverjum degi.“
hækkar
um 4—5 %
í GÆR hækkaði verð á sauð-
fjárafurðum um 4,3% og naut-
gripakjöti um 4,8%. Áður auglýst
niðurgreiðsla kindakjöts vegna
tímabundinnar útsölu verður
óbreytt þannig að útsalan heldur
áfram.
Verð á kindakjöti í smásölu
er frjálst nema í heilum og
hálfum skrokkum. Skráð verð
á kindakjöti í 1. verðflokki i
heilum skrokkum, skipt að ósk
kaupenda, er nú 229,30 krónur
kílóið. Vegna útsölunnar er
kjötið selt á 19,2% lægra verði,
eða 185,30 krónur kílólið af
sama verðflokki. Eigi fólk hins
vegar kost á kjöti frá haustinu
1984 kostar það 153,90 kr. kíló-
ið, eða 33% undir skráðu verði.
Hámarkssmásöluverð á
nautgripakjöti í 2. verðflokki
(UNI), í heilum og hálfum
skrokkum, er 228,80 kr. kílóið.
Kílóið í afturhluta er á 302,50,
en 172,80 í framhluta.
Verðlagsgrundvöllur land-
búnaðarvara hækkaði um
4,58% um mánaðamótin. Áður
hefur verið sagt frá hækkun
mjólkurverðsins því samfara,
en einnig hækkaði hrossakjöt
og kartöflur, en verðlagning
þessarar vöru er frjáls í heild-
sölu.
60 manna erlend áhöfn á 5 leigu-
skipum Eimskips og Sambandsins
- sættum okkur ekki við það á sama tíma og 80 íslenzkir farmenn eru að
missa vinnuna vegna gjaldþrots Hafskips, segir Guðmundur Hallvarðsson.
„Á SAMA tíma og 80 íslenzkir far-
menn eru að missa atvinnu sína
vegna fyrirsjáanlegs gjaldþrots Haf-
skips hf., eru íslenzk skipafélög
með 5 erlend kaupskip á leigu, ein-
göngu mönnuð útlendingum, um 60
samtals. Þetta sættum við okkur
engan veginn við. Við áskiljum
okkur því allan rétt til aðgerða,
verði þessu ekki kippt í liðinn,“
sagði Guðmundur Hallvarðsson,
formaður Sjómannafélags Reykja-
víkur, í samtali við Morgunblaðið.
Stjórn Sjómannafélags Reykjavík-
ur samþykkti á fundi sínum í gær
að skora á viðskiptaráðherra, að
stöðva nú þegar öll leyfi til leigu-
töku á erlendum kaupskipum, sem
mönnuð eru erlendum sjómönnum.
Stjórn félagsins áskilur sér jafn-
framt allan rétt til aðgerða í þessu
máli í samráði við heildarsamtðk
launþega.
í bréfi stjórnar félagins kemur
fram, að Eimskipafélag fslands sé
nú með fjögur erlend leiguskip og
skipadeild Sambandsins með eitt
skip, sem hafi í langan tíma verið
Ljóðabók eftir
Jóhann Hjálmarsson
UÓÐAKLÚBBUR Almenna bóka-
félagsins hefur sent frá sér nýja
Ijóðabók eftir Jóhann Hjálmarsson
og ber hún heitið Ákvörðunarstaður
myrkrið.
f fréttatilkynningu frá Ljóða-
klúbbi AB segir m.a.:
„Þessi bók kemur eftir 7 ára
hlé hjá skáldinu, síðasta bókin frá
hendi þess var Lífið er skáldlegt
1978. Hefur aldrei áður liðið svo
langur tími milli ljóðabóka frá
Jóhanni, fyrstu bók sína gaf hann
út 1956 og komu síðan frá honum
11 ljóðabækur á 22 árum auk
þriggja bóka með ljóðaþýðingum
og þriggja bóka með öðru efni.
Ljóð bókarinnar eru 29 að tölu
og er hið síðasta þeirra í 11 hlutum.
Bókin er 65 bls. að stærð og prent-
uð og bundin í Prentsmiðju Hafn-
arfjarðar.
í áætlunarsiglingum milli fslands
og Evrópu.
Guðmundur Hallvarðsson sagði
ennfremur, að Sjómannafélagið
hefði ekkert við það að athuga þó
skipafélögin leigðu erlend skip, svo
fremi sem þau væru mönnuð ís-
lenzkum farmönnum. Nú væru
nokkur skip á leigu hjá íslending-
um og sigldu meðal annars undir
fánum Panama og Bahama. Þau
væru skipuð íslenzkum farmönn-
um. Leiga erlendra kaupskipa með
erlendum farmönnum hefði lengi
verið íslenzkum farmönnum þyrn-
ir í augum og meðal annars mætti
nefna, að á árunum 1982, 1983 og
fram á síðasta ár, hefðu Eimskip
Vinnumiðlun Hafskips:
„Viljum fá mun
fleiri fyrirspurnir“
50 til 70 daglaunameim Hafskips
atvinnulausir frá áramótum
Jóhann Hjálmarsson
„ÞEIR starfsmenn Hafskips sem
við höfum mestar áhyggjur af eru
skipstjórnarmenn okkar og dag-
launamennirnir, en það lítur mun
betur út með skrifstofufólkið,“
sagði Jón Hákon Magnússon fram-
kvæmdastjóri flutningadeildar Haf-
skips er hann var spurður hvernig
vinnumiðlun þeirri sem Hafskip
kom á laggirnar gengi að útvega
starfsfólki Hafskips atvinnu.
Jón Hákon sagði að þeir fyrstu
af þeim sem sagt var upp væru
að hætta störfum hjá Hafskip nú
um helgina. Það væru ungir og
hraustir menn, 9 eða 10 talsins,
allir daglaunamenn, sem hann
hefði engar áhyggjur af, því þeir
gætu auðveldlega fundið sér aðra
atvinnu. öðru máli gegndi með
eldri daglaunamenn, eldri skip-
stjórnarmenn, verkstjóra og fleiri.
Sjómennirnir sem sagt hefði verið
upp störfum væru um 80 talsins,
og yrði ugglaust erfitt að finna
störf við þeirra hæfi. Einkum fyrir
eldri skipstjórnarmenn, en þeir
yngri hefðu haft á orði að þeir
myndu leita eftir atvinnu erlendis
á meðan versta kreppan gengi yfir.
„Við vildum gjarnan fá mun
fleiri fyrirspurnir en við höfum
fengið,“ sagði Jón Hákon, „en um
þetta leyti árs er ekki um auðugan
garð að gresja. Við horfum fram
á það að um áramótin verði á milli
50 og 70 daglaunamenn hjá okkur
atvinnulausir. Við höfum leitað til
stærri fyrirtækja, til þess að
kanna hvort ekki væri möguleiki
á ráðningu, en flest fyrirtækjanna
bera sig mjög illa og virðast ekki
geta bætt við sig fólki. Skrifstofu-
fólki hjá okkur, einkum þeim sem
starfað hafa við bókhald gengur
hins vegar ágætlega að fá ný
störf."
Jón Hákon sagði að það myndi
ekki liggja fyrir fyrr en um miðja
næstu viku, hversu mörgum hefði
tekist að útvega atvinnu. Það væri
um 180 manns sem vinnumiðlunin
væri að leita að störfum fyrir, en
á milli 50 og 60 vildu ekki þiggja
aðstoð miðlunarinnar. Nú þegar
hefði verið gengið frá ráðningu um
10 manns til annarra fyrirtækja,
en hann sagðist gera sér vonir um
að 20 til 30 bættust I hópinn i
næstu viku. „Við stefnum eindreg-
ið að því að vera búin að útvega
sem flestum önnur störf um ára-
mótin,“ sagði Jón Hákon. Auk Jóns
Hákonar eru þau Kristín Thorar-
ensen og Valur Páll Þórðarson
starfandi við vinnumiðlunina.
og Hafskip verið með svokölluð
hrísgrjónaskip með erlendum
áhöfnum í flutningum sínum fyrir
Varnarliðið. Eins ódýr skip í
rekstri og unnt væri á einni dýr-
ustu siglingaleið heims. Líklegt
mætti telja að það hefði haft ein-
hver áhrif á missi þessara siglinga
í hendur Rainbow Navigation.
Ingimundur Guðmundsson
Lést í um-
ferðarslysi
MAÐURINN, sem lést í umferðar-
slysi í Lækjargötu á miðvikudaginn,
hét Ingimundur Guðmundsson, fyrr-
verandi brunavörður, til heimilis á
Laugateig 15 í Reykjavík. Hann
fæddist 24. mars 1911. Ingimundur
heitinn lætur eftir sig eiginkonu og
uppkomna dóttur.__
Ingólfur Ingvarsson
nýr yfirlögreglu-
þjónn í Hafnarfirði
INGÓLFUR Ingvarsson, yfirlög-
regluþjónn í Stykkishólmi, var f gær
skipaður af dómsmálaráðherra til að
vera yfirlögregluþjónn í Hafnarfirði
frá og með 1. janúar næstkomandi.
Ingólfur var einn fjórtán umsækj-
enda um stöðuna, eins og fram kom
f Morgunblaðinu í gær.