Fréttablaðið - 26.10.2005, Side 4

4 26. október 2005 MIÐVIKUDAGUR
VERKALÝÐSMÁL Fimm stéttarfélög
innan Samiðnar sendu í gær kærur
til lögmanna í umdæmi sínu þar sem
þess er krafist að kannað verði lög-
mæti þess að starfsmenn á vegum
fyrirtækisins 2B ehf. á félagssvæð-
um þeirra hafi rétt til starfa hér á
landi. Forsvarsmenn stéttarfélag-
anna telja að leigan sé brotleg við
lög um réttarstöðu starfsmanna
sem starfa hér tímabundið á vegum
erlendra fyrirtækja.
Félögin sem kærðu eru Félag
iðn- og tæknigreina og Verkalýðs-
félag Akraness, Afl - starfsgreina-
félag Austurlands, Félag bygginga-
manna í Eyjafirði og Eining.
Vilhjálmur Birgisson, formaður
Verkalýðsfélags Akraness, segir
virðast sem starfsmannaleigan 2B,
vegna þess að hún sé íslensk, hafi
ekki leyfi til reksturs hér á landi.
Hann segir að í lögum um erlenda
verkamenn, númer 54 frá 2001, sé
kveðið á um að til að fá hér atvinnu-
leyfi þurfi starfsmennirnir að sækja
þjónustuna frá útlöndum. „Þannig
að allir þessir starfsmenn 2B, vítt
og breitt um landið, eru ekkert með
atvinnuleyfi og ólöglegir í landinu,“
segir hann og kveðst hafa fengið
staðfest bæði hjá Vinnumálastofn-
un og Útlendingastofnun að ekki
hafi verið gefin út nein atvinnuleyfi
hér í nafni 2B. Vilhjálmur segir tíu
starfa hjá Ístaki á Grundartanga á
vegum 2B, átján á Kárahnjúkum
og svo séu erlendir verkamenn frá
leigunni við störf víðar um land. „Í
heildina gæti ég trúað að á vegum
leigunnar séu hér 40 til 60 manns.
En þetta eru Pólverjar og því þarf
klárlega að sækja um atvinnuleyfi
fyrir þá.“
Sveinn Andri Sveinsson, lögmað-
ur 2B, segir fráleitt að starfsemi
fyrirtækisins geti verið ólögleg
hér fyrir þær sakir að fyrirtæk-
ið sé íslenskt. „Þar fyrir utan var
starfsemin nú kynnt bæði fyrir
ASÍ og Vinnumálastofnun áður en
hún fór af stað án þess að hósti né
stuna heyrðist um að íslensk starfs-
mannaleiga mætti ekki koma hér
með Pólverja.“ Þá segir hann að
nýlegur dómur Héraðsdóms Aust-
urlands í máli GT-verktaka sýni
að ekki þurfi atvinnuleyfi fyrir
útlendinga sem hér starfi í þrjá
mánuði eða skemur. „Starfsmenn
2B koma bara hingað í þrjá mánuði
og fara svo aftur,“ segir hann og
bendir einnig á Evrópureglur um
frjálst flæði og þjónustu. „Frá Evr-
ópudómstólnum liggur fyrir skýrt
dómafordæmi um að starfsmanna-
leigur flokkist undir þjónustustarf-
semi í skilningi Evrópuréttarins.“
Þá segir Sveinn Andri að engum
hafi tekist að benda á nokkuð ólög-
legt hjá 2B, enda sé fyrirtækinu
heimilt að rukka verkamenn um
útlagðan kostnað tengdan flutning-
um og uppihaldi og fyrir þjónustu
á borð við þýðingar á skírteinum
og annað slíkt. „Það er bara verið
reyna að hræða íslensk fyrirtæki
frá því að ráða til sín útlendinga.“
olikr@frettabladid.is
Í KERSKÁLA ÁLVERS NORÐURÁLS Formað-
ur Verkalýðsfélags Akraness segist strax
hafa brugðist við þegar honum í fyrradag
barst til eyrna að á umráðasvæði félagsins
störfuðu erlendir verkamenn á vegum 2B.
MYND/EIRÍKUR KRISTÓFERSSON
Vinsælt og hagnýtt 3ja kvölda námskeið um
öll helstu grundavallaratriði stafrænna
myndavéla og meðferð stafrænna mynda í tölvu.
• Stillingar stafrænna myndavéla
• Stærðir og upplausn mynda
• Myndir færðar yfir í tölvu
• Skipulag myndasafns í tölvu
• Heimaprentun / framköllun
• Myndir skrifaðar á CD/DVD
• Frágangur mynda í tölvupósti
• Grundvallarlagfæringar
• Vinsælt, ókeypis myndvinnslu-
forrit á Netinu tekið fyrir
Verð: kr. 15.000, (Innifalin er ný kennslubók á íslensku).
Kvöldnámskeið hefst 1. nóv. Helgarnámskeið 5. nóv
S T A F R Æ N A R M Y N D A V É L A R
Faxafen 10 • 108 Reykjavík • Sími: 544 2210 • www.tsk.is • skoli@tsk.is
Gluggagægir í Þingholtunum Lög-
reglunni í Reykjavík barst tilkynning um
gluggagægi í Þingholtunum skömmu
eftir klukkan eitt aðfaranótt þriðjudags-
ins. Íbúi í húsinu tilkynnti um manninn,
sem forðaði sér þegar ljóst var að fólk
hafði orðið hans var, og fannst ekki þrátt
fyrir töluverða leit.
LÖGREGLUFRÉTTIR
VIÐSKIPTI „Ef tryggingar eru í lagi
þá fá menn lán hjá Landsbankanum
hvort sem þeir eru utan af landi
eða úr Reykjavík,“ segir Ásgeir
Friðgeirsson, upplýsingafulltrúi
Landsbankans. Eins og fram hefur
komið í Fréttablaðinu var írsku
stórfyrirtæki synjað um lán vegna
byggingar kalkþörungaverksmiðju
á Bíldudal og sögðu forsvarsmenn
þess ástæðuna þá að fyrirtækið
ætti að rísa á landsbyggðinni.
Ásgeir segist ekki geta tjáð sig
um þetta einstaka mál en segir þó
að umfjöllunin hafi komið Lands-
bankamönnum á óvart.
Ari Edwald, framkvæmdastjóri
Samtaka atvinnulífsins, segir að
illt sé ef ekki fáist lán til verkefna á
landsbyggðinni. „Hins vegar hljóta
allir að sjá að verksmiðjuhúsnæði á
höfuðborgarsvæðinu er mun verð-
mætara en á Vestfjörðum og því
betri trygging. Svo er engin skyl-
da hjá einkarekinni lánastofnun
að lána og menn geta þá snúið sér
til annarra lánastofnana ef þeim
þykir vinnulag einnar ekki vera við
hæfi. En mestu máli skiptir þó að
það verður af þessari uppbyggingu
á Bíldudal að því er ég best veit,“
segir Ari. - jse
KALKÞÖRUNGAVINNSLA Á BÍLDUDAL Á
myndinni má sjá að þegar verið var að
landa þar kalkþörungi í sumar.
Landsbanki Íslands vegna veðlána á landsbyggðinni:
Lánar ef tryggingar eru nægar
DANMÖRK Að mati danskra sér-
fræðinga veldur mikil notkun mp3-
spilara heyrnarskaða. Telja þeir
að of margir séu með spilarana of
hátt stillta og hlusti of lengi í einu.
Þetta kemur fram í dagblaðinu
Politiken í gær. Er talið að fjöldi
heyrnarskertra í Danmörku muni
tvöfaldast á næstu 15 til 20 árum.
Samkvæmt athugunum blaðsins
er hægt að stilla hljóð langflestra
mp3-spilara yfir 100 desibel. Svo
mikill hljóðstyrkur er samkvæmt
danska vinnueftirlitinu skaðlegur
fyrir heyrnina ef hlustað er í meira
en klukkustund á viku. Samkvæmt
könnun sem danska heilbrigðis-
ráðuneytið hefur gert hlusta 64%
ungmenna á aldrinum 13-20 ára
á tónlist úr mp3-spilara í klukku-
stund eða meira á viku. - ks
Áhyggjur af mp3-spilurum:
Geta valdið
heyrnarskaða
NOREGUR Norska strandgæslan
stöðvaði um helgina umskipun
afla úr rússneskum togara yfir í
flutningaskip nærri Bjarnarey í
Barentshafi.
Norðmenn gera tilkall til haf-
svæðisins sem skipin voru á enda
þótt það sé utan efnahagslögsögu
þeirra. Að sögn Aftenposten ligg-
ur ekki fyrir hvort togarinn hafi
veitt fiskinn á svæðinu en strand-
gæslan staðhæfir að sjálf umskip-
unin sé ólögleg.
Í síðustu viku sigldi rússneskur
togari á brott með norska veiðieft-
irlitsmenn og kólnuðu samskipti
ríkjanna nokkuð í kjölfarið.
Svalbarðasvæðið:
Rússnesk skip
gripin á ný
SVEINN ANDRI SVEINSSON Vísar því algjör-
lega á bug að fyrirtækið hafi ekki starfað
innan ramma íslenskra laga. FRÉTTABLAÐIÐ/GVA
Verkalýðsfélög kæra
starfsmannaleigu
Fimm verkalýðsfélög hafa sent kærur til sýslumannsins í sínu umdæmi vegna
starfsmannaleigunnar 2B. Þau vilja láta reyna á lögmæti starfseminnar. Lög-
maður 2B vísar því alfarið á bug að félagið starfi ekki innan ramma laga.
GENGIÐ
GENGI GJALDMIÐLA 25.10.2005
Gengisvísitala krónunnar
60,09 60,37
106,81 107,33
72,27 72,67
9,687 9,743
9,237 9,291
7,606 7,65
0,5208 0,5238
86,87 87,39
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
USD
GBP
EUR
DKK
NOK
SEK
JPY
XDR
HEIMILD: Seðlabanki Íslands
KAUP SALA
101,6143
LÖGREGLA Framkvæmdanefnd um
nýskipan lögreglumála leggur til
að lögregluembætti landsins verði
15, þar af sjö lykilembætti, en í
dag eru embættin 26. Samkvæmt
tillögum nefndarinnar yrðu hlut-
verk lykilembættanna annars
vegar að annast rannsókn og sak-
sókn stærri og flóknari mála, en
hins vegar að samræma vaktir
lögregluumdæmanna á tilgreind-
um svæðum.
Nefndin skilaði tillögum sínum
til Björns Bjarnasonar dómsmála-
ráðherra. - smk
Nýskipan lögreglumála:
Embættin
verði fimmtán
LANDHELGISGÆSLAN Skipstjórinn á
Síldveiðiskipinu Hákoni EA kall-
aði eftir aðstoð Landhelgisgæsl-
unar eldsnemma í gærmorgun
eftir að skipið hafði fengið nótina
í skrúfuna. Var skipið þá að síld-
arveiðum í Jökuldýpi suðvestur af
Snæfellsjökli.
Varðskipið Ægir var komið á
vettvang klukkan átta í gærmorg-
un. Kafarar gátu ekki leyst nótina
þar sem straumþungi var mikill
og því var Ægir látinn draga síld-
veiðiskipið til Reykjavíkurhafnar.
- jse
Nót festist í skrúfu Hákonar:
Í kjölfar Ægis
ÆGIR MEÐ HÁKON Í EFTIRDRAGI Varðskipið
Ægir dregur slíldveiðiskipið Hákon EA
áleiðist til Reykjavíkur. TÓMAS HELGASON
DÓMSMÁL Bótakröfu konu á fer-
tugsaldri á hendur ríkinu upp á
rúmar 48 milljónir króna var í
gær hafnað í Héraðsdómi Reykja-
víkur.
Í febrúar 2000 var æxli fjar-
lægt úr höfði konunnar á sjúkra-
húsi í Bandaríkjunum en hún vildi
meina að meinið hefði átt að grei-
na hér í mæðraskoðun árið 1998.
Þannig hefði mátt koma í veg fyrir
varanlega örorku hennar, sem
metin er 100 prósent.Mat dómsins
er að ekki hafi verið hægt að líta
svo á að konan væri með einkenni
sem bentu til að bráð hætta væri í
vændum, líkt og svo hafi komið í
ljós. - óká
Krafðist 48 milljóna í bætur:
Ríkið sýknað