Fréttablaðið - 26.10.2005, Blaðsíða 14
26. október 2005 MIÐVIKUDAGUR14
nær og fjær
„ORÐRÉTT“
Tryggvi Guðmundsson er
sautján ára dýravinur sem
ver frístundum sínum í
baráttuna gegn dýratilraun-
um. Hann á kanínuna Kölu
sem gengur laus um heimili
hans.
„Ætli þetta komi ekki til af ást á
dýrum,“ segir Tryggvi þegar hann
er spurður hvaðan áhugi hans á
réttindum dýra er sprottinn. „Ég
er mikill dýraréttindasinni og hef
kynnt mér málin vel. Ég veit fyrir
víst að það er hægt að gera allar
tilraunir án þess að valda milljón-
um dýra sársauka og þjáningum
þangað til þau deyja.“
Tryggvi stóð nýlega fyrir mót-
mælum á Lækjartorgi þar sem
dýratilraunum var mótmælt og
var spjótum sérstaklega beint að
Tilraunastöðinni að Keldum en
þangað voru fjögur þúsund til-
raunamýs keyptar nýlega.
Tryggvi, sem gerðist græn-
metisæta fyrir einu ári, skilur illa
samborgara sína sem styðja dýra-
tilraunir og nota vörur sem fram-
leiddar eru að undangengnum
tilraunum á dýrum. „Ef þetta ætti
við um menn væri búið að banna
þetta eða í það minnsta kæra ein-
hvern. Það er greinilegt að fólk er
ekki jafn umhyggjusamt gagnvart
dýrum og mönnum.“ Sjálfur snið-
gengur hann vörur sem hafa verið
prófaðar á dýrum og á það jafnt
við um lyf og snyrtivörur.
Verslun með dýr er Tryggva
heldur ekki að skapi en engu að
síður á hann kanínuna Kölu. „Eig-
endurnir gátu ekki átt hana leng-
ur og ég vildi frekar taka hana að
mér en að láta hana deyja,“ segir
Tryggvi. Það má líka nefna til
marks um dýraást hans að áður
fyrr var hann ötull stangaveiði-
maður en hefur látið af þeirri
iðju.
Tryggvi vinnur við að aðstoða
fatlaða hjá Sjálfsbjörgu en frí-
stundirnar fara að mestu í lestur
tengdan málstaðnum og baráttuna
gegn dýratilraunum. Hann er í
félaginu Raddir málleysingjanna,
sem eins og nafnið gefur til kynna
berst fyrir bættum hag dýra. „Ég
vil vekja athygli á málinu og þó að
aðeins ein manneskja opni augun
og finnist rangt að kaupa lyf og
vörur sem prófuð hafa verið á
dýrum þá hef ég fengið einhverju
áorkað,“ segir Tryggvi og heitir
því að hann muni láti meira í sér
heyra um málið á næstunni.
Söfnunarsíminn er 907 2020
Með því að hringja í söfnunarsímann leggur þú fram 1.000 kr. til hjálparstarfsins
í Pakistan. Einnig er hægt að leggja fram fé með kreditkorti á www.redcross.is,
eða millifærslu á bankareikning 1151-26-000012, kt. 530269-2649.
M
Á
T
T
U
R
IN
N
&
D
Ý
R
Ð
IN
Verður seint alveg
orðlaus
„Þetta er gjörsamlega
stórkostlegt og ég er
hálfpartinn orðlaus.“
Edda Björgvinsdóttir, leikkona í
Fréttablaðinu, um kvennafrídags-
útifundinn á mánudag.
Já er það virkilegt?
„En ég skal þó segja það
með sérstöku leyfi frá
þeim [seljendum Maersk
Air] að við greiddum
fyrir Maersk Air.“
Pálmi Haraldsson, kenndur við
Fons, í Morgunblaðinu um kaup-
verðið á Maersk Air.
„Þetta var stórkostlegt og ég sakna
þess að hafa ekki verið á landinu, ann-
ars hefði ég mætt á Ingólfstorg,“ segir
Ármann Reynisson vinjettuhöfundur
um kvennafrídaginn á mánudag.
Sjálfur er hann jafnréttissinni eins
og komið hefur fram í verkum hans.
„Það kemur svo sannarlega fram í
vinjetubókunum, þar legg ég áherslu
á jafnrétti kynjanna.“ Ármann nefnir
líka að í þeim fyrirtækjum sem hann
hefur rekið um ævina hafi launajafn-
rétti verið í fyrirrúmi. „Ég er alinn upp
við jafnrétti og hef aldrei verið í neinu
karlrembusamfélagi.“
Ármann fylgdist með kvennafundinum
mikla á Lækjartorgi 1975, stóð þá í
Bankastræti og horfði niður á torg. „Sá
fundur hafði áhrif á mig, mér fannst
ég þá í fyrsta sinn átta mig á þessum
málum, maður hugleiddi þetta ekki
fyrr.“
Hann vonar að fundurinn á mánudag
verði til þess að launajafnrétti kynj-
anna verði hraðað enda hafi miðað
allt of hægt á þeim þrjátíu árum sem
liðin eru frá fundinum á Lækjartorgi.
SJÓNARHÓLL
KVENNAFRÍDAGURINN
Stórkostlegt
ÁRMANN REYNISSON VINJETTUHÖFUNDUR
MÓTMÆLT Nokkur ungmenni komu saman
á Lækjartorgi nýverið til að láta í ljós skoð-
anir sínar á dýratilraunum.
FRÉTTABLAÐIÐ/STEFÁN
TRYGGVI GUÐMUNDSSON OG KALA „Ég vil vekja athygli á málinu og þó að aðeins ein mann-
eskja opni augun og finnist rangt að kaupa lyf og vörur sem prófuð hafa verið á dýrum þá
hef ég fengið einhverju áorkað.“
Sautján ára grænmetisæta
berst gegn dýratilraunum
Nýstárleg leið var farin á dögun-
um til að uppfræða almenning og
eyða fordómum gagnvart minni-
hlutahópum. Kallast hún „lifandi
bókasafn“ og snýst hugmynda-
fræðin um að fólk fái einstaklinga
úr ýmsum minnihlutahópum að
láni stundarkorn til að fræðast
um hugi þeirra og hagi. Viðkom-
andi virka því eins og fræðibækur
á bókasafni sem fólk fær að láni
sér til fróðleiks nema hvað ekki er
um bækur að ræða í þessu tilvki
heldur lifandi manneskjur.
„Lifandi bókasafn“ var á göng-
um Smáralindar um helgina og
þar var boðið upp á ýmsa titla til
útláns. Má þar nefna múslima,
Japana, blindan mann, líkskoð-
ara og rauðsokku svo eitthvað
sé nefnt og vakti uppátækið tals-
verða athygli.
Ronni Abergel, sem er einn
af höfundum verkefnisins, var
ánægður með viðtökurnar í
Smáralindinni. Sá blindi var
vinsælastur en hann var nánast
stanslaust í útláni um helgina og
má ætla að fjöldi fólks sé því ein-
hverju nær um líf blindra.
Þegar fengnar eru lifandi
bækur að láni er nauðsynlegt að
vanda valið vel og vitaskuld að
fara vel með þær. - jse
LIFANDI BÆKUR Toshiki, Ásta Ósk, Ronni, Barbara og Jón Hjalti voru til útláns á bókasafn-
inu um helgina. FRÉTTABLAÐIÐ/JÓN SIGURÐUR
Minnihlutahópar uppfræða aðra með nýstárlegri aðferð:
Sá blindi stanslaust í útláni
„Það er bara allt gott að frétta,“ segir Þorvaldur Karl
Helgason biskupsritari, sem nú er staddur á árlegu
kirkjuþingi. „Það eru allir glaðir eftir kvennafrídag.
Það er svo gaman að hitta gott fólk og það er mikill
rífandi gangur á kirkjuþingi.“
Þorvaldur segir að meðal þess sem nú sé rætt á
kirkjuþingi sé hvort ekki megi fjölga þeim sem eiga
seturétt á þinginu. Eins og er eru það 21 sem mæta
til kirkjuþings, níu prestar og tólf leikmenn. Lagt er
til að fjölga prestum á þinginu í tólf og að leikmenn
verði sautján. Engar ákvarðanir um slíkt verða teknar
á þessu þingi, en hugmyndir verða sendar um allt
land til umræðna. Þetta er ekki eina breytingin sem
rætt er um, því einnig eru hugmyndir uppi um að
opna aðgang leikmanna að kirkjuþingi. „Nú eru leik-
menn úr röðum sóknarnefndarmanna, en við erum
að ræða að opna þetta nánast upp á gátt. Þá geta öll
sóknarbörn, sextán ára og eldri, gefið kost á sér.“
Af öðrum málum segist Þorvaldur vera upptekinn
af góðum málum sem rædd eru, eins og fjölskyldu-
stefnu kirkjunnar. „Hún virðist fá góðan hljómgrunn
og það er hið besta mál. Fjölskyldustefnan þykir hnit-
miðað plagg og vel unnið.“ Þorvaldur segir erfitt að
taka eitthvað einstakt mál úr fjölskyldustefnunni, en
fyrst og fremst segi hún að heimilið og fjölskyldan
skipti verulega miklu máli fyrir vellíðan einstaklings-
ins. „Það er ekki alltaf að mönnum líði vel heima hjá
sér. Auðvitað vitum við að það er ekki alltaf að það
besta og fallegasta gerist innan veggja heimilisins.
En markmiðið er að heimilið sé staður fyrir þroska og
heilla fyrir einstaklinginn. Með fjölskyldustefnunni er
kirkjan að segja að hún vill stuðla að því að þetta
megi gerast.“
Ekki er alveg ljóst hvenær kirkjuþingi lýkur. Því
gæti lokið á fimmtudag, en Þorvaldur spáir því að því
muni ekki ljúka fyrr en á hádegi á föstudag.
HVAÐ ER AÐ FRÉTTA? ÞORVALDUR KARL HELGASON BISKUPSRITARI
Fjölskyldustefna rædd á kirkjuþingi