Fréttablaðið - 26.10.2005, Blaðsíða 62

26. október 2005 MIÐVIKUDAGUR26
Jólabókaflóðið er að skella á og hverju brakandi og
krassandi snilldarverkinu á fætur öðru skolar á fjörur
landsmanna. Alltaf má þó á sig blómum bæta og hér eru
uppástungur að titlum sem myndu sóma sér vel í hillum
verslana og pökkum bókaþjóðarinnar þessi jól.
JátningarFjölnis Þorgeirssonar
FAÐIR VOR...
Vert væri að safna saman og gefa
út í einu riti minningargreinar
sjálfstæðismanna um Davíð
Oddsson, fyrrverandi formann
flokksins, sem safnaðist til
feðra sinna í Seðlabankanum
hinum megin við Hverfisgöt-
una á dögunum.
Eins og sjálfstæðis-
manna er von og vísa er
hér um að ræða gagnrýnið
en sanngjarnt uppgjör við
leiðtogann, enda er óþarfi
að útlista mannkosti Davíðs sér-
staklega; þá sjá allir sem það vilja.
Inngang skrifar Hannes Hafstein ráðherra og segir
meðal annars að Davíð sé „geðríkur, karlmannlegur
ljúflingur, en jafnframt elskulegur fjörkálfur, fullur af
húmor, lífsgleði og leik.“
TITLARNIR SEM VANTAR
JÁTNINGAR FJÖLNIS ÞORGEIRSSONAR
Eftir að Páll Ásgeir Ásgeirsson réðst í að gera
ævisögu Láru miðils eru nokkrir „gleymdir“
einstaklingar sem gætu sprottið aftur fram
á sjónarsviðið. Mesta spennan yrði þó fyrir
útgáfu Játninga Fjölnis Þorgeirssonar. Þar
myndi hann loksins svipta hulunni af sam-
bandi sínu við kryddpíuna Mel B og segja
frá æðisgengnum kvöldum í London þegar
hún var að brjótast fram á sjónarsviðið. Ekki
myndu krassandi frásagnir af sam-
skiptum hans við fjölmiðla skemma auk
þess sem sambandi hans við Lindu Pé
yrðu gerð góð skil.
Í kjölfarið á öllum Íslandsmetunum
og glansmyndunum myndi Fjölnir koma
fram með einhverja óvæntustu játningu
síðari tíma: „Ég var aldrei frægur.“
Þar myndi hann greina frá því þegar
hann gerði sér grein fyrir þessu og
flúði upp í sveit þar sem hann býr nú í
faðmi fjölskyldunnar og hestanna.
Magnað lífskapphlaup mannsins
sem allir héldu að væri frægur.
Í SJÖUNDA HIMNI:
KONAN SEM VARÐ FORSTJÓRI
Í þessari einstöku sögu fer Ragn-
hildur Geirsdóttir yfir æsispenn-
andi atburðarás sem varð til þess
að hún varð forstjóri FL Group.
Lífið lék við hana og henni var
hampað sem einhverjum glæsi-
legasta fulltrúa kvenna í við-
skiptalífinu. En þegar
nær dró Kvennafrídeg-
inum þorðu stjórnend-
ur fyrirtækisins ekki
að taka þá áhættu að
framkvæmdastjórinn
færi í frí eftir hádegi
og sögðu henni uppi.
Í þessari bók fer
Ragnhildur yfir sögu
sína sem forstjóri eins
stærsta fyrirtækis á
Íslandi og lýsir því
hvernig henni tókst
á örskömmum tíma
að hafa áhrif í karla-
veldinu. Þá dregur
hún hvergi af þegar
samskiptum henn-
ar og æðstu yfir-
mannanna er lýst.
Enn fremur blæs
hún á kjaftasög-
urnar um himinhá-
ar upphæðir sem
hún á að hafa fengið greiddar í
starfslokasamning og gerir upp
við Hannes Smárason. Mögnuð
endalok grípa lesandann á lofti
þegar hún upplýsir eftir dvöl í
útlöndum hvert verður hennar
næsta starf.
Með bókinni fylgir fjölblöð-
ungur með ítarlegri úttekt á
konum í valdastöðum á Íslandi.
HARMSAGA ÆVI
MINNAR:
HVERNIG ÉG VARÐ
ÓBREYTTUR ÞING-
MAÐUR
Svokallaðar blogg-
bókmenntir hafa
átt upp á pallborðið
síðastliðin misseri
en Össur Skarphéð-
insson færir form-
ið í áður óþekktar
hæðir í þessari ber-
söglu frásögn um
formannsslaginn
við Ingibjörgu Sól-
rúnu Gísladóttur
fyrr á árinu. Með
ótvíræðri stílfærni
sveiflar Össur les-
andanum milli gráts
og hláturs með mergjuðum
lýsingum af því hvernig hann
hófst til vegs og virðingar innan
Samfylkingarinnar. Fótunum
er hins vegar kippt skyndilega
undan honum og hann þarf að
sjá á eftir
formannsstólnum undir rass svil-
konu sinnar og láta sér lynda að
sitja sem óbreyttur þingmaður.
Fjölskyldudrama í hæsta gæða-
flokki.