Morgunblaðið - 10.09.2000, Blaðsíða 20
20 B SUNNUDAGUR 10. SEPTEMBER 2000
MORGUNBLAÐIÐ
Vel mætti ímynda sér að þessi mynd hefði borist um óravegu geimsins frá fjarlægum stjörnum. Svo er ekki heldur er hún tekin í
Klaufinni, rétt vestan við baðströnd Vestmannaeyinga norðan við Stórhöfða. í móbergshellunni sitja víða grjóthnullungar, gamlar
hraunbombur, sem sest hafa í gosefnin sem síðar ummynduðust í móberg. Sjór gengur þama yfir í brímum og losar hnullungana
úr hellunni og skilur eftir þessar sérkennilegu holur sem helst minna á tunglgíga.
Hraunmyndirnar í nýja hrauninu sem rann 1973 em enn í mótun veðurs og vinda.
Þessi lítt sorfni en tignarlegi drangi hrúgaðist upp þegar hraunið storknaði nálægt
Viðlagavík og Urðarvita.
Litríki náttúrunnar birtist ekki einungis í lífríkinu þar
sem blómskrúö, skartlegir fuglar og fiðrildi gleðja
augað. Steinaríkið er ekki síður litríkt auk þess sem
vindar, vatn og sjór móta og meitla berg og grjót í
hinar ótrúlegustu myndir. Sigurgeir Jónasson Ijós-
myndari í Vestmannaeyjum hefur næmt auga fyrir
fegurð náttúrunnar. í þessari syrpu Eyjamynda
bregöur hann Ijósi á fjölbreyttar bergmyndanir sem
er aö finna í Vestmannaeyjum.
Heimaklettur stendur traustur og óbifanlegur í tíma og rúmi. Vindurinn, vatnið og
hafið hafa sorfið stælta hamraveggina öldum saman og skapað óendanlega fjöl-
breytt mynstur syllna, stalla og skominga sem verða leikvöllur Ijósgeislanna.
Fjósin í Stórhöfða eru sjávarhellar eða hvelfingar sem vita mót norðvestri. Pegar miðnætursólin fyllir Fjósin birtu sinni upphefst
svo ótrúlegt sjónarspil að orð fá ekki lýst. í þessu skrauthýsi Stórhöfða eiga ritur sér bústað og skrækir þeirra og tíst enduróma
í hvelfingunni.