Morgunblaðið - 10.09.2000, Blaðsíða 17

MORGUNBLAÐIÐ
SUNNUDAGUR 10. SEPTEMBER 2000 B 17
Ljósmyndir/Daníel Bergmann
Stuttncfja, lundi og álka.
Virðulegur prófastur í forgrunni.
Fuglabjargið myndað. Joe Van Os liggur fremst á bjargbrúninni.
Lundahjón við holu sína.
Maine-ríki, á austurströnd Bandaríkjanna.
Þessar byggðir lögðust í eyði fyrir tveimur öld-
um því sjómenn notuðu fuglana sem beitu og
þeir voru veiddir fjaðranna vegna. Við íluttum
þúsundir unga frá Nýfundnalandi til Maine og
ólum þá í gerviholum. Þeir sem komu ekki aftur
þangað til að verpa enduðu margir á Pribilof-
eyjum í Alaska og styrktu þar byggðir sem voru
farnar að veikjast. Við strendur Maine tókst að
endurbyggja tvær stórar lundabyggðir sem eru
þó ekkert á stærð við þær íslensku."
- En eingöngu lundar. Er markaður fyrir það
sérhæfða ferð? „í Bandaríkjunum, þar sem eru
350 milljónir íbúa, þá er hægt að markaðssetja
nánast hvað sem er, hversu sérhæft sem það er.
Fólk sækir líka í upplifun eins og þessa hér á
Látrabjargi þar sem náin tengsl eru við villt
dýr.“
-Nú þegar áhugi á náttúruljósmyndun fer
vaxandi, hefur það áhrif á umhverfis- og nátt-
úruvitund fólks almennt?
„Já, tvímælalaust. Það sem þú sérð ekki
þekkir þú ekki. Það sem þú þekkir ekki þykir
þér ekki vænt um og það sem þér þykir ekki
vænt um verndarðu ekki. Við höfum verið lengi
frá náttúrunni og erum að snúa aftur. Náttúru-
ljósmyndun og fuglaskoðun eru áhugamál sem
fara ört vaxandi í Bandaríkjunum því þau gefa
færi á mikilli útiveru. Þegar fólk uppgvötar
þessi áhugamál þá eru þau mjög vanabindandi
og þú vilt helst alltaf vera úti í náttúrunni."
„Joe, það er eitthvað að ljósmælinum hjá
mér,“ segir ein konan úr hópnum og hann er
strax stokkinn af stað til að aðstoða hana. Mér
verður litið á haf út og sé að lundamir eru byrj- mm
aðir að streyma að landi. Þeir eru hraðfleygir,
með litla og stutta vængi, sem gerir þá oft
klaufska og klunnalega. Sumir þeirra nánast
brotlenda á bjarginu, en þeim virðist ekki verða
meint af. Ég geng að bjargbrúninni og get ekk-
ert annað gert en ljósmyndað þessa lunda því til
þess koma menn að Látrabjargi.
Höfundur er Ijósmyndari.