Morgunblaðið - 31.10.1997, Blaðsíða 12

12 FÖSTUDAGUR 31. OKTÓBER 1997
MORGUNBLAÐIÐ
FRÉTTIR
Ingibjörg Sólrún Gísladóttir borgarstjóri gagnrýnir framlög til Sjúkrahúss Reykjavíkur
140 HJÚKRUNARSJÚKLINGAR bíða í
mjög brýnni þörf eftir hjúkrunarrými í
Reykjavík. Þar af bíða 67 í sjúkrarúmum
hjá Sjúkrahúsi Reykjavíkur og Ríkisspítölun-
um. Ingibjörg Sólrún Gísladóttir borgar-
stjóri sagði að ef það tækist að byggja fleiri
hjúkrunarheimili væri hægt að spara umtals-
verðar upphæðir á spítölunum. Hún sagði
að framlög úr Framkvæmdasjóði til bygg-
ingar hjúkrunarheimila fyrir aldraða í
Reykjavík hefðu ekki verið í neinu samræmi
við §ölda aldraðra í borginni.
Fjárhagsstaða Sjúkrahúss Reykjavíkur
kom til tals á fundi þingmanna Reykjavíkur
með borgarfulltrúum í Reykjavík í gær.
Borgarstjórinn sagði að skýrsla VSÓ um
sameiningu stóru spítalanna sýndi að það
sem skæri rekstur spítalanna í Reykjavík
mest frá rekstri spítala á Norðurlöndunum
væri fjöldi aldraðra hjúkrunarsjúklinga sem
lægju inni á íslenskum spítölum. Annars
staðar á Norðurlöndunum væru þessir sjúk-
lingar á hjúkrunarheimilum, þar sem kostn-
aður á hvert legurúm væri mun lægri en á
spítölunum.
Galið að leggja til
svona niðurskurð
Ingibjörg Sólrún gagnrýndi harðlega fjár-
framlög ríkisins til Sjúkrahúss Reykjavíkur.
Samkvæmt fjárlagafrumvarpinu vantaði
400 milljónir til spítalans á næsta ári svo
að hægt væri að halda uppi óbreyttri þjón-
ustu. Að leggja til slíkan niðurskurð væri
hreinlega galið. Til viðbótar væri knýjandi
að sinna nauðsynlegu viðhaldi á spítalanum
67 hjúkrunar-
sjúklingar liggja
á spítölunum
Morgunblaðið/Ásdís
ÞINGMENNIRNIR Asta Ragnheiður Jóhannesdóttir og Svavar Gestsson og Inga
Jóna Þórðardóttir borgarfulltrúi ræðast við á fundi borgarstjórnar og þingmanna.
og framlög til tækjakaupa væru aðeins 1%
af rekstri, en þyrftu að vera 3-4% ef vel
ætti að vera.
Borgarstjóri sagði að heildartekjur Ríkis-
spítalanna frá 1988-1997 hefðu lækkað um
I, 7%, en heildartekjur Sjúkrahúss Reykja-
víkur hefðu á sama tímabili lækkað um
II, 7%. Á þessu tímabili hefðu framlög til
sjúkrahúsanna í Reykjavík á hvern íbúa
lækkað um 17,9%, en framlög til sjúkrahúsa
á landsbyggðinni hefðu á sama tímabili
lækkað um 6,9% á hvern íbúa.
Spítalinn sveltur til hlýðni?
Ingibjörg Sólrún sagði að Reykjavíkur-
borg hefði markað þá stefnu að eiga spít-
ala, en það yrði æ erfiðara fyrir borgina að
fylgja þessari stefnu. Framlög ríkisins til
spítalans hefðu undanfarin ár verið með
þeim hætti að það væri engu líkara en það
ætti að svelta spítalann til hlýðni og svelta
hann úr höndum borgarinnar. Hún sagði
að þessi stefna ríkisins væri rekin með þeim
hætti að það gætti örvæntingar hjá stjórn-
endum og starfsfólki spítalans.
Inga Jóna Þórðardóttir borgarfulltrúi
benti á að borgin ætti að fara fram á að
gerður yrði þjónustusamningur við Sjúkra-
hús Reykjavíkur. Ef það yrði gert myndi í
fyrsta skipti verða skilgreint hvaða þjónustu
ríkið vildi kaupa af spítalanum. Borgarstjóri
sagði að í skriflegu samkomulagi ríkisins
og borgarinnar, sem gert var árið 1995,
hefði verið gert ráð fyrir að slíkur samning-
ur yrði gerður. Vinna við hann hefði hins
vegar aldrei hafist.
Arni Sigfússon oddviti minnihluta
Sjálfstæðisflokksins í borgarstjórn
Engin stefna í
heilbrigðis-
ráðuneytinu
ÁRNI Sigfússon, oddviti minni-
hlutans í borgarstjórn Reykjavíkur
segir að sér sýnist ljóst að hvorki
borgarstjóri né heilbrigðisráðherra
ætli að taka mark á undirskriftum
sínum á samkomulagi um 230
milljóna króna aukafjárveitingu til
Sjúkrahúss Reykjavíkur og sparn-
aðaraðgerðir til þess að endar í
rekstri sjúkrahússins á þessu ári
nái saman. Hann segir að öll vinnu-
brögðin í þessu sarnbandi séu mjög
gagnrýniverð.
„Ég fæ ekki séð hvers vegna
borgarstjóri skrifar undir samning
um fjárþörf Sjúkrahúss Reykjavík-
ur ef það er ekkert að marka þá
áætlun þegar á reynir og hún gef-
ur til kynna að það hafí verið fyrir-
fram vitað að það sem undirritað
var næðist ekki. Ég tel að borgar-
stjóri hefði ekki átt að undirrita
slíkan samning ef hún vissi fyrir-
fram að endar næðu ekki saman,“
sagði Árni.
Hann sagði til viðbótar að þeim
tillögum sem Sjúkrahús Reykjavík-
ur hefði komið á framfæri um
sparnað og samdrátt á þessu ári
hefði flestum verið synjað af heil-
brigðisráðherra. „Þannig að í heil-
brigðisráðuneytinu er engin stefna
og það gerir sjúkrahúsunum á
Reykjavíkursvæðinu nánast óger-
legt að starfa," sagði Árni.
Hann sagði að framangreint
sneri einungis að vanda þessa árs.
Hvað varðaði vanda næsta árs og
væri gagnrýnisvert væri það að
heilbrigðisráðherra héldi því fram í
frumvarpi til fjárlaga að það væri
hægt að skera enn frekar niður fjár-
veitingar til spítalans en gert hefði
verið í því samkomulagi sem heil-
brigðisráðherra hefði undirritað.
„Það er enginn rökstuðningur sem
fylgir þessum tölum fyrir næsta ár.
Henni á alveg að vera fullljóst að
við erum komin mjög langt í sparn-
aði og þessum tölum sem þar er
krafist verður aldrei náð, enda eng-
inn rökstuðningur fyrir þeim,“ sagði
Árni ennfremur.
Forsendur gengu ekki eftir
Jóhannes Pálmason, forstjóri
Sjúkrahúss Reykjavíkur, segir að
höfuðástæðan fyrir því að endar
næðu ekki saman í rekstri sjúkra-
hússins væru að þær forsendur
hefðu ekki gengið eftir sem gert
hefði verið ráð fyrir í samkomulagi
sjúkrahúsanna við ríkið um rekstur
sjúkrahúsanna í fyrra. Samkomu-
lagið hefði meðal annars gert ráð
fyrir að langlegusjúklingar útskrif-
uðust af sjúkrahúsunum yfir í ódýr-
ari vistun á hjúkrunarheimilum.
„Ef það hefði verið gert þá stæð-
um við ekki í þeim vanda sem við
erum nú í,“ sagði hann. „Það er
ekki á ábyrgð sjúkrahúsanna að
þetta vandamál var ekki leyst á
síðasta ári, það er á ábyrgð ráðu-
neytanna," sagði Jóhannes.
Niðurlag féll út
Niðurlag fréttar um fjárhags-
vanda Sjúkrahúss Reykjavíkur féll
niður í Morgunblaðinu í gær en
síðasta setningin í viðtali við Ingi-
björgu Sólrúnu Gísladóttur borgar-
stjóra er þannig rétt: „Ég neitaði
að skrifa undir samkomulagið með
þessari setningu inni. Það er fjár-
málaráðherra alveg ljóst því við
stóðum í miklu þrefi þegar verið
var að ganga frá samkomulaginu.
Sú setning var tekin út úr textan-
um en hún rataði síðan inn í fjár-
lagafrumvarpið. Þannig að mér
finnst vera komið aftan að manni.
Fjármálaráðherra veit líka, að
þriggja manna nefndin sér ekki
hvað hún getur bent á til frekari
sparnaðar," sagði borgarstjóri.
Samkeppnisstofnun skoðar gjaldskrárbreytingar P&S
Stofnunin fær aðgang
að öllum gögnum P&S
SAMKEPPNISSTOFNUN
mun skoða gjaldskrár-
breytingar Pósts og síma
hf. sem taka gildi nú um
mánaðamótin og kanna
hvort þær brjóta á ein-
hvern hátt í bága við sam-
keppnislög, en stofnun-
inni hafa borist þrjú erindi
varðandi þetta mál. Að
sögn Guðmundar Sigurðs-
sonar, forstöðumanns
samkeppnissviðs Sam-
keppnisstofnunar, mun
athugun stofnunarinnar
hafa nokkurn forgang á
næstunni. Samkeppnis-
stofnun getur Iögum sam-
kvæmt fengið aðgang að
öllum þeim gögnum Pósts
og síma hf. sem tengjast
gj aldskrárbreytingunum,
en P&S hefur neitað að
Iáta uppi hvaða forsendur
liggja til grundvallar verð-
ákvörðunum fyrirtækis-
ins.
Að sögn Guðmundar
Sigurðssonar hefur Sam-
keppnisstofnun borist er-
indi vegna gjaldskrárbreytinga
frá aðila sem rekur Internetþjón-
ustu og aðila sem selur aðgang
að símaþjónustu við útlönd í
gegnum Netið. Þá barst Sam-
keppnisstofnun erindi frá við-
skiptaráðherra, en þar er um að
ræða framsendingu óskar Neyt-
endasamtakanna til ráðherrans
um að hann hlutaðist til um að
samtökin og/eða Samkeppnis-
stofnun fengju upplýsingar um
raunkostnað við hvert símtal,
þannig að hægt yrði að meta
hvort álagning Pósts og síma hf.
væri innan skynsamlegra marka.
Eldri borgarar skora á
samgönguráðherra
Meðal þeirra fjölmörgu sem
mótmælt hafa gjaldskrárbreyt-
ingum Pósts og síma hf. er fram-
kvæmdastjórn Félags eldri borg-
ara í Reykjavík sem skorar á sam-
gönguráðherra að beita sér fyrir
því að fella úr gildi gjaldskrár-
hækkunina. í samþykkt fram-
kvæmdastjórnarinnar kemur
fram að síminn sé oft á tíðum
það eina tæki sem aldraðir hafa
til að hafa samband við sina nán-
ustu ættingja og vini, og síminn
rjúfi einatt þá einmanakennd,
sem öldrun og ýmisleg fötlun
skapi og hindri ferðir til fjölskyldu
og vina.
Þessi samtöl séu því að sjálf-
sögðu lengri en önnur viðskipta-
samtöl, og miðað við að meðal-
lengd símtals sé 3 mínútur eins
og gefið hafi verið upp, þá megi
reikna með að viðskiptasamtöl
séu 5-6 sinnum fleiri en hin, og
þvi megi búast við að samtöl inn-
an fjölskyldna séu 5-6 sinnum
lengri. Hækkun símgjalda eldri
borgara sé því veruleg, en þar
ættu hækkanir síst að lenda.
Þá hefur stjórn BSRB
mótmælt gjaldskrár-
hækkunum Pósts og
síma og segir þær muni
bitna hart á heimilunum
í landinu. Það sé vissu-
lega fagnaðarefni að
símakostnaður lands-
manna hafi verið jafn-
aður en það skjóti hins
vegar skökku við að sú
aðgerð sé notuð til að
auka verulega álögur á
heimilin, þar sem megn-
ið af símtölum heimil-
anna sé innanbæjar auk
þess sem almenningur
hafi í síauknum mæli
farið að nota Alnetið til
samskipta, náms og öfl-
unar upplýsinga.
Aflvaki geri úttekt á
tækifærum til
samkeppni
Á fundi stjórnar
Veitustofnana í fyrra-
dag var lögð fram sú
tillaga að beina því til
Aflvaka hf. að á hans
vegum verði gerð úttekt á þeim
tækifærum sem nútímatækni og
lagabreytingar undanfarið gefi
til samkeppni í rekstri símafé-
laga og hvaða von Reykvíkingar
geti gert sér um samkeppni á
þessu sviði. í tillögunni sem Helgi
Hjörvar lagði fram segir að sér-
staklega verði athugað hvernig
veitufyrirtæki hafi erlendis verið
í fararbroddi í samkeppni við
símamálastofnanir og hvaða
reynsla sé af því fyrir veitufyrir-
tækin.
Undirskriftasöfnun hefur stað-
ið yfir á alnetinu undanfarna daga
og verða mótmælalistar afhentir
forsvarsmönnum Pósts og síma,
samgönguráðherra og forsetum
Alþingis fyrir utan Alþingishúsið
kl. 15 í dag. Samkvæmt upplýs-
ingum frá Ægis ehf. höfðu 4.634
skrifað sig á þessa lista kl. 17 í
gær.