Morgunblaðið - 29.11.1988, Blaðsíða 73
MORGUNBLAÐIÐ, ÞRIÐJUDAGUR 29. NÓVEMBER 1988
73
Stykkishólmur:
Ijaldur frá Rifi sandblásinn
Stykkishólmi.
MB. TJALDUR frá Rifí hefir
verið í finpússningu hjá Skipa-
smíðastöðinni í Stykkishólmi.
Þar hefir byrðingur og yfir-
bygging verið sandblásin og síðan
hefir báturinn verið málaður og
nú þegar farinn til veiða, en það
er hugað að þorskveiðum á línu,
en á hana fískast sæmilega ef
nógu langt er farið.
Skipavík hefir lítið haft af
nýsmíði undanfarið og nú er aðal-
lega unnið að viðgerðum og að
því að taka bátana í gegn, eins
og sagt er, eftir vertíð.
— Árni
Morgunblaðið/Árni Helgason
Unnið við að mála mb. Tjald frá Rifi í Skipavík í Stykkishólmi.
Morgunblaðið/Ragnheiður Gunnarsdóttir
Bömin í kirkjuskólanum ásamt foreldrum og séra Jóni Þorsteinssyni.
Grundarfj örður:
Fjölbreytt starf í kirkjunni
Grundarfirði.
MIKIÐ hefur verið unnið að viðgerðum og endurbótum á Grundar-
Qarðarkirlyu nú í sumar og í haust. Kirkjan var öll máluð utan,
gert við leka og rennur endurnýjaðar. Inni í kirkjunni hefúr
áður óinnréttað loft nú verið tekið í notkun fyrir kórinn og þar
mun organistinn einnig fá vinnuaðstöðu. Brýn þörf var á þessu
afdrepi fyrir kórinn en mikil gróska er i starfi kirkjukórsins sem
telur 24.
Kirkjukórinn er hluti af Jökla-
kómum, sem er samkór kirkju-
kóra á norðanverðu Snæfellsnesi,
en Jöklakórinn tók þátt í kóra-
móti í Laugardalshöllinni helgina
5. og 6. nóvember sl. Skemmst
er einnig að minnast ferðar Jökla-
kórsins til ísraels um jólin 1986
en þar söng hann við Fæðingar-
kirkjuna í Betlehem ásamt kómm
frá ýmsum löndum.
Nýr organisti, Friðrik Vignir
Stefánsson, var ráðinn við Grund-
arfjarðarkirkju nú í haust, en
Friðrik hefur einleikara- og kant-
orspróf frá Tónskóla Þjóðkirkj-
unnar. Auk þess að vera organ-
isti við kirkjuna er Friðrik skóla-
stjóri tónlistarskólans í Gmndar-
firði.
Kirkjuskóli fyrir bömin starfar
allan veturinn í Gmndarfjarðar-
kirkju en það starf hefur sóknar-
presturinn, séra Jón Þorsteinsson,
með höndum. Kirkjuskólinn er á
laugardagsmorgnum kl. 11 og
mæta gjaman um 130 börn.
Sífellt fleiri börn koma í fylgd
foreldra sinna og eiga börn og
foreldrar þannig saman góða
stund þar sem mikið er sungið
og orð Guðs flutt á aðgengilegan
hátt fyrir bömin. Kirkjuskólinn
starfar fram að sumarmálum. í
kirkjuskólanum aðstoða ferming-
arböm næsta vors prestinn og
einnig við almennar guðsþjón-
ustur þar sem þau flytja bæn fyr-
ir og eftir guðsþjónustu og tendra
altariskertin.
Nú líður senn að jólum, annarri
helstu hátíð kirkjuársins. Jólunum
fylgir mikill undirbúningur hjá
þeim sem starfa innan kirkjunn-
ar. Aðventukvöld er orðið hefð og
verður nú þriðja sunnudag í að-
ventu. Hefðbundið hátíðahald
verður svo um jólin.
- Ragnheiður
Hitaveita Rangæinga:
Ný kyndistöð
tekin í notkun
Selfossi.
NÝ kyndistöð var formlega tekin
í notkun hjá Hitaveitu Rangæ-
inga nýlega. Kyndistöðin er við
Hvolsvöll og er liður í að skapa
veitunni rekstrargrundvöll.
Nýja kyndistöðin er við Hvolsvöll
þar sem hún snerpir á vatninu áður
en það fer inn á veitukerfið á
Hvolsvelli. Kyndistöðin nýtir af-
gangsorku frá Landsvirkjun og
keypt af RARIK undir álagstoppi.
Í stöðinni er einnig svartolíuketill
sem tekur við hituninni þegar raf-
magn er rofið.
Kyndistöðin var reist til þess að
nýta betur vatn hitaveitunnar og
til að komast hjá frekari borun eft-
ir vatni á Laugalandi þar sem vatns-
öflun veitunnar er. Með tilkomu
kyndistöðvarinnar nýtist vatn veit-
unnar mun betur þar sem ekki þarf
að hleypa vatni framhjá kerfinu
eins og áður þurfti að gera. Þá er
einnig unnt að nýta bakvatn frá
veitukerfinu. Kyndistöðin er búin
fullkomnum stjórnbúnaði og sjálf-
virku viðvörunarkerfi sem er hið
fyrsta sinnar tegundar á landinu.
Rafskautsketill hennar er lág-
spenntur og sá fyrsti sinnar tegund-
ar hér á landi og mjög hentugur
fyrir litlar veitur.
Hitaveita Rangæinga á tvær bor-
holur á Laugalandi í Holtum og er
lengd stofnæða rúmir 30 kílómetr-
ar. Ásamt því að reisa kyndistöðina
var stofnáfeðin einangruð og á þann
hátt náðist meira öryggi fyrir not-
endur. Nú er vatnið um 80 gráður,
komið í hús á Hellu og frá kyndi-
stöðinni fer það um 70 stiga heitt
inn á þorpskerfið á Hvolsvelli.
Auk þessara framkvæmda veit-
unnar veitti ríkissjóður henni fyrir-
greiðslu með því að aflétta 50 millj-
óna króna láni af henni ásamt því
að skuldbreyta lánum.„Við erum
bjartsýnir á rekstur veitunnar.
Komi ekkert upp á og ef ekki verð-
ur farið út í meiriháttar fram-
kvæmdir stendur reksturinn undir
sér,“ sagði Fannar Jónasson for-
maður veitustjórnar.
—Sig. Jóns.
Miklar haftiarfram-
kvæmdir á Húsavík
Húsavík.
Framkvæmdum við Húsavíkurhöfh á þessu ári er nú lokið.
Aðalverkeftiið var bygging brimbrjóts við Norðurgarðinn — fyrsti
áfangi. Unnið var fyrir 42 milljónir króna og gekk verkið vel
undir stjórn Guðmundar Hjartarsonar, verkstjóra hjá Haftiarmála-
skrifstofúnni.
í vor hófust framkvæmdir með
gerð vegar frá Þorvaldarstaðará í
fjörunni undir Stangarbakkanum,
en sú framkvæmd er jafnframt
fyrsti áfangi að gerð sjávargarðs
til varnar gegn landbroti úr bakk-
anum, en á því hefur borið undan-
farin ár. Jafnframt voru vöru- og
fiskihöfn tengdar saman með vegi
undir Beinabakka og út á hafnar-
garð. Þá sömu leið á síðar að
leggja holræsi til að koma frá-
rennsli frá byggðinni út fyrir höfn-
ina. Fyllt var upp í krikann milli
Suðurgarðs og Hafnarstéttar og
við það stækkaði athafnasvæðið
um 800 fermetra.
Aðalframkvæmdin var fyrsti
áfangi brimbrjóts við Norðurgarð-
inn, sem var bygging grjótruðn-
ingsgarðs, sem ætlað er að
„drepa“ úthafsölduna. Efni í þessi
mannvirki hefur verið sprengt úr
grjótnámu bæjarins í Kötlum, alls
rúmir 50 þúsund rúmmetrar.
Gijótinu var ekið eftir nýja vegin-
um neðan bakkans og þar með
létt á umferð um aðalgötur bæjar-
ins.
Verkið hefur gengið vel og stað-
ist fjárhagsáætlun undir verk-
stjóm Guðmundar Hjartarsonar.
Kostnaður varðalls um 42 milljón-
ir króna. _ Fréttaritari
Helga Stefánsdóttir og Ósk Óskarsdóttir í fótaaðgerðastofú sinni.
Ný fótaaðgerðastofa
Fótaaðgerðastofa Óskar og líkþom. Einnig er hægt að fá
Helgu opnaði nýlega í Miðbæ við
Háaleitisbraut 58—60, 2. hæð.
Helga Stefánsdóttir og Ósk
Óskarsdóttir hafa lokið prófi sem
löggiltir fótaaðgerðasérfræðingar
frá Skolen for Fodterapeuter í
Kaupmannahöfn. Þær bjóða upp á
almenna fótsnyrtingu, þynna þykk-
ar neglur, fjarlægja harða húð og
sérsmíðuð innlegg og spangir á nið-
urgrónar neglur.
Stofan er opin alla virka daga
kl. 8.30—18.30 og laugardaga kl.
9.00-12.00.
Fram til 5. desember er veittur
15% afsláttur af öllu nema innleggj-
um.
(Fréttatilkynning)
Morgunblaðið/Sigurður Jónsson
Fannar Jónasson formaður veitustjórnar Hitaveitu Rangfæinga t.h.
ræsti kyndistöðina og Ingvar Baldursson hitaveitustjóri útskýrði
tækjabúnaðinn fyrir gestum.
m11 'rxBBL.
Morgunblaðið/Silli
Miklar umbætur hafa verið gerðar í Húsavíkurhöfn á þessu ári og hafa framkvæmdir gengið vel.
o.
líi