Morgunblaðið - 29.11.1988, Blaðsíða 47
MORGUNBLAÐIÐ, VlilSKÍPÍlAIVINNUllF ÞRIÐJUDAGUR 29. NÓVEMBER 1988
47
Athugasemd
í FRÉTT í viðskiptablaði Morg-
unblaðsins um útvarpshlustun í bif-
reiðum láðist að taka tillit til sér-
stakrar leiðréttingar Skáís í niður-
stöðum. í umræddri frétt og með-
fylgjandi töflu voru settar fram nið-
urstöður þar sem litið var á Svæðis-
útvarpið á Akureyri sem sérstaka
útvarpsstöð og hún því höfð undir
liðnum „annað". Svæðisútvarpið er
hins vegar sent út á sömu bylgju-
lengd og telst til Rásar 2. Niður-
.stöður fyrir landið í heild breytast
því þannig að Rás 2 hefur sam-
kvæmt könnuninni 19% hlustun í
stað 18,6% og hlutfall fyrir „annað"
verður 35,4% í stað 35,8%.
Morgunblaðið/Fríða Proppe
PALLBORÐIÐ — Á myndinni eru þeir Guðmundur G. Þórarinsson, Geir Gunnlaugsson, Jóhann
G. Bergþórsson, Friðrik Sophusson, Jóhannes Nordal og Árni Grétar Finnsson.
Aliðnaður
Aðstæður nú minna á
Verðbréf
Alþýðubmik-
innaðili
að Verð-
bréfaþingi
STJÓRN Verðbréfaþings íslands
hefúr samþykkt aðild Alþýðu-
bankans hf. að þinginu og eru
þingaðilar nú orðnir 11 talsins.
Þá hefúr stjórn þingsins einnig
samþykkt til skráningar þriðja
flokk D 1988 til 3, 5 og 8 ára.
Vegna samkomulags um sölu-
tryggingu spariskírteina var
unnt að skrá á þinginu skirteini
í þessum flokki strax við útgáfú
þ.e. áður en tilskilin sala hafði
náðst á almennum markaði segir
í fréttatilkynningu frá Verð-
bréfaþingi.
ÍSAL og Búrfell
- sagði Jóhannes Nordal í pallborðsumræðum um álmálið
í pallborðsumræðum þeim sem urðu að loknum framsöguerindum á
ráðste&iunni „Nýtt álver á íslandi“ kom fram í máli dr. Jóhannesar
Nordal að aðstæður nú væru svipaðar og þegar framkvæmdir hóf-
ust við ÍSAL og virkjun BúrfeUs á sínum tíma. Er aðalframkvæmd-
irnar hófiist við álver ÍSAL og Búrfellsvirkjun stefiidi í mikið atvinnu-
leysi vegna aflabrests er sfldarstofiiinn hrundi upp úr miðjum sjö-
unda áratugnum. Sagði dr. Jóhannes Nordal víst að þessar fram-
kvæmdir þá hefðu átt verulegan þátt í að jafna út niðursveifluna á
vinnumarkaðinum. Nú stefndi í sama farið, það er verulegur sam-
dráttur í afla er framundan. Það voru sjálfstæðisfélögin í Hafúar-
firði og orkunefiid Sjálfstæðisflokksins sem stóðu að ráðstefnunni.
Fjölmenni var og hvert sæti setið á Gaflinum í Hafnarfirði.
Þátttakendur í pallborðsumræð-
unum voru auk Jóhannesar, þeir
Guðmundur G. Þórarinsson, Friðrik
Sophusson, Geir Gunnlaugsson og
Ámi Grétar Finnsson. Umræðunum
stjórnaði Jóhann G. Bergþórsson.
Jóhann hóf umræðuna með því að
varpa spumingum til pallborðs-
manna. Fyrrgreind orð dr. Jóhann-
esar Nordal voru í framhaldi af
spumingu sem Jóhann beindi til
hans um hvort hann teldi að bygg-
ing nýs álvers myndi hafa það mik-
il þensluáhrif að til vandræða
horfði. Taldi Jóhannes svo ekki
vera.
Geir Gunnlaugsson var spurður
um tímasetningar í þessu máli og
taldi hann ekkert vafamál að nú
væri rétti tíminn til að taka af skar-
ið enda ástandið á álmörkuðum nú
þannig að mikil þörf væri á nýjum
álverum. Hann sagði jafnframt að
ýmsar aðstæður hérlendis gætu
valdið því að bakslag kæmi í seglin,
hár innlendur kostnaður gæti koll-
varpað dæminu.
Guðmundur G. Þorarinsson var
spurður um meðferð málsins á Al-
þingi. Hann benti á að hagkvæmn-
iskönnun þeirri sem í gangi er væri
ekki lokið og því erfitt að svara
spumingunni. Hann sagði að um
tvær leiðir væri að velja fyrir Al-
þingi að afgreiða málið. Hægt væri
að gera það eins og gert var um
ÍSAL samninginn en aðalsamning-
urinn var lagður í heild sinni fyrir
þingið til staðfestingar. Einnig væri
hægt að gefa ríkisstjóminni umboð
til samningsgerðar við þá aðila sem
áhuga hafa á að reisa nýtt álver
hérlendis. Taldi Guðmundur þetta
eðlilegri leið og þá sem ætti betur
við allar timasetningar í málinu.
Friðrik Sophusson var spurður
hvemig honum litist á umfjöllun
og yfirlýsingar um þetta mál hingað
til. Friðrik sagði áð hann styddi
stefnu Jóns Sigurðssonar í málinu
eins og Jón setti hana fram í um-
ræðum um málið á Alþingi nýlega.
Taldi Friðrik þá umræðu hafa verið
bæði tímabæra og gagnlega þar
sem erlendum viðsemjendum ís-
lendinga f málinu væri nauðsyn á
að vita hvort þeir ættu að taka
mark á íslenskum stjómvöldum í
málinu. Hann vildi að meginsiefnu
þeirri sem mörkuð var 1983 yrði
framfylgt þrátt fyrir yfirlýsingar
einstakra stjómarþingmanna. Hann
benti á að Alþýðubandalagið væri
samþykkt hagkvæmniskönnuninni
og vissi hann ekk' betur en að
meirihluti þingflokks þess væri
hlynntur málinu.
Vegna orða Friðriks um umræð-
una á Alþingi vildi Guðmundur G.
Þorarinsson taka fram að hann teldi
umræðuna bæði ótímabæra og óvit-
urlega. Hefði hún verið notuð í
pólitískum leik og framgangi sjálfs
malsins stefnt í hættu. Friðrik sagði
á móti að umræðan hefði síst verið
til að skaða þetta mál enda hefði
komið fram í henni að Ólafur Ragn-
ar Grímsson væri ekki mótfallinn
hagkvæmniskönnuninni.
Ámi Grétar Finnsson var spurður
um framtíðaráhrif af nýju álveri í
ljósi reynslunnar af því fyrra. Hann
sagði að mikil samstaða væri um
málið innan bæjarstjómar Hafnar-
fjarðar og vilji hjá bæjarbúum að
fá nýtt álver. Þetta kæmi ekki á
óvart því reynslan af ISAL hefði
verið góð og ljóst að mikil upp-
bygging hefði verið í bænum frá
því að núverandi álver tók til starfa.
Er orðið var gefið laust spunnust
nokkrar umræður milli pallborðsins
og fundarmanna um gengismál í
tengslum við fyrirhugað álver. í
þessu sambandi sagði Guðmundur
G. Þórarinsson að hann teldi að
raungengi krónunnar gæti ráðið
úrslitum í málinu, það þyrfti að
lækka. Þá var einnig spurt um hafn-
armál og kom fram að Hafnarfjörð-
ur eignast Straumsvíkurhöfn,
skuldlausa, árið 1994.
Dr. Jóhannes Nordal var spurður
hvort íslendingar væra ekki of
bjartsýnir í þessu máli. Hann sagði
erfitt að meta það fyrr en hag-
kvæmniskönnunin lægi fyrir. Hins-
vegar nefndi hann að ísland ætti í
samkeppni við fjóra staði í heimin-
um hvað byggingu nýs álvers varð-
aði. Þeir væra Kanada, Venezúela,
Ástralía og Persaflóasvæðið. í máli
hans kom fram að vitað væri að tvö
af þeim fyrirtækjum sem skipa
Atlantal-hópinn væra að kanna
möguleikana á öðram staðsetning-
um fyrir álver en íslandi.
Geir Gunnlaugsson sagði í þessu
sambandi að ljóst væri að menn
biðu ekki í biðröðum við landstein-
ana hér eftir því að fá að byggja
álver.
Þar segir einnig að stjóm Verð-
bréfaþings hafi nú í athugun að
endurbæta viðskiptakerfi þingsins.
í því skyni hafi hún með auglýsingu
leitað tilboða í tölvubúnað ijölnoten-
daviðskiptakerfís fyrir þingið, þ.e.
hugbúnað, vélbúnað, viðhald kerfis-
ins og þjónustu við notendur. Fáist
viðunandi tilboð sé gert ráð fyrir
að taka megi endurbætt kerfi í
notkun á vori komanda.
Guðbjörg Elsa Guðmundsdóttir og Brynjar Eymundsson eigendur
Veislunnar.
Veitingaeldhús á Seltjamamesi
VEITINGAHÚSIÐ Veislan tók hún starfaði í nokkur ár sem
nýlega til starfa á Austurströnd smurbrauðsdama á Imperial-
14. Tilgangurinn er að sjá um hótelinu í Kaupmannahöfii eftir
veislur af öllum stærðum og nám i Danmörku.
gerðum. Eigendur fyrirtækisins Viðskiptavinum er boðið upp á
eru Brynjar Eymundsson sem þá nýjung að taka með sér hluta
síðustu 5 ár var yfirmatreiðslu- veislunnar og sjá svo um annað
meistari Gullna hanans og Guð- sjálfir, t.d. steikina eða forréttinn
björg Elsa Guðmundsdóttir en og ábætinn.
Frábær fyrsti
hugbúnaður
fyrir
einkatölvuna
Fyrsta val (First Choice v3.0)
Einn mestseldi samofni fyrirtækjapakkinn
í Bandaríkjunum innifelur 6 forrit sem eru:
Ritvinnsla, grafík, samskiptaforrit með sjáhermi,
töflureikni, skráarmeðhöndlun og
stafsetningarforrit fyrir ensku.
Meðhöndlar íslensku og raðar samkvæmt
íslensku stafrófi.
Verð kr. 14.400,-
Fyrsta útgáfa (First Publisher v.2.0)
Umbrotsforrit sem er einfalt og þægilegt.
Fjöldi mynda fáanlegur.
Hentar vel fyrir fréttabréf, verðlista og tilkynningar.
Fjöldi íslenskra leturgerða.
Mögulegt að lesa inn myndir.
Verð kr. 9.500,-
PC TOOLS deluxe
Þjónustuhugbúnaður til að auka nýtingu
vélbúnaðarins, pökkun á gögnum og hröð afritun
ásamt mörgu fleiru.
Verð kr. 3.920,-
Sameind hf. býður margs konar
bugbúnað bæði fyrir sérfræðinga og
byrjendur í tölvuvinnslu.
SAMEIND
BRAUTARHOLTI 8, SÍMI 25833.