Morgunblaðið - 08.11.1986, Blaðsíða 58
58
MORGUNBLAÐIÐ, LAUGARDAGUR 8. NÓVEMBER 1986
Pétur í uppskurð
— óvíst hvenær hann getur leikið
á ný með Los Angeles Lakers
, • Pétur Guðmundsson
mun gangast undir
skurðaðgerð í baki á
mánudaginn og óvíst að
hann geti nokkuð leikið
með Lakers í vetur. Þetta
er mikið áfail fyrir Pátur
og lið hans.
Los Angeles. Frá Sveinblml I. Bsldvlnssyni, fréttsritsrs Morgunblsðsins.
PÉTUR Guðmundsson körfuknattleiksmaður mun gangast
undir smásjárskurðaðgerð vegna brjóskloss á mánudag.
Óvíst er hvenær hann getur leikið á ný með liði sínu Los
Angeles Lakers. Keppnistímabilið í NBA deildinni er nú
að hefjast og eins og fram hefur komið í fjölmiðlum hér,
er fjarvera Péturs liðinu mikið áfall.
í sjónvarpsviðtali í fyrrakvöld,
sagði einn liðsmanna Lakers,
Kurt Rambis, að skarð það, sem
Pétur skildi eftir í liðinu nú um
sinn yrði ekki fyllt og yrðu aðrir
liðsmenn að leggja harðar að
sér fyrir vikið.
Pétur hefur átt við meiðsli í
baki að stríða síðan í byrjun
október, er hann meiddist á
æfingu. Það kom hins vegar
ekki í Ijós fyrr en síðastliðinn
þriðjudag hvers eðlis meiðslin
voru og þá var ákveðið að taka
fremur þann kost að gangast
úndir aðgerðina, en að beita
lyfjameðferð.
Pétur hefur gert tveggja ára
samning við Lakers og tryggir
samningurinn honum laun allt
til ársloka 1987, jafnvel þótt
honum verði sagt upp fyrr. Eng-
in sérstök ástæða er þó til að
ætla að til þess komi. Að sögn
Péturs sjálfs er ómögulegt að
segja til um hvenær hann getur
hafið leik með Lakers að nýju,
eða hvort hann getur yfirleitt
leikið nokkuð með liðinu á þessu
keppnistímabili.
Sjálfur er hann bjartsýnn og
vonast til að vera kominn í slag-
inn á ný í febrúar, en keppnis-
tímabilinu lýkur í apríl.
Aðgerðin, sem Pétur gengst
undir á mánudag, verður gerð á
sjúkrahúsi, sem var miðstöð
lækna á ólympíuleikunum 1984,
af þekktum sérfræðingi á þessu
sviði. Pétur mun væntanlega
dvelja þrjá daga á sjúkrahúsi
vegna hennar. Eftir það er
næsta víst að hann verður að
halda algerlega kyrru fyrir í þrjár
til fjórar vikur, en vonir standa
til að hann geti farið að stunda
léttar æfingar á ný að því loknu.
Pétur kveðst ánægður með
að loksins skyldi fást úr því skor-
ið hvað amaði að honum í bakinu
og segir að hann hefði orðið að
gangast undir aðgerð af þessu
tagi fyrr eða síðar, þótt lyfja-
meðferð hefði hugsanlega
getað hjálpað eitthvað upp á
sakirnar í bili.
Þess má að lokum geta, að
fyrir sjö vikum gekkst þekktur
leikmaður fótboltaliðsins San
Francisco Forty-niners undir
brjósklosaðgerð af þessu tagi
og er hann þegar byrjaður að
leika á ný með liði sína.
UMSB vann Æskusundið
ÆSKUSUNDIÐ, sem er keppni
Borgfirðinga, Skagfirðinga og
Vestur-Húnvetninga í sundi
unglinga, fór fram á Sauðár-
króki um síðustu helgi. Ung-
mennasamband Borgarfjarðar
sigraði í keppninni eins og sam-
bandið hefur gert frá upphafi
og vann til eignar bikar sem
Hvammstangahreppur gaf við
upphaf Æskusundanna.
UMSB sigraði með aðeins
tveggja stiga mun, og hefur
keppnin aldrei verið jafnari. Hlaut
sambandið 210 stig, USVH fékk
208 stig og UMSS 135 stig.
Fjöldi héraðsmeta var settur hjá
öllum ungmennasamböndunum.
Mikilvæg þjónusta við
íþróttahreyfinguna
— segir Sigurður Magnússon,
framkvæmdastjóri ISÍ, um
hina nýju og bættu aðstöðu
í íþróttamiðstöðinni í Laugardal
„SÚ aðstaða, sem við getum
boðið upp 6 í fþróttamiðstöðinni
f Laugardal, hefur mælst mjög
vel fyrir, og fþróttahreyfingin
nýtir sár hana æ meira,“ sagði
Sigurður Magnússon, fram-
kvæmdastjóri ÍSÍ, í samtali við
Morgunblaðið, aðspurður um
nýtingu gistirýmisins og fundar-
salanna sam ÍSÍ tók f notkun í
sumar.
ÍSÍ hefur yfirumsjón með hús-
næöinu, skrifstofufólk ÍSÍ sér um
bókanir og uppgjör vegna gist-
ingarinnar, en Unnur Karlsdóttir
er forstöðukona hótelsins og sér
um daglegan rekstur.
í síðustu viku og um helgina
var mikiö um að vera í íþróttamið-
stöðinn;. Um 60 fulltrúar voru á
haustþingi Skíðasambands ís-
lands og þrír fundir á vegum
norrænna sambanda haldnir, en
þeirra fjölmennastur var fræðslu-
fundur fimleikasambanda
Norðurlandanna, Einnig var
fræðslufundur íþróttasambanda
fatlaöra og fulltrúar heildarsam-
takanna þinguðu. Vegna þessa
var Sigurður spurður, hvernig
reksturinn hefði gengið fyrstu
fjóra mánuðina.
„Öll þjónusta kostar peninga
og svona íþróttamiðstöð þekkist
ekki á Norðurlöndum nema i
Bröndby í Danmörku og |>ar
greiða þeir 2,5-3 milljónir dan-
skar krónur á ári til þess að halda
rekstrinum gangandi. Við erum
með 13 tveggja manna herbergi
og matsal, sem opinn er dag-
lega, og fyrstu þrjá mánuðina var
um 70 þúsund króna tap á mán-
uði, en það var eitthvað minna í
október.
En tölurnar segja ekki allt.
Okkar markmið með þessum
rekstri er að aðstoða íþróttafé-
lögin, þetta er mikilvæg þjónuste
við íþróttahreyfinguna, sem á
ekki aö skila hagnað í krónum
fyrir ÍSÍ. Við bjóðum upp á gist-
ingu og fæði fyrir mun lægra
verð en gengur og gerist um
sams konar þjónustu, gisting
með morgunmat kostar 750
krónur, og útlán á sölum, tækjum
og áhöldum er án endurgjalds.
Við gerum þetta til að létta und-
ir með félögunum og því er
afstætt að tala um tap eða
gróða."
Hverjir hafa helst nýtt sér
þessa nýju aðstöðu?
Morgunblaðið/Einar Falur
• Fundaraðstaðí er mjög góð f fþróttamiðstöðinni f Laugardai og nýtur vaxand vinsæida. Myndin
er frá fræðslufundi fimleikasambanda Norðurlanda. sem var haldinri um sfðustu helgi.
„Keppnislið utan af landi,
landslið og þjálfarar erlendis frá
í ýmsum íþróttagreinum, fulltrúar
héraðssambanda, sem hér hafa
verið á fundum eða námskeiðum
og einnig höfum við haft náið
samstarf við Ferðaskrifstofu
ríkrsins og Háskólann. Fleiri og
fleiri átta sig á að þessi þjónusta
er hér fyrir hendi og sem dæmi
ætlar HSÍ aö láta erlend landsliö
búa hér eins og kostur er.
Nefndir innan ÍSl funda hér
mikiö og einnig sérsamböndin,
en við getum boðið upp á sali
fyrir 65 til 70 manns. Salirnir
njóta vaxandi vinsælda innlendra
sem erlendra aðila og pantanir
hafa þegar borist fyrir gistingu,
fundi og námskeið næstu tvö
árin."