Morgunblaðið - 24.09.1963, Blaðsíða 10

10
MORCUNBLAÐIÐ
Þriðjudaguí 24. sept. 1963
DALE-heilo
norska prjónagarnið
18 litir — mölvarið
SÓLHEIMABÚÐIN SÍMI 34479
EGILL JACOBSEN SÍMI 11116
Til sölu
Þessar glæsilegu 5 herb. íbúðir eru til söiu í
smíðum í 3ja hæða húsi við Ásbraut í Kópavogi.
Fallegt útsýni. Endaíbúðum fylgja sér þvottahús
inn af eldhúsi. Bíiskúrsréttur. Hagstæðir skilmálar.
ÖLAFUR
þopgrímsson
hœstaréttarlögmaður
fosleigno og 'verðbrélaviðskiRli
HARALDUR MAGNÚSSON
Austurstrœli 12-3 hœð
Sími 15332 Heimasími 20025
Kassagerð Reykjavíkur hf.
Óskum efti,.' góðri 2ja—3ja herb .íbúð nú þegar eða
1. október fyrir starfsmann á skriístofu okkar.
Fyrirframgreiðsla ef óskað er. Uppl. í síma 38383.
Kassagarð Keykjavíkur h.f.

UNDIR rótum Reykjanes-
fjalls rétt fyrir ofan Reyk-
hóla eru tjöld vegavinnu-
manna þegar við eigum leið
þarna um í endaðan júlí.
Verkstjórinn er Magnús Ingi
mundarson fyrrum bóndi og
hreppstjóri í Bæ í Króks-
firði, kunnur búhöldur og
héraðshöfðingL
— Þetta er 28. sumarið,
sem ég er vegaverkstjóri
segir Magnús, þegar við ræð
um við hann. — Ég hefi ver
| ið á sVaeðinu frá sýslumörk-
um í Gilsfirði og að Skálmar-
dalsá, og eru þá meðtaldir
allir útvegir, t.d. Þorskafjarð
Vegagerö í Austur
Barðastrandasýslu

■
arheiði. Reyndar var ég bú-
inn að vera við slík störf áð-
ur en ég tók við verkstjórn.
— í sumar hefur verið unn
ið að nýbyggingu í Reykhóla
vegi, sem nú er lokið. Enn-
fremur hefur verið unnið að
því að laga veginn út að
Stað á Reykjanesi. Þá er
einnig verið að vinna að
nýrri vegagerð frá Stað nið-
ur að sjó, en það hefur verið
sérstakt takmark Eyjamanna
og manna hér á Nesjunum,
sem þurfa að sækja milli
lands og eyja, að fá veg nið-
ur að sjó. Eyjamenn koma
oft hér að landi, en enginn
akfær vegur hefur verið nið
ur að sjó og því erfitt um
alla aðdrætti og flutninga.
Þessi vegagerð er unnin að
nokkru af sýslufé á móti
framlagi úr ríkissjóði.
— Viðhald veganna hefur
verið okar mesta hlutverk, ,
aðallega í Vestfjarðarvegin-
um frá Kollabúðum að
Skálmardal. Vegirnir voru
með alversta móti eftir vet-
urinn frá því að ég hóf störf
fyrir Vegagerðina, og stafar
það af hinni afar stórfelldu
úrkomu í fyrrahaust þegar
vegir spilltust stórlega um
land allt.
—Mikið verkefni hefur
verið viðhald á þjóðveginum
frá Gilsfirði og vestur úr að
meðtöldum fjallvegum. Nú
fyrir stuttu var lokið að
mæla fyrir nýrri leið frá
Bjarkalundi um Kinnarstaði
inn með Þorskafirði að Kolla
búðum, og einnig hefur verið
mældur nokkur kaflU kring-
um Gilsfjörð. Þar er ætlun-
in að vinna í haust að því
að endurbggja veginn innan
við Ólafsdal og smíða brú á
Grjótá, sem lengi hefur verið
slæmur farartálmi og þá al-
veg sérstaklega á vetrum.
— Þær samgöngubætur
verða mjög gagnlegar vegna
miólkurflutninganna til Borg
arness úr austustu hreppum
A-Barðarstrandasýslu, og
eins fyrir mjólkurbúið, sem
verið er að byggja á Reyk-
hólum.
— Annars finnst okkur
nýbyggingafé til vega hér í
austur-sýslunni hafa verið'
minna en skyldi.
— En úr því að ég minnist
á Gilsfjörð, tel ég mikla
nauðsyn að endurbæta veg-
inn yfir Tröllatunguheiði, því
að þrátt fyrir mjög ófull-
komna vegagerð þar, hefur
á undanförnum árum verið
geysi mikil umferð um heið-
ina. Þar er hið bezta vegar-
stæði og snöggtum betra en
Steinadalsheiði, sem hefur
verið aðal samgönguleiðin
milli Steingrímsfjarðar og
Gilsfjarðar. Sérfróðir menn
telja að þar sé mjög erfitt að
gera veg til frambúðar, en
ólíku saman að jafna með
Tröllatunguheiði.
— Þá vil ég minnast á fyr-
irhugaða breytingu á Vest-
fjarðavegi kringum Hall-
steinsnes, sem telja verður
sérlega aðkallandi því að
vegurinn um Hjallaháls er
vegna legu og bratta ákaflega
torsóttur báðum megin.
Sama máli gegnir þegar
kemur fyrir Djúpafjörð, að
þá telst vera hin mesta nauð-
syn að breyta veginum kring-
um Grónes. Þarf að færa
veginn fyrir nesið og yrði
það ómetanleg hlutarbót fyr-
ir samgöngur í austursýsl-
unni.
— Gera má ráð fyrir að
vegurinn um Klettsháls verði
áfram með tilhlýðilegum end
urbótum. Þarna í næsta ná-
grenni er fjallvegur, sem
heitir Kollafjarðarheiði upp
úr Kollafirði. Þar eru fyrir-
hugaðar byrjunarframkvæmd
ir síðari hluta sumars á vega
gerð til bráðabirgða. Reynsla
liðinna ára hefur sýnt að
þar er miklu minni snjór á
vetrum en á Þorskafjarðar-
heiði, og þessa nýju leið milli
ísafjarðardjúps og A-Barða-
strandarsýslu verður hægt að
fara fyrr á vorinu og leng-
ur á haustin en Þorskafjarð-
arheiði.
— Athugun, sem fram hef-
ur farið á undanförnum vetr-
um hefur ótvírætt leitt þetta
í ljós. Þetta gæti verið ákaf-
lega hagkvæm aðferð fyrir
Fjarðaveginn við sunnanvert
Ísafjarðardjúp og hann
mýndi notast lengur en ella.
— Síðan Vestfjarðavegur
opnaðist má segja að um-
ferð hafi tvöfaldazt ár frá
ári, og því eru framkvæmd-
ir við vegina hér mjög brýn-
ar.
— Á seinni árum hefur
vélakostur valdið straum-
hvörfum og það er fyrst nú
í sumar, sem við höfum ráð
á þremur ýtum samtímis,
tveimur í viðhaldi og einni í
nýbyggingu. Nú eru 10-12
menn í okkar flokki, en við
reynum að spara mannshönd-
ina eins og hægt er.
H.T.

Grjóteyrarhjón-
um þakkað
Valdastöðum 15. sept.
ÞANN 13. þ.m. gekkst hrepps-
nefnd Kjósarhrepps fyrir mann-
fagnaði að Félagsgarði til þess
að heiðra Grjóteyrar-hjónin,
Magnús Blöndal og Ólafíu Blön-
dal konu hans, og þakka þeim
störf þeirra í þágu sveitarinnar.
Þau fluttu héðan á sl. vori, eftir
að hafa búið hér í 34 ár. Magnús
var oddviti sveitarinnar í 16 ár,
og enn lengur í hreppsnefnd.
Ólafur Andrésson oddviti í
Sogni, setti samkomuna og stjórn
aði henni. Þakkaði hann Magn-
úsi og þeim hjónum störf þeirra,
og færði þeim veglega bókagjöf
sem lítinn þakklætisvott fyrir
störf þeirra. Þá minntist Hannes
Guðbrandsson í Hækingsdal,
Ólafíu konu Magnúsar, með
miklu þakklæti fyrir hennar
störf. Einnig fluttu ræður, Einar
Ólafsson í Lækjarhvammi, Odd-
ur Andrésson á Neðra-Hálsi og
séra Kristján Bjarnason á Reyni-
völlum. Þá þakkaði Magnús
Blöndal fyrir hönd þeirra hjóna.
Sungin voru ættjarðarlög og veg
legar veitingar voru fram born-
ar, sem kvenfélagskonur sáu
um.
Grjóteyrar-hjónin hafa nú sezt
að í Kópavogi og fylgja þeim
árnaðaróskir gamalla sveitunga.
Ungur búfræðingur Kristján
Finnsson, hefir nú gerst bóndi
á Grjóteyri og fylgja honum
einnig góðar óskir að starfi.
— St. G.
• 52 særast í járn-
brautarslysum
London, 9. sept. (AP).
TVEIR járnbrautarárekstrar
urðu í Evrópu í dag og særð-
ustu 52 menn í þeim.
Annar áreksturinn varð ná
lægt landamærum Sviss og
Frakklands. Þar rákust sam-
an tvær lestir, sem báður
voru á ferð og slösuðustu 29
farþegar, þar af 7 hættulega.
Hinn áreksturinn varð I
Póllandi nálægt landamærum
Austur-Þýzkalands. Þar rakst
hraðlestin, sem gengur frá
Krakow til Berlínar á lest;
sem stóð kyrr. 23 farþegar
hraðlestarinnar slösuðust.