Alþýðublaðið - 22.05.1992, Blaðsíða 15
Föstudagur 22. maí 1992
Bœndaskólinn á Hólum í Hjaltadal
15
H rossa rsekti n
nýtur vinsældca
Bændaskólinn á Hólum var stofnaður hinn
14. maí 1882 og er því 110 ára gamall.
Skólinn ber þó aldurinn vel og er stöðugt
að leita nýrra leiða til styjktar dreifbýlinu og at-
vinnumöguleikum þar. Á Hólum er starfsemin
víða komin í nýtt húsnæði og eru flest gripahús-
in um og innan við 10 ára gömul. Má þar nefna
fiskeldisstöðina Hólalax hf., hesthús fyrir um 50
hross með áfastri reiðskemmu, loðdýrabú og
fjárhús. Umhverfis Hóla er 140 ha skógræktar-
girðing sem er nær fullplöntuð og eru hæstu trén
orðin 7-8 metrar á hæð. Kýr eru ekki á Hólum en
öll verkleg kennsla í nautgriparækt fer fram í
fjósinu í Efra-Ási þar sem öll aðstaða og tilsögn
er til fyrirmyndar. Á Hólum eru einnig nýleg or-
lofshús og nemendagarðar sem nýtast fyrir nem-
endur á vetrum, en alls getur skólinn hýst um 45
nema. Þá er á staðnum þokkalegt íþróttahús og
sundlaug. Nýtt tölvukerfi er í skólanum og hafa
nemendur ftjálsan aðgang að 8 tölvum.
Námið tekur 2 ár og skiptist í fjórar annir.
Þq'ár annir eru kenndar á Hólum en nnur nnin
felst í verknámi hjá völdum bændum, tamninga-
mönnum eða fiskeldisstöðvum. Möguleikar eru
að opnast á að taka þessa nn erlendis í tengslum
við erlenda búnaðarskóla. Við skólann em tvær
námsbrautir, fiskeldisbraut og búfræðibraut.
Fiskeldisbrautin er rekin í náinni samvinnu
við fiskeldisstöðina Hólalax hf„ sem einnig er
tilraunastöð í bleikjueldi. Megináhersla var fyrst
lögð á laxeldi en á síðustu ámm hefur áhugi á
öðmm fisktegundum farið vaxandi. í samræmi
við þróun mála í Hólalaxi hf. hefur áhersla í
kennslunni breyst á þann veg að bleikjunni hefur
verið sýndur vaxandi áhugi.
Áhugi á nýtingu villts fískjar hefur aukist á
undanfömum ámm. Skólinn hefur því ákveðið
að sinna þeirri hlið og auka kennslu í vatnavist-
fræði og öðmm greinum tengdum nýtingu vatna-
fiskjar, bæði í stöðuvötnum og stfaumvötnum.
Miklir möguleikar em víða um land til að auka
nýtingu og eldi laxfiska. Markaðir fyrir þessar
afurðir em að opnast út um heim. Sérstaklega má
benda ýi að vfða er litið á bleikjuna sem lúxus-
vöm. Á þessu sviði er því stór og mikill óplægð-
ur akur sem er vissulega þess virði að rækta.
Búfræðibrautin skiptist í tvær meginlínur.
Annars vegar almenna búfræði og hinsvegar
hrossarækt. Á báðum þessum línum er lögð
áhersla á almennar greinar landbúnaðar eins og
jarðrækt, sauðfjárrækt, nautgriparækt, bútækni
og bústjóm. Þannig læra allir nemar á búfræði-
braut að mjólka kýr, ákvarða áburðarþörf túna og
gera landbúnaðarframtal svo dæmi séu tekin.
Munurinn á þessum lfnum liggur í framkvæmd
verknámsannar og valgreinum.
Áhersla er lögð á vinnu nemenda við skepnu-
hirðingu á skólabúinu.
Almenna búfræðilínan leggur megin áherslu
á hinar hefðbundnu kvikfjárræktargreinar, sauð-
fjárrækt og nautgriparækt. Nemar á þessari línu
fara í verknám á býli sem leggja megináherslu á
þessar búgreinar jóó svo aðrar skepnur geti að
sjálfsögðu verið til staðar. Valgreinar á þessari
línu eru nokkrar. Ber þar hæst fjórar einingar í
sauðljárrækt þar sem lögð er áhersla á verklega
kennslu, t.d. fóðrun. rúning. fengitíð og sauðburð
og verkefni þessu tengd. Af þessum sökum er
nokkrum ám haldið snemma á haustin þannig að
þær bera löngu áður en nemendur bytja í prófum.
Fer þessi kennsla fram í nýjum. sérhönnuðum
kennslufjárhúsum. Á þessari línu ereinnig boðið
upp á vaigreinar í skógrækt. heimilisfræði, loð-
dýrarækt auk hestamennsku.
Hrossarækfarlínan er sú námsleið sem vin-
sælust er við skólann nú. Hún byggir á grunni al-
mennra búfræða en einnig á verknámi og val-
greinum sem tengjast hrossum. Alls nemur nám-
ið sem tengist hrossum beint allt að 28 einingum
af þeim 75 sem búfræðinámið er. Á fyrstu nn eru
kenndar jámingar. frumtamning og reið-
mennska. Á annarri nn er verknám á býli sem
leggur verulega eða algjöra áherslu á hrossarækt
og tamningar. Á öðrum námsvetri eru 4 einingar
helgaðar hrossarækt þar sem fjallað er um fóðr-
un. hirðingu. kynbótafræði og hrossadóma. Aðr-
ar 4 einingar eru kenndar í reiðmennsku og þjálf-
un hrossa undir tilsögn kennara. Möguleiki er á
að taka áfanga til tamningamannaprófs að upp-
fylltum ákveðnum skilyrðum þar að lútandi.
Inntökuskilyrði við Hólaskóla eru eftirfarandi:
65 einingar úr framhaldsskóia, þar af 8 í
stærðfræði, 9 í ísiensku, 12 í erlendum tungu-
máium, auk áfanga í efnafræði og líffræði.
Aldurslágmark: 18 ár (miðað við árgang).
Starfsreynsia: 1 ár við landbúnað eða önn-
ur skyld störf.
Möguleiki er á að ljúka stúdentsprófi við
Hólaskóla hafi umsækjandi lokið ákveðnum
stúdentsprófskjama frá öðmm framhaldsskólum
áður en nám við skólann hefst. Þessi kjami felur
í sér 17 einingar í íslensku, 27 einingar í erlend-
um tungumálum og 18 einingar í stærðfræði auk
almennra raungreina.
Hér hefur verið stiklað á stóm um nám
Bændaskólans á Hólum.
Ekki er hér gerð tæmandi grein fyrir starfsemi
hans.
Heim að Hólum er ferðafólk ávallt velkomið
að kynna sér starfsemi staðarins í nútímanum
sem og þá merkilegu sögu sem hann á að baki.
Vaigeir Bjamason, yfirkennari
VISTLEGT UMHVERFI
BÆTIR ÍMYNDINA
OG EYKUR ARÐSEMI
Undanfarin ár hafa útsjónasamir
atvinnurekendur gert sér ljóst að
úrgangslosun á að vera meðal
forgangsmála í sérhverju fyrirtæki, því
það getur haft verulega ókosti að láta
úrgang safnast fyrir á vinnustað, svo sem
þrengsli, slysahættu, eldhættu,
mengun og óþrif sem skaðað geta
ímynd fyrirtækisins.
Starfsemi Gámaþjónustunnar felst í
almennri og sérhæfðri sorphirðu ásamt
leigu, losun og umhirðu sorpíláta og
gáma af öllum stærðum og gerðum.
Við höfum tæknina og þekkinguna til að
finna nákvæmlega þá lausn sem hentar
þínu fyrirtæki, hversu stórt eða smátt
sem það er.
Hringdu í sölumann okkar og hann mun
fúslega veita þér nauðsynlegar
upplýsingar og ráðgjöf.
<K>
GAMAÞJONUSTAN HF.
VATNAGÖRÐUM 12 124 REYKJAVÍK
SÍMI 688555 FAX 812051