Morgunblaðið - 24.07.1999, Qupperneq 56
% 56 LAUGARDAGUR 24. JÚLÍ 1999
MORGUNBLAÐIÐ
Hundalíf
Mogginn minn!
Ég bjargaði
krossgátunni þinni!
Hafðu ekki
dhyggjur.
T(A- tTR
Ljóska
VOU 60 TO A FANCV
(?E5TAUKANT; THE WAITEK 5AV5,''0E,
.CAREFUL,5IK..THE DISH IS HOT "
Þegar maður fer á fínan veitingastað segir þjónninn:
“Vertu varkár, herra... diskurinn er heitur.”
Vertu varkár, herra...
diskurinn er úr plastiki...
BRÉF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Sæludagar
í Vatnaskógi
Frá Sigurbirni Þorkelssyni:
FYRIR okkur lang flesta sem höfum
notið þeirra forréttinda að fá að
dvelja í Vatnaskógi um lengri eða
skemmri tíma er um sannkallaða
sæludaga að ræða. Kærkomið frí og
tilbreyting um leið og okkar andlegu
batterí eru hlaðin og tekið er þátt í
íþróttum og leikjum af margvísiegu
tagi. Líkami, andi og sál fær að nær-
ast úti í náttúrunni á friðsælum og
helguðum stað þar sem drengir hafa
komið til sumardvalar í 76 ár. Lært
að umgangast náungann og kynnst
Guði á nýjan og persónulegan hátt.
Eignast samfélag við hann sem varir
út lífið og um alla eilífð.
Fleiri fá tækifæri
Skógarmenn KFUM munu um
verslunarmannahelgina bjóða fleir-
um en drengjum 9-13 ára að koma
og njóta þess að dvelja í Vatnaskógi.
Þá verður gert hlé á dvalarflokkun-
um íyrir drengina' og Skógurinn opn-
aður almenningi.
Eldri og yngri Skógarmenn geta
komið með fjölskyldur sínar í stutt
innlit eða jafnvel gist í eina til þrjár
nætur. Boðið verður upp á gistingu í
svefnskálum staðarins og einnig verð-
ur boðið upp á tjaldstæði fyrir gesti.
Veislan hefst á föstudagskvöldið
30. júlí með kvöldvöku í íþróttahús-
inu kl. 22:00. Síðan verður frjáls dag-
skrá fyrir alla aldursflokka í gangi
alla helgina.
Eitthvað við allra hæfí
Boðið verður upp á skipulagða og
frjálsa leiki og íþróttir. Bænastundir
verða í kapellunni kvölds og morgna,
en þaðan eiga margir Skógarmenn
sínar eftirminnilegustu minningar
frá dvöl sinni í Vatnaskógi. Kapellan
verður einnig opin á daginn fyrir þá
sem vilja eiga þar hijóða kyrrðar-
stund með Guði.
Veitingasala verður á staðnum
auk þess sem Café Lindarrjóður
verður opið. Boðið verður upp á sér-
staka dagskrá fyrir unglinga þegar
líða tekur á kvöldin, fræðslustundir
um ýmis áhugaverð efni verða í boði
fyrir fólk á öllum aldri, sérstök
barnadagskrá, vatnafjör og bátar á
Eyrarvatni, ratleikur, hæfileikadag-
skrá fyrir börn, þrautakeppni, knatt-
spyrna, kvöldvökur að hætti Skógar-
manna, söngstundir, tónleikar, fána-
hylling, kynning á kristniboðsstarf-
inu í Eþíópíu og Kenýju, guðsþjón-
usta, gönguferðir, furðuleikar, lof-
gjörðarstundir, varðeidur auk sér-
stakrar hátíðarkvöldvöku á sunnu-
dagskvöldið sem tileinkuð verður
100 ára afmæli KFUM og KFUK á
Islandi.
Fyrir unglinga og heilu
fjölskyldurnar
A þessu má sjá að allir ættu að
geta fundið eitthvað við sitt hæfi og
notið þess að dvelja í notalegu and-
rúmslofti og heilbrigðum anda í
Vatnaskógi um verslunarmannahelg-
ina.
Jafnt unglingar sem heilu fjöl-
skyidurnar eru velkomnar í Vatna-
skóg um verslunarmannahelgina.
Hátíðin er að sjálfsögðu vímulaus.
SIGURBJÖRN ÞORKELSSON,
framkvæmdastjóri KFUM
og KFUK í Reykjavík.
Eftirmáli við konur
og íþróttir
Frá Ingólfi Hannessyni:
í MORGUNBLAÐINU sl. sunnu-
dag var ákaflega fróðleg grein um
konur, íþróttir og kastljós fjölmiðla.
Þó gætir ónákvæmni á einum stað í
tilvitnun í orð undirritaðs varðandi
HM í knattspyrnu kvenna. Sagt er
að ég hafi látið þau orð falla að „það
hafi verið mistök af hálfu útvarps-
ráðs að taka þá ákvörðun að sýna
ekki frá heimsmeistaramóti kvenna í
knattspyrnu..." Mín orð voru á þann
veg að, eftir á að hyggja, hafi það
hugsanlega verið mistök OKKAR að
sýna ekki frá mótinu. Hér á ég við
Sjónvarpið og alls ekki útvarpsráð
sérstaklega. Einstaklingar í útvarps-
ráði margítrekuðu þá skoðun sína að
slíkt skyldi gert en ákváðu loks að
láta vilja yfirmanna Sjónvarpsins
ráða, m.a. vegna kostnaðar við slíkar
útsendingar. Þarna voru fjárhagsleg
og rekstrarleg rök yfirsterkari jafn-
réttissjónarmiðum.
Formaður handknattleiksdeildar
Stjömunnar, Þorsteinn Gunnarsson,
fer nokkuð hörðum orðum um
áhugaleysi fjölmiðla á kvennahand-
knattleik og nefnir sem dæmi að
Sjónvarpið hafi verið knúið til þess
að sýna þriðja leik Stjörnunnar og
FH um Islandsmeistaratitil kvenna
„með stanslausum innhringingum og
kvörtunum". Þetta er einfaldlega
rangt. Öll úrslitakeppni kvenna var
sett í uppnám síðla vetrar vegna
þátttöku unglingalandsliðsins í und-
ankeppni HM. Þar með var ljóst að
úrslitarimmur karla og kvenna færu
fram á sama tímabili. Búið var að
ákveða útsendingar frá karlakeppn-
inni með löngum fyrirvara og þetta
setti því allar okkar áætlanir úr
skorðum. Fyrirhugað var að gera
þriðja leik liðanna skil í handbolta-
kvöldi en sýna beint ef hann myndi
ráða úrslitum. Það gerðist og leikur-
inn var sýndur.
Uppsafnað áhorf á umræddan úr-
slitaleik Stjörnunnar og FH mánu-
dagskvöldið 26. apríl var 13,7%.
15,6% karla og 12,1% kvenna (!)
fylgdust með leiknum. Þess má geta
að kvöldið áður fylgdust 38,7%
landsmanna með leik FH og Aftur-
eldingar í karlaflokki.
íþróttadeild RÚV hefur ákveðin
og skilgreind jafnréttismarkmið í
rekstri sínum. Við viljum að slíkt sjá-
ist í dagskrá okkar og umfjöllun. Þá
hafa fjórar konur starfað hér um
lengri og skemmri tíma sem íþróttaf-
réttamenn. Hins vegar hef ég ekki
skýringu á því hvers vegna konur
sækjast ekki eftir slíku starfi. Síðast
þegar ráðinn var íþróttafréttamaður
til Sjónvarpsins sóttu 40 um, 38 karl-
ar og 2 konur. Önnur reyndist ekki
uppfylla lágmarksskilyrði og hin
hætti við.
INGÓLFUR HANNESSON,
íþróttastjóri RÚV.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teijast samþykkja þetta, ef ekki fylgir fyrirvari hér að lútandi.