Morgunblaðið - 12.08.1998, Qupperneq 14

14 MIÐVIKUDAGUR 12. ÁGÚST 1998
MORGUNBLAÐIÐ
Ráðstefna um
tóbaksvarnir á
Egilsstöðum
LANDIÐ
Morgunblaðið/Jónas Erlendsson
Líf og land í Landsbankanum
DAGANA 21. og 22. ágúst næst-
komandi verður haldin á Egilsstöð-
um ráðstefna sem ber yfirskriftina
„Hlutverk heilbrigðisstarfsmanna í
tóbaksvömum“. Hún er haldin á
vegum Heilbrigðisstofnunarinnar á
Egilsstöðum og Krabbameinsfélags
Héraðssvæðis.
Markhópar ráðstefnunnar eru
læknar, hjúkrunarfræðingar, ljós-
mæður, tannlæknar og aðrir heil-
brigðisstarfsmenn og allir þeir aðrir
sem áhuga hafa á tóbaksvörnum.
Tilefnið er einkum sú staðreynd
að um árabil hefur ekki tekist að
draga úr reykingum hér á landi og
raunar eru þær vaxandi meðal
barna og ungmenna, einkum
stúlkna. Markmiðið með ráðstefn-
unni er að reyna að auka áhuga og
efla tóbaksvamastarf heilbrigðis-
stétta, segir í fréttatilkynningu.
Fyrirlesarar era bæði íslenskir og
erlendir, heilbrigðisstarfsmenn,
þingmenn, kennarar og fleiri. Meðal
þeirra má nefna Guðrúnu Kristjáns-
dóttur dósent, Jóhann Ágúst Sig-
urðsson prófessor og Sigurjón Arn-
laugsson lektor, öll við Háskóla ís-
lands, og Sigríði Síu Jónsdóttur,
lektor við Háskólann á Akureyri.
Þau munu kynna hvað og hvernig
verðandi heilbrigðisstarfsmönnum
er kennt í tóbaksfræðum. I löndum
bæði austan hafs og vestan hafa
skipulögð samtök heilbrigðisstarfs-
fólks gegn tóbaki verið áberandi í
tóbaksvömum á síðustu áram. Full-
trúar frá slíkum félögum lækna,
hjúkranarfræðinga, Ijósmæðra og
tannheilbrigðisstarfsfólks í Svíþjóð
kynna samtök sín og vinnuaðferðir
þeirra.
Nafnarnir Steingrímur J. Sigfús-
son þingmaður og Steingrímur Ari
Arason, aðstoðarmaður fjármálaráð-
herra, skiptast á skoðunum um það
hvort ÁTVR skuli áfram hafa einka-
leyfi til innflutnings og dreifingar á
tóbaki. Forseti íslands, Olafur
Ragnar Grímsson, ávarpar ráðstefn-
una og við setningu ráðstefnunnar
flytur Bengt Wramner, sem starfar
hjá Alþjóðaheilbrigðismálastofnun-
inni, WHO, fyrirlestur sem hann
nefnir „Tóbaksfarsóttin í alþjóðlegu
samhengi". Ráðstefnustjóri verður
Guðjón Magnússon, rektor Nor-
ræna heilsuverndarháskólans í
Gautaborg. Ráðstefnan endar að
kvöldi laugardagsins með kvöldverði
þar sem veislustjóri verður Hákon
Aðalsteinsson. Þátttökugjald er kr.
10.800 og í því er auk faglega hlut-
ans innifalin m.a. skógarganga og
hátíðarkvöldverður.
Enn er hægt að láta skrá sig á
ráðstefhuna. Upplýsingar veitii'
Auður Ingólfsdóttir á ráðstefnudeild
Ferðaskrifstofu íslands.
EKKI er það amalegt útsýnið sem
Svanhvít M. Sveinsdóttir hefur í
vinnu sinni f Landsbankanum f
Vík í Mýrdal. Þungamiðjan í olíu-
málverki Benedikts Gunnarsson-
ar, stílfærðri táknmynd sem vísar
til hátækni í verkmennt og vís-
indum, er maðurinn með slípi-
rokkinn og er listamaðurinn þar
væntanlega með í huga skaft-
fellsku túrbínusnillingana. Mynd-
fræðilegt mótvægi hans er vís-
indamaðurinn í hægri hluta
verksins ásamt fjarstýrðu orku-
veri sem hefur hina heimsfrægu
Víkurdranga, Reynisfjall og
kríuna góðu sem baksvið.
„Neistaflug slípirokksins varp-
ar birtu um rými verkstæðisins,
vélbúnað og stýritæki. Meðan
drunur raftækisins bergmála í
stáli og steini rennur Víkuráin
hljóðlát milli grænna bakka.
Gullleitarmenn hafa slegið upp
sóllýstum fjöldum á ströndinni.
Melgrasið bylgjast í brosi dags-
ins. I steypiflugi skimar kría eftir
æti í heitum sandinum. Utan
myndsviðs ganga þorpsbúar
hægt eftir breiðum götum og
spegla himinljómann í augum
sínum,“ segir Benedikt í skjali
sem fylgir verkinu. Þar kemur
einnig fram að hann hugsar mál-
verkið sem óð til lífs og lands,
draum um fagurt mannlíf og frið
á jörð, enda nefnir hann það Líf
og land.
Björn H. Siguijónsson, útibús-
sfjóri Samvinnubankans, fékk
Benedikt til að mála verkið árið
1985, eftir að útibúið var flutt í
nýtt húsnæði í Vík. Eins og
starfsfólkið fylgdi það útibúinu
þegar það breyttist í Lands-
bankaútibú vorið 1991. Svanhvít
og Björn segja að verkið veki
töluverða athygli, enda blasir
það við viðskiptavinum og gest-
um og ekki kvartar Svanhvít
undan útsýninu.
Morgunblaðið/Sigurður Aðalsteinsson
Göngubrú yfir Hrafnkelu
Vaðbrekku, Jökuldal - Göngubrýr eru ekki ýkja al-
geng mannvirki. Óli Svanur Gestsson úr Bolungar-
vík rakst á þessa sem er yfir Hrafnkelu í Hrafnkels-
dal. Sumir láta sér nægja að horfa á þetta mann-
virki, ganga í mesta lagi nokkra metra útá hana en
snúa síðan til sama lands. Óli Svanur fékk sér þó
gönguferð alla leið yfir ána á brúnni ásamt heima-
sætum úr Hrafnkelsdalnum.
Morgunblaðið/Aldls Hafsteinsdóttir
HÖNNUN sumarbústaðar Sunniðnar tryggir öllum aðgang að bústaðnum.
Verðlaun veitt fyrir gott
aðgengi fyrir fatlaða
Hveragerði - A aðalfundi Sjálfs-
bjargar, félags fatlaðra í Amessýslu,
sem haldinn var nýverið var veitt
viðurkenning fyrir einstaklega gott
aðgengi fyrir fatlaða. Það var Sunn-
iðn, Sunnlenska iðnfélagið, sem hlaut
viðurkenninguna en félagið hefur
byggt veglegan sumarbústað fyrir
félagsmenn sína að Stóra-Hofi,
Gnúpverjahreppi.
Við byggingu og hönnun bústaðar-
ins var tekið fullt tillit til þarfa fatl-
aðra og hreyfihömluðum þannig gert
kleift að dvelja þar. Það var Armann
Ægir Magnússon, formaður Sunn-
iðnar, sem tók á móti viðurkenning-
unni.
Félagið Sjálfsbjörg í Árnessýslu
verður 40 ára í haust en það er eitt af
elstu Sjálfsbjargarfélögum landsins.
Markmið félagsins er að styðja við
bakið á hreyfihömluðu fólki bæði í
leik og starfi. Ein aðalfjáröfiun fé-
lagsins er sala minningarkorta en
þau fást í verslunum á starfssvæði
félagsins.
Morgunblaðið/Ingimundur
Köttur í
klípu
Borgarnesi - Fyrir
skömmu var
fréttaritari á ferð í
Hnífsdal og varð
vitni að miklum
bardaga á milli
hunds og kattar.
Eftir mikil átök
flúði kötturinn upp
í staur en hundur-
inn haltraði sína
leið. En hremm-
ingum kattarins
var ekki lokið.
Hvernig átti hann
að komast niður á
jafnsléttu aftur?
Morgunblaðið/Aldís Hafsteinsdóttir
Fyrsti
kvennareið-
túr Ljúfs
Ilveragerði - 40 konur á öllum aldri
tóku þátt í fyrsta kvennareiðtúr
Hestamannafélagsins Ljúfs nú ný-
verið. Konurnar hittust á Gljúfurár-
holti í Ölfusi þar sem þær þáðu veit-
ingar og síðan var riðið sem leið lá
að Kröggólfsstöðum þar sem við tók
grillveisla með öllu tilheyrandi.
Þegar fréttaritara bar að garði var
létt yfir hópnum og voru skipu-
leggjendur yfir sig ánægðir með
þátttökuna og stemmninguna. Það
má búast við því að konurnar í Ljúfi
láti þetta verða að árvissum atburði.