Morgunblaðið - 12.08.1998, Blaðsíða 43

MORGUNBLAÐIÐ
MIÐVIKUDAGUR 12. ÁGÚST 1998 43
______BRÉF TIL BLAÐSINS_
Sagan frá Veitinga-
húsinu Bing Dao
Frá Voitingahúsinu BingDao:
EKKI höfum við lagt það í vana
okkar að ræða um einstaka gesti
okkar og þaðan af síður að fara með
það í blöðin. Nú er þó svo komið að
það er okkur nauðbeygður kostur að
svara aðeins lesendabréfi því er
birtist í Morgunblaðinu 8. ágúst síð-
astliðinn þar sem Hilmar Pór Guð-
mundsson skrifar miður góða sögu
um kvöldstund sem hann og vinir
hans áttu á veitingastaðnum Bing
Dao á Akureyri um síðustu verslun-
armannahelgi.
Markmið alls starfsfólks og eig-
enda Bing Dao er að allir sem þang-
að koma fái góðan og vel útilátinn
mat, góða þjónustu og yfirgefi stað-
inn ánægðir. Eins og Hilmar Þór
nefnir í skrifum sínum þá er „hinn
margrómaði veitingastaður Akur-
eyringa Bing Dao“ einmitt marg-
rómaður fyrir góðan mat og lipra
þjónustu. Við hörmum það að Hilm-
ar Þór og samferðafólk hans hafi
aðra sögu að segja og hafi fundið hjá
sér þessa brýnu þörf til að segja
hana í Morgunblaðinu, víðlesnasta
blaði landsins, í stað þess að snúa
sér til okkar eigenda staðarins með
kvartanir sínar. Fyrstu viðbrögð
okkar við lestur þessarar greinar
var að hafa upp á þessum manni og
vinum hans til að geta endurgreitt
honum og bætt honum upp þessi
leiðindi. Auk þess var þeim boðið að
koma aftur á Bing Dao ef þau ættu
leið til Akureyrar.
Mikilvægt er að læra af mistökum
og því settist allt starfsfólk og eig-
endur Bing Dao niður til að skoða
hvað fór úrskeiðis og hvernig mætti
tryggja að slíkt kæmi ekki aftur fyr-
ir. Þegar við fórum að lesa grein
Hilmars Þórs betur þá fannst okkur
á margan hátt ómaklega að okkur
vegið og ekki alltaf samræmi í því
sem hann skrifaði. Eftir að hafa
rætt við starfsfólk okkar og rakið
með þeim athugasemdir Hilmars
Þórs lið íyrir Iið þá höfum við komist
að þeh-ri niðurstöðu að fljótfærni
hafi ráðið gerðum okkar þegar við
endurgreiddum honum vegna
óánægju hans. En orð skulu standa,
Hilmar Þór og vinir hans eru hjart-
anlega velkomnir í frían málsverð á
Bing Dao.
Helstu kvartanir Hilmars Þórs
voru að ekki var hægt að biðja fólkið
á næsta borði (sem ekki var reyk-
laust) að hætta að reykja en þess má
geta að hann var ánægður með þau
sæti sem honum var vísað á og bað
ekki um reyklaust borð. Það var
ekki nóg með að fólkið á næsta borði
væri að reykja heldur var á öðru
borði hópur af „rígfullorðnu fólki
sem var svo ánægt með lífið að það
flissaði stanslaust", svo við vitnum í
orð Hilmars Þórs. Það að ánægðir
gestir sem sitja við næsta borð skuli
fara svona óstjórnlega í taugarnar á
honum og vinum hans er eitthvað
sem við getum lítið gert að. Við vilj-
um taka það fram að þjónar staðar-
ins báðu þetta fólk ekki um að færa
sig vegna þess að gleði þeirra
pirraði aðra gesti heldur báðu þau
sjálf um, eins og tíðkast á flestum
veitingastöðum, að fá að setjast í
koníaksstofuna eftir að þau höfðu
lokið við að snæða.
Maturinn „himnesk sæla“ sem er
blanda af austurlenskum réttum
„lofaði góðu“ að sögn Hilmars Þórs
og ekki var betur séð en að allir
kynnu vel að meta þá rétti sem
bornir voru fram a.m.k. var beðið
um ábót á þá flesta en ólíklegt þykir
okkur að beðið sé um ábót á mat
sem þykir vondur.
Verslunarmannahelgin er stærsta
ferðamannahelgi ársins á Akureyri
og því var troðfullt hús á Bing Dao
eins og á öðrum veitingahúsum á
Akureyri. Með öllum austurlenskum
réttum eru borin fram hrísgrjón og
því miður höfðu hrísgrjónapottar
hússins ekki undan að sjóða og því
varð'um tíma bið eftir grjónum. Við
leyfum okkur þó að efast um að bið-
in eftir þeim hafi verið eins löng og
Hilmar gefur til kynna þar sem
suðutími grjóna er langt frá því að
vera svo langur. Að vísu finnst okk-
ur þessi stöðuga tímataka hans frá
því að hann settist til borðs segja
svolítið um það viðhorf sem hann
kom með inn á staðinn þ.e. að vera
með allt á hornum sér. Þess má geta
að getgátur hans um örbylgjusoðin
hrísgrjón eiga ekki við rök að styðj-
ast og þó að hann sé sérfræðingur
um hrísgijón þá voru þau ekki und-
irspðin um „3 mínútur".
Ábótin var lengi á borðið og nú
var maturinn sem áður var góður
allt í einu orðinn vondur. Varðandi
ábótina þá er það einu sinni þannig
að frá eldhúsinu fer allt út í sömu
röð og það kemur inn þ.e. kokkarnir
afgreiða pantanir í þeirri röð sem
þær koma inn, það sama gildir um
beiðni um ábót.
Við viljum taka það fram að við
leggjum það ekki í vana okkar að
vera að refsa gestum og það sama
gildir um Hilmar Þór og vini hans.
Að þeim skuli detta það í hug að ver-
ið sé að refsa þeim með sterkri
karrýsósu er svo fjarstæðukennt að
það er næstum hlægilegt. Að okkar
mati hefur þó karrýsósan ekki verið
svo alslæm þar sem u.þ.b. hálfur
lítri fór af henni inn á umrætt borð.
Snemma í grein sinni talaði Hilm-
ar Þór um starfsfólk í maraþon-
hlaupi með eitthvað óljóst markmið
þ.e. að hans sögn var markmiðið hjá
því allavega ekki að þjónusta gesti.
Við leyfum okkur að mótmæla
þessu alfarið, þessi „maraþonhlaup"
eins og hann kallar það, þó við
myndum kjósa að nota annað orð,
eru tilkomin vegna þess að verið var
að veita gestum eins skjóta þjón-
ustu og kostur var á. Veitingahúsið
Bing Dao tekur yfir 100 manns í
sæti og því vegalengdin úr eldhús-
inu inn í sal töluverð. Umrætt kvöld
var þar, eins og áður sagði, troðfullt
og því ekki vanþörf á því að þjón-
arnir væru snöggir að koma mat og
öðrum veitingum fram á borðin til
gestanna. Við erum viss um að
meiri ástæða hefði verið að kvarta
yfir þjónustunni ef þjónarnir hefðu
tekið upp á þvi að fara að hengslast
um salinn og standa eins og þvörur í
stað þess að spretta aðeins úr spori
og þá hefði sennilega orðið töluvert
lengiá bið hjá öllum gestum staðar-
ins eftir mat, ábót, hrísgijónum
o.s.frv.
Allt starfsfólk Bing Dao leggur
metnað sinn í að vinna starf sitt vel
og erum við eigendur staðarins
ánægðir með starfsfólk okkar. Þrír
þjónar komu að þjónustu margum-
talaðs borðs, en Hilmar Þór Iætur
sér verða tíðrætt um þjónustustúlku
sem hann kallar „þjónustumaraþon-
hlaupara" sem hann segir ekki þá
minnugustu í bransanum. Við viljum
taka það fram að umrædd stúlka er
þrautreynd í sínu starfi og hefur
alltaf verið mjög vel af henni látið.
Margoft hefur sérstaklega verið
beðið um þjónustu hennar í kokteil-
boðum og öðrum mannfagnaði á
vegum staðarins. Þau tilsvör sem
Hilmar Þór segir frá henni komin
finnst okkur alls ekki trúanleg eftir
alla þá góðu reynslu sem við höfum
af störfum hennar. Hilmar Þór segir
að þjónn, sem kom að borðinu í upp-
hafi og tjáði þeim að ekki væri hægt
að fara fram á það við fólldð á næsta
borði að það hætti að reykja, hafi
ekki látið sjá sig meir. Þetta er ekki
rétt. Umræddur þjónn er yfirþjónn
staðarins og hann kom að borðinu er
vel var liðið á borðhaldið og spurði
hvort allt væri í lagi og fékk svarið
já, að svo væri.
Hilmar Þór talar um óánægju
annarra gesta og sífelldar kvartanir
sem bárust honum til eyrna. Hér
vitum við að um miklar ýkjur og
jafnvel rangfærslur er að ræða. Á
næsta borði var beðið um örlítið
meiri steikingu á lambalundir og var
það auðvitað alveg sjálfsagt. Fólk
sem sat á nærliggjandi borðum var,
þveröfugt við það sem Hilmar Þór
segir, mjög ánægt með matinn og
var með stórar yfirlýsingar varðandi
það við þjónana.
Þá er komið að því að Hilmar Þór
og vinir hans ætla að fara að borga
reikninginn. Þeir vilja fara sáttaleið-
ina og fá afslátt fyrir öll leiðindin
sem að þeirra mati hafa orðið og
rekja leiðindin upp í stafrófsröð fyr-
ir „þjónustumaraþon-hlauparann".
Leiðindin voru að bið var eftir hrís-
grjónum á veitingahúsinu Bing Dao
um verslunarmannahelgina á Akur-
eyri. Þetta voru það mikil leiðindi að
það þurfti að skrifa sérstaka grein
um það. Við viljum ekkert vera að
draga úr því að leiðinlegt er að bið
hafi orðið eftir hrísgrjónum en við
viljum taka það fram að Hilmari Þór
og vinum hans var boðið upp á kaffi
og eftirrétt í sárabætur fyrir hrís-
grjónabiðina þó að hann haldi öðru
fram í bréfi sínu. Sennilega hafa þau
verið svo södd að þau hafa ekki haft
lyst á eftirrétt. Ástæðan fyrir því að
þeim var ekki boðið upp á koníak
var sú að þar sem þau höfðu ekki
notað vínföng með matnum, eins og
Hilmar Þór tíundaði hressilega í
grein sinni, þá reiknaði þjónninn
ekki með því að þau vildu það.
Eins og á öllum öðrum veitinga-
húsum getur það komið fyrir á Bing
Dao að einhver er ekki ánægður
með það sem hann fær, en þá reyn-
um við alltaf að bæta úr því. Akur-
eyri er ekki það stórt bæjarfélag að
veitingahús hafi efni á að fá hvern
viðskiptavin bara einu sinni. Þess
vegna leggjum við okkur í líma við
að allir gestir fari ánægðir út og vilji
koma aftur.
Við viljum taka það fram að það
eru ALLIR velkomnir á Bing Dao.
Fjöldi ferðamanna, bæði innlendir
og erlendir, geta borið vitni um að
fólk þarf ekki að vera eitthvað sér-
staklega „AKUREYRSKT“ til að fá
góða þjónustu.
Hilmar Þór telur þörf á því að
taka fram að hann og vinafólk hans
hafi allt verið edrú og ekki nýkomið
af tjaldstæði með leiðindi í huga.
Hvers vegna? Við urðum ekkert vör
við að tjaldbúar frekar en aðrir
væru með einhver leiðindi og í raun
þá spyrjum við ekki fólk að því hvar
það gistir þegar það pantar borð.
Allir gestir Halló Akureyri-hátíð-
arinnar sem heimsóttu okkur á Bing
Dao komu mjög vel fram, hvort sem
það var fólk sem gisti á hóteli eða
tjaldi. Það sem þetta fólk átti allt
sammerkt var að það var að
skemmta sér, var jákvætt og var
ekkert að leita uppi leiðindi.
KRISTJÁN SVERRISSON,
ANNA V. EINARSDÓTTIR.
HVÍTASUNNUKIRKJAN
FÍLADELFÍA KYNNIR:
BROADWAY
13.0814. ÁGÚSTKLZUn
Forsala aðgöngumiða í
Versluninni Jotu • Hátúni 2
Miðaverð kr. 1.500
Á báða tónleikana kr. 2.200
1 IVIÚRFLEX Á SVALIR 0G ÞÖK
IS ■■ steinprýði STANGARHYL 7, SÍMI 567 2777
Tölvuleikni I
45 kennslust.
16.990 stgr 1
Frábært námskeið fyrir hressa krakka sem vilja læra grunnatriði
ritvinnslu.vélritunar, margmiðlunar, teikningar, notkun töflureiknis,
tölvupóst og að flakka um Intemetið.
C/J
- I
Tölvuleikni II
45 kennslust.
16.990 stgr 1
Skemmtilegt framhaldsnámskeið fyrir þau sem hafa náð tökum á
grunnatriðunum. Intemetið, vefsíðugerð, PowerPoint, ritvinnsla
og gagnagmnnar. .
ítChvw
Tölvu- 09
verkfræðiþjónustan
Grensásvegi 16' 108 Reykjavík
'r->
'rL

Sœvar
x. Karl