Morgunblaðið - 29.07.1995, Page 21
MORGUNBLAÐIÐ
LAUGARDAGUR 29. JÚLÍ 1995 21
ERLENT
Laundóttir Francois Mitterrands fyrrverandi Frakklandsforseta segir sögu „hinnar fjölskyldunnar“
MAZARINE, 21 árs gömul laun-
dóttir Francois Mitterrand fyrr-
verandi Frakklandsforseta, hefur
stigið fram í sviðsljósið. Ástar-
samband móður hennar við forset-
ann og ávöxtur þess voru eitt
best geymda leyndarmál Mitterr-
ands í tæpa tvo áratugi en nú
hefur hulunni verið svipt af því.
Sjálf sat Mazarine fyrir á forsíðu
nýjasta heftis Paris Match en í
nóvember varð blaðið fyrst til að
upplýsa frönsku þjóðina um dóttur
Mitterrands og birta myndir af
henni teknar með aðdráttarlinsu.
Ástarsamband Mitterrands og
móður Mazarine hefur staðið í 21
ár. Allan þann tíma var því haldið
leyndu í íbúðum í eigu ríkisins.
Valinn hópur fólks vissi af sam-
bandinu en þrátt fyrir það birtist
ekki stafur um það fyrr en í nóv-
ember á síðasta ári er Paris Match
rauf þögnina.Þetta var sagan um
„hina konuna" en einnig sagan
um trúnað Mitterrands við hana
og hið nána samband hans við
Mazarine í sviðsljósið
dótturina sem fæddist er hann var
58 ára. „Þetta er engu að síður
falleg saga,“ sagði hann þegar
fréttin um Mazarine birtist á síð-
asta ári. Og Danielle, hin skiln-
ingsríka eiginkona hans sagði:
„Þetta er fallegt nafn, Mazarine"
og bætti því við að nöfnum Mazar-
ine myndi án efa fjölga í kjölfarið.
Forréttindi laundóttur
Þó að Mazarine hafi nú komið
fram opinberlega, heldur móðir
hennar sig til hlés, að sögn The
Irish Times. Hún heitir Anne
Pingeon og er sérfræðingur í 19.
aldar list við Museé d’Orsay í
París. Hún kynntist Mitterrand,
sem þá var leiðtogi stjórnarand-
stöðunnar, í þorpinu Latché, þar
sem hann á sumarhús.
Þegar Mitterrand varð forseti
Reuter
MAZARINE prýddi forsíðu
Paris Match í vikunni, en
tímaritið varð fyrst til að
birta mynd af Mitterrand-
feðginunum.
árið 1981 vissu fáir að hann ætti
sex ára gamla dóttur fyrir utan
hjónaband. í nafni hennar endur-
speglast bókmenntaáhugi foreldr-
anna, en það er sótt til Mazarine-
bókasafnsins í París sem Jules
Mazarine, kardináli og forsætis-
ráðherra á 17. öld stofnaði.
Mazarine ólst upp í Latínu-
hverfinu í París á Rue Jacob en
síðar fluttu mæðgurnar sig um
set til Quai Branly. Hún hitti föð-
ur sinn jafnan á miðvikudags-
kvöldum og stundum um helgar
í Souzy-la-Briche, suður af París.
Nokkur sumur dvaldi hún á
sveitasetri sem Francois de Gro-
ussouvre , náinn vinur og sam-
starfsmaður Mitterrands, átti í
Allier en hann framdi sjálfsmorð
í Elysée-höll fyrir nokkrum árum.
Ymis forréttindi fylgdu því að
vera dóttir forsetans. Eitt sinn
þegar Mazarine var á leið heim
frá móðurömmu sinni og afa,
týndi hún kettinum sínum á flug-
vellinum. Forsetinn fyrirskipaði
að vellinum yrði lokað og her lög-
reglumanna fínkembdi svæðið í
þijár klukkustundir áður en dýrið
fannst.
í bókmenntanámi
Mazarine stundar nám í bók-
menntum við hinn virta Ecole
Normale Supérieure og heimspeki
við Sorbonne. Hún sker sig ekki
úr hópi námsmanna að öðru leyti
en því að lífverðir fylgja henni
hvert fótmál. Ali, unnusti hennar
er sonur sendiherra Marokkó í
Svíþjóð og stundar nám í París.
Mazarine snæðir hádegisverð
með föður sínum tvisvar í viku
7. hverfi þar sem hann hefur skrif-
stofu. Þar sem hann hefur látið
af embætti og hulunni hefur verið
svipt af Mazarine, vekja feðginin
litla athygli.
Kúrdar mót-
mæla með-
ferð Tyrkja
MANFRED Kanther, innanríkis-
ráðherra Þýskalands, hvatti
Kúrda búsetta i Þýskalandi í gær
til þess að veita „pólitískum öfga-
mönnum“ ekki stuðning sinn í
kjölfar þess að lögregla telur sig
hafa heimildir fyrir því að félag-
ar í kúrdíska verkamannaflokkn-
um (PKK) hafi staðið að eid-
sprengjuárásum á tyrknesk fyr-
irtæki í landinu undanfarna
daga. Starfsemi PKK er bönnuð
í Þýskalandi og sagði Kanther
að árásirnar undirstrikuðu nauð-
syn þess.
Á myndinni hjúfrar kúrdísk
stúlka sig upp að móður sinni
sem er í hungurverkfalli í Berlín
ásamt fleira fólki til að mótmæla
meðferð tyrkneskra yfirvalda á
kúrdíska minnihlutanum. Á
fimmtudag lést kona úr hópi
verkfallsmanna eftir að hafa ver-
ið án matar í átta daga.
®SS@
Reuter
Israelar
vilja fram-
sal Hamas-
leiðtoga
YITZHAK Rabin, forsætisráðherra
ísraels, sagði í gær að ísraelsk yfir-
völd hefðu óskað eftir því að Banda-
ríkjamenn framseldu pólitískan
leiðtoga Hamas-samtakanna, Musa
Abu Marzuk, sem handtekinn var
á fimmtudag.
Rabin lagði á það áherslu að
Marzuk yrði framseldur eða að rétt-
að yrði yfir honum samkvæmt
bandarískum lögum, sem skil-
greindu Hamas nú sem hryðju-
verkasamtök.
Hamas sendu í gær frá sér yfir-
lýsingu þar sem þau vara Banda-
ríkjamenn við að framselja Marzuk.
Segjast þau aldrei hafa ráðist gegn
bandarískum hagsmunum.
Utiloka sameig-
inleg réttindi
minnihlutahópa
Ósigur í aukakosningum og uppákoma hjá Kenneth Clarke
Afall fyrir Major
og Ihaldsflokkinn
London. Rcuter.
BRESKI íhaldsflokkurinn hefur nú
aðeins níu sæta meirihluta á þingi
eftir ósigurinn í aukakosningum í
fyrradag. Var ósigur flokksins að
vísu ekki jafn mikill og í ýmsum
fyrri aukakosningum en úrslitin eru
samt verulegt áfall fyrir John Maj-
or, forsætisráðherra Bretlands, sem
hafði vonast til, að sigur sinn í leið-
togakjörinu og uppstokkun í stjórn-
inni myndi blása nýju lífi í flokkinn.
Ofan á allt þetta bætist síðan, að
Kenneth Clarke fjármálaráðherra
hefur neyðst til að hætta við um-
deilda áætlun um að skattleggja
hlutabréfakaup, þ.e.a.s. þegar menn
eiga kost á að kaupa bréf á ákveðnu
verði án tillits til markaðsverðs.
Úrslitin í Littleborough and
Saddleworth voru þau, að frambjóð-
andi Fijálslynda demókrataflokksins
bar sigur úr býtum með rúmlega
16.000 atkvæðum, frambjóðandi
Verkamannaflokksins fékk rúmlega
14.000 en íhaldsflokkinn kusu tæp
10.000 manns. í kosningunum 1992
vann íhaldsflokkurinn kjördæmið og
fékk hátt í 24.000 atkvæði. Major
viðurkenndi í gær, að úrslitin væru
ekki jafn góð og hann hefði vonast
til en sagði, að kjarnafylgið hefði
hvergi hvikað og það væri góðs viti
fyrir framtíðina og næstu almennu
kosningar, sem verða ekki síðar en
á miðju ári 1997.
í skoðanakönnunum er íhalds-
flokkurinn um 30 prósentustigum á
eftir Verkamannaflokknum og hann
hefur ekki sigrað í aukakosningum
frá árinu 1989. Hann endurheimti
hins vegar mörg kjördæmi í þing-
kosningunum 1992.
íhaldsflokkurinn, sem hefur verið
við stjórnvölinn frá 1979, hefur bak-
að sér óvinsældir vegna skattahækk-
ana, stefnuleysis og ýmiss konar
hneykslismála og ekki bætir úr
skyndileg stefnubreyting Clarkes
fjármálaráðherra í fyrradag. Þá
ákvað hann að hætta við umdeilda
skattlagningu á hlutafjárkaupum en
hún átti að vera svar við óánægju
almennings með mjög há laun for-
stjóra og annarra frammámanna í
fyrirtækjum. Er þeim oft gefínn
kostur á að kaupa hlutabréf á föstu
verði og það nýta þeir sér með mikl-
um hagnaði þegar gengi bréfanna er
hátt.
Illa grunduð áætlun
Mikil fljótaskrift þótti vera á áætl-
un Clarkes en samkvæmt henni átti
að skattleggja hagnað af þessum
hlutafjárviðskiptum sem hvetjar aðr-
ar tekjur. Það kom hins vegar fljót-
lega í Ijós, að nýi skatturinn myndi
leika um hálfa milljón almennra
launþega jafn illa og forstjórana en
nokkuð algengt er, að starfsfólki í
fyrirtækjum séu bætt upp lág laun
með takmörkuðum kauprétti að
hlutabréfum.
Þessi uppákoma er talin auka enn
á þá tilfinningu margi-a, að Ihalds-
flokkurinn sé í litlum tengslum við
þjóðlífið og ákaflega mislagðar
hendur og sumir spá því, að hún
geti haft veruleg áhrif á vinsældir
Clarkes í embætti.
Búkarest. Reuter.
FORSÆTISRÁÐHERRAR Rúmen-
íu og Slóvakíu gerðu á fimmtudag
samkomulag um að auka samvinnu
og taka upp sameiginlega stefnu um
meðferð ungverskra minnihluta-
hópa.
Vladimir Meciar, forsætisráðherra
Slóvakíu, sagði meðan á tveggja
daga heimsókn hans til Rúmeníu
stóð að samræður sínar við rúm-
enska ráðamenn hefðu snúist um
samkomulag, sem Slóvakar gerðu
við Ungveija í mars um meðferð
ungverska minnihlutans í Slóvakíu.
Stórir hópar Ungveija eru í báðum
ríkjunum. 600 þúsund manns af
ungverskum uppruna búa í Slóvakíu
og 1,6 milljónir manna í Rúmeníu.
Leiðtogar bæði Slóvakíu og Rúmen-
íu líta á réttindi minnihlutans sem
rétt einstaklingsins og hafna því að
þjóðarbrot sem heild geti notið sér-
stakra réttinda af ótta við að slíkt
kunni að leiða til krafna um sjálf-
stjórnarsvæði, þar sem Ungvetjar
eru í meirihluta.
„Við höfum fordæmt tilhneigingar
til að koma að hugmyndum um sam-
eiginleg réttindi minnihluta í sátt-
málanum,“ sagði Meciar.
Nicolae Vacariou, forsætisráð-
herra Rúmeníu, sagði að Rúmenar
myndu „aldrei samþykkja sameigin-
leg réttindi, svæðisbundna sjálf-
stjórn eða sérstöðu minnihlutahópa“.
Alheimssamtök Ungveija héldu
fund í bænum Debrecen á fimmtu-
dag til að mótmæla aðför gegn notk-
un ungversku á svæðum, þar sem
ungverskir minnihlutahópar búa.
Aðeins einn Ungveiji frá Slóvakíu
kom fram á fundinum, sem var sjón-
varpað beint í Ungveijalandi, og
sakaði hann Slóvaka um að reyna
að „þurrka út tungu okkar“.
Bela Marko, leiðtogi Ungverja í
Rúmeníu, sagði að ný rúmensk lög-
gjöf um menntamál jafnaðist á við
„menningarlegt þjóðarmorð".
Traian Chebeleu, talsmaður Ions
Iliescus, forseta Rúmeníu, sagði að
þessar ásakanir væru „fullkomlega
tilhæfulausar“ og miðuðu að því að
skaða ímynd Rúmena í útlöndum
með blekkingum og lygum. Iliescu
sagði að fundurinn í Debrecen æli á
„frumstæðum tilfinningum öfga- og
þjóðernishyggju.