Morgunblaðið - 17.04.1993, Blaðsíða 52

MORGUNBLAVIÐ, KRINGLAN 1 103 REYKJA VÍK
SÍMI 691100, SÍMBRÉF 691181, PÓSTHÓLF 1555 / AKUREYRI: HAFNARSTRÆTI 85
LAUGARDAGUR 17. APRÍL 1993
VERÐ í LAUSASÖLU 110 KR.
Rekstur Hitaveitu Reykjavíkur samkvæmt áætlun á síðasta ári
Perlan greidd að fullu 1994
Hag’naður fyrir greiðslu í borgarsjóð nam um 170 milljónum króna
HITAVEITA Reykjavíkur mun á næsta ári
greiða síðasta lánið sem tekið var vegna fram-
kvæmda við Perluna og verður veitingahúsið
þá skuldlaust. Rekstur Hitaveitunnar í fyrra
var samkvæmt áætlun. Niðurstöðutölur liggja
ekki fyrir en hagnaður fyrir gjald til borgar-
sjóðs nam um 170 milljónum króna. Greiðslan
til borgarsjóðs að þessu sinni nam um 279
milljónum króna þannig að niðurstöður rekstr-
arreiknings sýna um 100 milljón króna tap.
Afgjaldið er 2% af mati á eignum Hitaveitunn-
ar. Veltan á síðasta ári nam 2,8 milljörðum
króna og jókst um tæplega 200 milljónir frá
árinu áður.
Gunnar Kristinsson hitaveitustjóri segir að þeg-
ar búið verði að greiða 450 milljóna króna lán,
sem tekið var hjá Norræna fjárfestingarbankanum
og kemur til greiðslu 1994, sé Perlan skuldlaus
eign en í rekstur hússins greiddi Hitaveitan um
42 milljónir króna á síðasta ári. Að sögn Gunnars
var þar aðallega um endurþætur á húsinu að ræða.
Rannsóknir á Olkelduhálsi
Miklar framkvæmdir eru fyrirhugaðar á vegum
Hitaveitunnar á næsta ári. Gunnar segir að verið
sé að hyggja að framtíðinni og þar horft til svæð-
isins á Ölkelduhálsi en það svæði eignaðist Hita-
veitan með kaupunum á Ölfusvatnslandinu árið
1985. Gunnar segir að veitt verði um 10 milljónum
króna til undirbúnings á svæðinu á næsta ári,
aðallega til vegagerðar. Undirbúningsrannsóknum
er að mestu lokið en Hitaveitan hefur áhuga á
að bora þar eina tilraunaholu á næsta ári
Að sögn Gunnars verður ekki þörf á fram-
kvæmdum á svæðinu fyrr en eftir 15-16 ár miðað
við óbreytta heitavatnsnoktun á höfuðborgarsvæð-
inu. Nesjavallavirkjun mun duga þennan tíma en
hún framleiðir nú 150 MW og getur farið í 400
MW. Þar að auki var samdráttur í tengingum á
heitu vatni í nýbyggingar í borginni á síðasta
ári, þær hafa yfirleitt verið í 1.200.000 fm á ári
en duttu niður í 900.000 fm í fyrra sem er sam-
dráttur upp á 25%.
Morgunblaðið/Sigurgeir Jónasson
Furðufiskar
Stærri krabbinn er um einn
metri á lengd þegar teygt er
úr löppunum. Á neðri mynd-
inni er dökksilfrinn.
Óhapp á
bifhjóli
ÖKUMAÐUR missti sljórn á bif-
hjóli sínu á Laugavegi um kl. 21
í gærkvöldi með þeim afleiðing-
um að flytja þurfti hann og far-
~ þega á hjólinu á slysadeild.
Samkvæmt upplýsingum lögregl-
unnar í Reykjavík missti ökumaður-
inn stjóm á hjólinu í sandi á malbik-
inu. Bifhjólið lenti í götunni og voru
ökumaðurinn og ung stúlka, sem
var farþegi á hjólinu, flutt í slysa-
deild. Þau eru þó ekki talin mikið
slösuð.
Yfir 500
kvartan-
ir veg'na
hunda
í ÁRSLOK árið 1992 var 1.081
hundur á skrá í Reykjavík,
samkvæmt skýrslu Heil-
brigðiseftirlitsins um hunda-
hald í borginni. Kvartanir
vegna hunda voru 557 og var
leitað eftir lögregluaðstoð í
fleiri tilfellum en áður. Allir
skráðir hundar voru ábyrgð-
artryggðir og voru greiddar
115.822 krónur vegna tjóna
af völdum fjögurra hunda á
árinu.
Á árinu voru afturkölluð 189
leyfi til hundahalds, ýmist vegna
aflífunar, flutninga úr lög-
sagnarumdæminu eða þeir tekn-
ir af skrá vegna vanskila. Leitað
var aðstoðar lögreglu í mun
fleiri tilfellum en árið áður til
að fjarlægja óleyfilega hunda,
sem hundaeigendur höfðu neit-
að að afhenda eftirlitsmönnum.
Óbreytt gjaldskrá
Árgjald fyrir hund var 8.800
krónur og tökugjald fyrir lausa
hunda 6.500 krónur. Gjaldskrá
er óbreytt fyrir árið 1993. Gjaid-
dagi leyfisgjalda er 1. janúar
en eindagi 1. mars. Aðeins þriðj-
ungur hundaeigenda hafði greitt
árgjaldið á eindaga og hafa van-
skil aldrei verið meiri.

Morgunblaðið/Ragnar Axelsson
Vorið erkomið
MARÍA, Hafsteinn og Hermann eru þess eflaust full-
viss að eftir langan og strangan vetur sé loksins kom-
ið vor. Snjór sé horfínn af jafnsléttu, tún farin að
grænka og óhætt að skilja úlpumar eftir inni þótt stíg-
vél séu enn þarfaþing. Svo em líka komin lítil lömb,
eins og hún Kolla sem virðist una sér ágætlega njá
krökkunum. Fyrir aftan sést móðir lambsins í miðju
hástökki fagna vori. Ljósmyndari rakst á þennan fríða
hóp í landi Gilja í Mýrdalshreppi í Vestur-Skaftafells-
sýslu í gær.
Náttúrugripasafn
Vestmannaeyja
Þrjúný
krabbadýr
Safndýrum Náttúrugripa-
safns Vestmannaeyja fjölgaði
um þrjú þegar skipverjar á
togaranum Guðmundu Torfa-
dóttur VE 80 færðu Kristjáni
Egilssyni, forstöðumanni, 3
sjávardýr af krabbaætt í gær-
morgun. Dýrin komu í net
Guðmundu á 5-600 faðma dýpi
suður af Sneið, út af Eyjum,
fyrir þremur dögum.
Kristján sagðist ekki vera sér-
lega vel að sér í krabbadýrum
þegar rætt var við hann en hann
sagðist aldrei hafa séð dýr af
þessu tagi fyrr. Hann hefði held-
ur ekki komið auga á þau í er-
lendri fræðbók á safninu.
Að sögn Kristjáns em tvö
dýranna aðeins um 10 sm löng
og líkist annað um margt hrossa-
rælqu. Hitt líkist því þriðja nema
á stærðina en það er um 1 m á
lengd ef teygt er úr löppum þess.
Það er alsett göddum, upp í 3
tommur. Dýrin komu dauð í
safnið og verða stoppuð upp.
Einnig stendur til að senda af
þeim mynd til greinjngar hjá
Hafrannsóknastofnun.
Þá komu skipvetjar á Andvara
með dökksilfra í safnið um miðj-
an mánuðinn. Fiskurinn er í ætt
við svartsilfra sem nýlega fannst
hér við land. Dökksilfri fannst
fyrst hér við land í apríl 1992
Óvíst um álagningu verðjöfnunargjalda á innflutt matvæli unnin úr kjöti
Framleiðsla úr 3.000 tonn-
um af kjöti gæti lagst af
SAMKVÆMT heimildum Morgunblaðsins þyk-
ir nú mjög tvísýnt að íslensk stjórnvöld hafi
möguleika á þvi, samkvæmt samningnum um
Evrópska efnahagssvæðið, að leggja jöfnunar-
gjald á innflutt matvæli unnin úr kjötvöru, t.d.
pizzur, pasta og ýmsa aðra tilbúna kjötrétti,
til þess að jafna út hærri framleiðslukostnað
við sambærileg innlend matvæli. Á hinn bóginn
munu erlend matvælafyrirtæki geta fengið
greiddar útflutningsbætur vegna útflutnings
hingað til lands og vegna slæmrar samkeppnis-
stöðu gæti því framleiðsla matvæla með allt
að 20% kjöthluta lagst af hér á landi. Reiknað
er með að I neyslu tejji þessi matvæli um 20%
af kjötmarkaðnum eða rúmlega 3.000 tonn.
Samkvæmt heimildum Morgunblaðsins var af-
staða Evrópubandalagsins í þessu máli skýrð á
fundi sérfræðinganefndar EB og EFTA þann 31.
mars síðastliðinn, en þar kom fram að hvað varð-
ar kjöt, fítu og olíur, þá skuli þessi hráefni hafa
verið skráð á hráefnislista hvers samningsaðila
1. janúar 1992 til þess að fajla undir almenna
meginreglu um verðjöfnun. íslensk stjórnvöld
uppfylla ekki þessi skilyrði, en hafa hins vegar
talið sig hafa fengið vissar undanþágur frá þeitn.
Breytingar erfiðar
Þá mun hafa komið fram á fundinum að af
hálfu EB væri eingöngu áformað að verðjafna
fyrir mismunandi hráefnisverð kjöts sem er nýtt,
kælt, fryst, saltað, þurrkað eða reykt, en allt kjöt
af þessu tagi er óheimilt að flytja hingað til lands
samkvæmt lögum um varnir gegn dýrasjúkdóm-
um. Með þessu er því verið að útiloka verðjöfnun
vegna kjöts og kjötvöru sem notaðar verða í unn-
in matvæli fyrir íslandsmarkað. í viðræðum um
ofangreind atriði óskaði talsmaður EFTA eftir
breyttri afstöðu af hálfu EB, en þau svör feng-
ust að erfitt væri að gera breytingar nú þar sem
búið væri að þýða samningstextann á öll tungu-
mál þjóða EB og kynna hann sem nær endanleg-
an. Málið var hins vegar ekki útrætt og verður
tekið fyrir að nýju á sérfræðingafundi í byrjun
maí.