Morgunblaðið - 10.10.1987, Blaðsíða 53

MORGUNBLAÐIÐ, LAUGARDAGUR 10. OKTÓBER 1987
mannkærleika, sem ég hef orðið
vitni að á lífsleiðinni.
Ég flyt Önnu Pálu og fjölskyld-
unni allri innilegar samúðarkveðjur
okkar hjónanna, en því miður verð-
um við erlendis á útfarardaginn og
getum því ekki fylgt Ragnari
síðasta spölinn á jarðneskri vegferð.
Hugurinn verður heima og minn-
ingin geymist um mætan mann.
Jón Adolf Guðjónsson
Ég þekkti ekki duglegri, þýðari mann,
ég þekkti ekki betri dreng en hann.
(Matthías Jochumsson)
Við vissum að hverju stefndi. Við
vissum að „allrar veraldar vegur
víkur að sama punkt“. Við vissum
það en blekktum sjálf okkur í
lengstu lög. Hann var manna starf-
hæfastur, manna djúpvitrastur og
raunbestur. Það var erfítt að hugsa
til þess að brátt yrði þess enginn
kostur að eiga við hann orðastað,
njóta ráða hans, heyra hann tæta
sundur af skarpskyggni froðusnakk
þess yfirborðsfólks sem tranar sér
fram í tíma og ótíma, heldur sig
kunna skil á öllu milli himins og
jarðar og treður sér jafnvel á valda-
stóla með hræsni og hæpnar full-
yrðingar á vörum. — En nú hefur
það gerst. Ragnar Pálsson er horf-
inn sjónum okkar. Alltof snemma
er hann floginn „sæll til sóla“.
Starfsvettvangur Ragnars Páls-
sonar var Skagafjörður. Hann unni
héraðinu og fólki sem þar á heima.
Hann vann Skagafirði og Skagfirð-
ingum meira og betur en margan
grunar. Hann var ekki þeirrar gerð-
ar að hann starfaði til að hljóta
fyrir lof manna eða kjörfylgi. Ég
hygg að honum hafí tíðum ofboðið
skrum og innantómt glamur þeirrar
fjölmiðla- og auglýsingatíðar sem
nú þjáir þjóð vora. Sjálfur kaus
hann að vera fremur en sýnast.
Ragnar Pálsson fæddist á Þrast-
arstöðum á Höfðaströnd 16. apríl
1924. Foreldrar hans voru hjónin
Hólmfríður Rögnvaldsdóttir, sem
lifír son sinn í hárri elli, og Páll
Erlendsson, þá bóndi á Þrastarstöð-
um, síðar söngstjóri og ritstjóri á
Siglufírði. Hólmfríður var dóttir
Jónínu Björnsdóttur frá Gröf á
Höfðaströnd og Rögnvalds Jónsson-
ar útvegsbónda í Hofsósi og víðar;
Páll var sonurGuðbjargar Stefáns-
dóttur frá Fjöllum í Kelduhverfí,
af Gottskálksætt og Hallbjarnar-
staðaætt, og Erlends Pálssonar
verslunarstjóra í Grafarósi og síðan
í Hofsósi.
Ragnar ólst upp í foreldrahúsum
ásamt systkinum sínum þrem, Guð-
björgu, Erlendi og Guðrúnu. Á
Þrastarstöðum voru einnig móður-
foreldrar hans, tveir fóstursynir
Hólmfríðar og Páls og vinnufólk.
Margt var því í heimili og þó einkan-
lega á sumrin þegar ungt frændfólk
þyrptist að. Þar átti það að góðu
að hverfa. Páll og Hólmfríður voru
öllum sem umhyggjusamir foreldr-
ar, gömlu hjónin kát og fróð,
vinnufólk hlýlegt og börn skemmti-
leg. — Sólskinssumarið góða 1939
var síðasta sumarið sem þau hjón
bjuggu því að árið eftit fluttu þau
heimili sitt til Sigluíjarðar. — Þær
björtu vikur var gaman að vera á
Þrastarstöðum. Við vorum þar
mörg frændsystkinin. Enn finn ég,
þegar mér verður hugsað til þeirra
dýrðardaga, hugblæinn sem þar
sveif yfir vötnum og vakinn var af
umhyggju og ástúð, mannviti og
ftjórri gleði.
Ekkert var eðlilegra en úr slíkum
jarðvegi sprytti kjörviður. Og Ragn-
ar Pálsson sýndi það í störfum
sínum, sýndi það með lífí sínu öllu,
að hann var runninn upp úr fíjóum
jarðvegi. — Ungur stundaði hann
nám við Gagnfræðaskólann á Siglu-
fírði og Menntaskólann á Akureyri.
Hann var námsmaður ágætur en
hvarf þó fljótt til annarra starfa.
Hann fluttist til Sauðárkróks innan
tvítugs, gerðist þar sýsluskrifari um
skeið, stundaði síðan ýmis skrif-
stofu- og verslunarstörf þar til hann
varð forstjóri Sparisjóðs Sauðár-
króks, sá síðasti er stýrði þeirri
merku stofnun. Sparisjóðurinn var
sameinaður Búnaðarbanka íslands
1964 og varð Ragnar þá útibús-
stjóri og gegndi því starfí til æviloka
við einstakar vinsældir, ekki einasta
viðskiptavina heldur og starfsfólks
og stjómenda bankans syðra.
Útibú Búnaðarbankans á Sauð-
árkróki hefur árum saman haft
afgreiðslu á Hofsósi þar sem afí
okkar, Erlendur Pálsson, gekkst
fyrir að Sparisjóður Hofshrepps var
stofnaður snemma á öldinni. Mér
þótti skemmtilegt og ef til vill tákn-
rænt að Ragnar skyldi stýra þeirri
stofnun því að trúlega var hann
líkastur afa allra bamabama hans.
Árið 1944 kvæntist Ragnar Páls-
son Önnu Pálu Guðmundsdóttur.
Hún er dóttir Dýrleifar Ámadóttur
frá Utanverðunesi og Guðmundar
Sveinssonar aðalfulltrúa við Kaup-
félag Skagfirðinga. Jafnræði var
með þeim hjónum. Anna Pála var
mannkostakona eins og hún á kyn
til. Heimili þeirra, fallegt og hlý-
legt, varð fjölmennt er tímar liðu.
Þar ríkti hugblærinn frá Þrastar-
stöðum í bland við fágaða háttvísi
og jákvætt lífsviðhorf, mnnið frá
bemskuheimilum beggja. Þar var
því gott að koma og gaman að vera.
— Þau áttu bamaláni að fagna og
kannski sýnir fátt betur, hvem þátt
heimilið góða átti í gengi bamanna,
en það að þau hafa mörg sest að
fyrir norðan, líka þau þeirra sem
lokið hafa háskólanámi.
Bömin em: Leifur flugumsjónar-
maður í Reykjavík, kvæntur Svölu
Guðmundsdóttur flugfreyju; Páll
tannlæknir á Sauðárkróki, kvæntur
Margréti Sigurðardóttur hjúkmnar-
fræðingi; Ami arkitekt á Sauðár-
króki, kvæntur Ásdísi Hermanns-
dóttur læknaritara; Hólmfríður
bankastarfsmaður á Sauðárkróki,
gift Jóni Inga Guðmundssyni vél-
virkja; Ólöf Sigríður fóstmnemi í
Svíþjóð, gift Pétri Heimissyni lækni;
Öm læknir í Svíþjóð, kvæntur
Margréti Aðalsteinsdóttur hjúkr-
unarfræðingi; Úlfar iðnnemi á
Sauðárkróki. Barnabömin em orðin
17.
Ragnar Pálsson á að baki mikið
dagsverk og gott þó að ekki sé
hann aldinn að ámm er hann hverf-
ur af leiksviði lífsins og fellir hurð
að stöfum á eftir sér. 011 störf sín
leysti hann svo af hendi að vart
hefðu aðrir betur gert. Hann var
traustur maður og heilsteyptur og
gat ekki á neinu því níðst sem hon-
um var til trúað. — Þegar slíkir
menn hverfa fer ekki hjá því að
eftir standi skarð „opið og ófullt."
Þess vegna „reikar harmur í hús-
um“ og dýpstur meðal þeirra sem
þekktu hann best.
Ástvinum Ragnars Pálssonar
sendum við hjónin hugheilar samúð-
arkveðjur. Guð blessi þeim minning-
una um mikilhæfan mann og góðan
dreng. ^
Ólafur Haukur Árnason
Ragnar Pálsson, útibússtjóri
Búnaðarbankans á Sauðárkróki,
lést 29. september síðastliðinn í
Landspítalanum 63 ára að aldri.
Ragnar fæddist 16. apríl 1924 á
Þrastarstöðum, Hofshreppi, Skaga-
fírði. Ragnar var sonur hjónanna
Hólmfríðar Rögnvaldsdóttur, sem
býr nú í Reykjavík, og Páls Erlends-
sonar, bónda, sem nú er látinn.
Ragnar gekk í bamaskóla á Hofs-
ósi og í gagnfræðaskóla á Siglufírði
en þangað fluttist fjölskyldan frá
Þrastarstöðum árið 1939. Ragnar
tók inntökupróf í Menntaskólann á
Akureyri og stundaði nám þar í
einn vetur.
Ragnar kvæntist Önnu Pálu Guð-
mundsdóttur og eignuðust þau 7
börn sem öll era á lífi. Þau era
Leifur flugumsjónarmaður, Páll
tannlæknir, Ámi arkitekt, Hólm-
fríður bankastarfsmaður, Ólöf
fóstranemi, Öm læknir og Úlfar
iðnnemi.
Til Sauðárkróks kom Ragnar
1942 og réðst þá til starfa við sýslu-
mannsembættið. Næstu árin starf-
aði Ragnar m.a. hjá Kaupfélagi
Skagfírðinga og var kaupmaður um
skeið. Árið 1954 hófst ferill Ragn-
ars sem bankamanns en það ár
réðst hann sem gjaldkeri hjá Spari-
sjóði Sauðárkróks og árið 1960 tók
hann við starfí sparisjóðsstjóra.
Þegar Búnaðarbanki íslands yfírtók
umsýslu sparisjóðsins 1964 og
stofnaði útibú á Sauðárkróki gerð-
ist Ragnar útibússtjóri. Þessu starfí
gegndi Ragnar til dauðadags, en í
tíð hans hefur útibú Búnaðarbank-
ans orðið eitt hið öflugasta utan
Reykjavíkur.
Síðan 1950 hefur Ragnar annast
53
umboðsstörf fyrir Sjóvátryggingar-
félag íslands hf. Vátryggingaram-
boð „Ragnars á Króknum" er eitt
öflugasta umboð Sjóvá. Og það var
einmitt í gegn um vátryggingamar
sem leiðir Ragnars og undirritaðra
lágu fyrst saman. Við höfum verið
svo heppnir að hafa átt mikil og
góð samskipti við Ragnar. Á stundu
sem þessari koma mörg einkenni
Ragnars upp í hugann og öll era
þau prýði þess manns sem þau ber.
Hröð hugsun, skarpur skilningur
og'snögg viðbrögð. Hann kom beint
að kjama málsins án allra mála-
lenginga. Viðmótið var gott og
þægilegt. Hann var sívakandi yfír
öllu því sem betur mátti fara. Þeg-
ar Ragnar hringdi hófst samtalið
yfirleitt á stuttri kveðju. Síðan kom
hann beint að efninu. Þegar erind-
inu var lokið var gjaman spjallað
um landsins gagn og nauðsynjar,
en þegar Ragnari fannst það mál
nægilega rætt kastaði hann snögg-
lega á mann kveðju og sleit
samtalinu.
Ragnar var víðlesinn og bjó yfír
mikilli þekkingu á hinum ýmsu svið-
um. Að dveljast kvöldstund á heimili
hans og Önnu Pálu var mikill og
mannbætandi skóli. Ekki skipti
máli hvert umræðuefnið var, hvort
það snerist um menn eða málefni.
Ragnar var alls staðar jafn vel
heima. Mestan áhuga hafði hann
þó á að ræða þjóðmálin og hið
stjómmálalega ástand hverju sinni
og áttum við margt spjall saman
um þau málefni. Ragnar var and-
lega stór þótt hann væri líkamlega
lágvaxinn.
Ragnar var félagslyndur maður
þótt hann virtist njóta sín best í
fárra manna hópi. Hann var frímúr-
ari um 20 ára skeið og starfaði
einnig í Rotaryklúbbi Sauðárkróks
þar sem hann var m.a. forseti
klúbbsins.
Á kveðjustund sem þessari eru
okkur efst í huga þakkir til forsjón-
arinnar að fá að kynnast manni
eins og Ragnari.
Anna Pála, við sendum þér og
fjölskyldunni allri okkar innilegustu
samúðarkveðjur.
Sigurjón Pétursson og
Einar Sveinsson
Tvær sjónvarpsstöðvar eru barnaleikur
fyrir Philips HQ-VR 6542 myndbandstækiö -
tæki sem svarar kröfum nútímans.
• Þráðlaus fjarstýring
• Sjálvirkur stöðva leitari
• 16 stöðva forval
• Upptökuminni í 14 daga
fyrir 4 skráningar
• Skyndiupptaka óháð
upptökuminni
• Myndleítari i báðar áttir
• Frysting á ramma
• Og ótal fleiri möguleikar
sem aðeins Philips kann tökin á
• Verðið kemur þér á óvart.
Opiðídag:
Sætúni 8 kl. 10-13
Kringlunni ki. 10-18
Heimilistæki hf
SafSa^B/ET, 3 - KRINGLUNNI - SÆTUNI 8 - S.M. 69 15 00