Morgunblaðið - 10.10.1987, Blaðsíða 23

MORGUNBLAÐIÐ, LAUGARDAGUR 10. OKTÓBER 1987
23
Arnór Hannibalsson
Tvær nýj-
ar bækur
eftir Arnór
Hannibalsson
ARNÓR Hannibalsson hefur sent
frá sér tvær nýjar bækur, Sögu-
speki og Fagurfræði.
í bókinni Söguspeki er skýrt frá
því hvað nokkrir af hinum fremstu
heimspekingum hafa haft um sög-
una að segja og eðli hennar, segir
í fréttatilkynningu. Þar ber fyrst
að telja, að gerð er grein fyrir sögu-
skilningi heilags Agústínusar og
kristinni söguskoðun. Þá eru og
kaflar í bókinni um G.W.F. Hegel
og Karl Marx. Lokakaflinn er um
söguskoðun pósitífista, sem telja
að saga geti ekki verið vísindi, nema
hún tefli fram lögmálum sömu teg-
undar og eru sett fram í náttúruvís-
indum.
Bókin Söguspeki er 141 bls. að
lengd og skiptist í 9 kafla.
I bókinni Fagurfræði er greint
frá kenningum helstu heimspekinga
sögunnar um eðli og gildi listar.
Fyrsti þriðjungur bókarinnar er
helgaður kenningum um eðli lista-
verka og ber þar hæst kenningar
Immanúels Kants og Benedettos
Croces. Annar þriðjungur bókarinn-
ar fjallar um bókmenntir og er þar
greint frá kenningum Aristótelesar
um skáldlistina. I lokaáfanga bók-
arinnar er greint frá kenningum
um sjónheim og myndlist. Bókinni
lýkur með köflum um listgildi og
sannleiksgildi.
Bókin Fagurfræði er 209 bls. að
lengd og skiptist í 21 kafla.
Bóksala stúdenta annast dreif-
ingu á báðum bókunum.
Athugasemd
VEGNA fréttar um verðkönnun
á Vesturlandi og viðtals við Ein-
ar Ólafsson, í samnefndri
verslun á Akranesi, í blaðinu
8. okt. sl. óskast eftirfarandi
tekið fram:
Ranglega er farið með inn-
heimtuþóknun til greiðslukortafyr-
irtækja, sem sögð er vera 5%, eða
kr. 1500 af kr. 30.000 viðskiptum
á mánuði.
Hið rétta er að, a.m.k. hvað
VISA áhrærir, að þjónustugjald
hjá matvörukaupmönnum er á bil-
inu 1—1,5% eftir veltu. Því getur
gjaldið í ofangreindu dæmi aldrei
orðið hærra en kr. 450 á mánuði.
Þá skal og á það bent að neyt-
endur kaupa engar vörur á
„meðaltalsverði" margra búða
heldur einungis þar sem verslað
er. Enda þótt ofangreind verslun,
sem ekki tekur greiðslukort, hafi
komið mjög vel út í könnuninni
hvað verð snertir er það engu að
síður staðreynd að 25 vörutegund-
ir af 71 eða 35% fengust þar á
dýrara verði en í öðrum þeim versl-
unum sem könnunin náði til.
Því er ljóst eins og fram kom í
verðkönnun SKÁÍS í sl. mánuði
að miklu fleiri þættir hafa áhrif á
vöruverð en einungis hvort versl-
anir taka greiðslukort eða ekki.
Einar S. Einarsson,
framkvæmdastjóri VISA
í'Ca*
Milljónir á hverjum laugardegi.
j
t