Morgunblaðið - 01.04.1987, Blaðsíða 65

MORGUNBLAÐIÐ, MIÐVIKUDAGUR 1. APRÍL 1987
65
Steinar hf. f lyt-
ur í nýtt húsnæði
STEINAR hf., sem áður hét Stál-
húsgagnagerð Steinars hf.,
hefur nú flutt starfsemi sína í
nýtt húsnæði við Smiðjuveg 2 í
Kópavogi, en þar var Trésmiðjan
Víðir áður til húsa. Steinar hf.
festi kaup á allri húseigninni,
sem er um 7.000 m2 að grunn-
fleti, og fyrst um sinn verða um
3.000 m2 nýttir undir verksmiðju
fyrirtækisins og um 7C0 m2 fyrir
sýningarsal þar sem einkar góð
aðstaða verður til þess að sýna
framleiðslu og innflutning Stein-
ars hf. Annað húsrými Steinars
hf. við Smiðjuveg 2 hefur verið
leigt út til annars atvinnurekstr-
ar.
Steinar hf. hefur sérhæft sig i
framleiðslu og innflutningi á hús-
gögnum fyrir alls kyns stofnanir
og fyrirtæki, skóla, veitingastaði,
félagsheimili, hótel, flugstöðvar,
íþróttahús, kvikmyndahús, leikhús
o.fl. o.fl. Þekktasta framleiðsluvara
Steinars hf. er vafalaust STACCO-
stóllinn, sem bæði er framleiddur
hér á landi fyrir íslenskan markað
og hjá hinu þekkta fyrirtæki Labofa
A/S í Danmörku, þaðan sem hann
er seldur til allra heimshoma. A
meðal innfluttra húsgagna má
nefna t.d. hina þekktu hönnun frá
Wilkhahn og Vitra og fjölbreytt
úrval húsgagna frá Labofa, TUA,
S-H, EH, Hile Ergonom o.íl.
Stálhúsgagnagerð Steinars var
stofnuð af Steinari Jóhannssyni
árið 1960. Eftir lát hans var fyrir-
tækinu breytt í hlutafélag árið 1976
og er það nú í eigu eftirlifandi eigin-
konu Steinars, Sigurbjargar Guð-
jónsdóttur, sem nú starfar sem
forstjóri Steinars hf., og fjögurra
starfsmanna þess, Guðna Jónssonar
framkvæmdastjóra, Hilmars Jó-
hannssonar, afgreiðslustjóra,
Agústs Guðmundssonar, verkstjóra
í trésmiðju, og Dagbjarts Jónssonar
verkstjóra í jámsmiðju. Rúmlega
30 manns vinna nú hjá Steinari hf.
og á meðal nýlegra samninga sem
gerðir hafa verið má nefna sölu á
húsgögnum í nýja Seðlabankahúsið,
nýja Utvarpshúsið, nýja Verslunar-
skólann, Grandaskóla, Selásskóla,
félagsmiðstöðina í Frostaskjóli,
samning um sölu á um 1.000
STACCO-stólum í Laugardalshöll
og síðast en ekki síst um 15 milljón
króna samning um sölu á Wilk-
hahn-húsgögnum í nýju flugstöðina
á Keflavíkurflugvelli, en það mun
vera stærsti samningur um hús-
gagnasölu sem gerður hefur verið
hér á landi.
(Fréttatilkynning.)
Morgunblaðið/Einar Falur
Guðni Jónsson framkvæmdastjóri Steinars hf. fyrir utan nýja hús-
næðið.
Morgunblaðið/Bjöm Blöndal
Fjölmargir voru viðstaddir stofnfund D-álmusamtakanna og þar kom
fram að brýnt væri að hefjast handa þegar í stað.
Sjúkrahúsið í Keflavík:
Héraðsátak um að
byggja D-álmuna
Keflavík.
MARKMIÐIÐ er að stuðla að
byggingu langlegudeildar við
Sjúkrahús Keflavíkur, segir í
markmiði D-álmu samtakanna
sem voru stofnuð á Suðurnesjum
fyrir nokkru. Að stofnun samtak-
anna stóðu liðlega 30 félög sem
hafa líknarmál á stefnuskrá sinni
auk nokkurra einstaklinga.
Þessu markmiði sem samtökin
kalla héraðsátak er ætlunin að ná
með almennum fjársöfnunardegi,
með öðrum fjársöfnunum, mark-
vissri kynningu og áróðri fyrir
byggingu D-álmunnar hvar sem
færi gefst, í fjölmiðlum og á opin-
berum vettvangi. Ennfremur var
samþykkt að samtökin skyldu lögð
niður þegar D-álman verður tekin
í notkun.
A stofnfundinum töluðu lækn-
amir Kristján Jónsson og Jón
Jóhannsson og kom fram í máli
þeirra að nú væri mikill skortur á
sjúkrarúmum fyrir aldraða á Suður-
nesjum. Langur biðlisti væri við
allar stofnanir á svæðinu þar sem
aldraðir fengju hjúkrun.
- BB
Morgunblaðið/Úlfar
Hluti bílaflotans kemur til ísafjarðar að kvöldi mánudags. Vegna tafar vegagerðarinnar með snjóm-
okstur gæti tapast ferð.
Isafjörður:
Urgur í flutnmgabílstjór-
um vegna snjómoksturs á
Steingrímsfj ar ðarheiði
ísafírði.
MIKILL urgur er í flutningabíl-
stjórum á ísafirði og í Bolung-
arvík með það sem þeir kalla
geðþóttaákvarðanir verkstjóra
vegagerðarinnar á Drangsnesi.
Fullyrða þeir að neitað hafi
verið um mokstur á Steingríms-
fjarðarheiði sl. laugardag í
góðu veðri, vegna þess að
slæmt veður var snemma morg-
uns þegar athugun var gerð.
Um hádegið var komið stillt og
bjart veður á heiðinni.
Reglur vegagerðarinnar um
snjómokstur á Steingrímsfjarðar-
heiði eru um mokstur á þriðjudög-
um og föstudögum eða næsta
færa dag á eftir ef veður hamlar
mokstri þessa tvo ákveðnu daga.
Flutningabflstjóramir hafa stillt
áætlanir sínar inn á þessar reglur
og hefur gengið vel að starfa sam-
kvæmt þeim í vetur með tilkomu
nýja vegarins um Lágadal í ísa-
fjarðardjúpi. Þrír flutningabílar
og mjólkurbíll komu til ísafjarðar
að kvöldi mánudags eftir tíðinda-
litla ferð frá Hólmavík þann dag,
en þar höfðu þeir beðið frá föstu-
dagsmorgni. Það tók snjóblásar-
ann frá vegagerðinni um 5 tíma
að moka heiðina í nokkuð verra
veðri en var á laugardaginn, en
vegna tafarinnar komast bílamir
ekki til Reykjavíkur fyrr en á
föstudagskvöld í stað þess að fara
aftur suður á þriðjudag og tapa
þeir þar með heilli viku úr.
Bjami Þórðarson flutningabíl-
stjóri á ísafirði og Bjarni Bened-
iktsson flutningabflstjóri úr
Bolungarvík kvörtuðu undan
slæmri þjónustu vegagerðarinnar,
sem þeir sögðu að væri aðeins um
að kenna verkstjóra sem væri
staðsettur allt of langt frá heið-
inni og mönnunum sem við
snjómoksturinn starfa. Sögðu þeir
að það hefði komið starfsmönnum
vegagerðarinnar á Hólmavík jafn-
mikið á óvart og þeim sjálfum að
ekki var mokað á laugardaginn.
Þá sögðu þeir félagamir að þeir
ættu erfitt með að fallast á hvem-
ig tekið væri á málefnum atvinnu-
fyrirtækja eins og þama ætti í
hlut á meðan opnað væri við erfið-
ari aðstæður á dögum sem ekki
féllu undir snjómokstursreglum-
ar, þegar t.d. stjómmálamenn
ættu í hlut, og nefndu þá för fram-
bjóðenda eins stjómmálaflokk-
anna fyrir fáum dögum yfir
heiðina og stjómarmanns Fjórð-
ungssambands Vestfírðinga, sem
þurfti að komast á landsfund
flokks síns, fyrir nokkru.
Kristinn Jón Jónsson rekstrar-
stjóri hjá vegagerðinni á ísafírði
vildi ekki kannast við geðþótta-
ákvarðanir verkstjóra síns á
Drangsnesi í þessu tilviki. Sagði
að þeir hefðu verið í sambandi
hvor við annan á laugardag og
þar sem veðurhorfur vom tvísýnar
og moka þurfti eitthvað af vegin-
um í ísafjarðardjúpi hefðu þeir
orðið ásáttir um að moka ekki.
Um ferðir stjómmálamannanna
sagði hann að það væri tómur
þvættingur, ekkert hefði verið
mokað fyrir þá sérstaklega, held-
ur fyrir ýmsa aðra líka sem þurftu
að komast um veginn.
í framhaldi af þessu er rétt að
geta þess, að vegurinn um Stein-
grímsfjarðarheiði er að verða svo
mikil samgöngubót fyrir íbúa á
norðanverðum Vestfjörðum, að
akstur til Reykjavíkur á miðjum
vetri er að verða ömggari sam-
gönguleið en flugið. A þriðjudag
hafði ekki verið flogið milli ísa-
flarðar og Reykjavíkur í 5 daga.
Þá var góð fólksbílafærð á milli.
Fá ár em síðan engin vegaumferð
var þar á milli alla vetrarmánuð-
ina.
— Úlfar
Um 200 manns sóttu fund ungs sjálfstæðisfólks í Valhöll sl. laugardag.
Ályktun ungs sjálfstæðisfólks:
Rík áhersla lögð á siðferð-
iskröfur í stjórnmálum
Á FJÖLMENNUM fundi ungs
sjálfstæðisfólks, sem haldinn var
í sjálfstæðishúsinu Vaihöll sl.
laugardag, var eftirfarandi
ályktun samþykkt:
„Ungt fólk styður Sjálfstæðis-
flokkinn vegna frjálslyndisstefnu
hans og verka, en ekki vegna sér-
hagsmunasjónarmiða. f umróti
íslenskra stjómmála hefur ungt fólk
lagt ríka áherslu á siðferðiskröfur
í stjómmálum.
Við fögnum því að formaður
flokksins og þingflokkur hafa sýnt
mikla ábyrgð og umburðarlyndi í
málefnum Alberts Guðmundssonar.
Sjálfstæðisflokkurinn og forysta
hans hefur sýnt og sannað að hann
axlar þá ábyrgð er samræmist þeim
kröfum sem íslendingar eiga að
gera til stærsta stjómmálaflokks
landsins. Þess vegna styður ungt
fólk Sjálfstæðisflokkinn."