Morgunblaðið - 01.04.1987, Blaðsíða 2
2
MORGUNBLAÐIÐ, MIÐVIKUDAGUR 1. APRÍL 1987
Skólastarf í samt lag:
Kennt á laugardög-
um og um páska
Níundu bekkingar urðu misjafnt úti í verkfallinu
SKÓLAMEISTARAR framhaldsskólanna voru almennt ánægðir
með heimtur á nemendum þegar kennsla hófst að nýju í gær
eftir tveggja vikna hlé. Kennara í fjölbrautaskóla varð á orði að
síðasta helgi væri vendipunktur verkfallsins; hefðu samningar
ekki náðst hefðu margir nemendur hætt námi. A flestum stöðum
er nú stefnt að þvi að standa við próftöflur og skólaslit.
Til þess að áætlanir skólanna að bæta þeim upp kennslumissinn.
standist er ljóst að nemendur þurfa
að sækja tíma í Dimbilviku. Þá er
búið að skipuleggja kennslu næstu
laugardaga í mörgum skólum. í
Fjölbrautaskólanum við Ármúla
verður einnig kennt á sumardaginn
fyrsta fái skólastjóm sínu fram-
gegnt. Fundir verða með kennurum
næstu daga þar sem í ljós kemur
hvort þeir muni taka á sig þessa
aukakennslu.
Verkfallið hefur bitnað misjafn-
lega á nemendum níunda bekkjar.
Þeir eiga að þreyja samræmd próf
sem hefjast að öllum líkindum 27.
apríl eins og ráð var fyrir gert.
Skólastjórnir leita því leiða til þess
„Þessi mismunun er að mínu
mati verst. Betra hefði verið ef
verkfallið hefði komið jafnt niður á
nemendum," sagði Gunnar Ásgeirs-
son skólastjóri Réttarholtskóla.
Hann sagði að nemendur í „for-
skóla" sem eru að þreyta 9. bekk
í annað sinn hefðu misst alla
kennslu í tveimur samræmdum fög-
um og að hluta í því þriðja. í
gærmorgun hefði vantað marga
þessara nemenda og ætlaði Gunnar
að fylgjast grannt með því í dag
hvort þeir skiluðu sér.
Sjá forystugrein og frétt, við-
töl og myndir á bls. 36 og 37.
Aftakaveður _
varáAkureyri
Aftakaveður var á Akureyri og nágrenni í gærdag. Lögreglan
hafði í nógu að snúast við að aðstoða ökumenn, sem voru fastir
á bílum sínum hér og þar um bæinn og við að aka gangandi veg-
farendum á leiðarenda. Félagar í Hjálparsveit skáta og Flug-
björgunarsveitinni voru kallaðir út til að aka börnum heim úr
skólum og af barnaheimilum.
Veður var allra verst í Síðu-
hverfi og Lundahverfi, þar sem
skyggni var oft ekki meira en svo
að menn sáu varla fram á vél-
arhlíf bifreiðar sinnar þegar ekið
var um. Skyggni varð fljótt varla
meira en einn metri. Síðari hluta
dags var sumstaðar orðið illfært
fyrir litla bíla. Þá var algeng sjón
að sjá vegfarendur aðstoða
bílstjóra við að losa bifreiðir úr
sköflum. Mikið var um að menn
skildu bifreiðir sínar eftir á víða-
vangi og færu fótgangandi heim.
Þrátt fyrir ofsaveður gekk allt
sérstaklega vel, að sögn varðstjóra
INNLENT
hjá lögreglu. Tveir minniháttar
árekstrar urðu í bænum þar sem
ekið var á kyrrstæða bíla, en eng-
in slys urðu á fólki.
Vindhraðinn á Akureyri var oft
8-9 vindstig og fór upp í 12 í
mestu rokunum.
Reuter
Jón Páll í heims-
metabók Guiness
STERKASTI maður heims, Jón
Páll Sigmarsson, setti heims-
met í gær og tryggði sér þar
ineð sess á spjöldum heims-
metabókar Guinness.
Framleiðendur Grants-viskís eru
um þessar mundir að halda hátíð-
legt eitt hundrað ára starfsafmæli
og var tveggja metra há flaska
búin til af því tilefni. Jón Páll, sem
staddur er í London, gerði sér lítið
fyrir og hóf á loft þessa stærstu
flösku heims. Flaskan vegur 220
kfló. í henni eru 185 lítrar af
vískíi að andvirði 120.000 ísl. kr.
Lyfjafyrirtækið Delta:
Hjúkrunarf élag
Islands:
Atkvæði föst
á Akureyri
EKKI TÓKST í gærkvöldi að
ljúka talningu í atkvæðagreiðslu
Hjúkrunarfélags íslands um
kjarasamning félagsins við fjár-
málaráðuneytið, en atkvæða-
greiðsla hefur staðið yfir siðustu
viku.
Samkvæmt upplýsingum frá
Hjúkrunarfélaginu var vitað af
nokkrum atkvæðum sem ekki kom-
ust frá Akureyri í gær vegna veðurs
og verður beðið með að telja þau.
Vonast var til að úrslit gætu iegið
fyrir í dag.
Spr engj uhótun
í Búnaðarbanka
HRINGT var í skiptiborð Búnað-
arbanka íslands í Austurstræti í
gær og tilkynnt að sprengja
spryngi þar innan skamms.
Tilkynning þessi kom um kl. 15
í gær og var lögreglan strax látin
vita. Starfsfólk bankans fór út úr
húsinu á meðan lögreglan svipaðist
um, en engin fannst sprengjan.
Ekki tókst að rekja símtalið.
Mjög harð-
ur árekstur
TVEIR bílar skullu saman á
mótum Bústaðavegar og Soga-
vegar i gær.
Ökumaður annars bílsins og
farþegi úr hinum voru fluttir á
slysadeild, en meiðsli þeirra munu
vera lítil. Bílamir skemmdust báð-
ir mikið.
20% lækkun á söluhæstu lyfjum
Lyfjafyrirtækið Delta hefur
ákveðið að lækka verð á fjórum
söluhæstu lyfjum sínum að með-
altali um meira en 20%. Er þetta
gert til að stuðla að lækkun
lyfjaverðs í trausti þess að lækn-
ar séu reiðubúnir til að leggja
sitt af mörkum til lækkunar
Iyfjakostnaðar á íslandi, með
því að nota í auknum mæli lyf
fyrirtækisins í stað annarra
dýrari lyfja, að því er segir í
fréttatilkynningu frá fyrirtæk-
inu.
Um er að ræða lyfin Asýran og
Címetídín, sem eru notuð við
magasári, og lyfin Betasel og Ten-
sól, sem em hjartalyf. Guðbjörg
Edda Eggertsdóttir, lyfjafræðing-
ur og deildarstjóri markaðsdeildar
Delta, sagði í samtali við Morgun-
blaðið að að þessi lyf hefðu á bilinu
30-50% af markaðnum. Hún sagði
að lyf fyrirtækisins stæðust sömu
kröfur og erlend lyf. Það af þess-
um lyfjum, sem lengst hefði verið
á markaði, hefði verið það í fimm
ár og reynst mjög vel.
HÍK-deiian:
Samningar voru hand-
salaðir á föstudaginn
„ÉG ER mjög ánægður með að það er komin niðurstaða í þessa
samninga,“ sagði Þorsteinn Pálsson fjármálaráðherra í samtali
við Morgunblaðið í gær um samninga þá sem nú hafa tekist á
milli ríkisins og Hins íslenska kennarafélags. Fjármálaráðherra
kvaðst telja að það hefði verið hægt að komast að þessari niður-
stöðu miklu fyrr og samningarnir hefðu dregist óeðlilega á
langinn, miðað við þá niðurstöðu sem nú er fengin. Hann vildi
ekki tjá sig frekar um það atriði, en Morgunblaðið hefur heimild-
ir fyrir því að samkomulag hafi þegar legið fyrir í grófum dráttum
síðdegis síðastliðinn föstudag.
Samkvæmt heimildum Morg-
unblaðsins funduðu þeir Þorsteinn
Pálsson fjármálaráðherra og að-
stoðarmaður hans, Geir H.
Haarde, með þeim Kristjáni
Thorlacius, formanni HÍK, og
Heimi Pálssyni, varaformanni
HÍK, á föstudag og niðurstaða
þess fundar varð sú að samkomu-
lag náðist sem var innsiglað með
handabandi. Þeir Kristján og
Heimir fóru með þessa niðurstöðu
á stjómarfund með þeim fyrirvara
um samkomulag að stjómin féllist
á niðurstöðuna. Einn stjómar-
manna fór svo fram á að haldinn
yrði fundur í fulltrúaráði kennar-
anna og þar kom upp önnur
afstaða ákveðins hóps í fulltrúar-
áðinu. Þegar svo samningafundur
hófst á nýjan leik á föstudags-
kvöld var reynt til þrautar að ná
samkomulagi og kl. 5 um morgun-
inn lauk þeim fundi á þann veg
að forsvarsmenn beggja samn-
inganefnda undirrituðu með
upphafsstöfum sínum það sam-
komulag sem þá lá fyrir.
Ekki reyndist það nægjanlegt,
því kennarar treystu sér á endan-
um ekki til að fara með þennan
samningsgrundvöll inn í samn-
inganefndina. Á laugardegi var
fundi fram haldið og síðan gert
hlé á sunnudeginum til þess að
kennarar gætu haldið baráttufund
í Broadway. Þar mun samninga-
nefndin hafa fengið það vega-
nesti, að ekki mætti semja að
nóttu til, þannig að ekki stóðu
vonir til að gengið yrði frá samn-
ingum aðfaranótt mánudags, eftir
að þau fyrirmæli höfðu verið gef-
in. Það var því ekki fyrr en í
fyrradag sem raunverulega lá fyr-
ir leyfi kennaranna til að ganga
til samninga á mjög svipuðum
grundvelli og lá fyrir þegar síðast-
liðinn föstudag, þó að minniháttar
breytingar hafi verið gerðar á
samningnum yfir helgina og á
mánudag.
„Við viljum leggja eitthvað af
mörkum til þess að lækka lyfja-
kostnaðinn. Við erum fyrst og
fremst í samkeppni við erlend fyr-
irtæki. Samkeppnin hefur gengið
sæmilega, en við teljum að við
getum náð meiri árangri, og þó
lyf frá okkur hafi yfírleitt alltaf
verið eitthvað ódýrari en sambæri-
leg erlend lyf teljum við að með
þessari miklu lækkun sé hægt að
auka söluna á kostnað dýrari er-
lendra lyfja og salan aukist það
mikið að við þurfum ekki að bera
skarðan hlut frá borði," sagði
Guðbjörg Edda.
Hún sagði að fljótlegasta leiðin
til að lækka lyfjakostnaðinn væri
að nota innlend lyf í stað dýrari
erlendra lyfja, en forsenda verð-
lækkunar sem þessarar væri að
markaðshlutdeildin ykist. „Þetta
er auðvitað viss áhætta sem við
tökum, en vogun vinnur, vogun
tapar. Við treystum því að læknar
bregðist vel við og fari að nota lyf
frá fyrirtækinu í auknum mæli.
Við vonumst til að eftir þá um-
ræðu sem farið hefur fram um
lyfjamál séu þeir dálítið meðvitað-
ir um að þeir þurfi að gera eitthvað
til að lækka lyfjakostnaðinn,"
sagði Guðbjörg Edda ennfremur.