Morgunblaðið - 01.04.1987, Blaðsíða 36
.36
MORGUNBLAÐIÐ, MIÐVIKUDAGUR 1. APRÍL 1987
Ástandið á sjúkrahúsunum:
Gerum ekkert sem
veikir samstöðuna
- segja sjúkraliðar á Landspítalanum
„ÉG tek það ekki i mál að lausráða mig. Ég mun ekki gera
neitt sem veikir samstöðuna. Það myndi bara draga þessa deilu
á langinn,11 sagði Bergljót Aðalsteinsdóttir, sjúkraliði á Land-
spítalanum, aðspurð um hvort hún ætlaði að verða við óskum
heilbrigðisráðherra um lausráðningu þar til vinnudeila þeirra
og rikisins leystist.
Bergljót átti ekki von á að
sjúkraliðar myndu verða við
þessum tilmælum ráðherra. Ingi-
björg Aradóttir sjúkraliði sagði
að ríkið hefðu sýnt þeim mikið
skilningsleysi. Ekki hefði verið
rætt við sjúkraliða þó sex mán-
uðir væru liðnar frá því þær
sögðu upp. „Ekkert átti að gera
fyrr en allt er að komast í vand-
ræði,“ sagði Ingibjörg.
Svava Jensdóttir sjúkraliði
sagði að sjúkraliðar hefðu fyrst
fengið upplýsingar um þessa ósk
heilbrigðisráðherra í Morgun-
blaðinu þá um morguninn og
væri ekki búið að hafa samband
við þær. En þær myndu ekki
verða við slíkum tilmælum, þó
þau bærust. „Það má vera að
haft hafi verið samband við fé-
lagið, en það hefur þá verið gert
seint í gærkvöldi," sagði Svava.
Hulda S. Ólafsdóttir, formað-
ur Sjúkraliðafélags íslands,
sagði að stjóm félagsins myndi
ekki hvetja sjúkraliða til að
lausráða sig á spítölunum, en
uppsagnimar væru einstaklings-
bundnar. Hún sagði að margir
sjúkraliðar hefðu komið á skrif-
stofu félagsins í gær og litist
þeim almennt illa á að fara að
lausráða sig nú þegar uppsagn-
imar hefðu tekið gildi.
Morgunblaðið/Júlíus
Svava Jensdóttir, Bergljót Aðalsteinsdóttir og Ingibjörg Aradóttir.
Hrafnista DAS í Hafnarfirði:
Getum ekki útskrifað
fólk sem á heimili hér
- segir Brynhildur Ösk Sigurðar-
dóttir, hjúkrunarforsljóri
Á Hrafnistu í Hafnarfirði,
dvalarheimili aldraðra, eru
þijár hjúkrunardeildir með
88 sjúkrarúmum fyrir lang-
legusjúklinga. Sjúkraliðar
sem þar störfuðu sögðu upp
frá og með deginum í dag
en þeir voru ráðnir í einn
þriðja af 45 stöðugildum
aðhlynningarfólks á hjúk-
runardeildum.
Að sögn Brynhildar Óskar
Sigurðardóttur hjúkrunarfor-
stjóra, verður reynt að halda
deildunum gangandi fram að
næstu helgi með því starfsliði
sem er fyrir hendi. „Við munum
fækka á vöktum og draga úr
allri starfsemi," sagði Brynhild-
ur. „Til dæmis munum við ekki
geta baðað fólkið eða gert neitt
annað aukalega. Ef ekki rætist
úr þá verðum við að athuga
hvort aðstandendur geta tekið
sjúklinganna heim í tvo til þijá
daga og létt þannig á okkur eða
jafnvel að þeir komi hingað og
aðstoði okkur á kvöldin. Þetta
er það sem við ætlum að reyna
að gera fyrstu daganna. Við
getum ekki útskrifað fólk, sem
á heimili hér.“
Brynhildur sagðist ekki gera
ráð fyrir að annað starfsfólk
yrði ráðið í stað sjúkraliðanna
sem sagt hafa upp. Hún sagðist
vonast eftir að deilan leystist
fljótt og er þá reiknað með að
sjúkraliðamir komi aftur til fyrri
starfa.
Hrafnista í Hafnarfirði
Lausn kennaradeilunnar:
Morgunblaðið/Júlíus
Skrifað undir kjarasamning Hins íslenska kennarafélags og fjármála-
ráðuneytisins aðfaranótt þriðjudags. Frá vinstri eru Sigurður
Helgason fulltrúi í fjármálaráðuneytinu, Geir Haarde aðstoðarmaður
fjármálaráðherra, Indriði H. Þorláksson formaður samninganefndar
ríkisins og Kristján Thorlacius formaður HÍK.
Niðurstaða at-
kvæðagreiðslu
væntanleg eft-
ir 2—3 vikur
SAMNINGANEFNDIR Hins íslenska kennarafélags og fjármálaráðu-
neytisins undirrituðu nýjan kjarasamning um klukkan 2.30 aðfaranótt
þriðjudagsins. Verkfalli HÍK var jafnframt frestað og hófst skólastarf
í þeim skólum sem verkfallið náði til þegar á þriðudagsmorgun. Undir-
búningur að atkvæðagreiðslu um samninginn er hafinn en ekki er
búist við að niðurstaða atkvæðagreiðslunnar liggi fyrir fyrr en eftir
2-3 vikur. Þeir aðilar sem Morgunblaðið ræddi við í gær, treystu sér
ekki til að bera þennan samning saman við ASÍ- samningana, sem
gerðir voru í desember s.I.
Samningurinn, sem gildir frá 1.
febrúar, er til tveggja ára og skiptist
í 4 kafla. Fyrsti kaflinn nefnist Um
launatöflu og þar er launum kennara
skipt í 19 flokka, frá 136. flokki í
154. flokk. Hver flokkur skiptist í 7
þrep eftir prófaldri. Lægstu laun í
1. þrepi 136. launaflokks eru sam-
kvæmt samningnum 37.704 krónur
en í þeim flokkum sem flestir fram-
haldsskólakennarar eru, 138. og 139.
flokki, eru launin frá 40.000 krónum
í 1. þrepi í 53.649 í 7. þrepi eftir
18 ára prófaldur. Hæstu laun sam-
kvæmt þessari töflu eru 83.584
krónur í 154. flokki 7. þrepi. 3%
munur er á milli launaflokkanna.
Þessi launatafla hækkar um 1,5%
1. júní og 1. október.
Annar kafli samningsins heitir Um
framhaldsskóla og samkvæmt þeim
kafla hækka flestir réttindakennarar
um 5 launaflokka fram til 1. febrúar
árið 1988 en réttindalausir kennarar
hækka um 3 flokka. Fyrsta hækkun-
in er miðuð við 1. febrúar síðastliðinn
en þá fá framhaldsskólakennarar
með réttindi hækkun um 2 flokka
en aðrir eins flokks hækkun. 1. sept-
ember hækka laun um einn flokk,
aftur 1. desember og 1. febrúar 1988
hækka réttindakennarar um flokk.
Þessa launaflokkahækkun meta
kennarar, samkvæmt heimildum
Morgunblaðsms, um 13-14% á árs-
grundvelli. í þeim tveggja ára
samningum sem ríkið hefur gert við
aðilarfélög launamálaráðs háskóla-
menntaðra ríkisstarfsmanna hafa
verið ákvæði um endurskoðun á
starfsheitum og röðun í starfsheiti
sem hefur haft launahækkun í för
með sér. Þar hafa þó sjaldnast verið
ákvæði um beina launaflokkahækk-
un eins og hjá kennurum og meta
þeir þá hækkun sem þeir fengu með
þessum hætti meiri en aðrir hafa
fengið.
Stigatafla til röðunar í launaflokka
breytist 1. september 1987 og 1.
september 1988 verður kennslu-
skylda framhaldsskólakennara 25
kennslustundir hafi hann 10 ára
kennsluferil að baki og 24 stundir
með 15 ára kennsluferil.
Þriðji kafli samningsins nefnist
Um grunnskóla. Þar eru sambærileg
ákvæði um launaflokkahækkun og
hvað varðar framhaldsskólakennara.
Einnig er ákvæði um að kennslu-
skylda grunnskólakennara verði 29
stundir frá 1. september og sérstakt
ákvæði um að eftir þriggja mánaða
prófaldur taki grunnskólakennari
með B.ED próf frá Kennaraháskóla
íslands laun eigi neðar en samkvæmt
2. launaþrepi sem þýðir 42.000 krón-
ur í lágmarkslaun.
Síðasti kafli samningsins heitir
Ýmis atriði, og er þar fyrst ákvæði
um að hver kennslustund umfram
10 kenndar yfirvinnustundir á viku
jafngildi einni klukkustund í yfir-
vinnu en áður jafngilti hún 1,4
yfirvinnustundum. Þá er ákvæði um
persónuuppbót sem frá 1. desember
eigi að vera 28% af launum í fyrsta
þrepi í 138. launaflokki eða 11.200
krónur. Þá er ákvæði um rauð strik
1. maí og 1. september 1987 og skal
launanefnd tveggja fulltrúa frá HÍK
og fjármálaráðuneyti fylgjast með
breytingum verðlags. Síðan er
ákvæði um að ef almennar launa-
hækkanir árið 1988 verði umfram
það sem samningurinn kveður á um
geti HÍK krafíst endurskoðunar á
launalið.
Að lokum er ákvæði um að samn-
ingnum fylgi samkomulag um
endurskoðun á vinnutilhögun og
launakerfi kennara. Verði meirihluti
nefndar þeirrar, sem falið er að vinna
það verk, sammála um heildartillögur
verða teknar upp viðræður um kjara-
samninga á grundvelli þeirra. Náist
samningar ekki innan mánaðar frá
því að tillögumar liggja fyrir, eða
1. nóvember 1987, getur HÍK sagt
upp samningnum miðað við mánaða-
mót með 15 daga fyrirvara, þó ekki
fyrr en uppsögn taki gildi 1. janúar
1988.