Morgunblaðið - 01.04.1987, Blaðsíða 63

MORGUNBLAÐIÐ, MIÐVIKUDAGUR 1. APRÍL 1987
63
Þýðir ekkert að fela sig á
bak við grunnlaun byrjandans
Kæri Velvakandi.
Nú þegar þetta er ritað höfum
við framhaldsskólanemar verið
kennaralausir í tvær vikur. Kennar-
ar virðast ekkert ætla að gefa eftir
af sínum fáránlega háu kröfum og
allt stefnir í óefni. Að gefnu tilefni
langar mig til að varpa fram tillögu
Gef nánari
upplýsingar
um Toe Nou
Líney Laxdal skrifar:
Ég sé um að dreifa franska
blaðinu Toe Nou hérlendis. Toe
Nou er franskt blað sem kemur
út 12 sinnum á ári og hefur
áhuga á að birta bréf frá íslensk-
um unglingum. Þeir sem skrifa
fá send þau blöð sem bréf þeirra
birtast í.
Þeir sem hafa áhuga á að fá
nánari upplýsingar um blaðið
geta því haft samband við mig.
Heimilisfangið er:
Líney Laxdal
Túnsberg
601 Akureyri
Einnig vil ég hvetja sem flesta
til þess að skrifa blaðinu en
heimilisfang þess er:
TOE NOU
16190 Montmoreau
FRANCE
einni sem hefur verið að kitla mig
undanfarið. Alkunna er að kennarar
eru á fullu kaupi þá þtjá mánuði á
ári sem er þeirra „sumarfrí". Hvern-
ig væri nú að þjóðnýta allt þetta
ónýtta vinnuafl? Taka ætti kennara
í þegnskylduvinnu strax að loknum
vorverkum skólanna. Fylla mætti
þau skörð sem myndast í stofnunum
og víðar, þegar almennir launþegar
fara í sitt örfárra vikna frí, með
kennurum. Þar myndu þeir starfa
í þágu þjóðfélagsins eflaust með
glöðu geði og snúa svo alsælir til
starfa að hausti. Þeir hafa ekkert
þarfara að gera yfir sumartímann.
Það þarf enginn að segja sæmilega
skynsömu fólki að meirihluti kenn-
ara verji sumrinu í „endurmenntun-
arnámskeið". Það er án alls vafa
algjör kjaftaþvæla. Ef það væri
rétt væru gæði kennslunnar löngu
komin fram úr öllu hófi. Að sjálf-
sögðu fengju kennarar ekki krónu
greidda aukalega fyrir þetta fram-
tak, því meðallaun þeirra virðast
vera í kringum 72—74.000 krónur,
þrátt fyrir einhveijar draugasögur
um rétt rúmar 30 þúsundir. Það
þýðir ekkert að fela sig á bak við
grunnlaun byijandans. í öllum
stéttum er það þannig að byijand-
inn fær lægst laun. Ég vil beina
þeim tilmælum til ráðamanna að
taka þessa hugmynd til gagngerrar
athugunar því þetta er vel fram-
kvæmanlegt og sjálfsagt. Að
lokum, kennarar: snáfist nú aftur
til starfa og skammist ykkar. Það
verður aldrei gengið að kröfum
ykkar í núverandi mynd.
Fórnarlamb kennaraverkfalls
Getur reynst dýrkeypt að
kvarta undan gölluðum vörum
Ágæti Velvakandi.
Við urðum fyrir nokkuð sérkenni-
legri reynslu nú í vikunni, kona
mín og ég. Rita ég þessar línur til
að vara þá við, sem kynni að detta
í hug að kvarta undan gölluðum
vörum á næstunni. Það gæti reynst
þeim dýrkeypt.
Þriðjudaginn 24. marz sl. keypti
kona mín svarta ECCO-skó hjá
Skóverzlun Þórðar Péturssonar,
Kirkjustræti 8, Reykjavík, og ætti
það vart að vera í frásögur fær-
andi. Þóttu henni skómir þægilegir,-
svo hún ákvað að fara í þá á staðn-
um. Um kvöldmatarleytið, þegar
hún fór úr skónum, sá hún að sokk-
ar hennar voru orðnir svartir, höfðu
litast af nýju skónum. Reyndi hún
ýmis ráð til að ná litnum úr, án
árangurs, og var ekki beint sátt
við. Hér var um svokallaðar sjúkra-
buxur að ræða og því verulega
dýrari en venjulegar sokkabuxur.
Fimmtudaginn 26. marz, í há-
deginu, fórum við niður í Kirkju-
stræti og bárum fram kvörtun. Var
okkur kurteislega sagt, að slík mál
væri ekki hægt að afgreiða þar, við
yrðum að fara í Skóverzlun Þórðar
Péturssonar, Laugavegi 95, og
ræða við verzlunarstjórann. Við
þangað. Verzlunarstjórinn reyndist
ekki við, en kona nokkur í verzlun-
inni sagði að það væri alveg eins
hægt að tala við sig. Kona mín bar
fram kvörtun sína, sýndi sokkabux-
umar, og óskaði eftir að verzlunin
greiddi henni andvirði sokkabuxn-
anna eða veitti samsvarandi afslátt
af skónum. Svarið var stutt og ein-
falt: Það væri mjög algengt að nýir
skór lituðu frá sér til að byija með
og það yrði enginn afsláttur veitt-
ur. Kona mín leyfði sér að nefna
að hún hefði nú átt nokkra tugi
skópara um ævina, en ekkert þeirra
hefði gefið frá sér lit nema þessir
ECCO-skór. Ég vogaði mér að
skjóta inn í að ef svo væri að þess-
ir skór gæfu frá sér lit, væri það
lágmark að verzlunin segði frá því,
þegar þeir væm keyptir. Konan í
verzluninni ítrekaði að það væri
algengt að skór lituðu, t.d. rauðir
sagði hún, og það yrði ekki um
neinn afslátt að ræða. Þegar hér
var komið var konu minni farið að
hitna í skapi, hafði orð á að sér
þættu þetta einkennilegir viðskipta-
hættir og að hún mundi hafa
samband við lögfræðing út af þessu
máli. Svar konu í verzlun: „Og
Neytendasamtökin endilega líka.“
Og þar með gengum við út.
Þóttu mér þessar mínútur í verzl-
uninni all athyglisverðar, en þegar
til kom reyndist meira í vændum.
Þannig vildi til að það hafði verið
laust bílastæði beint á móti verzlun-
inni. Gengum við út í bíl og ég tók
af stað. Stuttu síðar gefur lögreglu-
þjónn á mótorhjóli mér stöðvunar-
merki, spyr hvort ég hafí verið niður
á Laugavegi (já), biður um ökuskír-
teini og skoðunarvottorð. Ég spurði
hvort eitthvað væri að eða hvort
ég hefði brotið eitthvað af mér. Ég
var beðinn um að bíða smástund,
það muni upplýsast fljótlega. Litlu
síðar rennir að hvítur Volvo með
tveimur lögregluþjónum í og ég
beðinn að koma yfir í hann. Mér
til nokkurrar undrunar var ég
spurður hvort ég hefði verið að
drekka eða væri undir áhrifum
lyfja, sem ekki var. Var mér rétt
blaðra að blása í og að því loknu
beðinn afsökunar á óþægindunum.
Sagði ég það sjálfsagt, enda menn-
imir allir kurteisir í framkomu á
allan hátt.
Þegar hér var komið taldi ég
orðið tímabært að fá að vita fyrir
hvað eða hversvegna ég hafði verið
stöðvaður. Jú, það hafði verið hringt
í lögregluna og látið vita um ein-
kennilegt aksturslag bifreiðarinnar
á Laugavegi.
Ég skal játa, að þetta olli mér
nokkrum heilabrotum um tíma, því
ég treysti mér til að fullyrða að
ekkert var að akstrinum á Lauga-
vegi. Enda aðeins ekið frá Lauga-
vegi 95 niður á Barónsstíg og
hádegisumferð á fimmtudegi gefur
ekki mikla möguleika á einkenni-
legu aksturslagi þennan spöl. Að
lokum lá svarið í augum uppi, sá
eini sem gat hafa hringt var konan
í verzluninni, eða einhver starfs-
maður þar. Er þar greinilega komin
fram ný aðferð til þess að afgreiða
viðskiptavini sem voga sér að bera
fram kvörtun.
Nú kann satt að vera að skór
þeir sem konan í verzluninni fær
sér liti hennar sokka. Á hinn bóginn
spurði ég 14—15 manns um þeirra
reynslu í þessum efnum. Af þessum
fjölda mundi einn maður eftir svip-
uðu tilfelli fyrir u.þ.b. 20 árum, ein
kona eftir tilfelli fyrir 10—12 árum
og önnur kona hafði lent í svona
tilfelli fyrir stuttu en þar voru
skómir bara endurgreiddir. Eða
eins og konan í verzluninni orðar
það: Það er mjög algengt að nýir
skór liti frá sér.
Að lokum þakka ég Skóverzlun
Þórðar Péturssonar fyrir ánægjuleg
viðskipti og ekki síður fyrir kennslu-
stund í verzlunarháttum sem ég
hreinlega hafði ekki hugmynd um
að væru til. Lárus Fjeldsted
Ég þakka öllum, sem hylltu mig á áttrœÖis-
afmceli mínu, þann 16. mars, með heimsókn-
um, gjöfum og heillaóskaskeytum.
Guð blessi ykkur öll.
Ingimundur Guðmundsson,
Hringbraut 1, Hafnarfirði.
IMámskeið
Námskeið eru haldin í
stjörnukortagerð (Esoteric
Astrology), þróunarheim-
speki og sálarheimspeki.
Stjörnukortarannsóknir,
sími 686408.

Til fermingargjafa
Glæsilegt borðskraut.
Svanapör úr messing.
SKÓLAVÖRÐUSTÍG 6,
SÍMI 13469.

285
ASKRIFENDUR
AÐEINS EITT
SfMTAL
691140 691141
Með einu símtali er hægt að breyta innheimtuað-
ferðinni. Eftir það verða áskriftargjöldin skuldfærð á
viðkomandi greiðslukortareikning manaðarlega.