Morgunblaðið - 13.12.1979, Blaðsíða 29

MORGUNBLAÐIÐ, FIMMTUDAGUR 13. DESEMBER 1979 29
Ámundi Loftsson:
Spilum hina hlið vinstri
stjórnar plötunnar
Nú hefur kallinu til þjóöarinn-
ar verið svarað og þjóðin sagði:
„Við viljum vinstri stjórn." Ekki
get ég leyft mér að halda því
fram að svar þetta hafi verið í
ógáti gefið, þó að óneitanlega ég
hafi orðið var við óánægju í
röðum vinstri manna, sem gengu
að því vísu að nú fengju þeir að
berja á íhaldinu fyrir alvöru. Nú
hefur þjóðin snúist gegn þeim og
segir: „Þið eruð bestir, þið eigið
að stjórna landinu." Og nú er
bara að vinstri öflin hafi náð
þeim þroska að geta komið sér
saman um hlutina. Það færi
betur.
Með bætt kjör
að vígorði
Við verðum að gá að því að
staðan hjá okkur smælingjunum
hefur sjaldan verið betri. Guð-
mundur J. er kominn á þing, og
bíður þess nú eins að bera á
okkur auðvaldsgróðann. Það
væri bæði synd og skömm ef
þetta tækifæri yrði frá honum
tekið, eftir alla hans baráttu í
þágu hins stritandi lýðs.
Já, þeim er sko ekki fisjað
saman G.J. Guðmundssyni og Co,
nú hafa þeir frestað kjaramála-
ráðstefnunni hjá A.S.Í. fram yfir
áramót (þ.e. fram yfir stjórn-
armyndun) til þess eins að geta
sett vinveittri vinstristjórn (ef af
verður) með bætt kjör að vígorði
hærri og strangari kröfur „um
mikið kaup og minni vinnu“, ekki
sláum við hendinni á móti því.
Veitir ekki aí
leiítursókn
Framsóknarmenn ætla að ná
niður verðbólgunni í áföngum,
skrefum eða einhvern veginn
allavega. En mér segir svo hugur
um, að ef þetta verður eins og
venjulega með vinstri stjórnir,
að meðalaldur þeirra fari lækk-
andi eftir því sem þeim sjálfum
fer fjölgandi, að vegna tíma-
skorts mun ekki veita af „leiftur-
sókn“ ef þeir vilja geta slegið sér
á brjóst yfir einhverjum árangri
í þeim efnum.
Nú verðið þið framsóknar-
menn og kommúnistar að fyrir-
gefa krötum brotthlaupið og
kippa þeim innbyrðis, enda hafa
þeir vonandi lært af rassskell-
ingunni. Og lofið þeim nú að hafa
svolítið af dótinu í næsta „sand-
kassaleik" eins og Lúðvík kallaði
síðasta ríkisstjórnarsamstarf.
(Eitt ættuð þið svo að gera, og
það er að samþykkja fjárveitingu
til byggingar á stórum róluvelli
handa ykkur svo að stjórnarráðið
þurfi ekki að verða ykkar sand-
kassi um alla framtíð.)
Kannski svolítið
hallærislegt
Jæja, en allt um það, nú hefur
íhaldinu verið hafnað endanlega
(eða í bili allavega) og veitir nú
ekki af að láta hendur standa
fram úr ermum, því að reynslan
sýnir að tíminn er naumur og vél
má á málum halda ef vegur
ykkar á að aukast og traust
þjóðarinnar að haldast. Við
krata segi ég, að ef þið ekki getið
starfað með framsóknarmönnum
og kommúnistum, þá stendur
flokkur ykkar ekki undir merki
sem sósíaldemókratískur flokk-
ur. Þó það sé kannski svolítið
hallærislegt að hafa hlaupið í
burtu, komið svo aftur, eða verið
sóttir eða hvernig sem þið viljið
hafa það, þá hafið þið kannski
náð þeim árangri sem þið þurft-
uð „að kommar, þessi óbilgjörnu
hrekkjusvin og frekjudallar, taki
nú meira tillit til ykkar."
Ámundi Loftsson.
Það þurfið þið að fá reynt á. Ég
persónulega trúi því að þið hafið
nú aðeins hægt á þeim. Kannski
er þetta upphafið á einum öflug-
um vinstri flokki. Hvers getið þið
óskað ykkur frekar?
Bjargráðastjórn
með góðan ásetning
Ég vil líka beina þeim tilmæl-
um mínum til ykkar framsókn-
armanna og kommúnista að þið
svíkið ekki stærsta kosningalof-
orðið og komið nú með vinstri-
bjargráðastjórn með góðan
ásetning. Þið hafið fengið umboð,
eða öllu heldur kröfu um að
standa við það.
Til hinna sem eru fúlir yfir að
fá ekki að berja á sjálfstæðis-
mönnum í ríkisstjórn, er það að
segja að eina raunhæfa leiðin til
þess er sú að gefa þeim umboð til
ríkisstjórnar með atkvæði í Al-
þingiskosningum. („Þið kannski
gerið það næst.“)
Reykjadal,_10. des. 1979,
Ámundi Loftsson.
Ensk jóla-
messa á
sunnudaginn
ENSK jólaguðsþjónusta
verður haldin í Hall-
grímskirkju kl. 16 næst-
komandi sunnudag kl. 16,
eins og venja hefur verið
undanfarin ár. Prestur
verður sr. Jakob Jónsson og
eru allir velkomnir.
Ný íslenzk
ástarsaga
ÚT ER komin hjá bókaútgáfunni
Skjaldborg á Akureyri önnur
bók Guðbjargar Hermannsdóttur
húsmóður þar nyrðra, og nefnist
hún Krókaleiðir ástarinnar.
Fyrri bók Guðbjargar, Allir þrá
að elska. kom út á síðasta ári.
Þessi nýja bók Guðbjargar fjall-
ar um ástir og örlög fólks á
hernámsárunum á íslandi, og ger-
ist bæði í borg og sveit.
rj-*-.-'-',V
Oddný Guömundsdóttir:
SÍÐASTA BAÐSTOFAN
I þessari raunsönnu sveitalífsfrá-
sögn fylgist lesandinn af brennandi
áhuga meö þeim Dísu og Eyvindi,
söguhetjunum, meö ástum þeirra og
tilhugalífi, með fátækt þeirra og bú-
hokri á afdalakoti, frá kreppuárum til
allsnægta velferöarþjóöfélags eftir-
stríðsáranna. Hér kynnumst viö heilu
héraði og íbúum þess um hálfrar
aldar skeið - og okkur fer að þykja
vænt um þetta fólk, sem við þekkjum
svo vel aö sögulokum. Við gleymum
því ekki.
Verð kr. 9.760.
Frank G. Slaughter:
DYRDAUÐANS
Nýjasta læknaskáldsagan eftir hinn
vinsæla skáldsagnahöfund Frank G.
Slaughter. Þessi nýja bók er þrungin
dulrænni spennu og blossar af heit-
um ástríðum. Skáldsögur Slaughters
hafa komið út í meira en 50 milljónum
eintaka
Verð kr. 9.760.
Jónas Jónasson frá Hofdölum:
HOFDALA-JÓNAS
Þessi glæsilega bók skiptist í þrjá
meginþætti: Sjálfsævisögu Jónasar,
frásöguþætti og bundið mál. Sjálfs-
ævisagan og frásöguþættirnir eru
með því bezta sem ritað hefur verið (
þeirri grein. Sýnishornið af Ijóðagerð
Jónasar er staðfesting á þeim vitnis-
burði, að hann væri einn snjallasti
Ijóðasmiður í Skagafiröi um sína
daga.
Hannes Pétursson skáld og Krist-
mundur Bjarnason fræöimaður á
Sjávarborg hafa búiö bókina undir
prentun.
Verðkr. 16.960.
Friðrik Hallgrímsson:
MARGSLUNGIÐ MAMNLIF
Sjálfsævisaga skagfirzka bóndans
Friðriks Hallgrímssonar á Sunnu-
hvoli sýnir glögglega að enn er í
Skagafirði margslungið mannlíf.
Verð kr. 9.760.
Ken Follett:
NÁLARAUGA
Æsispennandi njósnasaga úr síð-
ustu heimsstyrjöld. Margföld met-
sölubók bæði austan hafs og vestan.
Sagan hefur þegar verið kvikmynd-
uö.
Verð kr. 9.760.
Sidney Sheldon:
BLÓÐBÖND
Þetta er nýjasta skáldsagan eftir
höfund metsölubókanna ,,Fram yfir
miðnætti" og „Andlit í speglinum".
Hér er allt í senn: Ástarsaga, saka-
málasaga og leynilögreglusaga. Ein
skemmtilegasta og mest spennandi
skáldsaga Sheidons. Sagan hefur
verið kvikmynduð.
Verð kr. 9.760.
Ingibjörg Sigurðardóttir:
SUMAR VIÐ SÆINN
Ný hugljúf ástarsaga eftir Ingibjörgu
Sigurðardóttur. Sögur Ingibjargar
njóta hylli almennings á (slandi.
Verð kr. 8.540.
Björn Haraldsson:
LÍFSFLETIR
Ævisaga Ama BJörnaaonar tónakálda
Hér er saga glæsileika og gáfna,
mótlætis og hryggðar, baráttu og
sigra. Þessi bók færir oss enn einu
sinni heim sanninn um það, að
hvergi verður manneskjan stærri og
sannari en einmitt í veikleika og
mótlæti.
Verð kr. 9.760.
BÓKAFORLAG ODDS BJÖRNSSONAR ■ AKUREYRI