Morgunblaðið - 13.12.1979, Blaðsíða 27
MORGUNBLAÐIÐ, FIMMTUDAGUR 13. DESEMBER 1979
27
50 f órust
í jarð-
skjálfta
BoKota, 12. des. AP. Reuter.
AÐ MINNSTA kosti 50 fórust og
yfir 200 slösuðust í öflugum
jarðskjálfta í landamærahéruð-
um Kólumbiu og Ecuador. Fjöldi
húsa eyðilagðist í suðvesturhluta
Kólumbiu. Sterkasti skjálftinn
mældist 8,1 stig á Richter-
kvarða, en alls urðu skjálftarnir
þrir.
Upphaf skjálftanna reyndist
vera í 320 kílómetra fjarlægð í
norðurátt frá Quito, höfuðborg
Ecuador, og 640 kílómetra vestur
af Bogota, höfuðborg Kólumbíu.
Mikil skelfing greip um sig
þegar skjálftarnir riðu yfir um
klukkan þrjú að nóttu að staðar-
tíma, eða klukkan átta að íslensk-
um tíma. Eyðilögðust 70% húsa í
borginni Charcoa, en þar stóðu
flest húsin á stiklum úti í vatni.
Fyrir þremur vikum fórust í
Kólumbíu 44 og yfir 500 slösuðust
í skjálfta er mældist níu stig á
Richter-kvarða.
I STUTTU MALI
Hækkar Nígeria
olíuna?
Ncw York, 12. desember. AP.
SAMKVÆMT áreiðanlegum
heimildum í dag skýrðu
stjórnvöld í Nígeríu helztu
olíukaupendum frá því að
hugsanlega hækkaði hráolía í
verði um áramótin og fatið af
olíu af beztu gerð yrði selt á 30
dollara. Það yrði 30% hækkun
á núverandi markaðsverði
OPEC, en Nígería er einn
stærsti framleiðandinn innan
bandalagsins. Kunnugir segja
að búast megi við álíka hækk-
un á fundi OPEC í næstu viku.
Eldur í olíustöð
S»n Ju»n, 12. desember. AP.
SPRENGING varð í hinni
risastóru Corco-olíuhreinsun-
arsamstæðu í nótt og var
mikið eldhaf á svæðinu í dag.
Tíu manns slösuðust í spreng-
ingunni, sumir alvarlega.
Eyðilagðist ein hreinsunar-
stöð og tvær skemmdust mik-
ið. Ekki er vitað af hvaða
völdum sprengingin varð en
grunur leikur á að þjóðernis-
sinnaðir öfgahópar hafi átt
hlut að máli. Skemmdirnar
hafa verið áætlaðar a.m.k. 40
milljónir dollara eða 16 millj-
arðar króna.
Kínverjar
taka þátt
Gení, 12. descmber. Reuter.
KÍNVERJAR tilkynntu Sam-
einuðu þjóðunum að þeir ætl-
uðu að taka sæti sitt á afvopn-
unarráðstefnu Sþ á næsta
fundi ráðstefnunnar í febrúar.
Sæti þeirra hefur staðið autt
frá því að þeim var boðin aðild
í fyrra vegna stjórnmála-
ágreinings við Sovétríkin.
Ruperez heimtur
úr helju
Madrid. Burgos. 12. desember. AP.
HRYÐJUVERKAMENN
baska létu Javier Rupirez,
þingmann Miðflokksins, laus-
an í morgun eftir að hafa
haldið honum í gíslingu í 31
sólarhring. Var Rupirez við
góða heilsu og aðeins fjórum
klukkustundum eftir að hann
var látinn laus á vegarspotta
nálægt Burgos átti hann fund
með Adolfo Suarez forsætis-
ráðherra og leiðtoga Mið-
flokksins.
KARAMELLU
SAMKEPPMiH
F
O
o
0
Snilldarkarlarnir HATTUR og FATTUR
bjóöa öllum skemmtilegum krökkum á
aldrinum 6-12 ára að taka þátt í sérstakri
KARAMELLUSAMKEPPNI
Hattur og Fattur hafa lofað að verðlauna
tuttugu bestu karamelluuppskriftirnar með
nýju hljómplötunni sinni HATTUR OG
FATTUR KOMNIR Á KREIKen þaraðauki fá
verðlaunahöfundar bestu uppskriftanna
risapoka með alvöru karamellum frá NÓA.
Reglurnar í Stóru karamellusamkeppninnl
eru þessar:
1. Skrifaðu góða karamelluuppskrift á
blað. (Pabbi og mamma mega hjálpa
þér).
2. Skrifaðu nafnið þitt, heimilisfang og
símanúmer á blaðið.
Litaðu mynd af vagninum þeirra Hatts
og Fatts og sendu hana til okkar.
4. Klipptu auglýsinguna út úr blaðinu, og
sendu hana til okkar fyrir þann
20. desember næstkomandi.
5. Heimilisfangið er:
Stóra Karamellusamkeppnin
Hattur og Fattur
Pósthólf: 5266
Reykjavík
Þeir, sem velja svo bestu uppskriftirnar
eru þeir Hattur, Fattur, Haraldur Skrípla-
pabbi og karamellusérfræðingur frá Síríus og
Nóa.
Athugiöl
Þessi samkeppni er stranglega bönnuð
fullorðnu fólki!
slsincir hf