Dagblaðið Vísir - DV - 27.05.1998, Blaðsíða 23
MIÐVIKUDAGUR 27. MAÍ 1998
Fréttir
Fráfarandi bæjarstjóri á Húsavík:
Fer vonandi að takast
á við spennandi verkefni
33 V
Grímsey:
Oddvitinn
endurkjör-
inn
DV, Akureyri:
Þorlákur Sigurðsson, oddviti í
Grimsey, hlaut flest atkvæði í
kosningunum þar en kosningin var
óhlutbundin. Þorlákur hlaut 34 at-
kvæði en einnig voru kjörin í
hreppsnefnd Ragnhildur Hjalta-
dóttir með 26 atkvæði og Gylfi
Gunnarsson með 13 atkvæöi.
Stórsigur F-lista
F-listinn í Eyjaflarðarsveit fékk
5 menn kjörna og E-listinn 2 en
miklar mannabreytingar verða í
sveitarstjórn. Þeir sem hlutu kosn-
ingu eru Hólmgeir Karlsson, Reyn-
ir Björgvinsson, Valdimar Gunn-
arsson, Dýrleif Jónsdóttir, Arn-
björg Jóhannsdóttir, Aðalheiður
Harðardóttir og Jón Jónsson.
Hrísey
Tveir listar voru í kjöri, H-listi,
sem fékk 3 menn kjörna, og U-listi
sem fékk tvo. Sveitarstjórnarmenn
þar eru Narfi Björgvinsson, Krist-
inn Árnason, Þórunn Amórsdóttir,
Þorgeir Jónsson og Smári
Thorarensen.
Grýtubakkahreppur
í Grýtubakkahreppi var óhlut-
bundin kosning og hlutu eftirtaldir
kosningu: Sigurður J. Ingólfsson,
121 atkvæði, Þórður Stefánsson,
119, Jenný Jóakimsdóttir, 105,
Sveinn Sigtryggsson, 43, og Bene-
dikt Sveinsson, 34. -gk
Sandgerði:
Hreinn meiri-
hluti K-lista
DV, Suðurnesjum:
í Sandgerði var óbreytt staða frá
síðustu kosningum. Þar nýtur K-list-
inn mikils fylgis og er í hreinum
meirihluta með 4 menn af 7. Á bak við
þann lista standa óháðir borgarar og
alþýðuflokksmenn. Sterkar líkur eru
á því að núverandi bæjarstjóri, Sig-
urður Valur Ásbjarnarson, muni
halda áfram enda stendur enginn styr
um hann. Ef tekið er mið af atkvæða-
magni sem K-listinn fær er Sigurður
afar traustur í sessi.
„Þetta er heldur betri staða nú,
miðað við atkvæðafjölda, en í síðustu
kosningum. Fólk hefur verið sátt við
það sem við höfum gert. Ég vil þakka
Sandgerðingum fyrir góðan stuðning
sem hvetur okkur enn til dáða,“ sagði
Óskar Gunnarsson, oddviti K- listans
í Sandgerðisbæ.
-ÆMK
Sami meiri-
hluti áfram á
Blönduósi?
DV, Akureyri:
Flest bendir til þess að meiri-
hluti sjálfstæðismanna og H-lista
vinstrimanna og óháðra á Blöndu-
ósi sem setið hefur fjögur síðustu
árin verði áfram við völd, en
meirihlutinn hélt velli og fékk 5
bæjarfulltrúa kjörna af 7 sem kos-
ið var um.
„Það getur allt gerst í pólitík en
ætli það megi ekki segja að það
séu allar líkur á áframhaldandi
samstarfi okkar og D-listans,
meirihlutinn hélt velli og það er
því ekki óeðlilegt að við tölum
saman um framhaldið," segir Pét-
ur Pétursson, oddviti H-listans, en
í kosningabaráttunni lýstu oddvit-
ar beggja listanna því yfir að
meirihlutasamstarf þeirra hafl
gengið vel á kjörtímabilinu. Nið-
urstaða mun væntanlega fást
varöandi nýjan meirihluta á
morgun.
-gk
DV, Akureyri:
„Ég veit ekki á þessari stundu
hvað tekur við hjá mér en ég fer
að líta í kringum mig eftir nýju
starfi og vonandi líður ekki á
löngu þar til ég fer aö takast á við
spennandi verkefni," segir Einar
Njálsson sem verið hefur bæjar-
stjóri á Húsavík sl. átta ár.
í kosningabaráttunni lýstu tals-
menn Húsavíkurlistans því yfir að
þeir myndu ekki endurráða Einar
kæmust þeir til valda og þeir hafa
ítrekað það eftir aö úrslitin lágu
fyrir. Starf bæjarstjórans verður
því auglýst laust til umsóknar á
næstunni.
„Auðvitað er það sérkennileg
staða sem bæjarstjórar leggja sig í
á fjögurra ára fresti en það er svo
skrýtið, miðað við það öryggis-
leysi sem fylgir þessu starfi, að
það eru alltaf til nógu margir
menn sem vilja taka þessi störf að
sér. Sjálfur sé ég ekkert að því að
breyta til núna, ég hef næga starfs-
orku og mikla reynslu sem von-
andi mun nýtast mér í nýju
starfi,“ segir Einar Njálsson.
-gk
FjðrmagnstGhjur
uian sMgiellslu
GREINARGERÐ 1998
| furif hvGrJa er greinargerfiin? | Hverjir þuría ehhi afl sKila?
Ýmis félög, sjóðir og stofnanir njóta und-
anþágu frá almennri skattlagningu sam-
kvæmt 4. gr. laga nr. 75/1981 um tekju-
skatt og eignarskatt, þ.e. þeim er hvorki
gert að greiða tekjuskatt né eignarskatt.
Þessi undanþága nær ekki til skatts á fjár-
magnstekjur að því marki sem um er að
ræða vaxtatekjur, arð og söluhagnað af
hlutabréfum. Af þessum tekjum ber að
greiða 10% tekjuskatt. Með vaxtatekjum
er átt við vexti, verðbætur, afföll og
gengishagnað.
Hér er um að ræða fyrirtæki og stofnanir í
eigu ríkis og sveitarfélaga, líknarfélög og
önnur félög, stofnanir og sjóði sem ekki
reka atvinnu og þá sem undanþegnir eru
almennri skattlagningu samkvæmt sér-
lögum. Skylda til að greiða skatt af áður-
nefndum fjármagnstekjum nær til þeirra
sem taldir eru upp í 2., 3., 5., 6. og 7.
tölulið 4. gr. laga nr. 75/1981.
Hafi félag/stofnun ekki aðrar fjármagns-
tekjur en arð eða staðgreiðsluskyldar
vaxtatekjur og hafi staðgreiðsla verið rétti-
lega ákvörðuð og haldið eftir af þeim tekj-
um, teljast það fullnaðarskil. Þarf þá ekki
að skila greinargerð um fjármagnstekjur.
| llvnijii Duifa ao sHila?
Sé um að ræða gengishagnað eða vaxta-
tekjur af kröfum í eigin innheimtu eða aðr-
ar vaxtatekjur eða arð sem ekki hefur verið
skilað staðgreiðslu af, ber að gera grein
fyrir þeim á Greinargerð um fjármagnstekj-
ur, RSK 1.07 og greiða 10% tekjuskatt af
þeim tekjum eftir álagningu. Einnig ef um
er að ræða hagnað af sölu hlutabréfa.
| Hvenæi á afl sKila?
Greinargerð um fjármagnstekjur RSK 1.07,
skal skila til skattstjóra eða umboðs-
manns hans í síðasta lagi 31. maí. Hægt
er að sækja um viðbótarfrest til 22. júní.
Allar nánari upplýsingar er hægt að fá hjá skattstjórum og ríkisskattstjóra.
RSI<
RÍKISSKATTSTJÓRI
RSK 01-98