Morgunblaðið - 04.03.1998, Side 12
12 MIÐVIKUDAGUR 4. MARZ 1998
MORGUNBLAÐIÐ
Hagkaup og Bónus íhuga
kaup á brauðverksmiðju
„Markaðurinn
mjög virkur“
FORSVARSMENN Myllunnar
segja fréttir af því að Hagkaup og
Bónus hyggist kaupa brauðverk-
smiðju vera sönnun þess að þessi
markaður sé mjög virkur hér á
landi.
Kolbeinn Kristinsson, fram-
kvæmdastjóri Myllunnar, segir for-
svarsmenn fyrirtækisins hafa komið
þessari skoðun á framfæri við Sam-
keppnistofnun áður en það dæmdi
kaup Myllunnar á Samsölubrauðum
ólögmæt. Samkeppnistofnun hafi
hins vegar komist að annarri niður-
stöðu eins og fram hafi komið í úr-
skurði þess. „Petta eru aðilar sem
hafa reynslu af því að reka fram-
leiðslufyrirtæki," segir Kolbeinn.
„Þeir hafa rekið gosverksmiðju,
saumastofu og kjötvinnslu og þetta
sannar bara að þessi markaður get-
ur séð um sig sjálfur.“
Málið á frumstigi
Jóhannes Jónsson, framkvæmda-
stjóri Bónus, staðfestir að verið sé
að skoða þetta mál þó það sé enn á
frumstigi. „Við viljum vita hvernig
markaðurinn er og hvað svona fyr-
irtæki kosta þar sem við reiknum
allt eins með því að Samsölubakarí
fari aftur í sölu,“ segir hann. „Þetta
er bara frumathugun en það er ekki
útilokað að við förum út í eitthvað
slíkt í samstarfí við Hagkaup. Það
yrði þó aldrei gert nema í samvinnu
við fagmenn."
Jóhannes segir að til séu margar
útgáfur af slíkum tækjum og það
fari eftir því hversu flókin fram-
leiðslan sé hversu mikið þau kosti.
Fari menn aðeins út í fáar tegundir
þurfí það ekki að verða mjög dýrt.
Jóhannes segist ekki hafa sterkar
tilfinningar til Myllumanna en Kol-
beinn hefur haldið því fram að af-
sláttur brauðframleiðenda til stór-
markaða hafi ekki nýst neytendum.
„Ég get alveg sagt það að þessi
stóru orð hafa farið í taugarnar á
mönnum,“ segir Jóhannes. „Ég skil
ekki að menn ætli sér að halda
áfram viðskiptum við fyrirtæki ef
þeir úthúða þeim opinberlega og
væna þau um alls konar aðferðir í
viðskiptum.“
Formannsskipti í Neytendasamtökunum
Drífa hættir
DRÍFA Sigfúsdóttir, formaður
Neytendasamtakanna, lét bóka á
framkvæmdastjórnarfundi í gær að
hún myndi ekki sækjast eftir áfram-
haldandi formennsku í samtökun-
um. Jón Magnússon, varaformaður
samtakanna, ætlar að bjóða sig
fram, en tekur fram að ef frambæri-
legum maður sem almenn sátt er
um býður sig fram muni hann ekki
standa í vegi fyrir kjöri hans.
Drífa sagði að þrýst hefði verið
fast á sig fyrir tveimur árum að
taka þetta starf að sér og hún hefði
ekki hugsað sér að gegna því lengi.
Aðspurð neitaði hún því ekki að þær
deilur sem verið hefðu innan Neyt-
endasamtakanna ættu hér einhvern
hlut að máli. Það væri ekki eins
skemmtilegt að starfa í félagsmál-
um þegar allur krafturinn færi í að
deila við samstarfsmennina. Það
gæti eins verið rétt að hleypa nýjum
mönnum að þegar deilur væru milli
manna. Það sem væri þó meginat-
riðið væri að hún hefði sjálf áhuga á
að verja tíma sínum í aðra hluti.
Segir rnargl hafa áunnist
Drífa sagðist telja að margt hefði
áunnist í neytendamálum á síðustu
tveimur árum. Neytendasamtökin
störfuðu núna eftir nýjum lögum,
sem byrjað hefði verið að starfa eft-
ir fyrir tveimur árum og hún sagðist
telja að gera þyrfti vissar breyting-
ar á þeim í ljósi reynslunnar. Verið
væri að skoða þessi mál þessa dag-
ana með það í huga að leggja fram
breytingatillögur á þingi samtak-
anna í næsta mánuði.
Jón Magnússon, sem lýst hefur
yfir framboði, var formaður Neyt-
endasamtakanna í tvö ár fyrir all-
mörgum árum. Hann er nú varafor-
maður.
FRETTIR
Morgunblaðið/Jón Svavarsson
ELNA K. Jónsdóttir formaður Hins íslenska kennarafélags, Björn Bjarnason menntamálaráðherra, Guð-
mundur Gunnarsson, formaður Rafiðnaðarsambands íslands, og Jón Árni Rúnarsson, skólastjóri Rafiðnaðar-
skólans og Viðskipta- og tölvuskólans, við undirritun samnings um tölvunám fyrir framhaldsskólakennara.
Samið um tölvunám fyrir
framhaldsskólakennara
MENNTAMÁLARÁÐUNEYTIÐ,
Hið íslenska kennarafélag, Kenn-
arasamband íslands, Rafiðnaðar-
skólinn og Viðskipta- og tölvuskól-
inn hafa gert með sér samning um
tölvunám fyiir framhaldsskóla-
kennara, sem ætlað er að tryggja
þeim er námið sækja undirstöðu-
þekkingu á sviði tölvu- og upplýs-
ingatækni. Rafiðnaðarskólinn mun
annast kennsluna og verður 36
kennurum boðið að taka þátt í
náminu. Kostnaður er 2,8 milljónir
sem menntamálaráðuneytið mun
leggja fram.
Samningurinn er tilraunaverk-
efni og liður í framkvæmd stefnu
menntamálaráðuneytisins um upp-
lýsingasamfélagið sem sett var
fram í ritinu I krafti upplýsinga.
Boðið er upp á tvær námsbrautir
og er önnur tölvu- og kennsluum-
hverfið, þar sem öll verkefnin eru
tengd kennsluumhverfinu og dag-
legum verkefnum kennara, og hin
brautin er tölvukennarinn, netum-
sjón og rekstur tölvustofu. Skilyrði
fyrir þátttöku kennara í náminu
era að viðkomandi hafi próf í
kennslu- og uppeldisfræði og að
kennarar séu tilbúnir að stunda
námið í frítíma sínum en námið er
metið sem endurmenntun fyrir
kennara og metið til launa sam-
kvæmt því.
Kennarafélögin munu sjá um að
koma upplýsingum til félagsmanna
sinna og mun valnefnd fara yfir
umsóknir og velja kennara til þátt-
töku að uppfylltum ákveðnum skil-
yrðum.
Upphaf að
frekari samskiptum
Björn Bjarnason menntamála-
ráðherra sagði að kennarasamtök-
in hefðu þegar sýnt áhuga á þess-
ari nýju menntun i upplýsinga-
tækni sem er í boði þegar ráðu-
neytið kynnti þeim hugmyndina.
„Vonandi verður þetta upphafið að
frekari samskiptum ráðuneytisins,
kennarasamtakanna og einkaað-
ila,“ sagði Björn. „Hér er verið að
stíga nýtt skref í samvinnu við Raf-
iðnaðarskólann og Viðskipta- og
tölvuskólann sem ráðuneytið hefur
átt góð samskipti við. Að okkar
mati er þetta liður í að innleiða
nýja kennsluhætti með tölvur sem
kennslutæki.“
Einnig brýnt
í grunnskólum
Jón Árni Rúnarsson, skólastjóri
Rafiðnaðarskólans og Viðskipta-
og tölvuskólans, sagði að samning-
urinn hefði sérstöðu sem fælist í að
yfirvöld menntamála hefðu tekið
upp forgangsröðun með því að
kenna fólki að nota verkfærin áður
en þau eru keypt. Sagði hann að
sérstaðan væri einnig sú að fyrsti
fundurinn hefði verið haldinn 12.
janúar og nú væri verið að undir-
rita samning. „Það er virkilega
ánægjulegt að samtök kennara og
menntamálayfíivöld og rafiðnað-
urinn ætla að leggja af stað í fram-
tíðargöngu," sagði hann. „Ef til vill
erum við að gefa boltann upp fyrir
sveitarfélögin með samningnum
fyi’ir framhaldsskólana en þetta er
einnig brýnt verkefni fyrir gi-unn-
skólana sem era í umsjá sveitarfé-
laganna."
Elna Katrín Jónsdóttir, formað-
ur Hins íslenska kennarafélags,
benti á að námið væri mjög vel
skipulagt, sérstaklega fyrir starf-
andi kennara, miðað við þarfir
þeirra og skólanna. „Þarna er mið-
að að því að hjálpa kennuram að
gera tölvuheiminn að ríkari þætti í
skólastarfinu," sagði hún. „Hér er
36 kennuram boðin þátttaka og ég
spái því að það hrökkvi ekki langt.
Þörfin er miklu meiri.“
Eiríkur Jónsson, formaður
Kennarasambands Islands, sagðist
vonast til að sveitarfélögin kæmu
auga á mikilvægi tölvunámsins og
að í framtíðinni yrði hægt að bjóða
grannskólakennurum upp á sama
nám.
í
1
I
t
I
I
Samkomulag um Norðurskautsráðið sagt marka þáttaskil
EINNI helstu fyrirstöðu samstarfs
innan Norðurskautsráðsins var rutt
úr vegi á embættismannafundi, sem
haldinn var í Ottawa í Kanada í
upphafi febrúar. „Með samkomu-
laginu hafa orðið viss þáttaskil og
brautin virðist vera greiðari til þess
að Norðurskautsráðið geti hafið öfl-
ugt starf,“ sagði Ólafur Egilsson
sendiherra í samtali við Morgun-
blaðið.
Á embættismannafundinum í
Ottawb 4. og 5. febrúar var að sögn
Ólafs fjallað um tvö höfuðmál, sem
utanríkisráðherrar aðildarríkja
Norðurskautsráðsins fólu hópnum
að undirbúa; annars vegar starfs-
reglur fyrir ráðið og hins vegar
reglur fyrir starf þess á sviði sjálf-
bærrar þróunar.
Strandaði á
Bandaríkjamönnum
„Það hafði gengið mjög erfiðlega
að ná samkomulagi um starfsregl-
urnar um margra mánaða skeið,“
sagði Ólafur. „Sérstaklega strand-
aði á því hve Bandaríkin vildu veita
áhugamannasamtökum sterka
stöðu sem áheyrnarfulltrúar hjá
ráðinu og horfði óvænlega um þró-
un mála innan ráðsins um skeið af
Leyst úr deilu um aðild
áhugamannasamtaka
þessum ástæðum. Fyrir fundinn
höfðu átt sér stað aðgerðir til þess
að reyna að fá Bandaríkin til að
draga í land og á fundinum náðist
loks samkomulag, sem felur í sér að
áheyrnarréttindi áhugamannasam-
taka, sem í starfsemi sinni snúast
gegn markmiðum ráðsins, verði
felld niður þegar í stað.“
I samræmi við
stefnu íslendinga
Hann sagði einnig að á tveggja
ára fresti gæti hvert einstakt aðild-
arríki ráðsins komið í veg fyrir end-
urnýjun áheyrnarréttinda áhuga-
mannasamtaka eða frjálsra félaga-
samtaka jafnframt þvi sem aðildar-
ríkin, hvert um sig, hefðu fullan rétt
til að hafna umsóknum n.ýrra
áheyrnaraðila. Þeir fengju ekki inn-
göngu nema um algera samstöðu
ríkjanna væri að ræða.
„Þessi niðurstaða er mjög á þá
lund sem íslensku fulltrúarnir höfðu
beitt sér lyi-ir í ljósi bágrar reynslu
sem íslendingar hafa haft af athöfn-
um sumra alþjóðlegra áhugamanna-
samtaka, er hafa beitt sér af lítilli
þekkingu, en stundum töluverðu of-
forsi, gegn mikilvægum hagsmun-
um okkar á sviði nýtingar sjávar-
auðlinda," sagði Ólafur. „Banda-
ríkjamenn vildu að nánast yrði
ómögulegt að fella niður áheyrnar-
réttindi áhugamannasamtaka án
samstöðu.“
Á fundinum náðist, að sögn Ólafs,
einnig fullt samkomulag um reglur
fyrir starf ráðsins að sjálfbærri nýt-
ingu og þróun og þar er kveðið á um
hvernig standa skuli að gerð til-
lagna um verkefni á þessu sviði og
meðferð þeirra áður en þær verða
teknar upp í starfsáætlun ráðsins.
Niðurstöður embættismanna-
fundarins koma fyrir ráðherra að-
ildarríkjanna og þurfa þeir að stað-
festa þær. Þar er hins vegar um
formsatriði að ræða þar sem emb-
ættismennirnir störfuðu í umboði
ráðherranna.
Næsta skref undirbúið
Ólafur sagði að nú þegar þessi tvö
höfuðmál væru leyst lægi næst fyiár
að aðildarríkin undirbyggju tillögur
um verkefni Norðurskautsráðsins
fyrir tveggja ára starfstímabil sem
hæfist á utanríkisráðherrafundi
ráðsins, sem ráðgerður er í Iqaluit í
Norðaustur-Kanada í september.
Þetta verður fyi'sti ráðherrafundur
ráðsins frá stofnun þess í septem-
ber 1996.
Nú era starfandi fjórir vísinda-
hópar á vegum ráðsins og má gera
ráð fyrir að ákvarðanir um verkefni
muni að töluverðu leyti byggjast á
starfi þeirra og tillögum sem af því
munu leiða, en samkvæmt stofnyfir-
lýsingu ráðsins geta öll svið sem
varða norðurslóðir, nema hernaðar-
málefni, komið til kasta þess.
Skrifstofa fyrir vísindahópinn
sem vinnur að vernd lífríkis norður-
slóða er á Akureyri undir stjórn
Snorra Baldurssonar líffræðings.
Islendingar hafa verið hvatamenn
að því að sett verði á fót fastaskrif-
stofa fyrir ráðið þar sem öll aðal-
starfsemin verði til húsa. Að sögn
Ólafs eru uppi hugmyndir um að
velja slíkri sta'ifstofu stað á íslandi.
Magnús Magnússon prófessor
var með Ólafi á fundinum í Kanada.
Hann var formaður í alþjóðavís-
indanefndinni um norðurskauts-
rannsóknir og er ráðunautur utan-
ríkisráðuneytisins um málefni norð-
urslóða.
Norðurskautsráðið er ekki milli-
ríkjastofnun þannig að starfsemin
byggist á frjálsum fjárframlögum.
Ráðið hefur ekki fasta skrifstofu
heldur flyst aðalskrifstofa ráðsins
til með formennskunni á tveggja
ára fresti. Kanadamenn gegna for-
mennsku fram að fundinum í sept-
ember og er óráðið hverjir taka við
af þeim.